21/10/2024
Ena vukudratou a Matua ni Tokatoka ko Valenikato, Naikeleyaga, Kabara, Lau kei ira taucoko a lewena sa cavuji tale jiko a vakavinavinaka ena vuku ni ona sa mai qaravi rawa a Siga kei Valenikato ena Vakarauwai sa oji. Sa mai qaravi rawa talega a Lotu ni Vakavinavinaka ena Siga Tabu ka vakabauji ni Kalou duaduaga ka sa rawa kina a I yau sa mai kumuni rawa ena vuku ni ona solia tu a yalovinaka ka ra mai cau kina a wekai Valenikato kei na ona sema dra bula vaka vuvale.
Sa vakavinavinaka taki a Vanua vakaturaga ko Rara Nakelo, vua na gone Turaga na Vunivalu ena vuku ni odra cavuituratura mai me ra mai solia talega a odra cau. A wetatou sema vaka vuvale mai Felemea kei na vuvale mai Nauluvatu, Nakelo sa malo vakalevu sara a yalovinaka kei na veitokoni levu ka sa mai vakavotukana ena siga ni soqo.
Sa cavuji talega a vakavinavinaka ki na Yavusa ko Nakoro, mataqali ko Naivotavota, mataqali ko Taqu, Tokatoka ko Valevadra ena vuku ni veitokoni nu a mai vakaraitakina toka vei Valenikato ena siga Vakarauwai.
A wetatou veiwekani mai Nukuleka (Matadravu), Vuanigigia, Nuburavi, Namuka kei Komo nu a mai veitokoni toka vei Valenikato, malo vakalevu sara.
Nu sa vakamalotaki vakalevu a Vasu nu a jiko rawa, mai na vanua vakaturaga ko Nakuruvakarua, kovana vakacegu ni Reserve Bank, Ta Savenaca Narube enai solisoli levu. Mili mai Australia, yaco mai a ona soli, malo vakalevu sara. Na Mafi lako sara mai Vanua Levu, malo vakalevu. Kei kemunu taucoko sara a Vasu nu a jiko rawa, malo malo vakalevu sara.
Sa vakamalotaki talega a yalo ni soli vei ratou a Ta kei na Momo, ena ona yalo kei na ona I gu vei ratou a jiko rawa ka vaka talega kina vei ratou a tawa jiko rawa, malo vakalevu sara.
Sa vakavinavinakataki talega a vuvale mai Lakebanawa, ko ratou vaka veitacini, veitubutubutaki, Maca, Jese, Na Eme, Afoloi kei ratou a gone ena vuku ni solisoli vakaitamera. Malo vakalevu, sai vakaraitaki ni yalo kei na lomavinaka. Malo vakalevu sara.
E tawa guilecavi a vuvale mai Felemea ena vuku ni cau vakaitamera ena soli kei na kakana mai USA, Korociriciri, Taveuni, Malolo, Yasawa, vuvale mai Wakanisila e Laqere ka mai qaravi rawa kina a soqo na Vakarauwai. Malo vakalevu sara a yalovinaka kei na lomavinaka.
Sa vagolei talega a vakavinavinaka ki na ARK Production ena ona a vakaleleci jiko a soqo me ra sara sara jiko kina a veiwekani.
Kemunu taucoko a veiwekani nu a jiko rawa kei kemunu talega nu a tawa jiko rawa ia e yaco talega mai a omunu cau kei na veivuke sa kerei a veivosoji ni sa tawa cavuji a yacamunu, malo vakalevu sara a yalovinaka kei na veitokoni levu vei Valenikato.
Era sa mai gole lesu tale na siga ni yavi ai Liuliu ni Wasewase ko Kabara kei na vuvale vaka Tuirara Levu, sa cavuji talega a vakavinavinaka ki na wetatou veivuvale taucoko sara ena wetatou a tu vata ena vuku ni veiqaravi ena gauna bolebole keta lako curuma. Sa vakamalotaki a vuvale mai Natabua, Felemea kei Somosomo ena bole ka vakaraitaki toka ena veiqaravi ka tawa guilecavi a vuvale I Foreqe mai Australia kei Tua Sili mai Bolatagane ena ona dau bonoji jiko mai a wetatou veiqaravi ka vaka talega kina a wetatou Lotu.A vakabutari ni kakana mai Delaitokatoka kei na ona kau cake jiko. Malo malo sara vakalevu.
Sa kerei tale tu ga a veivosoji ke tu eso ai vukivuki na siga ni soqo e malewa ka sakasaka, sa nuitaki ni na ciqomi ko Valenikato.
Au sa vakayatuyatu vakabalavu kau sa kerei meu vosoji ena vukudratou a matua kei na lewe ni Tokatoka.
Nu Kalougata jiko a veiwekani rabailevu kei kemunu sema vakadra vaka vuvale ki Valenikato, malo sara vakalevu.
Me weta vata jiko a Vakacegu kei na Loloma ni weta Turaga ko Jisu Karisito.
Sa loloma tu yani ko Valenikato.
