FNU - Føroya Náttúru- og Umhvørvisfelag

12/06/2026

🌊 VIT MUGA VERJA HØVINI

Í dag hava sjey umhvørvisfeløg úr Grønlandi, Íslandi, Noregi, Svøríki, Danmark, Álandi og Føroyum sent felags skriv til forkvinnuna í Evropakommissiónini, Ursulu von der Leyen, norðurlendsk fiskimálaráð, limir í Evropatinginum við ábyrgd fyri umhvørvis- og lívmargfeldispolitikki og til aðrar viðkomandi myndugleikar.

Í skrivinum vísa vit á, at ovurfisking og oyðileggjandi fiskiskapur framvegis fara fram í havøkjum, sum skulu eitast at vera vard.

Granskarar vísa ferð eftir ferð á, at sterk havvistfrøði er grundarlagið undir framtíðar fiskivinnu. Tí er vernd av havumhvørvinum ikki bara ein spurningur um náttúru - tað er eisini ein spurningur um matvørutrygd, búskap og hvørja náttúru vit lata komandi ættarliðum.

Skrivið er sent undan COP17-ráðstevnuni um lívmargfeldi, sum verður hildin í Armenia seinni í ár. Og boðskapurin hjá feløgunum er greiður: Politisk lyfti um vernd av lívmargfeldi mugu fylgjast upp við veruligum átøkum.

Tað er Føroya Náttúru- og Umhvørvisfelag sum saman við Danmarks Naturfredningsforening hevur leitt arbeiðnum at savna náttúruverndarfeløg úr øllum Norðurlondum um eina felags áheitan um sterkari verju av havlívinum.

🇫🇴🇬🇱🇮🇸🇳🇴🇸🇪🇩🇰🇦🇽

22/05/2026

RUDDA FYRI LÍVMARGFELDI 🌱

Í dag er altjóða lívmargfeldisdagur, og vit vilja nýta høvið til at kunngera eitt spennandi átak, vit hava fyrireikað í samstarvi við Visit Faroe Islands, Tórshavnar kommunu og Visit Tórshavn.

Leygardagin 30. mai skipa vit fyri ruddiátaki í Havn, har bæði føroyingar og vitjandi fara at hjálpa til við at basa skøruni, sum hóttir okkara føroyska náttúrulívmargfeldi.

Á trimum støðum í Havn, sum vit hava valt í samráð við Tjóðsavnið, fara luttakarar saman við serfrøðingum og náttúrukønum at taka skøruna og læra meira um:

• Hvussu plantan verður eyðmerkt
• Hvussu hon verður tikin burtur á rættan hátt
• Hvussu forðast kann fyri víðari spjaðing

Umframt at gera ein ítøkiligan mun fyri føroyska náttúrulívmargfeldið er endamálið eisini at geva fólki eina góða uppliving í náttúruni og størri vitan um innræsnar plantur og føroyskt lívmargfeldi 🌱

Eftir ruddingina verður boðið til hugnaløtu í Perluni í Havn við góðum mati frá Grønu Matveitingini.

🌱 Tiltakið er ókeypis, øll kunnu vera við og tilmelding er neyðug

📍 30. mai kl. 13.00–16.00 á trimum ymiskum støðum í Havn

Les meira og melda til her: https://visitfaroeislands.fo/fo/tidindi/skrudagur

11/05/2026

"Dreymurin um eina føroyska oljuvinnu er bæði reaktionerur og ein sovipúta fyri eitt skjótt, grønt og rættvíst orkuskifti. Oljan er trupulleikin og er ikki vegurin til grøna orkuskiftið. Oljan er bert ein dreymur, so at vit sleppa undan at gera okkurt annað, t.d. at krevja eitt rættvíst gjald frá fiski- og alivinnuni.

Veðurlagskreppan krevur handling her og nú, bæði í hugsan og gerðum. Vit skulu minka um oljunýtsluna, spara uppá orkuna og gera stórar íløgur í grøna orkuskiftið. Hetta krevur nógv av okkum.

Tíbetur eru nógv klók og virkisfús fólk í Føroyum. Saman kunnu vit seta ferð á einar burðardyggar Føroyar – tað verður uttan olju- og gassvinnu."

Tráin P. Nónklett, søgufrøðingur og nevndarlimur í FNU hevur skrivað lesarabræv sum kann lesast í fullari longd her:

https://lesarin.fo/?fbclid=IwY2xjawRvOVBleHRuA2FlbQIxMABicmlkETF6R3FOZ2h6NnB6UEtaczloc3J0YwZhcHBfaWQQMjIyMDM5MTc4ODIwMDg5MgABHhyjSKNgSM8MiV_qzpsjgACsfrMtRVGMQOijJ8haLvNRa3lPHajnRJ6ncCta_aem_XP873z2b8EHbidGVB4aaDQ #/articles/oljan-er-ikki-vegurin-til-grona-orkuskiftid

11/05/2026

Stórt til lukku við veðurlagsvirðislønini🙌🌎

Føroya Náttúru- og Umhvørvisfelag samstarvar við Lærarafelagið um at útpeika og handa veðurlagsvirðislønina, sum í ár fer til Vágs skúla.

Vágs skúli hevur arbeitt við at styrkja fatanina hjá næmingunum av plastdálking og burðardygd gjøgnum praktiska, kannandi og skapandi undirvísing. Hetta er gjørt við støði í nærumhvørvinum í Vági, so næmingarnir fáa innlit í, hvat teir sjálvir kunnu gera fyri at gera mun.

Gott arbeiði - enn eina ferð hjartaliga til lukku tit í Vági🙌🌎

10/05/2026

"Oljan ikki svarið, men heldur ein eyðkend grundgeving, sum fólk, ið liva av oljuídnaði, nýta."

Tað gongur striltið við grøna orkuskiftinum, men um vit fara at seta hol á oljuleiting nú, so koma vit enn longur afturúr

05/05/2026

Gott átak hjá Reyða Krossi Føroya

04/05/2026

GRØNAR LOYSNIR HELDUR ENN SVARTAR!👇

Í morgun var FNU til hoyring í fíggjarnevndini í løgtinginum í samband ætlaðu mvg-frítøkuna av bensin og diesel.

FNU mælir staðiliga frá at geva avsláttur til bensin og diesel. Bæði tí tað dálkar illa, tí tað rakar skeivt og m.a. verður ein avsláttur til ferðafólk í summar, og tí vit altíð fara at mæla til grønar loysnir heldur enn svartar.

Eitt dømi uppá eina grønari loysn:
Gevið teimum, sum tørva tað, frítt ferðakort í tríggjar mánaðir. Ein sum pendlar úr Eysturoynni til Havnar hvønn dag, kann við hesum lata bilin standa í tríggjar mánaðar og harvið spara fleiri túsund krónur.

FNU takkar fíggjarnevndini í løgtinginum fyri, at sjónarmið okkara eru partur av viðgerðini, og vónar, at ein betur loysn verður funnin.

02/05/2026

Komið og hittist meira!🍀

Í ár fer FNU eina ferð um mánaðin at bjóða til grønan fimmara og mini-fyrilestur í hølunum í Bøgøtu.

Endamálið við grøna fimmaranum er, at náttúrustríðsfólk og umhvørvisvinir fáa eitt fast høvi og stað at hittast at tosa um avbjóðingar og loysnir á náttúru- og umhvørvisøkinum.

FNU bjóðar øl (eisini alkoholfríar!) í hugnaligu hølunum mitt í Havn.

Fyrsti fimmari varð hildin 17. apríl, har Jón Kragesteen helt ein áhugaverdan fyrilestur um náttúru og býarskipan - næsti fimmari verður fríggjadagin 29. mai.

Setið ein kross í kalendaran!

29/04/2026

Gáva til nýggjar limir!🐋💚

Gerst limur í Føroya Náttúru- og Umhvørvisfelag áðrenn 15. mai 2026 og fá hesa vøkru gávuna frá Tjóðsavninum.

Tekna teg sum lim her: https://www.minrokning.fo/portal/templatePayer/33G4OHtNjZV7iulBNGtUHH-5nPu8GiFMfKPavZX1FaPxpgCXP_FvCqU7hevow3ntV03ilxwnvoomfEcOinNTRw2

28/04/2026

NÝGGJ NEVND 💚

Á aðalfundinum hjá Føroya Náttúru- og Umhvørvisfelag eru hesi vald í nevndina:

Ingilín D. Strøm, nevndarlimur
Anna Dam, tiltakslimur
Barbara Leone, tiltakslimur

Í nevndini sita framvegis:

Jón Kragesteen (formaður), Birita Fritleifsdóttir Kjærbæk (næstforkvinna), Tráin P. Nónklett (skrivari) og Anelia Philbrow.

Somuleiðis halda Sjúrður Hammer, Lise Helen Ofstad og Helena Lamhauge Mortensen fram sum tiltakslimir.

Nevndin takkar Kolbrún í Haraldsstovu fyri arbeiðið í nevndini.
Les meira og fá nýggjastu tíðindini frá FNU her:

https://mailchi.mp/43cae73bb914/nggj-nevnd-filmssning-kvld-og-gva-til-nggjar-limir