16/07/2026
VAKARAUBUKA - 17/07/2026
Macawa ni Valeniveivesu
ULUTAGA: Qarauna Nomu Bula Mai Na Paisoni Ni Lasu
LESONI: Vakatekivu 39:7β18
TIKINA KOULA β 8, 9:
βA sa bese ko koya, ka kaya vua na wati ni nona turaga, Raica, sa sega ni kila na noqu turaga na ka sa tu vei au e vale, ka sa solia meβu lewa na nona ka kecega; sa sega e dua e vale oqo me levu cake vei au, a sa sega e dua na ka sa bureitaka vei au, ko iko duadua ga, ni ko sa watina; au na qai cakava rawa vakaevei na ka ca vakaidina oqo, kai valavala ca vua na Kalou?β
NA KENA I VAKAMACALA
Sa i yaragi naba dua ni tevoro na lasu me basuraka kina na bula vakavuvale kei na bula vakaveiwekani e daidai. Oqo e dua na bolebole ni gauna oqo ena kena sagai me vakalasui na dina ka me sa ka dina na lasu me rawati kina eso na gagadre butobuto ka veivakalolomataki e Viti. E vuqa era sa dau bacani ena i lavo me rawa ni ra tabonaka na dina.
Ena lesoni oqo eda sarava ni sega ni gaunisala rawarawa e lako curuma na cauravou oqo ko Josefa. E biliraki, cati, vuvutaki ka sega ni taleitaki mai vei ratou na tuakana baleta ni dau tutaka na dina. E vakagalui na veika dina me baleti koya ena lasu. Eratou a lasutaka na kena i talanoa vei Jekope ko iratou na tuakana. A beitaki koya vakailasu na wati Potifa ka vakavuna nona biu ki valeniveivesu.
A sega vakadua ni bau rogoci na veika dina me baleti koya. Ia, e vica na ka e dusia na i Vola Tabu me baleta na nona maroroi ko Josefa ka sega kina na leqa e yaco vua.
1. E bibi me da maroroya me savasava ka vinaka na noda veiwekani.
2. Me da maroroya na noda bula vakavuvale ka me kakua ni kavoro.
3. Me da rerevaka na Kalou ka me da kakua ni cala kina.
ULUTAGA ME MASULAKI:
Me da maroroya na dina ena vuvale, vanua kei na veiwekani.
1) E SEGA NI RAWAI JOSEFA NA GAGADRE NI WATI POTIFA. SA TUDEI KO JOSEFA ENA NONA YALO DINA KA CAKAVA NA KA DODONU.
**Vakatekivu 39:8-9
[8] Ia sa bese ga o koya, ka kaya vua na wati nona turaga, βRaica, o noqu turaga sa sega tale ni qai leqataka e dua na ka ena nona vale, baleta ni'u sa tiko oqo oi au. Sa solia vei au o koya na kaukauwa me'u lewa na ka kecega sa tu vua. [9] Keirau sa lewa vakatautauvata ena vale oqo, ka sa sega ni bureitaka vei au o koya e dua na ka, ia e vakavo duadua ga o iko na watina. E rawa vakacava me'u vakayacora na i tovo levu oqo, ka i valavala ca vua na Kalou?β
2) NAI VADI REREVAKI SA NAKITA NA WATI POTIFA ME BULIA E DUA NA LASU LEVU ME CORITI JOSEFA KINA ENA VUKU NI NONA SEGA NI VAKAYACORA KO JOSEFA NA LOMANA.
**Vakatekivu 39:11-15
[11] Ia ena dua na siga ni curu yani i vale o Iosefo me qarava na nona cakacaka, a sa sega tale ni dua na tamata cakacaka e tu e kea. [12] A sa qai vesuka o wati Potifa na nona kote ka kaya, βLako mai eke me daru moce vata.β Ia sa laiva tu ga yani na nona kote ki ligana, a sa dro ka cici yani i tuba. [13] Ia ni sa raica na wati i Potifa ni sa laiva tu mai na nona kote ka dro yani, [14] sa qai kacivi ira na nona tamata cakacaka ka kaya, βNi raica mada oqo! Na Iperiu oqo ka kauta mai na watiqu sa vakacacani keda. A curuma mai na noqu rumu ka via kucuvi au, ia ka'u a qai kaila ena domoilevu. [15] Ni sa rogoca na noqu kaila, sa qai dro i tuba ka biuta tu mai vei au na nona kote.β
TINITINI
Na noda doka ka vakarokorokotaka na Kalou ena taqomaki keda mai na paisoni gaga ni lasu. Oqo na sala e sega ni rawai Josefa kina na wati Potifa ni sa dau nuitaka tu ga na Kalou ko Josefa ka maroroya matua na dina.
-
Eda vulica nikua, na tamata e doka na Kalou ena sega ni rawai ena lasu kei na veitemaki. Na rerevaka na Kalou e taqomaka na yaloda kei na veika ni veitemaki e vakavolivoliti keda.
E talei ni da vulica na dina ni a beitaki vakailasu o Josefa ka biu e valeniveivesu, ia e sega ni biuti koya na Kalou. E muri e laveti koya cake na Kalou me iliuliu e Ijipita. E vakavulica vei keda ni rawa ni vakararawataki keda na lasu ena dua na gauna, ia ena qaqa ga na dina.
Sa dodonu kina vei keda meda qarauna na paisoni ni lasu, ia meda kua sara ni rawai mai na lasu, ia, meda dei tiko ga ena dina, ni na vakaraitaka na Kalou na nona yalododonu vei ira era maroroya matua tu na dina.
Se vakacava na kaukauwa ni veivesu ni lasu keina ca vei keda, na dina ena tudei tu ga me ia na veisereki, ni sa sega ni vesuki rawa ena dua na kaukauwa na dina. Sa bibi meda bulataka na dina ena veiyasa ni noda bula kecega me vaka e vakavulici keda kina ko Josefa.
E. M. .E. N. .I.
Me kalougata saka na noda vuvale vakaturaga.
(Ai katalau vakayalo ni matacaca)
![VAKATATABU, LOLO kei na MASUMASUπ Karua ni macawa e na veivulaI Pita 5:6-8[6] O koya oqo mo dou qai vakamalumalumutaki k...](https://img5.ngos1.com/464/729/122168990984647296.jpg)
