https://www.facebook.com/108083205050876/

Dire Dawa Administration Association of Construction Contractors, Dire Dawa Kebele 03, Dire Dawa (2026)

28/12/2023

የደህንነት ሄልሜቶች በቀለማት ሲለዩ

▪️ነጭ ሄልሜት፦ ለኢንጂነሮች፣ ለማናጀሮች፣ ለፎርማኖች፣ ለሱፐርቫይዘሮች
▪️ሰማያዊ ሄልሜት፦ ለኤሌክትሪሺያኖች ለአናፂዎችና ለቴክኒክ ሠራተኞች
▪️ቀይ ሄልሜት፦ ለእሳት አደጋ ሠራተኞች
▪️አረንጓዴ ሄልሜት፦ ለሴፍቲ ሠራተኞች
▪️ግሬይ ሄልሜት፦ ለሳይት ጎብኚዎች
▪️ቢጫ ሄልሜት፦ ለጉልበት እና ለግንባታ ማሽን ኦፕሬተር ሠራተኞች
▪️ ብራዎን ሄልሜት፦ ለበያጆችና ከፍተኛ ሙቀት ባለበት ቦታ ለሚሰሩ ሠራተኞች

ሠራተኞች በሥራ ወቅት በደህንነት ጉድለት ምክንያት የተለያዩ አደጋዎች እና ጉዳቶች ሲያጋጥሟቸው ይሰተዋላል፡፡ ይህንንም ችግር ለመቀነስ የተለያዩ የሕግ፣ የህብረተሰብ ጤና እና ማህበራዊ ግንዝቤ ሥራዎች ሲሞከሩ ይታያል፡፡

በተለይም እኤአ ከ1919 ዓ.ም ጀምሮ የዓለም አቀፉ የሥራ ድርጅት (International Labour Organization/ILO) መቋቋምን ተከትሎ በርካታ ከሠራተኛ የሥራ ደህንነት ጋር የተያያዙ መርሆዎች እያደገ መምጣቱ አይዘነጋም፡፡

ይህንንም ተከተሎ የተባበሩት መንግስታት ድርጅት (ተ.መ.ድ) ጠቅላላ ጉባዔ እኤአ በ1948 ዓ.ም ባወጣው ሁሉን አቀፍ የሰብዓዊ መብቶች መግለጫ (Universal Declaration of Human Rights-UDHR) የሥራ ላይ ደህንነት አንዱ የሠራተኞች መብት እነደሆነ ደንግጓል፡፡

የግንባታ ሥራ በራሱ እጅግ ውስብስብ ከመሆኑ ባሻገር በርካታ ሥራዎች በጉልበት የሚከናወኑ (labour intensive) በመሆናቸው ብሎም ከሥራው ባህሪ አንጻር ፈረጅ ብዙ የሥራ ክንውን የሚካሄድበት ስለሆነ በደህንነት ጉደለት ምክንያት በርካታ አደጋ እና ስጋት ሲያጋጥም ይሰታዋላል፡፡

እንደ ዓለም አቀፉ የሥራ ድርጅት (ILO) ሪፖርት ከሆነ በዓለም አቀፍ ደረጃ በየአመቱ በግንባታ ወቅት ቢያንስ 60ሺ ሠራተኞች ከደህንነት ጉደለት ጋር በተያየዘ ለሞት የሚዳረጉና ከባድ የአካል ጉዳት አደጋዎች እንዳሚያጋጥማቸው ጠቁሟል፡፡ ይህም ማለት በየአስር ደቂቃው ውስጥ አንድ ከባድ አደጋ ይደርሳል እንደ ማለት ነው፡፡ ሪፖርቱም በተለይ ከአጠቃላይ የሥራ ላይ አደጋዎች ውስጥ 17 ፐርሰንት ይህም ከስድስት አደጋዎች ውስጥ አንዱ የሚሆነው ገዳይ አደጋ በግንባታ ዘርፍ እንደሆነ ያትታል፡፡

የግንባታ ደህንነት ሲባል አንድ የግንባታ ፕሮጀክት ከጥንስሱ እስከ ፍጻሜው ድረስ በሚካሄዱ መጠነ ሰፊ የግንባታ እንቅስቃሴዎች ውስጥ ሊደረጉ የሚገባቸው እንዲሁም ሊወሰዱ የሚችሉ ጥንቃቄዎች የሚይዝ አሰራር ነው፡፡

የግንባታ ደህንነትን በተመለከተም በ2005 ዓ.ም የወጣው የኢትዮጵያ የኮንስትራክሽን ኢንዱስትሪ ፖሊሲ፣ የኮንስትራክሽን ሥራ ደህንነት ጉዳይ ከኢንዱስትሪው ዕድገት ጋር ተያይዞ በትይዩ ትኩረት የሚሠጠው ቁልፍ ስራ መሆን እንዳለበት ይናገራል፡፡ በፈጻሚ አካላት የሚስተዋለው በፕሮጀክት ሳይቶች የሥራ አካባቢ ደህንነት ፖሊሲ ስርዓት እንዲኖር ለማድረግ የሚወጣው ወጪና የሚመደበው ጊዜ እንደተጨማሪ ወጪ አድርጐ የመመልከት እሳቤ በመሠረታዊነት መቀየር እንዳለበትና ለስራ አካባቢ ሰራተኞች ጤንነትና ደህንነት ጥበቃ የሚወጣ ወጪ የግንባታ ወጪ በመሆኑ ትርፍ እንዳልሆነ አጥብቆ ያሳስባል፡፡

በኮንስትራክሽን ሥራ አካባቢዎች መደረግ የሚገባቸው ጥንቃቄዎች ባለመወሰዳቸው ምክንያት የሚደርሱ ከቀላል እስከ ከባድ የንብረትና ህይወት መጥፋት ጉዳቶች መከላከል ያሻል፡፡ እነዚን የመሰሉ አደጋዎች ለመከላለል የሚያስችል በግንባታ ሂደት መወሰድ ስለሚገባው ጥንቃቄ በቂ ስልጠናና አፈጻጸሙን መከታተል የዋናው ሥራ አካል ተደርጎ መፈጸም ይኖርበታል፡፡

የኮንስትራክሽን አካባቢ ደህንነት (Construction Site safety) የግንባታ ሂደቱ ጥራት፣ ቅልጥፍና እና ውጤታማነት መረጋገጥ ወሳኝ እርምጃ ተደርጐ መወሰድ ይኖርበታል፡፡ ስለዚህ በሀገራችን የኮንስትራክሽን ሥራ እንቅስቃሴ ደህንነት ማስፈን ፖሊሲው አጉልቶ ያስቀመጠበትን ሁኔታ መገንዘብ ጠቃሚ ነው፡፡

15/12/2023

በፕሮጀክቶች ላይ ለሚፈጠሩ አለመግባባቶች አማራጭ የግጭት አፈታት አገልግሎትን ያግኙ

🚧 “በብዙ የማህበራዊና የተፈጥሮ ሳይንስ ዘርፎች አለመግባባት ተፈጥሮአዊ መሆኑ ተደጋግሞ የተገለፅ እውነታ ነው፡፡ በህግ ወይንም በውል የተገለፁ መብቶች ያለመከበር እና የይገባኛል ጥያቄዎች ለእነዚህ አለመግባባቶች መፈጠር መሰረታዊ ምክንያት ናቸው፡፡ መሰል ይገባኛል ጥያቄዎችን በአግባቡ መፈታት ያልተቻለ እንደሆነ ጉዳዩ ወደ አለመግባባት ደረጃ የማደግ እድሉ ሰፊ ነው፡፡ ስለሆነም ያለመግባባቶች ከፍ ወዳለ ደረጃ ከማደጋቸውና ለፕሮጀክቶች አፈጻጸም እንቅፋት ከመሆናቸው በፊት መታረም መቻላቸው አስፈላጊ ነው፡፡

ፕሮጀክቶች በተያዘላቸው ጊዜ በተያዘላቸው በጀት ለማጠናቀቅ ይቻል ዘንድ የተለያዩ የግጭት አፈታት ዘዴዎችን ተጠቅሞ ያጋጠሙ አለመግባባቶችን መፍታት አሁን አሁን ይበልጥ እየታመነበት የመጣ ጉዳይ ሆኗል፡፡ የግንባታ ዘርፉም ከግጭቶች/ ካለመግባባቶች የፀዳ ባለመሆኑ በተመሳሳይ ዕይታ የሚታይ እና መፈታት ያለበት ጉዳይ ነው፡፡

የግንባታ ሂደት በውስጡ ከሚሳተፉ ባለድርሻዎች፣ ከሚፈስበት መዋዕለ ነዋይ እንዲሁም ከሚወስደው ጊዜ ውስብስብነት ወዘተ አንፃር አለመግባባት መፈጠሩ የሚጠበቅ ነው፡፡ በግንባታ ሂደቶች ውስጥ የሚያጋጥሙ አለመግባባቶችን መፍታት ፈርጀ ብዙ ጠቀሜታ እንዳለው የዘርፉ ባለሙያዎች በስፋት ይገልጻሉ፡፡

ስለሆነም ግጭቶች/ አለመግባባቶች/ ወደ ፍርድ ቤት ከመሄዳቸው በፊት አማራጭ የግጭት አፈታት ዘዴዎችን በመጠቀም ሊያጋጥሙ የሚችሉ አለመግባባቶችን መፍታት በተከራካሪ ወገኖች መካከል መልካም ግንኙነትን ከማስቀጠል አኳያ፣ ከህግ ሙያ ውጪ ያሉ ሌሎች ባለሙያዎችን ከማሳተፍ በተጨማሪ ጊዜን፣ ወጪን እና በዳኝነት ተቋማት ላይ የሚፈጥረውን ጫና የሚቀንስ በመሆኑ ይህ አሰራር በግንባታ ዙሪያ የሚኖረው ጠቀሜታ የጎላ ነው፡፡

የሚኒስትሮች ምክር ቤት የፌዴራል መንግስት አስፈጻሚ አካላትን ስልጣንና ተግባር ለመወሰን በወጣው አዋጅ 1263/2014 የኢትዮጵያ ኮንስትራክሽን ባለስልጣን የተቋቋመ እና ስልጣኑንና ተግባሩንም ለመወሰን እንደዚሁ በሚኒስትሮች ምክር ቤት ደንብ ቁጥር 524/2015 መሰረት አድርጎ መቋቋሙ ይታወቃል፡፡

ይህን መነሻ በማድረግ በኢትዮጵያ የዳኝነት እና የዕርቅ አሰራር ስርዓት አዋጅ ቁጥር 1237/2013ን መሠረት በማድረግ እና በደንብ ቁጥር 524/2015 አንቀጽ 5 (16) የኢትዮጵያ ኮንስትራክሽን ባለስልጣን በመንግስት ኮንስትራክሽን ስራዎች ለሚፈጠሩ የውል አለመግባባቶች በሚዘረጋው አሰራር ስርዓት ፕሮጀክቶች/ ተዋዋዮች በአማራጭ የግጭት መፍቻ ዘዴዎች መፍትሄ እንዲያገኙ የማድረግ ስልጣንና ተግባር ተሰጥቶታል፡፡

በዚህም መነሻነት፣ የኢትዮጵያ ኮንስትራክሽን ባለስልጣን በመንግስት ኮንስትራክሽን ስራዎች ለሚፈጠሩ የውል አለመግባባቶች በዘረጋው የአሰራር ስርዓት በአማራጭ የግጭት መፍቻ ዘዴዎች መፍትሄ እንዲያገኙ እየሰራ መሆኑን እየገለፅን ማንኛውም የህንጻና የመሠረት-ልማት ፕሮጀክቶችን የሚያስገነቡ እና እያስገነቡ ያሉ የመንግስት አስፈጻሚ ተቋማት እና የሚመለከታቸው የባለድርሻ አካላት በመደበኛ ፍርድ ቤት የሚሰጡ አገልግሎቶች እንደተጠበቀ ሆኖ፤ አለመግባባቶችን በአማራጭ የግጭት አፈታት ዘዴዎች መፍታት የሚፈልጉ የመንግስት ተቋማት ወይም ግጭቶችን በአማራጭ የሙግት መፍቻ ዘዴዎች ለመፍታት የህግ ስልጣን ያላቸው ተቋማት አገልግሎቱን ከባለስልጣን መ/ቤቱ ማግኘት የሚችሉ መሆኑን እናሳውቃለን፡፡

የኢትዮጵያ ኮንስትራክሽን ባለስልጣን

13/12/2023

ባዮቴክኖሎጂ በኮንስትራክሽን ኢንደስትሪ ውስጥ ጥቅም ላይ ሊውል ነው
__▪️
በኢትዮጵያ የኮንስትራክሽን ኢንደስትሪ ውስጥ ባዮቴክኖሎጂን ለመጠቀም የሚካሄደው ጥናት ውጤት እያሳየ ነው።

የኮንስትራክሽን ማኔጅመንት ኢንስቲትዩት
ከአዲስ አበባ ሳይንስና ቴክኖሎጂ ዩኒቨርስቲ (ASTU) ጋር በቅንጅት እየሠራ ያለውን የባዮቴክኖሎጂ የምርምር ሥራ ተግባራዊ ለማድረግ የሚያስችል መድረክ በዩኒቨርስቲው ማዕከል አካሂዷል፡፡

የጥናትና የምርምር ሥራው የሚካሄደው ስነ- ህይወትን ( ባክቴሪያን) መሠረት ባደረገ ባዮቴክኖሎጂ የግንባታ ግብአቶችን ለማምረት እንዲሁም የመሰነጣጠቅ ችግር የሆነውን የግንባታ ፈተና ለማዳን እና ለማስወገድ ነው፡፡

ጥናቱ የሚካሄደው በዩኒቨርስቲው በተዋቀረ የጥናት ቡድን አማካኝነት ሲሆን፣ ማኔጅመንት ኢንስቲትዩት ለጥናቱ በጀት መድቦ ውጤቱን እየተከታተለ ይገኛል፡፡

ጥናቱ እየተካሄደ ያለው Microbial Bio-cement, Bio- blocks, Bio- enzyme and Brick -making machine በሚሉ አራት ጉዳዮች ላይ ነው፡፡

በጉዳዮቹ ላይ የጥናት ቡድኑ አባላት ዶ/ር መስፍን ታፈሰ፣ አቶ ዳንኤል ሙሉ እንዲሁም ዶ/ር ኃይሉ ሽመልስ ዝርዝር ገለፃ አቅርበዋል፡፡

የኢንስቲትዩቱ ዋና ዳይሬክተር ኢንጅነር ታምራት ሙሉ ስሜ እንደተናገሩት፣ አማራጭ የግንባታ ግብአቶችን ለማግኘት የሚያስችሉ ጥናትና ምርምሮችን ማካሄድ፣ ቴክኖሎጂዎችን ማሸጋገር፣ የፈጠራ ሥራዎችን መደገፍና ማበረታታት የኢንስቲትዩቱ ስልጣን እና ተግባር በመሆኑ በእነዚህ ሥራዎች ዙሪያ በትኩረት እየሠራ ይገኛል ብለዋል፡፡

ይህ በASTU በኩል የሚካሄደው የባዮቴክኖሎጂ ጥናት እጅግ ጠቃሚ እና አዋጭ እንደሆነም ዋና ዳይሬክተሩ ገልፀዋል፡፡

በመድረኩ ላይ የተገኙት በከተማና መሠረተ ልማት ሚኒስቴር ሚንስትር ዲኤታ የሆኑት ኢንጅነር ወንድሙ ሴታ፣ ጥናቱ ከሂደት ወጥቶ በቶሎ ተግባራዊ መሆን እንዳለበት ያሳሰቡ ሲሆን፣ በሁሉም ጥናት ውጤቶች ሠርቶ ማሳያ በቅርቡ ማየት እንደሚፈልጉም ተናግረዋል፡፡

የመድረኩ ተሳታፊዎች ይህ ባዮቴክኖሎጂ ላይ የሚደረገው ጥናት የሀገሪቱን የኮንስትራክሽን ችግር የሚፈታና ለዜጎች የሥራ እድል ፈጠራ፣ አቅምን ያገናዘበ መኖሪያ ቤት ለማግኘት እንደሚረዳም ተናግረዋል፡፡

ግንባታዎች ከተጠናቀቁ በኋላ በሚደርስባቸው መሰነጣጠቅና በሚፈጥሩት ክፍተት በቶሎ ስለማይጠገኑ በሀገር ላይ የሚያስከትሉት ኪሳራ ከፍተኛ መሆኑንም ገልፀዋል።

የASTU ዋና ዳይሬክተር ዶ/ር ደረጀ እንግዳ በበኩላቸው፣ የተሰጡ ጠቃሚ አስተያየቶችን በግብአትነት በመውሰድ ጥናቶቹን ተግባራዊ በማድረግ ሥራ ላይ ለማዋል የበለጠ በቁርጠኝነት እንደሚሰሩና የጥናቶቹን የምርምር ውጤቶች በቅርብ እንደሚያሳዩ ቃል ገብተዋል፡፡

በዕለቱ Brick- making machine እና በዚህ ማሽን በተመረተ ብሎኬት የሚሠራ ቤት የሚታይበት መስክ በተሳታፊዎቹ ተጎብኝቷል።

13/12/2023

በፕሮጀክቶች ላይ ለሚፈጠሩ አለመግባባቶች አማራጭ የግጭት አፈታት አገልግሎትን ያግኙ

“በብዙ የማህበራዊና የተፈጥሮ ሳይንስ ዘርፎች አለመግባባት ተፈጥሮአዊ መሆኑ ተደጋግሞ የተገለፅ እውነታ ነው፡፡ በህግ ወይንም በውል የተገለፁ መብቶች ያለመከበር እና የይገባኛል ጥያቄዎች ለእነዚህ አለመግባባቶች መፈጠር መሰረታዊ ምክንያት ናቸው፡፡ መሰል ይገባኛል ጥያቄዎችን በአግባቡ መፈታት ያልተቻለ እንደሆነ ጉዳዩ ወደ አለመግባባት ደረጃ የማደግ እድሉ ሰፊ ነው፡፡ ስለሆነም ያለመግባባቶች ከፍ ወዳለ ደረጃ ከማደጋቸውና ለፕሮጀክቶች አፈጻጸም እንቅፋት ከመሆናቸው በፊት መታረም መቻላቸው አስፈላጊ ነው፡፡

ፕሮጀክቶች በተያዘላቸው ጊዜ በተያዘላቸው በጀት ለማጠናቀቅ ይቻል ዘንድ የተለያዩ የግጭት አፈታት ዘዴዎችን ተጠቅሞ ያጋጠሙ አለመግባባቶችን መፍታት አሁን አሁን ይበልጥ እየታመነበት የመጣ ጉዳይ ሆኗል፡፡ የግንባታ ዘርፉም ከግጭቶች/ ካለመግባባቶች የፀዳ ባለመሆኑ በተመሳሳይ ዕይታ የሚታይ እና መፈታት ያለበት ጉዳይ ነው፡፡

የግንባታ ሂደት በውስጡ ከሚሳተፉ ባለድርሻዎች፣ ከሚፈስበት መዋዕለ ነዋይ እንዲሁም ከሚወስደው ጊዜ ውስብስብነት ወዘተ አንፃር አለመግባባት መፈጠሩ የሚጠበቅ ነው፡፡ በግንባታ ሂደቶች ውስጥ የሚያጋጥሙ አለመግባባቶችን መፍታት ፈርጀ ብዙ ጠቀሜታ እንዳለው የዘርፉ ባለሙያዎች በስፋት ይገልጻሉ፡፡

ስለሆነም ግጭቶች/ አለመግባባቶች/ ወደ ፍርድ ቤት ከመሄዳቸው በፊት አማራጭ የግጭት አፈታት ዘዴዎችን በመጠቀም ሊያጋጥሙ የሚችሉ አለመግባባቶችን መፍታት በተከራካሪ ወገኖች መካከል መልካም ግንኙነትን ከማስቀጠል አኳያ፣ ከህግ ሙያ ውጪ ያሉ ሌሎች ባለሙያዎችን ከማሳተፍ በተጨማሪ ጊዜን፣ ወጪን እና በዳኝነት ተቋማት ላይ የሚፈጥረውን ጫና የሚቀንስ በመሆኑ ይህ አሰራር በግንባታ ዙሪያ የሚኖረው ጠቀሜታ የጎላ ነው፡፡

የሚኒስትሮች ምክር ቤት የፌዴራል መንግስት አስፈጻሚ አካላትን ስልጣንና ተግባር ለመወሰን በወጣው አዋጅ 1263/2014 የኢትዮጵያ ኮንስትራክሽን ባለስልጣን የተቋቋመ እና ስልጣኑንና ተግባሩንም ለመወሰን እንደዚሁ በሚኒስትሮች ምክር ቤት ደንብ ቁጥር 524/2015 መሰረት አድርጎ መቋቋሙ ይታወቃል፡፡
ይህን መነሻ በማድረግ በኢትዮጵያ የዳኝነት እና የዕርቅ አሰራር ስርዓት አዋጅ ቁጥር 1237/2013ን መሠረት በማድረግ እና በደንብ ቁጥር 524/2015 አንቀጽ 5 (16) የኢትዮጵያ ኮንስትራክሽን ባለስልጣን በመንግስት ኮንስትራክሽን ስራዎች ለሚፈጠሩ የውል አለመግባባቶች በሚዘረጋው አሰራር ስርዓት ፕሮጀክቶች/ ተዋዋዮች በአማራጭ የግጭት መፍቻ ዘዴዎች መፍትሄ እንዲያገኙ የማድረግ ስልጣንና ተግባር ተሰጥቶታል፡፡

በዚህም መነሻነት፣ የኢትዮጵያ ኮንስትራክሽን ባለስልጣን በመንግስት ኮንስትራክሽን ስራዎች ለሚፈጠሩ የውል አለመግባባቶች በዘረጋው የአሰራር ስርዓት በአማራጭ የግጭት መፍቻ ዘዴዎች መፍትሄ እንዲያገኙ እየሰራ መሆኑን እየገለፅን ማንኛውም የህንጻና የመሠረት-ልማት ፕሮጀክቶችን የሚያስገነቡ እና እያስገነቡ ያሉ የመንግስት አስፈጻሚ ተቋማት እና የሚመለከታቸው የባለድርሻ አካላት በመደበኛ ፍርድ ቤት የሚሰጡ አገልግሎቶች እንደተጠበቀ ሆኖ፤ አለመግባባቶችን በአማራጭ የግጭት አፈታት ዘዴዎች መፍታት የሚፈልጉ የመንግስት ተቋማት ወይም ግጭቶችን በአማራጭ የሙግት መፍቻ ዘዴዎች ለመፍታት የህግ ስልጣን ያላቸው ተቋማት አገልግሎቱን ከባለስልጣን መ/ቤቱ ማግኘት የሚችሉ መሆኑን እናሳውቃለን፡፡

(የኢትዮጵያ ኮንስትራክሽን ባለስልጣን)

27/11/2023

ግዙፉ የለሚ ናሽናል ሲሚንቶ ፋብሪካ ግንባታ ወሳኝ ምዕራፍ ላይ መድረሱ ተገለፀ፡፡

ግንባታው በቀን 10 ሺህ ቶን ሲሚንቶ እንዲያመርት እቅድ ተይዞለት በአማራ ክልል ሰሜን ሸዋ ዞን እንሳሮ ወረዳ ለሚ ከተማ ነው እየተገነባ የሚገኘው፡፡

የለሚ ናሽናል ሲሚንቶ ፋብሪካ ግብዓቱን የማብላላት ተግባር ያለውን የፋብሪካው ክፍል እና ወደ ቀጣዩ ሂደት ማስተላለፊያ ቱቦ መጠናቀቁም ተገልጿል፡፡

ኢስት አፍሪካን ሆልዲንግ ኩባንያ ከቻይና ባለሀብቶች ጋር በመሆን እየተገነባ ያለውን ፋብሪካ ሙሉ በሙሉ በታቀደለት ጊዜ ለማጠናቀ በከፍተኛ ፍጥነት እና ጥራት ቀንና ማታ እየተሰራ ነው ተብሏል፡፡

በቅርቡ ጠቅላይ ሚኒስትር ዐቢይ አሕመድ (ዶ/ር) የለሚ ናሽናል ሲሚንቶ ፋብሪካ ግንባታ ሂደትን መጎብኘታቸው ይታወሳል፡፡

(FBC)

11/11/2023

የሲሚንቶና የብረት ዋጋ ቅናሽ ማሳየቱ ተመለከተ

በሲሚንቶ፣ በብረትና ሌሎች የግንባታ እቃዎች ላይ የዋጋ ቅናሽ መታየቱን በዘርፉ የተሰማሩ አምራቾችና ነጋዴዎች ገለጹ፡፡

ፋና ብሮድ ካስቲንግ ኮርፖሬት በተለያዩ የሲሚንቶና የብረት ማምረቻ ፋብሪካዎችና የንግድ ሱቆች ላይ ተዘዋውሮ ምልከታ አድርጓል፡፡

በተደረገው ምልከታም የ1 ኩንታል ሲሚንቶ ዋጋ ከ800 ብር እስከ 500 ብር ቅናሽ እንዲሁም 1 ቤርጋ ፌሮ በኪሎ የ15 ብር ቅናሽ ማሳየቱን ለማረጋገጥ ተችሏል፡፡

የሲሚኒቶና ብረት ግብይት በሚደረግባቸው አካባቢዎች በተደረገው ምልከታም የሲሚኒቶ፣ የብረት እና ሌሎች የኮንስትራክሽን እቃዎች ቅናሽ ማሳየታቸውን ለማረጋገጥ ተችሏል፡፡

ቀደም ሲል ግብይቱ በንግድና ቀጠናዊ ትስስር ሚኒስቴር ተመን ወጥቶለት ሲሸጥ የቆየ ቢሆንም ከታህሳስ ወር 2015 ዓ.ም ወዲህ ግን በነጻ ገበያ መርህ ፋብሪካዎች ባቀረቡት ዋጋ ግብይትት መካሄድ መቀጠሉን በቅኝቱ ወቅት ለማወቅ ተችሏል፡፡

ከዚህ ቀደም ሲሚንቶ ከ1 ሺህ 800 እስከ 2 ሺህ ሲሸጥ የቆየ ቢሆንም አሁን ላይ ግን ኢትዮ ሲሚንቶ ከ1 ሺህ 250 እስከ 1 ሺህ 270፣ ሀበሻ ሲሚንቶ በ1 ሺህ 300 ብር እና ሙገር ሲሚንቶ በ1 ሺህ 350 ብር እየተሸጠ ይገኛል፡፡

በሌላ በኩል÷ የብረት ገበያም በተመሳሳይ ምልከታ የተደረገበት ሲሆን በተመሳሳይ ቅናሽ የታየበት መሆኑን ለመመልከት ተችሏል፡፡

ለአብነትም 10 ቤርጋ ብረት 1 ሺህ 332 ሲሸጥ የቆየ ሲሆን አሁን ላይ 1 ሺህ 36 ብር፣ 14 ቤርጋ ፌሮ ብረት 3 ሺህ 412 ብር ይሸጥ የነበረ ሲሆን አሁን 2 ሺህ 654 ብር በመሸጥ ላይ ይገኛል፡፡

በዘርፉ ላይ የተሰማሩት አምራቾችና ነጋዴዎች ሲሚንቶ፣ ብረትና ሌሎችም የግንባታ እቃዎች ሸማቾች ቁጥር መቀነሱንም አመላክተዋል።

በሜሮን ሙሉጌታ
ምንጭ፡ (ፋና ብሮድካስቲንግ)

11/11/2023

ኢትዮጵያ በመላ አገሪቱ አንድ ሺሕ የሕዝብ መጸዳጃ ቤቶችን ልትገነባ ነው ተባለ

ኢትዮጵያ በ23 ከተሞች የውሃ አያያዝና አቅርቦትን ለማሻሻል የ523 ሚሊዮን ዶላር ፕሮጀክት መጀመሯ የተገለጸ ሲሆን፤ ይህም ፕሮጀክት በመላ አገሪቱ 1 ሺሕ የሕዝብ መጸዳጃ ቤቶች መገንባትን እንደሚያካትት ተነግሯል፡፡

ለዚሁ ፕሮጀክት ማስፈጸሚያም የዓለም ባንክ የ460 ሚሊየን ዶላር ድጋፍ ያደረገ ሲሆን ቀሪውን 63 ሚሊየን ዶላር ደግሞ በሌሎች ለጋሽ ተቋማት ይሸፈናል ተብሏል።

ፕሮጀክቱ በሰሜኑ ጦርነት ጉዳት የደረሰባትን የመቀሌ ከተማ የሚያካትት መሆኑን አዲስ ማለዳ ከአለም አቀፍ ኮንስትራክሽን ሪቪዉ ያገኘችዉ መረጃ ያመላክታል፡፡

ኢትዮጵያ በከተማዋ የውሃ መሰረተ ልማቶችን ለማዳረስ እንዲሁም የኤሌክትሪክ ፓምፖች ለመግዛት 1 ሚሊየን ዶላር ወጪ ማድረጓም ተነግሯል፡፡

በፈረንጆቹ 2018 ግሎባል ዋተር ኢንተለጀንስ የተሰኘው ተቋም አደረኩት ባለው ጥናት መሰረት፤ በአገሪቱ ዘመናዊ መጸዳጃ የሚጠቀሙ የከተማ ነዋሪዎች 12 በመቶ ብቻ መሆናቸውን አመላክቷል።

ምንጭ፡ (አዲስ ማለዳ)

06/11/2023

ለሰባት ቀናት ሲካሄድ የቆየው የመንገድ መሰረተ-ልማት ማኑዋሎች ማሻሻያ አውደ ጥናት ተጠናቀቀ

ጥቅምት 25 ቀን 2016 ዓ.ም አዲስ አበባ፡- የአዲስ አበባ ከተማ መንገዶች ባለስልጣን ከአለም ባንክ ባገኘው ድጋፍ ዳር አልሀንዳስ ከተባለ ዓለም አቀፍ አማካሪ ድርጅት ጋር በሚያዘጋጃቸው ልዩ ልዩ የመንገድ መሰረተ-ልማት ማኑዋሎች ማሻሻያ ላይ ለ7 ቀናት ሲመክር የሰነበተው አውደ ጥናት ተጠናቀቀ፡፡

በአዲስ አበባ ከተማ እየተካሄደ ያለውን የመንገድ መሰረተ-ልማት ዝርጋታ ወደ ላቀ የአፈፃፀም ደረጃ ለማሸጋገር እገዛ የሚያደርጉ 28 ማንዋሎች እየተዘጋጁ ነው፡፡

በአውደ ጥናቱ መዝጊያ ላይ ተገኝተው ንግግር ያደረጉት የባለስልጣን መስሪያ ቤቱ ዋና ዳይሬክተር ኢንጂነር ሞገስ ጥበቡእንደገለፁት የማኑዋል ጥናቱ ዘመናዊ፣ ወጪ እና ጊዜን ቆጣቢ እንዲሁም ለተጠቃሚው ህብረተሰብ ምቹ የሆኑ የመንገድ መሰረተ-ልማት ለማስፋፋት ከፍተኛ እገዛ እንደሚኖረው ጠቁመዋል፡፡

ዋና ዳይሬክተሩ አክለውም፤ በጥናት ላይ የሚገኙት ማኑዋሎች ተጠናቀውና ፀድቀው በሥራ ላይ ሲውሉ፣ ከዚህ ቀደም በመንገድ ግንባታ ወቅት የሚያጋጥሙ የተለያዩ ችግሮችን ለመቅረፍና አዳዲስ አሰራሮችን በማካተት በከተማዋ ደረጃውን የጠበቀ የመንገድ መሠረተ ልማት ለመገንባት ከፍተኛ አስተዋፅኦ ይኖራቸዋል ብለዋል፡፡

ለሰባት ቀናት በተካሄደው በዚህ አውደ ጥናት ላይ ከተሳታፊ አካላት ጠቃሚ የሆኑ ግብአቶች እንደተገኙ ገልጸው፣ ለማኑዋሎቹ መዳበር ፋይዳ ያላቸውን ሃሳቦች በመሰንዘር በውይይቱ ላይ ለተሣተፉ የባለድርሻ አካላትና የአማካሪ ድርጅቱ አባላት ምስጋናቸውን አቅርበዋል፡፡

30/10/2023

በመንገድ ግንባታ ዲዛይን ዝግጅት ወቅት ለአካባቢያዊና ማህበራዊ ጉዳዮች ትኩረት ሊሰጥ እንደሚገባ ተገለፀ

🌟የአዲስ አበባ ከተማ መንገዶች ባለስልጣን ዳር አልሀንዳስ በተባለ ዓለም አቀፍ አማካሪ ድርጅት አማካኝነት የከተማዋ የመንገድ መሠረተ-ልማት ግንባታ ስራዎች የሚመሩበትን ልዩ ልዩ ማንዋሎች ለማዘጋጀት ጥናት እያካሄደ ይገኛል።

🚧በዚህ ሣምንት አጋማሽ ላይ በተጀመረው እና ለተከታታይ ሰባት ቀናት በሚዘልቀው የባለድርሻ አካላት የውይይት መድረክ እንደቀጠለ ነው። በመንገድ ዲዛይን ማኑዋልና ስፔስፊኬሽን ዝግጅት ላይ ትኩረት አድርጎ በተካሄደው አውደ ጥናት ላይ እንደተገለፀው፣ በመንገድ ዲዛይን ዝግጅት ወቅት ለአካባቢያዊና ማህበራዊ ጉዳዮች ትኩረት ሊሰጥ እንደሚገባ ተጠቁሟል።

🚧በውይይት መድረኩ ላይ ከተለያዩ ተቋማት የተውጣጡ በርካታ ባለድርሻ አካላት እየተሣተፉ የሚገኙ ሲሆን፤ በአዲሱ የመንገድ ግንባታ ማንዋል ዝግጅት ውስጥ አካባቢያዊና ማህበራዊ ጉዳዮች፣ እንዲሁም የስራ ላይ ደህንነት እና የፆታ ጉዳዮች ትኩረት ተሰጥቷቸው ሊካተቱ እንደሚገባ አስገንዝበዋል፡፡

🚧አዲሱ የዲዛይን ማንዋልና ስፔስፊኬሽን ዝግጅት፤ በመንገድ ግንባታ ስራ ላይ በግልፅ የሚታዩ ችግሮችን ለመቅረፍ በሚያስችል መልኩ መዘጋጀት እንዳለበትም አስተያየት ሰጭዎቹ አሳስበዋል፡፡

🚧በተለይም በስራ ላይ የሚከሰቱ አደጋዎችን ለመከላከል፣ የስራ ተቋራጮች እና የግንባታ ባለቤቶች ለስራ ላይ ደህንነት ቅድሚያ ሰጥተው እንዲሰሩ ለማስቻል የግንባታ ማኑዋሎችና መመሪያዎች አስገዳጅ ሁኔታዎችን በማስቀመጥ ተግባራዊ መድረግ እንዳለባቸውም በውይይቱ ተሳታፊዎች ተንፀባርቋል፡፡

21/10/2023

ለንግድ ስራ ፈቃድ እድሳት ክሊራንስ ለማግኘት

ለንግድ ሥራዎ ፈቃድ እድሳትን ለማግኘት አገልግሎት ወደሚጠይቁበት ቦታ ከመሄድዎ በፊት የሚከተሉትን ከእርስዎ የሚጠበቁ ጉዳዮችን ይመልከቱ፡-

• ላለፉት የግብር ፈቃድ ዘመናት የንግድ ትርፍ ግብር፣ የስራ ግብር፣ የተጨማሪ እሴት ታክስ፣ ተርን ኦቨር ታክስ፣ ኤክሳይዝ ታክስ እና ቴምብር ቀረጥ ተወስኖ የውሳኔ ማስታወቂያ ደርስዎት ከሆነ በውሳኔው መሠረት የሚፈለግብዎን የግብር ዕዳ አጠናቆ መክፈል ወይም የክፍያ ጊዜ ስምምነት መግባት ወይም በአቤቱታ አጣሪ ኮሚቴ /በግብር ይግባኝ ሰሚ ጉባዔ/ ቀጠሮ ላይ መሆን፣

• የዘመኑ ግብር /ታክስ/ ማለትም የደመወዝ ገቢ ግብር፣ የንግድ ስራ ገቢ ግብር፣ ተጨማሪ እሴት ታክስ፣ የኤከሳይዝ ታክስ፣ የተርን ኦቨር ታክስና የቴምብር ቀረጥ በተመለከተ በገቢ ማስታወቂያ ወቅት መክፈል፣

• ላለፉት የግብር ዘመናት ቅሬታዎን ለግብር ይግባኝ ጉባኤ ወይም ለአቤቱታ አጣሪ ኮሚቴ አቅርበው ውሳኔ አግኝተው ከሆነ በይግባኝ ውሳኔው መሠረት መክፈል፣

• በግብር ውሳኔ አፈፃፀም ክስ ላይ የሚገኙ ከሆነ በአንዴ መክፈል ወይም የመክፈያ ጊዜ ከተሰጠዎት በገቡት ስምምነት መሠረት መክፈል ይገባል፡፡

(ገቢዎች ሚኒስቴር)

11/10/2023

ከሰሞኑ የአፍጋን ርዕደ መሬት ምን እንማራለን?

ሰሞኑን በሰሜናዊ ምዕራብ አፍጋኒስታን በደረሰ የርዕደ መሬት አደጋ በሰው እና በንብረት ላይ ከባድ አደጋን አስከትሏል፡፡ ሄራት በተሰኘች ከተማ የተከሰተው ርዕደ መሬት 6.5 ሬክተር ስኬል እንደሆነ የአሜሪካን የስነ ምህዳር መካነ ጥናት አስታውቋል፡፡

እንደ አውሮፓውያኑ ዘመን አቆጣጠር በ2023 ውስጥ በቱርክ እና በሶሪያ ሀገሮች ከደረሰው የርዕደ መሬት ክስተት ወዲህ ከባዱ እንደሆነ ተዘግቧል፡፡

በዚሁ አደጋ ምክንያት ከ2400 በላይ የሆኑ ሰዎች ህይወት ተቀጥፏል፡፡ እንዲሁም ከከተማዋ አቅራቢያ የሚገኙ 12 መንደሮች እንዳልነበሩ ሆነዋል፡፡ 1320 መኖሪያዎች ዶግ አመድ እንደሆኑ የሀገሪቱ መንግስት አስታውቋል፡፡

ከአደጋ የተረፉ የአይን እማኞች የክስተቱን ዘግናኝነት በሀዘን በተሰበረ የልብ ስሜት ስለሆነው አሳዛኝ ክስተት ለመግለጽ ቃላቶች ተስኗቸዋል፡፡ እናም አደጋው ቤተሰቦቻቸውን፣ መኖሪያ ቤቶችና ንብረቶችን ወደ አሸዋነት እንደቀየረው በከባድ የሀዘን ድባብ ገልጸዋል፡፡

እንደ ዘገባዎች ከሆነ ከአደጋው ሰለባዎች ከግማሽ በላይ የሚሆኑት ሴቶችና ህጻናት ናቸው፡፡

በአጠቃላይ በአደጋው ሳቢያ ቤተሰቦች ተበትነዋል፣ ለስነልቦና ቀውስ ተዳርገዋል፣ ጥሪት አልባ ሆነዋል፡፡

እንደ እማኞቹ አባባል ሁሉም ነገር ወደ አሸዋነት ተቀይሯል፡፡ በአካባቢው ሕይወት የሀዘን ካባ ደርባለች፣ በህይወት የተረፉ በሀዘን ምክንያት የልብ ስብራት ደርሶባቸዋል፤ በሺዎች የሚቆጠሩት የህክምና ርዳታ ላይ ናቸው፡፡

በአደጋው ክፉኛ ጉዳት የደረሰባቸው የርዕደ መሬት አደጋውን መቋቋም ያልቻሉ ህንጻዎች ውስጥ ሲሆን በፍርስራሹ ተቀብረዋል፡፡

በኢትዮጵያ ምን እየሠራ ነው?

የኢትዮጵያ ኮንስትራክሽን ባለስልጣን በኢትዮጵያ የተከናወኑ እና በመከናወን ላይ የሚገኙ ግንባታዎች ለመሬት መንቀጥቀጥ አደጋ የተጋላጭነታቸው መጠን እና የምህንድስና ሙያተኞች የትኩረት አቅጣጫዎች ላይ ግንዛቤ የሚያስጨብጥ መድረክ ከአራት ወራት ቀደም ሲል በአርባምንጭ ከተማ ማካሄዱ ይታወሳል፡፡

በመድረኩ ላይ የርዕደ መሬት አፈጣጠር ሳይንሳዊ ዳራዉን፣ አለም አቀፍ ገጽታውን፣ አደጋን የመፍጠር መጠኑን፣ እንዲሁም በኢትዮጵያ የመሬት መንቀጥቀጥ ሊከሰትባቸው የሚችሉ ዞኖችና ቀጠናዎች ላይ የተከናወኑ ሳይንሳዊ ጥናቶች ላይ የዘርፉ ሊቀ-መምህርና ተመራማሪ የሆኑት ዶ/ር መሰለ ኃይሌ ሰፊ ትንታኔ ሰጥተዋል፡፡

በዕምቅ እንዲሁም ንቁ በሆነ የመሬት ውስጥ ኃይል ክምችት ምክንያት ሊከሰቱ የሚችሉ የመሬት መንቀጥቀጥ ምልክቶችና ክስተቶች ያሉባቸውን ብሎም አለም አቀፋዊ፣ አህጉራዊና ሀገራዊ አካባቢዎችን የተመለከቱ ታሪካዊ መረጃዎችን ተመላክተዋል፡፡

የመሬት መንቀጥቀጥ ቢከሰት ምን የቅድመ ጥንቃቄ ሥራዎች እንደሚደረጉ፣ ከተፈጸመ በኋላም መከናወን የሚገባቸውን ተግባራት አቅዶ መንቀሳቀስ አስፈላጊነቱን ከሀገራት ተሞክሮዎች ጋር በማዛመድ ትንታኔ መቅረቡም ይታወቃል፡፡

በግንባታ ሂደት ውስጥ በሚፈጠሩ የዲዛይን፣ የኮድና ስታንዳርድ መፋለሶች ብሎም በዘርፉ የተንሰራፋ ሙስና ባሉባቸው ሀገሮች ላይ በርዕደ-መሬት ምክንያት የሚደርሱ የጉዳት መጠኖችንና ዓይነቶችን ከተጨባጭ ክስተቶች ጋር ተመላክተዋል፡፡

ስለሆነም የግንባታ ህጎችን፣ ስታንዳርዶችን እና ኮዶችን ማክበር፣ ማስከበር እና መተግበር የህልውና ጉዳይ ነው፡፡

የምህንድስና ባለሙያዎች፣ የዘርፉ ተዋናዮች እና ባለድርሻ አካላት በመሰረተልማት ግንባታ ሂደቶች ላይ ጥራትን የማስጠበቅ ጉዳይ የልብ ትርታዎቻቸው እንዲሆኑ ማድረግ ይጠበቃል፡፡

11/10/2023

የሲሚንቶ ፋብሪካዎችን የምርትና ምርታማነት ችግሮችን ለመፍታት በጥናትና ምርምር ማገዝ ይገባል - ኢንስቲትዩቱ

በሀገሪቷ የሲሚንቶ ፋብሪካዎች አካባቢ የሚታየውን የምርትና ምርታማነት ችግሮች ለመፍታት በጥናትና ምርምር ማገዝ እንደሚገባ የኢትዮጵያ ማዕድን ኢንዱስትሪ ልማት ኢንስቲትዩት ገለፀ።

በሀገሪቷ የሲሚንቶ ፋብሪካ አካባቢ የሚስተዋለውን የሰው ሃይል ምርታማነት ክፍተቶች ለመሙላት ያለመ የአቅም ግንባታ ስልጠና በአዳማ በመካሄድ ላይ ይገኛል።

የኢትዮጵያ ማዕድን ኢንዱስትሪ ልማት ኢንስቲትዩት ዋና ዳይሬክተር ዶክተር ጉታ ለገሰ በዚሁ ጊዜ ለኢዜአ እንደገለፁት የሲሚንቶን ምርታማነት ለማሳደግ የሰው ሃይሉ የስራ ባህል መለወጥ አለበት ብለዋል።

በፋብሪካዎች አካባቢ የምርትና ምርታማነት ዕድገት ማነቆዎችን ለመፍታት እንዲሁም የምርት ጥራትና ደረጃ ለማስጠበቅ የሚያስችሉ ችግር ፈች የጥናትና ምርምር ስራዎችን ለማከናወን የሚያስችል ዕውቀት መታጠቅ አስፈላጊ ነው ብለዋል።

የስልጠናው ዓላማም በተለይም የምርቱን አቅርቦት ለማሳደግና የአካባቢ ብክለትና ቴክኖሎጂ አጠቃቀም ላይ የፋብሪካው የሰው ሃይል በቂ ክህሎትና ዕውቀት እንዲያገኝ ታስቦ መዘጋጀቱን ጠቁመዋል።

የሲሚንቶ ዋጋን የአዋጭነት ጥናት ከአዲስ አበባ ዩኒቨርስቲ ጋር በመተባበር መካሄዱን የገለፁት ዋና ዳይሬክተሩ፤ ለምርታማነቱ ችግርና ለምርቱ የሚወጣው ወጪ ከፍተኛ የሆነበትን ምክንያቶችና ቀጣይ የመፍትሔ አቅጣጫ ሊሆኑ የሚችሉ ሂደቶች በጥናት መዳሰሳቸውን ተናግረዋል።

በሲሚንቶ ፋብሪካዎች አካባቢ የግብዓትና የመለዋወጫ ዕቃዎች ችግር መኖሩን የገለፁት ዶክተር ጉታ፤ በተጨማሪም የሰው ሃይል አደረጃጀትና የቅጥር ችግሮች በአንዳንድ ፋብሪካዎች ላይ እንደሚታይም መረጃዎች እንዳሉ ገልጸዋል።

የኢንዱስትሪውን የስራ ባህል ከመሰረቱ ለመለወጥ የሚያስችሉ አዳዲስ ቴክኖሎጂዎችንና አሰራሮችን ከማስተዋወቅ ባለፈ በዘርፉ የሚታዩ ችግሮችን ለመፍታት የሚያስችሉ የጥናትና ምርምር ስራዎችን ኢንስቲትዩቱ እያከናወነ መሆኑን ገልጸዋል።

ዶክተር ጉታ አክለውም በቅርቡ ወደ ስራ የሚገባው የለሚ ሲሚንቶ ፋብሪካ ስራ ሲጀምር በዓመት ከ1 ሚሊዮን ቶን በላይ ሲሚንቶ እንደሚያመርት ጠቁመው፤ በዚህም አሁን ካለው አጠቃላይ የሲሚንቶ ምርት 1/4ኛውን ይዞ ወደ ገበያ ይገባል ብለዋል።

የፋብሪካው ግንባታ በመገባደድ ላይ መሆኑን ጠቅሰው፤ ሙሉ በሙሉ ተጠናቆ በቅርቡ ስራ ይጀምራል ብለዋል።

በኢንስቲትዩቱ የሲሚንቶ፣ የሴራሚክስና ሌሎች ማዕድናት ዘርፍ ሃላፊ አቶ ስመኝ ደጉ በበኩላቸው የሲሚንቶ ፋብሪካዎችን ጨምሮ የሌሎች ማዕድን ኢንዱስትሪዎችን የሚደግፉ የምርምርና ቴክኖሎጂ ስራዎች እየተካሄዱ መሆናቸውን ገልጸዋል።

የሲሚንቶ ምርትና ምርታማነት ለማሳደግ የሰው ሃይሉን በቴክኖሎጂ አቅም ለመገንባት ኢንስቲትዩቱ በዘርፉ ያሉትን ጉድለቶችና መልካም ተሞክሮዎችንም እንደ ግብዓት በመጠቀም ላይ መሆኑን ተናግረዋል።

ከመድረኩ ተሳታፊዎች መካከል የሙገር ሲሚንቶ ፋብሪካ ተወካይ አቶ ዳኜ አሰፋ እንደገለፁት ሙገር ሲሚንቶ ፋብሪካ የመለዋወጫ ዕቃዎች አቅርቦት ችግር ቢኖርበትም በቀን 3ሺህ ቶን በሁለት ዩኒቶች እያመረተ ይገኛል ብለዋል።

በሲሚንቶ ፋብሪካ ግብዓት አቅርቦት ላይ ያለው መሻሻል ተጠናክሮ መቀጠል አለበት ያሉት አቶ ዳኜ፤ በተጨማሪ የመለዋወጫ ዕቃዎች አቅርቦት መፍታት ከተቻለ በሙሉ አቅማቸው በማምራት የሲሚንቶ ገበያን ማረጋገት እንደሚችሉ ገልጸዋል።

Dire Dawa Administration Association of Construction Contractors

28/12/2023

15/12/2023

13/12/2023

13/12/2023

27/11/2023

11/11/2023

11/11/2023

06/11/2023

30/10/2023

21/10/2023

11/10/2023

11/10/2023

Address

Website

Alerts

Contact The Organization

Shortcuts

Share

Category