Gamtaa Dargaggoota Oromoo

07/05/2026

“Paartii Badhaadhinaa filachuun kabaja biyya keenyaa olkaasuudha” - Obbo Awwaluu Abdii
==

Paartiin Badhaadhinaa erga sagalee uummataan gara aangootti dhufee as sirna dimokiraasii bu’uura jabaa irratti ijaaruuf hojii bal’aa hojjechaa jira. Akkasumas, Paartichi mootummaa uummataan bulu cimsuu, walqixxummaa mirkaneessuufi sabdaneessummaa dagaagsuuf hojiiwwan hedduu hojjechaa jira.

Gama misooma, nageenyafi dippiloomaasiitiinis hojiiwwan gurguddoon akka biyyaatti hojjetaman bu’aawwan mootummaa paartii badhaadhinaatiin durfamuuti.

Milkaa’inoota argaman kana itti fufsiisuun Itoophiyaa gara biyya fakkeenya taateetti ceesisuuf Paartiin Badhaadhinaa Filannoo Biyyaalessaa marsaa 7ffaa irratti duula “Na Filadhaa” geggeessee jira.

Haaluma kanaan, Paartiin Badhaadhinaa sagantaa duula “Na Filadhaa” Filannoo Biyyaalessaa Marsaa 7ffaa Bulchiinsa Magaalaa Sandaafaa Bakkeetti bakka miseensonnifi deeggartoonni paartichaa argamanitti geggeesseera.

Saganticha irratti haasaa kan taasisan Pirezidaantii iitti aanaa,Mootummaa Naannoo Oromiyaa Obbo Awwaluu Abdii, Paartii Badhaadhinaa filachuun guddinaa fi kabaja biyya keenyaa olkaasuudha jedhan.

Mootummaa jijjiiramaatiin rakkoolee hiyyummaafi boodatti hafummaaf sababa ta'an bu'uura irraa furuudhaan Itoophiyaa gara biyya fakkeenyaatti ceesisuuf kutannoon hojjetamaa jiraachuu dubbataniiru.

Gama biraatiin, Paartii Badhaadhinaa filachuun ulaa galaanaa nutti cufame banuudha jedhanii, filannoon mootummaa uummataan filatame ijaaruuf carraa guddaa ta’uu ibsaniiru. Filannoon kun haqa uummanni dhabee ture kan itti argatu ta’uus eeraniiru.

Badhaadhina waliigalaa mirkaneessuuf paartichi hojii bal’aa hojjechaa jiraachuu himanii, milkaa’inota argame caalaatti cimsuufis hojii itti fufiinsaan hojjetamaa jiraachuu dubbataniiru.

Mootummaa fi uummanni seenaa darbe keessatti injifannoolee akka qabu himanii, dogongoroonni seenaa garagaraas akka turan ibsaniiru. Dogongoroota mootummaa darbe keessatti uumaman irraa barachuun biyya bu’uura cimaa irratti ijaaruuf hojjetamaa jiraachuu eeraniiru.

Itoophiyaan biyya kabajamtuu fi mootummaa cimaa qabu akka taatuuf hojjetamaa jiraachuu himanii, hawaasni dinagdee, barnootaa fi teknooloojiidhaan dorgomaa akka ta’u xiyyeeffannoon hojjetamaa jiraachuu dubbataniiru.

Kantiibaan Magaalaa Sandaafaa Bakkee Obbo Alaammayyoo Tonkoluu gamasaaniitiin, Paartiin Badhaadhinaa paartii biyya diigumsaa irraa baraare ta’uu himaniiru. Akkasumas paartichi dimokiraasii bu’uura jabaa irratti ijaaruuf walqixxummaa mirkaneessuu, mootummaa uummataan bulu cimsuufi sabdaneessummaa dagaagsuuf hojiiwwan hedduu hojjechaa jiraachuu ibsaniiru.

05/05/2026

IItoophiyaa gara biyya fakkeenyummaatti!!

Shawaa Bahaa Aanaa Booraatti jala bultii duula na filadhaa Paartii Badhaadhinaa Godina Shawaa Bahaatin geggeeffamaa jira.

Paartiin Badhaadhinaa biyya sodaa diigumsarraa baraaree badhaadhinaatti ceesisaa kan jiruufi Paartii waadaa ummataaf gale qabatamaan milkeessaadha.

Paartiin Badhaadhinaa paartii walqixummaa sabaaf sablamootaafi federaalislizimii dhugaa mirkaneessuuf hojjetaa jirudha.

04/05/2026

Nageenya waaressuun misoomni amansiisaan akka dhugoomuuf gahee keeny ni baana jedhan Dargaggootni Godina Buunnoo Beddellee

Godina Buunnoo Beddelleetti leenjiin hubannoo uumu haala nageenyaa waaraa caalmaatti mirkaneessuun danda'amu irratti Aanolee adda addaa keessatti kennamaa jira.

Leenjicha irratti nagaan bu'uura waan hundaati; kanaaf nagaafi nageenya waaraa mirkaneessuun misooma akkasumas imala badhaadhinaa eegalame milkessuu keessatti gaheen dargaggootaa olaanaadha jedhan Itti Gaafatamaan Ijaarsa Paartii Badhaadhinaa Damee Godina Buunnoo Beddellee Obbo Ashaanafii Biraanuu fi IG Gurmuu Dargaggoo Paartii badhaadhina damee godinicha Dargaggoo Gammachuu Adabaa Bakkewwaan Leenjiin kun kennamutti argamani erga dabarsaniiru.

Dargaggoonni sababaawaa ta'uun beekumsa, yaadaafi anniisaa dargaggummaa isaanii misoonma, nageenyaafi ijaarsa biyyaaf qindoominaan oolchuu akka qabanis bal'inaan irratti mar'atame jira.

Leenjiin kunis Hanga sadarkaa Gandatti ni gaggeffama.

24/04/2026

Gamaaggamni Idleessa fi Fayyadamummaa Dargaggootaa sekteroota Sadarkaa Naannoo Eegalame

Gamaaggamni Idleessa fi Fayyadamummaa dargaggootaa sekteraalee sadarkaa naannootti gaggeeffamu jalqabameera. Sagantaan gamaaggamaa kun kan jalqabsiisan itti aanaa Biiroo Dargaggootaa fi Ispoortii Oromiyaa (BDIO) fi hogganaa damee dargaggootaa kan ta’an Obbo Kadir Indaalkachootiin yoo ta’u, Haasaa taasisaniin, fayyadamummaan dargaggootaa hojii misooma dargaggootaa keessatti yeroo kamuu caalaa jijjiirama guddaa fidee jiraachuu ibsaniiru. hojii misooma naannoo Oromiyaa keessatti qixa hundaan gaggeeffamaa jiru keessatti dargaggoonni fayyadamoo ta’uun isaanii ifatti mul’achaa jira. Kunis qooda isaanii dinagdee, hawaasummaa fi siyaasaa keessatti dabalaa dhufuu agarsiisa. Fuuldurattis fedhii fi gaaffilee dargaggootaa sadarkaa olaanaan deebisuuf hojii bal’aan hojjetamaa akka jiru eeraniiru.

Gamaaggamni guyyaa har’aa gaggeeffamaa jiru kun, ciminoota hojii ji’oota saglan darban keessatti galmaa’an adda baasuun cimsuufi hanqinoota mul’atan sirreessu irratti xiyyeeffata. Akkasumas, yeroo hafe keessatti fayyadamummaa dargaggootaa daran guddisuun karoora bara hojii kanaa milkeessuuf kallattii kaa’a.

Sagantaan kun sekteraalee garaagaraa hirmaachisuun, raawwii hojii fayyadamummaa dargaggootaa irratti hojjatame dhiyeessuun mari’achuun kan itti fufu yoo ta’u, bu’aan isaa imala badhaadhinaa fi hirmaannaa dargaggootaa cimsuuf gumaacha olaanaa qaba.

19/04/2026

"Olaantummaan seeraa kabajamuu fi haqni uummataa mirkanaa’uun bu’uura mootummaa cimaa ijaaruuti" Obbo Gazaalii Abbaa Simal
==

Mootummaan Naannoo Oromiyaa fooyya’iinsa sirna haqaa mirkaneessuuf tajaajila abbaa seerummaa ogummaa fi qorannoon deeggarameen kennuun tajaajila haqaa saffisaa, dhaqqabamaa fi si’oomina qabuun uummataaf dhiyeessuuf xiyyeeffannoo olaanaa kennee hojjechaa jira.

Bu'uuruma kanaan Biiroon Kominikeeshinii Oromiyaa, dhimma raawwii hojii abbaa seerummaa fi hojii Mana Murtii Waliigalaa Oromiyaa irratti xiyyeeffachuun, Pirezidaantii Mana Murtii Waliigalaa Oromiyaa waliin turtii taasiseera.

Olaantummaan seeraa kabajamuu fi haqni uummataa haqaan mirkanaa’uun bu’uura mootummaa cimaa ijaaruu fi itti fufiinsa egeree biyyaa mirkaneessuuf murteessaa ta’uu Pirezidaantiin Mana Murtii Waliigalaa Oromiyaa Obbo Gazaalii Abbaa Simal ibsaniiru.

Manneen murtii naannichaa tajaajila haqaa qulqulluu, saffisaa fi iftoomina qabu kennuun haqa uummataa mirkaneessuuf sirna hojii ammayyaa teeknoolojiin deeggarame diriirsuun hojirra oolaa jiraachuu ibsaniiru

Sirna hojii abbaa seerummaa ammayyeessuu, seerota fooyyessuu fi sirreessuu, humna namaa gahumsaan guutuu fi dhaqqabummaa tajaajila seeraa babal’isuun hojiiwwan ijoo irratti xiyyeeffannoon hojjetamaa ture bu’aa qabatamaa argamsiisaa jiraachuu ibsaniiru.

Kenniinsi tajaajila seeraa fooyya’a dhufeen deddeebiin abbaa dhimmaa hir’isuun, dhimmoonni teeknoolojiitti fayyadamuun karaa iftoomina qabuun akka hiikaman taasifamaa jira. Akka ibsa isaanitti dhimmoonni mana murtii dhufan guyyaa shan keessatti xumuramuu, ol iyyannoon immoo guyyaa sadi keessatti deebii argachuu jalqabuu isaa ibsaniiru.

Bara kana baatiiwwan saglan darban keessatti galmeewwan dhihaatan keessaa 94.6% karaa teeknoolojiitiin murtii kan argatan yoo ta’u, kana keessaa 97% ol istaandaardii mana murtii kaa’een akka raawwataman eeraniiru.

Hanga ammaatti, naannoo Oromiyaatti wiirtuu tajaajila abbaa seerummaa 462 hanga sadarkaa gandaatti ijaaruun tajaajilli dhiyaachaa jira. Akkasumas, karoora qabameen bara 2022tti sirna tajaajila abbaa seeraa waraqa malee (paperless) hojirra oolchuuf hojjetamaa jiraachuus Obbo Gazaaliin dubbataniiru.

Riifoormiin gara garaa diriirfamee jiru tajaajila abbaa seerummaa qulqulluu, saffisaa fi iftoomina qabu mirkaneessuuf bu’uura cimaa uumaa jiraachuu ibsanii, riifoormiin kunis hunda galeessa ta’uu himaniiru.

Dabalataanis, mootummaan Naannoo Oromiyaa sirna haqaa cimsuuf mana murtii aadaa beekkamtii seeraa akka argatu taasisuun, labsii lakkoofsa 240/2013n hundeessuun rakkoo uummataa karaa aadaa fi duudhaa ganamaatiin hiikuu irratti hojjetamaa jiraachuu ibsaniiru

Dhuma irratti, sirna haqaa cimaa ijaaruu fi olaantummaa seeraa mirkaneessuuf hirmaannaan uummataa murteessaa ta’uu hubachiisuun, uummanni dammaqinaan qaama seeraa cinaa dhaabbachuun dirqama isaa bahuu akka qabu Obbo Gazaaliin yaadachiisaniiru.

06/03/2026

"Pirojektiiwwan fayyadamummaa dargaggootaa mirkaneessan ijaaruu keessatti dhaabbileen deeggarsaa gahee olaanaa qabu." Dooktar Ergoogee Tasfaayee

Mootummaan jijjiiramaa yaadamoota adda addaa uumuun pirojektiiwwan gurguddoo dhalootaaf ta'u ijaaruuf xiyyeeffannoon hojjechaa jira.

Haaluma kanaan Bulchiinsa Magaalaa Aggaarootti pirojektiiwwan adda addaa fayyadamummaa ummataa mirkaneessan hedduu kan hojjatame yemmuu ta’u pirojeektii kana keessaa giddu galli dargaggoo Magaalaa Aggaaroo haaroomfame guyyaa har’aa eebbifamuun ifatti hojii jalqabeera.

Kantiibaan Bulchiinsa Magaalaa Aggaaroo Obbo Naziif Mahaammadamiin sirna eebbaa kanarratti argamuun ergaa dabarsaniin misooma koridarii cinaatti dargaggoonni araadaaf akka hinsaaxilamne misooma dargaggoota giddugala taasise babal'isuu,mana kitaabaa dijitaalaa ijaarameef,giddugala dargaggoo istaandaardii isaa eeggateefi ,bakkeewwan bashannanaa
magaalichatti hojjetaman mootummaan dhaloota kanaaf hammam akka karoorse hojjete milkeessuu danda’u kan agarsiise ta'u dubbataniiru.

Giddu galli kun sadarkaa isaa kan eeggateefi ji’oottan torban darban keessatti dhaabbata UNFPA fi bajata magaalichaatiin qarshii miliyoona 100 oliin giddugalichi kan yemmuu ta’u bakka kubbaa kaachoo, tiraakii figichaa, Interneet kaaffee, hooteela ammayyaa hojjatamee guyyaa har’aa ifatti eebbifamuu isaa Obbo Naziif himuun,dhaabbata UNFPA galateeffataniiru.

Ministirri Dubartootaa fi Dhimma Hawaasummaa Dr. Ergoogee Tasfaayee sirna eebbaa kana irratti argamuun haasawaa taasisaniin mootummaan bajataafi dhaabbilee adda addaa hirmaachisuun hojiiwwan muuxannoo ta’an hedduu hojjechaa akka jiru himuun,Paartiin Badhaadhinaa pirojektiiwwan jalqabe xumuruuf dhaloota eegereef dabarsu akka ta’eefi giddugala seena qabeessa kana eebbisiisuu isaanii gammachuu guddaa akka ittidhagahamee dubbataniiru.

Dabalataanis hoggantuun Biiroo Dargaggoof Ispoortii Oromiyaa Aadde Roozaa Biyyaa sirna eebbaa kanarratti argamuun ergaa dabarsaniin sadarkaa magaalaatti inisheetivii dargaggootaa milkeessuuf sochiin Bulchiinsa Magaalaa Aggaaroo taasisaa jiru abdachiisaa ta'u ibsaniiru.

06/02/2026

Biyya guddoofi dhageettii qabdu ijaaruu keessatti gaheen dargaggootaa olaanaadha !!

Bulchiinsa Magaalaa Aggaarootti
waltajjiin marii sosochii dargaggootaa,ijaarama cimaa dargaggootaa cimsuuf kaayyeeffate gaggeeffame.

Waltajjichaa irratti Ittigaafatamaan Siyaasaa Paartii Badhaadhinaa Magaalaa Aggaaroo Obbo Yirgaa Abbooyyee,Ittigaafatamaan Waajjiira dargaggoofi ispoortii magaalichaa dargaggoo Rafiiq Siraaj akkasumas ittigaafatamtonni jaarmiyaaleen dargaggootaa sadarkaan jiran qooda fudhataniiru.

Dargaggonni waltajjicha irratti hirmaataniis misoomaafi nageenya magaalattiif,tumsa irraa eegamuu kan bahatan ta’u dubbataniiru.

11/10/2025

Addunyaa kana irratti wantoonni yaalii namootatii fi wantoota dhokatan argachuuf oolan kanneen akka saree fi hantuutaa akkasumas harree fi kannisaa biyyoota qaroomaan keessatti hojii hojjataniif qixa namootaa badhaasa gulantaa fi kabajaa yoo argatan ni mul'atu. Haata'u malee, biyyoota guddachaa jiran keessatti beeladoota dhiisii namoota yaada, gorsa akkasumas beekkumsa isaanii irraa xalafachuun imaammata siyyaasaa isaanii taasifataniif badhaasa gulantaa fi kabajaa kennuufin haa hafuutii daabboodhuma faaraa illee kutuufin qaaniidha. Yeroo sirna darguu illee qaama miidhamtoota dudda duuba mootummaa taa'ani gorsa kennan yaadachuu baadhuus sirna ADWI keessa namni qaroo hin qabne tokko mootummaa duuba taa'ee tajaajila bilisaa kennaa akka ture argaas dhaga'aas turre. Haata'u malee, badhaasa gulantaa fi kabajaa kennuufin haafuu suuraa isaa akkasumas yaada isaa illee ifatti baasanii hawaasa dhageessisuun qaanii ture. Barri badhaadhinaa ammoo yaada qaama miidhamtootaa dhimma itti bahanii fi bahaa jiraniif beekkamtii akkasumas badhaasa gulantaa fi kabajaa kennuufin haa hafuuti lammileen biyyattii yaada biyya isaanii fayyaduu danda'u biyya isaanitiif wayita gumaachan maqaa fi teessoon isaanii yoo dhokate malee mootummaa mataa isaa qofa giddu gala siyyaasa biyyatti taasifate- mootummaa ida'amuu dayeessuu danda'u jedhamee waan yaadamuuf waa'ee badhaasa kabajaas ta'ee beekkamtii maqaa dhahuun hin danda'amu.
Haata'u malee, mootummaan ida'amuu ofiin jedhu kun namoota dhibee sammuu qabanii fi qaroo dhabeeyyii ta'an yakkamaa fi qorataa yakkaa godhachuun nama tokko maqaa lamaan akka waamaanii -xilahuu/xilahee fi barataa ajjeechaa keessatti hirmaate - Kabbadaa Gammachuu barbaadaa akka jiran fakkeessuun qaama miidhamtootatti fayyadamee dhugaa awwaalaa akka ture muudannoo yeroo dhiyooti.

29/09/2025

Baga booqaa birraa geessan!

“Birraan waakkii hin qabu” jedha Oromtichi. Kan arfaasaa qotanii, ganna facaafatan biqilee dachee uwwisee, daraaree yeroon itti asheetu amma. Kanaafi birraan kan waakkii hin qabneef. Waktii itti waakkatan osoo hin taane yeroo waa arjoomani!

Walleen “YAA SHUURAKOO” jedhu kunis kennaa kiyya Birraati. Hojii bareedaa foolii uumee wallee Oromoo qabu kana akka jaalattan hin shakku. Kennaan kun boru (Kibxata 20/01/2018)30,Sep/2025 karaa toora (YouTube Channel) kiyyaan isin qaqqaba. Boru waaree booda, gara sa'aatii 11:00 booda toora irratti nu eegaa!

28/09/2025

Hojii gaarii! Ijaa fi gurratti tolu

Yosan Getahun - Jomoree - New Ethiopian Oromo Music 2025 (Official Video)Nahom Records Inc.is the ultimate next generation Ethiopian Music, CD, Producer and ...