የዲላ ከተማ ጤና ስፖርት ማህበር/ Dilla Town Health Sport Association.

14/04/2026

የዲላ ከተማ ጤና ስፖርት ማህበር የፋሲካን በዓል ምክንያት በማድረግ ለወገኖቹ የማዕድ ማጋራት ሥራ አከናውኗል ።
‎
‎ የኛን ሞት ገድሎ ህይወትን አበረከተልን በመስቀሉ ሰላምን ሰጠን ፣ ዘላለማዊ ፍቅርን አሳየን ፣ ተበድሎ ይቅር ማለትን አስተማረን ባስተማረን ትህትናና ፍቅር የማህበሩ አባላትና ደጋፊዎች ባደረጉት ድጋፍ ለ50 የሚሆኑ አቅመ ደካሞች ወገኖቻችን ከ100 ሺህ ብር በላይ በማውጣት የማዕድ ማጋራት ድጋፍ ተደርጓል ።
‎
‎ ይህን የበረከት ሥራ በመልካም እንዲከናወን በገንዘብ፣ በጉልበት በሃሳብና ቦታ በመስጠት ለተባበራችሁን ሁሉ ክብረት ይስጥልን ።
‎
‎ በዓሉ የሰላም ፣ የፍቅር ፣ የይቅርታ ይሁንልን !!
‎
‎ የዲላ ከተማ ጤና ስፖርት ማህበር !!
‎

02/04/2026

አቤ ጋ ገብተን ጠይቀን ያላገኘነው ዘርግተን ያልዘገነው የለም ፤ እንግዳ ብናመጣ አላፈርንም ፣ ወገን ብንረዳ አልተሸማቀቅንም አቤ ቅን ሰው ነህ !! በመስጠትህ ፈጣሪ ጥሩ ለውጥህን አሳየን ።

በቅንነትህ ጥግ የአገኘውን ሆቴል ባርኮልህ በሰላምና በጤና ኑርልን ።
ዲላ ጤናዎች እንወድሃለን !!!🥰🙏🥰🙏🥰🙏

20/03/2026

የዲላ ከተማ ጤና ስፖርት ማህበር ሥራ አስፈፃሚ ኮሚቴና በሙሉ ንዑስ ኮሚቴዎች ፣ ኮቺንግ ስታፉና ጠቅላላ አባላት ለእስልምና እምነት ተከታይ አባሎቻችንና ለመላው የእስልምና እምነት ተከታዮች እንኳን ለ 1447ኛው የዒድ አልፈጥር በዓል በሰላምና በጤና አደረሳችሁ ይላል ።

የዲላ ከተማ ጤና ስፖርት ማህበር

17/03/2026

አንጋፋው የዲላ ከተማ ጤና ስፖርት ማህበር ማዕድ አጋራ !!
‎
‎ በጎ ሥራዎችን በመሥራት ለወገኑ ባለው አቅም መድረስ ባህሉ ያደረገው የዲላ ከተማ ጤና ስፖርት ማህበር ለእስልምና እምነት ተከታዮች ወገኖቻችን የማዕድ ማጋራት ተግባር ሲያከናውን እንደተለመደው ማህበሩ ወደፊትም ለወገኖቹ ባለው አቅም የሚደርስና ከሌሎች አጋር በጎ አድራጊ ግለሰቦች ጋር በመተባበር በጎነትን እንደሚያስቀጥል የማህበሩ ሰብሳቢ በስጦታው ወቅት ተናግረዋል ።
‎
‎በመጨረሻም ይህ ትንሽ ደግነት እንዲከናወን አስተዋፅኦ ላበረከቱ ግለሰቦች የማህበሩ በጎ አድራጎት ኮሚቴንና አባላቱን አመሰግነዋለሁ ።
‎
‎ ስጦታውን በተረጂዎች ስም የተረከቡት አስተባባሪዎች ማህበራችሁ እምነትን፣ ብሔርን ሳይመርጥ ሰው ለተባለ ፍጡር የምታደርሱት ስጦታ በፈጣሪ ስም የሚያስመሰግናችሁ ነውና በርቱ በማለት መልዕክታቸውን አስተላልፈዋል ።
እኛም ለእስልምና እምነት ተከታዮች በሙሉ ከወዲሁ ኢድ ሙባረክ እንላለን !!
‎

22/02/2026

በከተማው የሚካሄደውን የወጣቱን እንቅስቃሴ እየዘገባችሁ ለህብረተሰቡ ለምትሰጡት መረጃና ግንዛቤ እንደ ህዝብ ሚዲያ ግዴታችሁን እየተወጣችሁ ስለሆነ እናመሰግናለን ።

10/02/2026

‎ የሀገራችን እግር ኳስ አሁን ላይ ትኩረት እየተሰጠው ነው ቢባልም የዲላ ከተማ ጤና ስፖርት ማህበራችን ታዳጊዎች ላይ እምነት ኖሮት ያለውን በመስጠት ማበረታታት ከጀመረ ዓመታትን አስቆጥሯል ።
‎
‎ እግር ኳሳችን ወደፊት እንዲራመድ ፣ ታዳጊዎችና አሰልጣኞችን ከማገዝ አንፃር የተጫወተው ሚና ቀላል አይደለም ።
‎
‎ በገጠመኝ ጉዳቶች ሲከሰቱና ለጨዋታ ወደሌላ ሀገር ሲጓዙ አባላቱን በማስተባበር የበኩሉን አስተዋጽኦ ከማድረግም አንፃር ግንባር ቀደም ነው ።
‎
‎ ዛሬም እንደ ወትሮ ለሁለት የፕሮጀክት ቡድኖች የኳስና የኮን ስጦታ ያበረከተ ሲሆን ሌሎች የግል ድርጅቶችና የሚመለከተው አካል አቅም በፈቀደ ልክ ልጆቻችንን ህልማቸው እውን እንዲሆን የበኩላችንን እናበርክት እንላለን ።
‎
‎ የዲላ ከተማ ጤና ስፖርት ማህበር
‎
‎

08/02/2026

08/02/2026

ምባፔ ዛሬ በሪያል ማድሪድ "ብቸኛ" ሆኗል! 🇫🇷⚪️👑

​ዛሬ ለክሊያን ምባፔ ትልቅ የፈተና ቀን ነው! ሪያል ማድሪድ ወደ ሜዳ ሲገባ ለታሪኩ ለመጀመሪያ ጊዜ ምባፔ ያለ ሶስቱ ታላላቅ የቡድን አጋሮቹ ይጫወታል።

​❌ የማይሰለፉት ኮከቦች፦

​ቪኒሺየስ ጁኒየር፦ በካርድ እገዳ (Suspended) 🟨
​ጁድ ቤሊንግሃም፦ በጉዳት (Injured) 🏥
​ሮድሪጎ፦ በጉዳት (Injured) 🏥

​ይህ ማለት ዛሬ የማድሪድ የማጥቃት መስመር ሙሉ በሙሉ በምባፔ ትከሻ ላይ ወድቋል ማለት ነው። "Galactico" ለመባልና የማድሪድ ቁልፍ ሰው መሆኑን ለማረጋገጥ ከዚህ የተሻለ አጋጣሚ የለም።
​"ምባፔ ዛሬ ማድሪድን ለብቻው ተሸክሞ ይወጣ ይሆን?" 🚀⚽️

03/02/2026

ደስ የሚል ጊዜ ነበር !!

03/02/2026

ዳራሮ " ለባህልና ለቱሪዝም ልማት " በሚል እየተከበረ በሚገኘው ክብረ በዓል ላይ በዓሉን አስመልክቶ የዲላ ከተማ ጤና ስፖርት ማህበር
‎ " ዳራሮ ካፕ " በሚል የሰየመውን የዋንጫ ጨዋታ የአቢሲኒያ ባንክ የአዋሳ ዲስትሪክት ጤና ቡድንን በመጋበዝ
‎ለምለሚቷን የጌዴኦ ምድር ሲረግጡ የዲላ ከተማ አስተዳደር ከንቲባ ዶ/ር መስፍንና የዞኑና የከተማው ከፍተኛ አመራሮች በተገኙበት ደማቅ አቀባበል የተደረገላቸው ሲሆን ከንቲባው " እንኳን ወደ ውቧና አረንጓዴዋ ጌድኦ ምድር በሰላም መጣችሁ !! " የመጣችሁበት ወቅት የጌድኦ ህዝብ የዘመን መለወጫ የደራሮ በዓል እያከበረ ባለበት ወቅት ላይ መሆኑ ልዩ ያደርገዋል ።
‎
‎ የጌዴኦ ህዝብ ከጥንት ጀምሮ የዳራሮ በዓልን ከፍተኛ ቦታ የሚሰጠውና የሚያከብረው ፈጣሪውን ለማመስገን፣ ዘር ዘርቶ ምርት ስለማግኘቱ የሚያመሰግንበት፤ ሠላም እንዲሰፍን ፈጣሪውን የሚማጸንበት፤ በህዝቡ ላይ ወረርሽኝ እንዳይከሰት ፈጣሪውን የሚለምንበት፤ ከዘመን ዘመን እንኳን አሸጋገርከን ብሎ ፈጣሪውን የሚያመሰግንበት፣ ቀጣይ ዘመን የሰላም እንዲሆን የሚማፀንበት ልዩ በዓል ነው ።
‎
‎ የፊታችን ቅዳሜ ሁሉም ኢትዮጵያዊ እናንተን ጨምሮ እንደዚሁ እንዳማረባችሁ ዲላ ስቴዲየም እንገናኝ በማለት የአክበሮት ጥሪያቸው አስተላልፈው እግርኳስ ህዝብን ከህዝብ በማቀራረብ ረገድ ያለውን ከፍተኛ ሚና በማውሳት ጨዋታው ፍፁም በጨዋነት ተጀምሮ እንዲያልቅ መልዕክታቸውን አስተላልፈዋል ።
‎
‎ ጨዋታው ፍፁም ስፖርታዊ ጨዋነት ታይቶበት ሲጠናቀቅ የዲላ ከተማ ጤና ቡድን የዋንጫ ባለቤት በመሆን የዕለቱ የዳራሮ ካፕ ፍፃሜውን አግኝቷል ።
‎
‎ ለዚህ ፕሮግራም መሳካት ፦
‎
‎ ከንቲባ ጽ/ቤት
‎ የዞኑ መንገድ ትራንስፖርት
‎ አቢሲኒያ ዲላ ቅርንጫፍ
‎ የዞንና የከተማ ፖሊስ
‎ የዞንና የከተማው ስፖርት ጽ/ቤት
‎ ሐበሻ ቢራ
‎ የማህበሩ አባላት በሙሉ ምሥጋናችን የላቀ ነው
‎
‎ የዲላ ከተማ ጤና ስፖርት ማህበር !!
‎

31/01/2026

‎እንኳን ለ2018 ዓ.ም ለጌዴኦ ብሔር ዘመን መለወጫ "ዳራሮ" ክብረ-በዓል በሰላም አደረሳችሁ !! አደረሰን !!
‎
‎የጌደኦ ህዝብ የራሱን ባህል፤ ቋንቋ ፤ ታሪክ እና የዴሞክራሲ መገለጫ የሆነ የባሌ ሥርዓት ( የገዳ ሥርዓት) ያለዉ እንዲሁም የራሱ ዘመን አቆጣጠር ያለዉ መሆኑን የሚታወቅ ነው ።
‎ የዘመን አቆጣጠሩ ታላቅ ክብረ በዓል ዳራሮ በመባል የሚታወቅ ሲሆን እነሆ በተለያዩ ዝግጅቶችና ትርኢቶች በመከበር ላይ ሲገኝ አንጋፋው የዲላ ከተማ ጤና ስፖርት ማህበርም የጌዴኦ ብሔር ዘመን መለወጫ በዓልን ምክኒያት በማድረግ ከአዋሳው የአቢሲኒያ ባንክ ዲስትሪክት ጤና ቡድን ጋር የፊታችን እሁድ የወዳጅነት ጨዋታ ያካሄዳል ።
‎
‎ በዚህ ደማቅ በዓል ዋዜማ ላይ ሆነን የጌዴኦ ህዝብ ከጥንት ጀምሮ የዳራሮ በዓልን ከፍተኛ ቦታ የሚሰጠውና የሚያከብረው ፈጣሪውን ለማመስገን፣ ዘር ዘርቶ ምርት ስለማግኘቱ የሚያመሰግንበት፤ ሠላም እንዲሰፍን ፈጣሪውን የሚማጸንበት፤ በህዝቡ ላይ ወረርሽኝ እንዳይከሰት ፈጣሪውን የሚለምንበት፤ ከዘመን ዘመን እንኳን አሸጋገርከን ብሎ ፈጣሪውን የሚያመሰግንበት፣ ቀጣይ ዘመን የሰላም እንዲሆንና መልካም መልካሙን እንዲገጥም ፣ ምህረት ከፈጣሪ ለማግኘት የስርዓቱ መሪ የሆኑት አባገዳ ፈጣሪን ለምነው ህዝቡን የሚመርቁበት ሰዓት ነው ።
‎
‎ ታዲያ ይህን የጌዴኦ ብሔርን ከሌሎች ብሔር ብሔረሰቦች ጋር የሚያስተሳስርና የብሔሩን አጠቃላይ ገፅታን የሚያንጸባርቅ ባህል ላይ በመገኘት ባህሉን ፣ ታሪኩን ፣ ትውፊቱን ለሌላው ከማሻገር አንፃር ማህበሩ እንደ ከዚህ ቀደም ለሌሎች የማስተዋወቅን ሥራ ለመሥራት ዝግጅቱን አጠናቋል ።
‎ ይህን የወዳጅነት ጨዋታ እሁድ በ24/05/2018 በዲላ ስቴዲየም ጠዋት 4 ሰዓት ላይ ተገኝተው ይዝናኑ።
‎ መልካም የዳራሮ በዓል !!!
‎
‎
‎
‎