19/06/2026
𝐍𝐚𝐢 𝐤𝐚 𝐓𝐨𝐥𝐮 𝐧𝐢 𝐒𝐢𝐠𝐚 𝐧𝐢 𝐕𝐮𝐥𝐢 𝐧𝐢 𝐃𝐚𝐮𝐯𝐞𝐢𝐪𝐚𝐫𝐚𝐯𝐢 𝐓𝐚𝐮𝐦𝐚𝐝𝐚 (𝟏𝟖/𝟎𝟔/𝟐𝟎𝟐𝟔)
Vakayacori tiko e na Vale ni Soqo mai Vunaniu
Yacova tiko mai na I ka tolu ni vuli ena siga ena noa. Mai wasei rua tiko na vuli, ka kena I matai, na vuli vola tabu, ka tauri tiko mai na kena lesoni ena Vola I Samuela ena kena wase 12 mai na matai ni tikina, yacova na tikina e ruasagavulu ka rua, ka wasei kina ulutaga bibi na Kucu ena Loma ni Vuvale. Na I karua ni wasewase ni vuli e kena ulutaga na Vakarau ni dua na Dauveiqaravi Vinaka Taumada.
Era tokara na siqeleti loaloa ka vakarautaka na House of Sarah, oqo na kena vakananuma na “Thursdays In Black”. Ena vei siga Lotulevu, eda dau vaka I sulu loaloa me I vakaraitaki ni noda tokona tiko ka duavata ena noda saqata nai valavala kaukauwa kei na vei vakatotogani.
Era cakacaka vata vaka I wasewase na lewe ni vuli ena veiulutaga era tuberi kina ka era vadeitaka na lewe ni vuli ena kena sa tubu cake tikoga na i wiliwili ni veitovo kaukauwa ka ripotetaki kei ira era sega ni ripotetaki ena vei loma ni koro Vakaviti. Era duavata ena nodra kauwai na Marama ni Tikina ko Serua ka sa ra vakadinadinataka tiko ni sa sega ni gauna meda galuvaka tiko na ca, sa gauna meda tucake ka valuta na veivalavala kaukauwa eso e vakayacori tiko, ena nodra vukei o ira na lako curuma na dredre kei na nodra ripotetaki o ira era vakayacora tiko na veitovo kaukauwa kei na noda vaqaqacotaka na noda vuvale ena noda yadrayadravaki ena kena vakalevutaki na gauna vakavuvale ena kena vakaliuci tiko na Kalou me yavu tiko ni vuvale kei na nodra susugi cake na gone me ra kila na Kalou.
