Føroyska barnahjálpin - Faroese Children's Aid

04/06/2026

Alpha Seydou úr Senegal fyllir seks ár 21. juni. Hann er so smæðin, at tað var ikki sum at siga tað at fáa hann at smílast, men hann bleiv tryggari, tá konan við myndatólinum fór eitt sindur burturfrá. Honum manglar stuðul til skúlagongd. Stuðulsgjaldið er 250 krónur um mánaðin. Um tú vilt stuðla Alpha Seydou, kanst tú skriva til Andreu á [email protected].

02/06/2026

27/05/2026

02/05/2026

Hósdagin fingu Rita og Betty pening at keypa rís fyri, so tær klára seg komandi mánaðin. Fyri áleið 150 krónur ber til at keypa ein stóran sekk av rís, supputerningar og olju. Hvønn mánaða senda stuðlar pening til rís, soleiðis at tað er møguligt hjá Barnahjálpini at hjálpa teimum, sum eru ringast fyri.

01/05/2026

29/04/2026

Yeahbylin King, sum er 17 ára gomul, hevur ógvuliga ilt í fótinum, men hevur ongar pengar at gjalda fyri viðgerðina. Vit royna at skaffa pening, so hon kann fara til lækna. Tað kann koma at kosta umleið 1300 krónur. Yeahbylin er gentan í ternutu skjúrtuni og er ein av King systkjunum, sum tit áður hava stuðlað við peningi til leigu. Tú kanst gera mun við at flyta pening á kontu í Norðoya Sparikassa: 9865 – 1034809. Merk flytingina ”Heilivágur”.

Myndin er tikin, tá Andrea og systir hennara, Annika, vitjaðu í Liberia í seinasta mánaða. King systkini eru sera takksom fyri stuðulin, sum gjørdi so stóran mun fyri teirra lív og trivnað.

27/04/2026

Stuðla 🍚 við at geva pengar til rís 🤲: Flestu børnini, sum Barnahjálpin stuðlar við skúlagongd 📚, liva í stórum fátækradømi 💔. Hesi trý børnini búgva hjá ommu sínari, sum hvønn dag situr við vegin og roynir at selja fyri at fáa mat á borðið 🍛🧺.

Pápi 8 ára gamla Stephen bleiv stungin niður og doyði. Angel (20 ár), Abel (14 ár) og Stephen búgva øll hjá ommuni, Betty. Mamma teirra er ikki før fyri at taka sær av teimum, og tey vita ikki, hvør pápi teirra er 💔

Stuðla við 50 ella 100 krónum um mánaðin 💳❤️, so hesi børnini kunnu fáa hjálp 🤝 og útslitna omman ein lætta 🌿.

Nógvar aðrar familjur eru eisini, sum stríðast eins og henda omman. Hjálp okkum at hjálpa teimum 🙏💛

Konta í Norðoya Sparikassa 9865 - 1034809. Merk flytingina "Rís".

21/04/2026

Aftur hesaferð hitti Rúna hesa ungu mammuna, sum eitur Ritaline, og elskuliga tríára gamla son hennara Isaac.

18/01/2026

🎄Í Liberia bleiv hildið eitt sera hugnaligt jólahald fyri børnunum, har tey luttóku í dansileikum, sangi, ítrótti og spurnarkappingum. Eisini fingu tey gávur og eina góða máltíð. 🎁🍲🥤

Hetta var bert møguligt við stuðlinum til jólagávur, sum kom úr Føroyum. Børnini og foreldur teirra vóru sera takksom fyri hesa uppliving. Tey ynsktu eisini at takka Føroysku Barnahjálpini, so tey ringdu til Rúnu undir jólahaldinum. Børnini sungu fyri henni og hon segði nøkur orð og ynskti teimum gleðilig jól frá okkum úr Føroyum.

Enn einaferð hjartaliga takk til allar stuðlar, sum gjørdu tað møguligt at skapa jólagleði fyri børnini. ❤️