04/10/2026
የኢትዮጵያ ቀይ መስቀል ማኅበር የሐረሪ ክልል ቅርንጫፍ በ38 ሚሊዮን ብር የተገዛ ዘመናዊ የፍሳሽ ማስወገጃ ተሽከርካሪ ተረከበ።
***
በኢትዮጵያ ቀይ መስቀል ማኅበር የሐረሪ ክልል ቅርንጫፍ ፅ/ቤት ከብሔራዊ ማኅበሩ በ38 ሚሊዮን ብር ወጪ የተገዛ ዘመናዊ የፍሳሽ ማስወገጃ ተሽከርካሪን ተረክቧል።
ተሽከርካሪው የቅርንጫፉን የአገልግሎት አቅም ለማጠናከር፣ የአገልግሎቶችን ተደራሽነት ለማስፋት እና በማኅበረሰቡ የሚታዩ የሰብዓዊና ማኅበረሰብ አገልግሎት ፍላጎቶችን በተሻለ ሁኔታ ለመመለስ የሚያግዝ አቅም መሆኑ ተገልጿል።
በማህበሩ የሐረሪ ክልል ቅርንጫፍ ፅ/ቤት ኃላፊ አቶ አስፋው ሰንበቶ በርክክቡ ወቅት እንደገለጹት አዲሱ ተሽከርካሪ በቀጥታ ለሕዝብ አገልግሎት የሚውል ሲሆን፣ የቅርንጫፉን የዕለት ተዕለት የአገልግሎት አቅም በማጠናከር ለማኅበረሰቡ የሚሰጡ አገልግሎቶችን በተሻለ ደረጃ ለማድረስ ያስችላል ብለዋል።
ኃላፊው አክለውም ቅርንጫፉ ይህንን ዘመናዊ ተሽከርካሪ ወደ ሥራ በማስገባት ብቻ ሳይወሰን፣ በክልሉ የሚያከናውናቸውን የሰብዓዊ ድጋፍ፣ የማኅበረሰብ አገልጋይነት እና ሌሎች የልማት አገልግሎቶች ለማጠናከር የሚያስችሉ አዳዲስ አገልግሎቶችን ለማስፋፋት እየሠራ መሆኑን ጠቁመዋል።
ቅርንጫፉ ከክልሉ መንግሥት፣ ከአካባቢው ማኅበረሰብ እና ከተለያዩ አጋር አካላት ጋር በመቀናጀት የሰብዓዊ አገልጋይነት ኃላፊነቱን በተሻለ አቅም ለመወጣት የሚያደርገውን ጥረት የሚያጠናክር እርምጃ መሆኑን ተናግረዋል።
በተለይም የአገልግሎት መሠረተ ልማትን ማጠናከር ለማኅበሩ ዘላቂና ተደራሽ አገልግሎት አሰጣጥ ወሳኝ መሆኑን በመገንዘብ፣ ቅርንጫፉ በቀጣይም የሕዝብን ተጠቃሚነት የሚያረጋግጡ ዘላቂ ፕሮጀክቶችንና አዳዲስ አገልግሎቶችን በማስፋፋት ላይ ያለውን ጥረት አጠናክሮ እንደሚቀጥል ገልፀዋል።
የ38 ሚሊዮን ብር ዘመናዊ የፍሳሽ ማስወገጃ ተሽከርካሪው በሐረሪ ክልል የቀይ መስቀል የማኅበረሰብ አገልግሎት አቅምን ለማጠናከር የተወሰደ አዲስ እርምጃ ሆኖ እንደሚያገለግል ተመላክቷል ።
በርክክብ ሥነ ሥርዓቱ ላይ የቅርንጫፉ ቦርድ ሊቀመንበር ኢንጂነር ነቢል ዩሱፍ፣ የቦርድ አባላት፣ የማኅበሩ በጎ ፈቃደኞች ፣ ሰራተኞች እንዲሁም ባለድርሻ አካላት ተገኝተዋል።
መስከረም 24/2019
ለሰብአዊነት እንኖራለን!!
