24/08/2025
((English below))
Minningarorð um Sannu Smidt Hammer:
Tung vóru boðini, tá tað frættist, at Sanna var farin heim til Harran. Sanna var ein brennandi kvinna, sum livdi lívið yvirgivið til Jesus.
Sanna vaks upp í Hovi, og sum ung fór hon til Danmarkar í lestrarørindum, har hon lærdi til psykiatriskan røktara. Heimaftur komin bleiv hon ein partur av tí karismatisku vekingarrørsluni. Í 1976 fór hon á lærusveinaskúla hjá Youth With A Mission í Grimerud. Hon kendi á ungum árum eitt missiónskall, og síðan var hon fleiri styttri tíðarskeið úti aftur við YWAM og tænti eisini eina tíð hjá OM í Manchester.
Í 1985 var hon við til at mobilisera yvir 100 føroyingar at koma á Go-fest, sum var ein altjóða missiónsstevna í Randers. Eftir hetta bleiv Sanna ein partur av tí fyrsta YWAM-toyminum í Føroyum, sum virkaði í Klaksvík í eitt ár.
Eftir tað fór hon til Filipsoyggjarnar at tæna. Har arbeiddi hon við at taka sær av børnum í fátækraumhvørvinum út frá einum YWAM-basa í Manila, serliga arbeiddi hon við børnum, sum vóru illa fyri. Seinnu árini arbeiddi hon sum ein partur av persónsrøktartoyminum hjá YWAM í Filipsoyggjunum, har hon arbeiddi í gott 9 ár. Miðskeiðis í 90-árunum kom Sanna aftur til Føroya, har hon virkaði sum ungdómsleiðari í Oasuni, har hon eisini skipaði fyri einum OL-missiónstúri til Atlanta í USA.
Í 2000 kendi Sanna eitt kall frá Guði at byrja YWAM-arbeiðið í Føroyum, og í 2001 bleiv YWAM Føroyar stovnað. Tað byrjaði við eini legu við 70 fólkum, har 11 tjóðir vóru umboðaðar.
Í 2004 byrjaðu tey fyrsta DTS-lærusveinaskúlan í Føroyum, sum seinni flutti til basan í Suðuroy, og har tey hildu áfram við DTS til 2011. Sanna skipaði fyri nógvum missiónstúrum til bæði Filipsoyggjarnar, Pólland, Ukraina, Sveits, Holland og víða hvar. Sanna var góður ferðaleiðari, og man var altíð tryggur í hennara hondum. Eisini hevði hon ofta tiltøk, toymir á vitjan og nógvar legur, har hon samlaði ung fólk.
Í nógv ár leigaði Sanna eini hús á Gripsvegnum, og tað var eitt fjálgt stað og eitt heim fyri mong. Sanna hevur verið virkin í Ung í Trúarverki til 2022, tá stafettin varð givin víðari.
Sanna var ein trúar- og bønarkvinna og var ein pioner, sum fekk ting at henda rundan um seg.
Hon var trúføst við tí, Guð hevði givið henni, og hevði eina gávu at umsita og at vera gestablíð. Hon fekk tað, hon hevði, at røkka langt og blomstra, hon gjørdu altíð nógv burturúr at fáa tað at vera hugnaligt, har hon var, og brúkti væl teir miðlar, hon hevði.
Sanna hevði eitt stórt hjarta fyri menniskjum og lærusveinaskapi. Tað eru nógv, sum hon tók undir sínar veingir, og sum eru upplærd í trúnni og eru blivin sterk í Harranum vegna hennara vernd og mammuhjarta. Tað eru nógv okkara, sum av hjarta kunnu siga, at tey ikki høvdu verið har, tey eru í dag, um tað ikki var fyri Sannu. Har Sanna var, var altíð nógv signing, sum dryppaði av til tey rundan um hana. Í hennara selskapi var tað gott og fjálgt at vera, og tað var eitt lærusveinaumhvørvi merkt av Guðs nærveru.
Hennara lív og tænasta hevur verið til signingar og hevur verið eitt ekkó bæði her heima og fyri tey mongu menniskju, hon hevur verið nakað fyri kring allan heimin.
Seinasta ørindi í sanginum hjá Matt Redman “10.000 reasons”, sum eisini var ein av Sannusa yndissangum, ljóðar soleiðis:
“Og tann dag, tá mín styrki svinnur
Endin nær og tíð mín komin er
Tó mín sál vil halda á at prísa
Í 10.000 ár í ævirnar.”
Hesin sangur lýsir Sannu sera væl. Hon var trúføst móti Harranum og tænti Honum til tað síðsta. Má Harrin styrkja og troysta familjuna og tykkum avvarandi í sorgini.
Vit vilja lýsa frið yvir minnið um Sannu Smidt Hammer.
Vegna Ung í Trúarverki (YWAM Føroyar)
Maria og Abraham Dalslíð
------
Memorial for Sanna Smidt Hammer:
It was with a heavy heart that we received the news of Sanna’s passing. Sanna was a woman on fire for God and lived her life fully surrendered to Christ.
Sanna grew up in Hovi, Suðuroy. In her youth she moved to Denmark to study to become a psychiatric nurse. When she came back to the Faroe Islands, she became part of the charismatic revival. In 1976 she went to Grimerud, Norway to do a DTS with Youth With A Mission. She knew from an early age that she had a call for missions. She went on several short term mission trips with YWAM and for a short time she served with OM Manchester, England.
In 1985 Sanna was a part of organizing a trip with around 100 Faroese people to go to Go-Fest, which was a national mission conference in Randers, Denmark. After this Sanna became part of the first YWAM team in Faroe Islands, which took place in Klaksvík for a year.
After that she went to the Philippines to serve. There, she worked with YWAM Manila where her main ministry was with children who lived in the poor areas. Later she also worked as a part of the personnel team for YWAM Philippines. She worked with YWAM Philippines for 9 years.
In the mid 90’s Sanna came back to the Faroe Islands where she worked as a youth leader in the church Oasan, where she also led an OL outreach to Atlanta, USA.
In 2000 Sanna felt a word from God to start YWAM in Faroe Islands and in 2001 YWAM Faroe Islands was founded. It started with a camp with around 70 people from 11 different nations. In 2004 they had their first Discipleship Training School in the Faroe Islands, which later on moved to the base in Suðuroy and it continued there until 2011. Sanna organized multiple mission trips to the Philippines, Poland, Ukraine, Switzerland, the Netherlands and other countries. Sanna was a good tour guide and you knew you were in safe hands with her. She also hosted multiple outreaches, organized different events and had many camps where she gathered a lot of young people.
For many years Sanna rented a house in Tórshavn, where a lot of young people stayed, and that was a cozy and comfortable place to be. Sanna led YWAM Faroe Islands until 2022 when she passed the touch.
Sanna was a woman full of faith, a prayer warrior and a pioneer that made things happen around her. She was faithful with what God gave her, a very hospitable woman and whatever she had, she made it work well and bloom.
Sanna had a big heart for people and for discipleship. There are many people she took under her wings, and who have grown and become strong in the Lord because of her protection and motherly heart. There are many who can say they would not be where they are today were it not for Sanna.
Where Sanna was there were always a lot of blessings, and they were passed on to those around her. Being in her company was a warm and good place to be. It was a place of discipleship and God's presence.
Her life and service has been a blessing and has echoed here on the Islands and for all many people whose lives she has touched around the whole world.
The last verse in the song 10.000 reasons by Matt Redman, which was one of Sanna’s favorite: goes like this.
“And on that day when my strength is failing
The end draws near and my time has come
Still, my soul will sing your praise unending
Ten thousand years and then forevermore”
This song describes Sanna very well. She was faithful to the Lord and served Him until her last moment.
May the Lord strengthen and comfort her family and friends. We pray for peace over the memory of Sanna Smidt Hammer.
Sincerely
Behalf of Youth With A Mission Faroe Islands
Maria and Abraham Dalslíð
