ፍቅር የተቀናጀ የማህብረሰብ ልማት ድርጅት - Fikir Integrated Community Devt Org - FICDO

14/04/2026

ትላንት ሰኞ፣ የFICDO የበጎ ፍቃድ ሰራተኞች፣ በአካል ሶሳይቲ ግቢ በሚገኘው አዲሱ ቢሮአችን ሊመጡ የቻሉ አረጋዊያን ጨምሮን በድርጅታችን የታቀፉ ተማሪዎችና ወላጆቻቸው ጋር የአመት በአል የምሳና የህብረት ግዜ አሳልፈዋል።
ይህ እውን እንዲሆን በራሳችሁ ተነሳሽነት ድጋፍ ላደረጋችሁ የመስከረም አፈወርቅ ቤተሰብ፣ ዮሓንስ ማሞ፣ አርቲስት አብርሃም ወልዴ፣ የደበሌ ፈይሳ ቤተሰብ ፣ ሚኪያስ መስፍን፣ ጌትዬ ግርማ፣ ዘላለም ብርሃኑ፣ ተስፋዬ ፍቃዱና ስማችሁን ሳትጠቅሱ የለገሳችሁ በሙሉ በምናገለግላቸው ማህበረሰባችን ስም ልናመሰግናችሁ እንወዳለን። እጅግ አስፈላጊ ለሆኑ ማህበራዊ አገልግሎቶቻችን በቓሚነት ድጋፍ እያደረጋችሁ ያላችሁም ሁሉ፣ ፍቅርን በተግባር አሳይታችኋል። እግዚአብሔር በእጥፍ ይባርካችሁ።
ያለምንም ክፍያ ይህን ሁሉ ለምታቀናጁ የበጎ ፍቃድ ሰራተኞች፣ በተለይም ለአቶ ሃብታሙ ሃይሌ፣ ቀሲስ አናንያና ሌሎቻችሁም እግዚአብሔር ብድራታችሁን ይክፈል። ደሞዛችሁ ከላይ ነው።

ፍቅር የተቀናጀ የማህበረሰብ ልማት ድርጅት
1000287498474 ንግድ ባንክ፤ ቱሉ ሰላሌ ቅርንጫፍ

12/04/2026

ከFICDO እንኳን ለብርሃነ ትንሳኤው አደረሳችሁ ልንል እንወዳለም።
የበጎ ፍቃድ ሰራተኞቻችን፣ አመት በአሉን በቤታቸው ሳይሆን በቅርቡ በከፈትነው ሁለተኛው የአረጋዊያን ፕሮጀክት፣ የደበሌ ፈይሳ መታሰብያ ፍቅር በተግባር ማእከላችን ከእረጋዊያን ጋር አሳልፈዋል። የምግብ ግዥ፣ ቅርጫና ዝግጅቱን ማስተባበር ያለሰው አይሆንምና፣ ደከመኝ ሰለቸኝ ሳይል ይህንን የሚያስተባብረው ሃብታሙ ሃይሌን ከልብ እናመሰግናለን።
በተጨማሪም፣ በዚህ አመት የማእድ ማጋራት ጥሪ ባናደርግም ክዚህ በታች
የተጠቀሱት ለጋሾች በራሳቸው ተነሳሽነት ለአመት በአሉና ከዝያም አልፎ ለ FICDO የአረጋዊያን ምገባ ድጋፍ በማድረጋቸው ይህን አይነትና ሌሎች አገልግሎቶችን ሳናቓርጥ ልንቀጥል ችለናል። እግዚአብሔር አብዝቶ ይባርካችሁ።
በማእከሉ መገኘት ለማይችሉ ደግሞ የአመት በአል ምግብና ግብአት ባሉበት አድርሰናል።
አረጋዊያኑን ያለማቓረጥ ደጋፊዎቻችንን ሲመርቁ ውለዋል። ምርቃቱ ይድረሳችሁ።

1. መስከረም ከአ/አ 5000 ብር
2. ዬሃንስ ከአ/አ 19000 ብር
3. አርቲስት አብርሃም ወልዴ 25000 ብር
4. ስም ያልተጠቀሰ 20 ዶላር
5. ከአየርላንድ 150 ዩሮ
6. የደበሌ ፈይሳ ቤተሰብ ከካናዳ፣ 1000 የካናዳ ዶላር
7. አንድ ቤተሰብ ከአሜሪካ 600 ዶላር
8. ሚኪያስ መስፍን ከአ/አ 2ሺ
9. ጌትዬ ግርማ 2ሺ።
10. ተስፋዬ ፍቃዱ፣ 66ሺ ብር የሚያወጣ የሰሊጥ ቅቤ

ነገ ሰኞ ደግሞ በሶሳይቲ ግቢ ውስጥ በሚገኘው የFICDO ቢሮ ከሁለተኛው የአረጋዉያን ግሩፕ፣ ከተማሪዎቻችን እና ቤተሰቦቻቸው ጋር የአመት በአል ምሳ ግብዣ ይኖረናል።

እንደገና መልካም በአል❤️🙏

ፍቅር የተቀናጀ የማህበረሰብ ልማት ድርጅት
1000287498474 ንግድ ባንክ፤ ቱሉ ሰላሌ ቅርንጫፍ

000051065878 ንብ ባንክ ፣ ፍቼ ቅርንጫፍ

1008000150098 ኦሮሚያ ህብረት ስራ ባንክ፣ ፍቼ ቅርንጫፍ

08/04/2026

ከFICDO፣ ፍቅር የተቀናጀ የማህበረሰብ ልማት ድርጅት፣ አስቀድመን እንኳን ለዘንድሮው የፋሲካ በአል አደረሳችሁ ልንል እንወዳለን።
የትራንስፖርት ችግርና የግዜው ሁኔታ የሁሉንም ቤት ስላንኳኳ፣ በዚህ አመት፣ ደጋፊዎቻችንን እና ማህበረሰባችንን ማዕድ እንድታጋሩ ከመጠየቅ ይልቅ፣
ካለችን በጀት አብቃቅተን ልንጠቀም ወሰንን። ያም ሆኖ፣ አንዳንድ ወዳጆቻችን በራሳቸው ተነሳሽነት ለአመት በአል ብለው የገንዘብ ድጋፍ አድርገዋል። የበጎ ፍቃድ ሰራተኞቻችንም ዛሬ ለ40 አረጋዊያን የዱቄት ድጋፍ አድለዋል።
የፋሲካ እለት ደግሞ ከምናገለግላቸው አረጋዊያን ፣ተማሪዎችና ቤተሰቦቻቸው ጋር በአሉን ለማክበር በዝግጅት ላይ ነን። ለዚህ ዝግጅት ድጋፍ ማድረግ ከፈለጉ የድርጅታችን ባንክ ቁጥር ከታች ያለው ነው።
መልካም በአል ይሁንልዎ።

ፍቅር የተቀናጀ የማህበረሰብ ልማት ድርጅት
1000287498474 ንግድ ባንክ፤ ቱሉ ሰላሌ ቅርንጫፍ

000051065878 ንብ ባንክ ፣ ፍቼ ቅርንጫፍ

1008000150098 ኦሮሚያ ህብረት ስራ ባንክ፣ ፍቼ ቅርንጫፍ

08/01/2026

የክርስቶስ ልደት በአልን፣ ከምናገለግላቸው ልጆች፣ ቤተሰቦቻቸው፣ እንግዶችና የበጎ ፈቃድ ሰራተኞቻችን ጋር በመሆን በደማቅ ሁኔታ አክብረናል።
ፍቅር የተቀናጀ የማህበረሰብ ልማት ድርጅት - FICDO
ፍቅር በተግባር
Https://ficdo.org

06/01/2026

አስቀድመን እንኳን ለ2018 ዓ/ም የጌታችን የመድሃኒታችን ኢየሱስ ክርስቶስ ልደት በአል አደረሳችሁ እንላለን።
አመት በአሉን ምክንያት በማድረግ በፍቼ ከተማ ለሚገኙ 50 አረጋውያን የአቅማችንን ትንሽ ድጋፍ አድርገናል። ዶሮና በግ ለመስጠት የበጀት አቅማችን ባይፈቅድም፣ ወገኖቻችን ቢያንስ በአመት በአል ጦማቸውን እንዳያድሩ አለንላችሁ ለማለት ነው። እንደገና መልካም በአል።

ፍቅር የተቀናጀ የማህበረሰብ ልማት ድርጅት -ፍቅር በተግባር
FICDO
Https://www.FICDO.org

24/12/2025

Warmest Greetings!
As we reflect on the gift of Christmas—God sending His Son, Jesus, to dwell among us—we wish to express our sincere gratitude for your faithful partnership over the past six and a half years.

Your generosity has made it possible for us to provide meals, educational support, and care to vulnerable young people; offer daily nourishment and companionship to elderly individuals living in isolation; and respond with humanitarian assistance to those facing conflict and hardship. Through your support, we have also been able to create a meaningful platform for our wider community to live out love and compassion through volunteering and sacrificial giving.

We are deeply thankful for your trust and continued support.

As this year draws to a close, we warmly wish you and your loved ones a peaceful and joyous Christmas, and a New Year filled with hope, good health, and blessing.
On Behalf of the FICDO Team

As we reflect on the gift of Christmas—God sending His Son, Jesus, to dwell among us—we wish to express our sincere gratitude for your faithful partnership over the past six and a half years.

27/07/2025

ክረምት ሲገባ እንደምናደርግው፣ የFICDO የበጎ ፍቃድ አገልጋዮች፣ በፍቼ ከተማ ላሉ ሃምሳ እጅ አጠር አረጋዊያን የስንዴ ዱቄት ድጋፍ አድርሰዋል። ድጋፉ ብዙ ባይሆንም፣ የምግብ ዋጋ ጣርያ በነካበት በዚህ ግዜ፣ የአቅማችንን አለንላችሁ ለማለት ነው።
ይህ አገልግሎት፣ ከ100 ተማሪዎች ምገባና ለ15 አረጋዊያን በየቀኑ ከምናደርሰው የምሳ ማቅረብ ፕሮጀክቶች ጋር ላለፉት 6 አመታት ሳይቓረጥ እንዲቀጥል የስራው አካል ለሆናችሁ ሁሉ በዚህ አጋጣሚ ምስጋናችንን ልናቀርብ እንወዳለን። እግዚአብሔር ይባርካችሁ።

ፍቅር የተቀናጀ የማህበረሰብ ልማት ድርጅት - ፍቅር በተግባር

23/04/2025

ፋሲካን ቤተሰብ የሌላቸው አረጋዊያን ቤት በመሄድ፣ ምግብ በማዘጋጀትና ቡና በማፍላት ያሳለፉት የFICDO የበጎ ፍቃደኞች፣ የፋሲካ ማግስት ሰኞ እለት ደግሞ በዚህ አይነት ምሳ አዘጋጅተው ማህበረሰቡን ሲያገለግሉ ውለዋል። በጎ ፍቃደኞች እና ለዚህ ዝግጅት ሰሞኑን ገንዘብ ስታዋጡ የነበራችሁትን ሁሉ ደግመን እናመሰግናለን።
-----
FICDO - ፍቅር በተግባር

21/04/2025

ኣመት በአል ከዘመድ ወዳጅ ጋር ማሳለፍ የተለመደ ነው፡፡ እነዚህ የኬፋ ሚኒስትሪ ወጣቶች ግን በቡድን በቡድን ተከፋፍለው የፋሲካ በአልን ትናንት በFICDO ስር ከታቀፉት ቤተሰብ የሌላቸው ቢቸኛ አረጋዊያን ጋር አስላፈዋል፡፡ የአረጋዊያኑ መኖርያ ምንም የማይመች ቢሆንም እንኳን፤ እነዚህ ወጣቶች የሚያስፈልገውን ግብአት ሁሉ ይዘው ሄደው፤ ቡና አፍልተው የአረጋዊያኑን ቀዝቃዛ መኖርያ ሞቅ ደመቅ አድርገው ውለዋል፡፡ እንኳን በአመት በአል ቀን ቀርቶ በአዘቦትም ቀን ብዙም ጠያቂ የሌላቸው እነዚህ አረጋዊያን፤ ባዩት ፍቅር ምን ተሰምቷቸው እንደሆነ መገመት አያዳግትም፡፡
የጌታ እየሱስ ክርስቶስን ትንሳኤ በዚህ መልኩ ከማክበር ምን የተሻለ አለ?! ድሃን የሚወድ እርሱ የእግዚአብሄር ወዳጅ ነው፡፡
በዚህ የፍቅር አገልግሎት በተለያየ መልኩ ለተሳተፉ ሁሉ እግዚአብሄር ይባርካቸው እንላለን፡፡ ባላችሁበት ሁሉ የአረጋዊያኑ ከልብ የሆነ ምርቃት ይድረሳችሁ፡፡
_________
ፍቅር የተቀናጀ የማህበረሰብ ልማት ድርጅት - ፍቅር በተግባር

20/04/2025

ከሁሉ አስቀድመን እንኳን ለብርሃነ ትንሳኤው አደረሳችሁ እንላለን፡፡
እግዚአብሄር ለሰው ልጆች ያለውን ፍቅር አንድ ልጁን በመስጠት በተግባር እንዳሳየው፤ ፍቅር በተግባር ይገለጣል፡፡ ለፈጣሪና እርሱ ለፈጠረን የእጁ ስራዎች ፍቅራችሁን በተግባር ለማሳየት ፀጋ የበዛላችሁ፤ በጉልበት ፤በገንዘብ ፤ በሞራልና እና በተለያዩ መልኮች ድሃ ተኮር ፕሮጀክቶቻችንን እየደገፋችሁ አምስት አመት ድፍን ከኛ ጋር ለዘለቃችሁ ሁሉ በዚህ አጋጣሚ እግዚአብሄር ይባርካችሁ ልንል እንወዳለን፡፡
FICDO ፍቅር የተቀናጀ የማህበረሰብ ልማት ድርጅት
ስለ ድርጅታችን FICDO የበለጠ መረጃ ለማግኘት ድረ ገፃችንን https://ficdo.org/ ይጎብኙ፡፡

18/04/2025

አስቀድመን እንኳን ለ2017 ዓ/ም ትንሳኤ በአል አደረሳችሁ ልንል እንወዳለን!
ላለፉት አምስት አመታት እንዳደረግነው፤ የፋሲካ በአልን ምክንያት በማድረግ፤ ጧሪ ለሌላቸው አረጋዊያን ጥቂት እንድናካፍል FICDO ላቀረበው የፍቅር ጥሪ አስደናቂ ምላሽ ለሰጣችሁ ደግመን ምስጋናችንን እናቀርባለን፡፡
ባለፉት ቀናት፤ የበጎ ፈቃድ ሰራተኞቻችን፤ ለ75 አረጋዊያን ለአንዳንዶቹ በቢሮአችን፤ አቅም ለሌላቸው እና መምጣት ለማይችሉ ደግሞ በየቤታቸው እየሄዱ ድጋፉን አከፋፍለዋል፡፡ የደረቅ ምግብ ቢያገኙም ሊያበስሉ አቅም ለሌላቸው 15 አረጋዊያን ደግሞ በሳምንት አምስት ቀን የበሰለ ምግብ እያደረስንላቸው መሆኑን በዚህ አጋጣሚ ልንገልጥ እንወዳለን፡፡
ከዚህ በተጨማሪም፤ ከFICDO የምገባ እና ሌሎች ድጋፎች የሚያገኙ አንድ መቶ ተማሪዎችና አሳዳጊዎቻቸውን ጨምሮ የበጎ ፈቃድ ሰራተኞቻችን፣ የፍቼ ከተማ ደጋፊዎቻችን እና እንግዶች አመት በአልን አብረን ልናከብር በዝግጅት ላይ ነን፡፡ ይህን ሁሉ ማህበራዊ አገልግሎት በፍቅር እንድናስቀጥል ባለፉት አምስት አመታት ከጎናችን ለቆማችሁና ፍቅርን በተግባር ላሳያችሁ ደግመን ልናመሰግናችሁ እንወዳለን፡፡
መልካም የትንሳኤ በአል!
ፍቅር የተቀናጀ የማህበረሰብ ልማት ድርጅት - ፍቅር በተግባር
ስለድርጅታችን የበለጠ ለመረዳት ድረ-ገጻችንን https://ficdo.org ይጎብኙ፡፡

10/04/2025

መጪውን የፋሲካ በአል ምክንያት በማድረግ፤ ጧሪ ለሌላቸው አረጋዊያን ጥቂት እንድናካፍል FICDO ላቀረበው የፍቅር ጥሪ አስደናቂ ምላሽ አግኝተናል።
ለ50 አረጋዊያን 75,000 ብር ለማሰባሰብ ታቅዶ፣ ከሶስት እጥፍ በላይ 227,000 ብር ገቢ ሆኗል።
የFICDO የስራ አስፈፃሚ ኮሚቴ ትናንት ተሰብስቦ፣ ወደ ድርጅቱ የገባውን መጠንና ምክንያቶች አጣርቶ፣
- ለፋሲካ የደረቅ ምግብ ድጋፍ፣
- ለምናገለግላቸው የአመት በአል ምሳ፣
- ለአረጋዊያን የየእለቱ ምገባ
- ለተማሪዎች የየእለት ምገባ የተላለፉትን የመለየት ስራ አድርጓል።
እንዲህም ሆኖ፣ ለአመት በአል የተገኘው ድጋፍ ከታቀደው በላይ በመሆኑ በዚህ ፋሲካ ድጋፍ የሚያገኙ የአረጋዊያን ቁጥር
ከ50 ወደ 75 ከፍ እንዲል ተወስኗል። ይህም በየቀኑ ምሳ ከምናደርስላቸው 15 አረጋውያን ጋር፣ የተጠቃሚ አረጋዊያኑን ቁጥር 90 ያደርሳል።
በተጨማሪም በያመቱ እንደምናደርገው ለ100 ተማሪዎችና ወላጆቻቸው፣ የበጎ ፍቃደኞችና እንግዶች በአጠቃላይ ለ250 ሰዎች የአመት በአል ምሳ ይኖረናል።ለአመት በአል እንዲሆን ተለይቶ የተደረገው ድጋፍ ይሄንንም የሚጨምር ይሆናል።
ይህ ሁሉ እንዲሆን እጃችሁን የዘረጋችሁ፣ ያስተባበራችሁ እና ያበረታታችሁን ሁሉ እግዚአብሔር ብድራታችሁን ይክፈል። ድሃን የሚያስብ የእግዚአብሔር ወዳጅ ነው። እናንተም ፍቅርን በተግባር አሳይታችኻል።

ፍቅር የተቀናጀ የማህበረሰብ ልማት ድርጅት
ፍቅር በተግባር