Kettuverndin

12/06/2026

💙 Cócó sóknar gott, varandi heimi 💙

4-ára-gamli frensurin, Cócó, bleiv latin til Kettuverndina tann 11. mai 2026, saman við sínum trimum systkjum, Garfield, CC, og Diva. Hann varð lagdur tann 1. desembur 2021, saman við tveimum øðrum systkjum, harímillum Diva, og hevur bert havt eitt heim higartil.

Cócó minnir nógv um Garfield í lyndi, men er hann enn meir alskin og nærverandi. Hann elskar at leggja seg undir liðuna á einum og omaná einum, gjarna heilt upp ímóti andlitinum sum eitt turriklæð. Hugtakið “personal space” kennir hann einki til 🤗😜. Honum dámar væl at kroysta trýnið ímóti andlitinum hjá einum, Hann er framligur og forvitin, og er tann fyrsti á staðnum, um nakað er áfatt; tvs. alt, ið flytir seg ella letur ljóð frá sær. Cócó er ein sannur fylgisveinur, og leitar hann tískil eftir einum ættleiðara, ið hann kann sleppa at lúra eftir og koma upp í millum, um hann metir tað vera neyðugt. Stórur er hann í holdum, og trýnið minnir nógv um tað hjá einum pantara, men sinnalagið er eins og hjá einari bamsu. Hann kundi ikki gjørt einari flugu fortreð 🥰.

Cócó er geldur og chipmerktur. Hann brúkar kettubakka. Hann hevur altíð verið innifrensur.

Um nakar vil bjóða Cócó eitt varandi heim, eru tit vælkomin at útfylla eina umsókn her: https://www.kettuverndin.fo/aettleiding/umsokn. Send okkum eini boð á Messenger, tá umsóknin er send inn. Spurningar verða eisini svaraðir har.

GG: Ættleiðingargjaldið fyri kettu frá Kettuverndini er 2000 kr. Gjaldið er fyri útreiðslur í samband við djóralæknan, heilivág og ansing. Nærri lýsing av gjaldinum sæst her: https://www.kettuverndin.fo/aettleiding/gjald

10/06/2026

💙 Garfield sóknar gott, varandi heim 💙

10-ára-gamli Garfield kom í ansing hjá Kettuverndini tann 11. mai 2026, saman við trimum systkjum. Fitti Garfield bleiv upprunaliga lýstur til ættleiðingar av Djóraverndarfelagnum í 2016, tá hann enn var ein kettlingur (https://www.facebook.com/share/p/14b6Vd7ZneS/). Hann bleiv upptikin í Vestmanna, saman við tveimum systkjum, Frikkadella og Fredrik, og mammu teirra, Tulla (https://www.facebook.com/share/p/1GUGHwgKUm/). Garfield bleiv ættleiddur sum 3-mánaðir-gamal, saman við systur sínari. Hann hevur bert havt eitt heim síðani, og bleiv yvirlatin til Kettuverndina vegna flyting, saman við trimum øðrum kettum.

Fittasti Garfield er nakað so alskin og fólkakærur, at tað er stór synd hjá honum at deila sítt ansingarfólk við øðrum kettum. Hann liggur ongantíð longri enn ein arm burturfrá, elskar at grava seg undir dýnuni saman við fólki og finna sær eina holu har, helst meðan hann verður kíndur. Trýnið trýstir hann ímóti fólki, tá hann biður um nærveru, og hann er skjótur at geva mussar. Honum dámar væl at klemmast og at práta við fólk. Hann er varin rundanum fremmandafólk, og kann tá gott finna uppá at goyma seg, men er annars ótrúliga uppsøkjandi og fólkakærur.

Garfield hevur nøkur brot í halanum, umframt trupulleikar við húðini rundanum eyguni, ið hann er í viðgerð fyri í løtuni.

Garfield er geldur og chipmerktur. Hann brúkar kettubakka. Hóast hann plagdi at sleppa út at ganga, hevur hann bert verið innifrensur í nógv ár.

Um nakar vil bjóða Garfield eitt varandi heim, eru tit vælkomin at útfylla eina umsókn her: https://www.kettuverndin.fo/aettleiding/umsokn. Send okkum eini boð á Messenger, tá umsóknin er send inn. Spurningar verða eisini svaraðir har.

GG: Ættleiðingargjaldið fyri kettu frá Kettuverndini er 2000 kr. Gjaldið er fyri útreiðslur í samband við djóralæknan, heilivág og ansing. Nærri lýsing av gjaldinum sæst her: https://www.kettuverndin.fo/aettleiding/gjald.

09/06/2026

Dagføring 10/06/2026: Bob er funnin. Hann krógvaði seg í einum skoti í grannalagnum.

🚨 HEVUR NAKAR Í HAVN SÆÐ BOB? 🚨

3-ára-gamli frensurin, Bob, hvarv av Heinagøtu í Havn gjáramorgunin tann 8. juni 2026. Bob er nýliga fluttur úr Vestmanna, og er tískil ikki staðkendur í Havn. Hann slapp av óvart út í gjár og er enn ikki heimafturkomin. Bob er geldur, chipmerktur, og ílatin eitt grønt helsi.

Góðu tit í nærumhvørvinum, havið eitt vakið eyga við, um tit síggja hann 🙏. Kannið kjallara, hjall, garasju, og onnur møgulig goymistøð á tykkara matrikli. Tað hevði verið ein stór hjálp ❤️.

Um nakar heldur seg hava borið eyga við Bob, setið tykkum í samband við eigaran, Sól V. Skúvadal, á telefonnummar 581215 ella umvegis Messenger (m.me/sol.v.skuvadal) 🙏.

08/06/2026

🚨 HEVUR NAKAR Í HAVN SÆÐ GRIP? 🚨

3-ára-gamli frensurin, Gripur, hvarv av Reyni sunnudagin tann 31. mei 2026. Hann varð sæddur í grannalagnum tveir dagar seinni, men er enn ikki heimafturkomin. Gripur er geldur og chipmerktur.

Góðu tit í nærumhvørvinum, havið eitt vakið eyga við, um tit síggja hann 🙏. Kannið kjallara, hjall, garasju, og onnur møgulig goymistøð á tykkara matrikli. Tað hevði verið ein stór hjálp ❤️.

Um nakar heldur seg hava borið eyga við Grip, setið tykkum í samband við eigaran, Kristianna Dahl Øster, umvegis Messenger (m.me/kiskianna) 🙏.

30/05/2026

https://www.facebook.com/share/p/18vmaiCwhT/

28/05/2026

Oskar er blivin ættleiddur 🥳. Hann er 149. ættleiðing frá Kettuverndini 🙌.

Oskar bleiv fangaður tann 20. mai 2025, eftir tvey góð fólk boðaðu okkum frá - Anja Tórshavn Vidtfeldt Kvilt tann 27. mars og Annika Helgadóttir Davidsen tann 7. mai - at hann gekk fyri vág og vind í eysturbýnum í Havn. Vit eftirlýstu eigaran, men tá eingin gjørdi krav uppá hann, bleiv hann lýstur til ættleiðingar. Kanska er Oskar blivin útblakaður ella kanska er menniskja hansara farið foldum frá, og eingin visti av honum longur 😿. Tað er ringt at vita, men hann hevði í øllum førum verið heimleysur leingi undan upptøku, tí tað sæst bæði á sinni og skinni 💔.

Aftaná eitt ár, hevur Oskar loksins funnið eina familju. Tað er eingilin, Betzy Ludvig, ið tók Oskar í ansing tann 4. mei, ið hevur ættleidd hann í dag. Eftir at hava gingið fyri vág og vind í rúma tíð, hevði Oskar nakrar avbjóðingar, ið vanliga hevði stygt fólk burtur, men fyri stinnu og lagaligu Betzy, hevði tað einki uppá seg. Oskar bleiv sum ein annar frensur fyrsta dagin Betzy tók hann í ansing. Hann murrar dagin langan og leggur seg í føvningin á húsfólkunum; nakað, ið hann ongantíð gjørdi, tá vit høvdu hann í ansing. Har er eingin ivi um, at hann hevur tikið Betzy til sín sum mammu sína. Hetta er eitt dreyma-match fyri okkum, og eru vit nakað so takksom fyri fólk sum sjáldsama Betzy 🥰🙏.

Vit ynskja Oskar og nýggja familju hansara alt tað besta frameftir ❤️.

25/05/2026

🩷 Flykra & Sussa sókna gott, varandi heim saman 🩷

Flykra er hvíta løðan og er hon uml. 11-ára-gomul. Hon hevði eina øgiliga harða byrjan uppá lívið. Hóast hon bleiv ættleidd sum kettlingur, livdi hon úti tey fyrstu 6-7 árini av sínum lívi, og gekk mestsum fyri vág og vind. Hon legði kettlingar eftir kettlingar, inntil ein hjartagóður persónur traðkaði til og fekk hana gelda og inn í eitt gott heim. Flykra er sera fólkakær, og dámar væl at liggja omaná einum á sofuni. Hon er forvitin og uppsøkjandi. Henni dámar væl at renna og spæla við systur sína, Sussuna. Tó er hon eisini sjálvbjargin og dugir at undirhalda seg sjálva við ymiskum, ið hon finnur runt í húsunum. Henni dámar ikki at verða borin, men finnur seg kortini í tí, um neyðugt.

Sussa er skjaldbøkumynstrað løðan og er hon 7-ára-gomul. Hon er ættað úr Vestamanna, og hevur verið saman við systur sínari, Flykru, alt sítt lív. Sussan dámar so sera væl at sussa. Er hon ónøgd við eitthvørt, er hon skjót at siga frá, serliga tá hon verður borin. Hon er uppvaksin við børnum, er rólig av lyndi, og meira magelig enn Flykra. Henni dámar væl at balla seg í dýnuni um kvøldarnar og lullar gjarna saman við systur síni. Eitt sindur kræsin er hon, og vil helst bert hava vátfóður.

Flykra og Sussa eru báðar geldar og chipmerktar. Tær brúka kettubakka, men duga eisini at gera av sær úti.

Um nakar vil bjóða Flykru og Sussu eitt varandi heim, eru tit vælkomin at útfylla eina umsókn her: https://www.kettuverndin.fo/aettleiding/umsokn. Send okkum eini boð á Messenger, tá umsóknin er send inn. Spurningar verða eisini svaraðir har.

GG: Ættleiðingargjaldið fyri kettu frá Kettuverndini er 2000 kr. Gjaldið er fyri útreiðslur í samband við djóralæknan, heilivág og ansing. Nærri lýsing av gjaldinum sæst her: https://www.kettuverndin.fo/aettleiding/gjald.

25/05/2026

Hesi hvíla seg á Hvítusunnu 😻. Vistu tit av, at flestu kettuvælgerðarfeløg uttanlanda viðmæla at ættleiða kettlingar í pørum? Tí royna vit at fáa Toffi (skjaldbøkuna) og Karamelluna (calico) ættleiddar saman, og Strípa (reyður tabby) og Lakress (svartur) ættleiddir saman ❤️.

20/05/2026

Dagføring 20/05/2026: Eigarin er funnin. Hetta er Perla hjá Vónbjørt Vang ❤️. Perla er geld og chipmerkt 🙌.

🚨 KENNIST NAKAR Í SYÐRUGØTU VIÐ HESA KETTUNA? 🚨

Hendan kettan hevur vitjað eina familju í Tungu í Syðrugøtu seinastu vikurnar. Hon sleppur inn í húsini gjøgnum eina kettulemmu, og hevur lopið á kettu teirra. Óvist er, um talan er um løðu ella frens.

Vinarliga latið okkum frætta, um nakar kennist við hana 🙏.

18/05/2026