Scav:- Social Change for All Vicitims

12/05/2026

11/05/2026

ምዕራፍ 2 — ያልታሰበ ግኝት

አዲስ አበባ ጠዋት ላይ ሁልጊዜ የራሷ ጫጫታ አላት።
የታክሲ ጥሪ፣ የቡና ሽታ፣ የሰዎች መተራመስ፣ የግንባታ ድምፅ… ከተማው እንደማታንቀላፋ ሰው ትመስላለች።

ሰናይት መኮንን ግን ዛሬ ከሌላው ቀን የተለየ ስሜት ነበራት።

ከጠዋቱ 12 ሰዓት በፊት ከቦሌ ወደ መስቀል አደባባይ በሚሄደው ታክሲ ውስጥ ተቀምጣ ነበር።
የታክሲው ረዳት በታላቅ ድምፅ “ፒያሳ! አራት ኪሎ!” እያለ ይጮኽ ነበር።

ሰናይት ግን አይሰማትም።

አእምሮዋ በሌላ ቦታ ነበር።

የእናቷ መድሀኒት ዋጋ ጨምሯል።
የቤት ኪራይ ሊደርስ ነው።
ደሞዟ ግን እንደ ቀድሞው ነው።

“ሕይወት ለምን እንዲህ ትከብዳለች?” በልቧ አለች።

በተለይ በመሥሪያ ቤቷ ያለው ሁኔታ ያስቆጣት ነበር።

ከሀገሩ የተለያዩ አካባቢዎች የመጡ ሰዎች አብረው ቢሰሩም፣ እውነተኛ እኩልነት እንደሌለ ትመለከት ነበር።
አንዳንዶች በፍጥነት ይሾማሉ።
አንዳንዶች ደግሞ ዓመታት ቢያገለግሉ እንኳ በቦታቸው ይቀራሉ።

ይህን በግልጽ ማየት ጀምራ ነበር።

ታክሲው ከመስቀል አደባባይ አጠገብ ሲቆም ሰናይት ወረደች።
ቀዝቃዛ ንፋስ ፊቷን መታት።

በፍጥነት ወደ ቢሮዋ ሄደች።

“ጠዋት ሰናይት!” ሲል ዳዊት ተቀበላት።

ዳዊት በዚያ ድርጅት ውስጥ የአይቲ ባለሙያ ነበር።
በብዙ ነገር ጸጥተኛ ቢሆንም ሰናይት የምትታመነው ሰው ነበር።

“አለቃ እየፈለገሽ ነው” አለ።

“ለምን?”

“አላውቅም… ግን ዛሬ ፊቱ ጥሩ አይመስልም.”

ሰናይት በቀስታ ወደ አለቃዋ ቢሮ ሄደች።

ሚካኤል ገብረ።

የድርጅቱ ከፍተኛ ኃላፊ።
ሁሉም ይፈሩት ነበር።

“ግቢ” የሚል ድምፅ ተሰማ።

ሰናይት በጥንቃቄ ገባች።

ሚካኤል ከትልቅ መስኮት አጠገብ ቆሞ ነበር።
ከተማውን እየተመለከተ።

“ሰናይት… አንቺ ጎበዝ ነሽ” አለ ያለ ስሜት።

“አመሰግናለሁ ሰር.”

“ግን አንዳንድ ጊዜ ሰዎች ከሚገባቸው በላይ ማወቅ ይፈልጋሉ.”

ሰናይት ግራ ተጋባች።

“አልገባኝም…”

ሚካኤል ወደ እሷ ዞረ።
ዓይኖቹ ቀዝቃዛ ነበሩ።

“ሥራሽን ብቻ ሥሪ.”

ከዚያ በኋላ ዝም አለ።

“መሄድ ትችያለሽ.”

ሰናይት ሳትረዳ ወጣች።

ከሰዓታት በኋላ ሁሉም ሠራተኞች ወጥተው ነበር።
ቢሮው ጸጥ ብሎ ቀርቶ ነበር።

ሰናይት ግን ሪፖርት ለመጨረስ ቀርታ ነበር።

ኮምፒውተሯ በድንገት ተቋረጠ።

“እረ!” ብላ ተናደደች።

እንደገና ስትከፍተው አንድ ያልተለመደ ፎልደር ተመለከተች።

PROJECT SHADOW

ልቧ በፍጥነት መታ።

“ይህ ምንድን ነው?”

ፎልደሩን ከፈተች።

የመጀመሪያው ፋይል የባንክ ዝውውር ነበር።
ሁለተኛው የመሬት ካርታ።
ሶስተኛው…

ሰናይት በድንጋጤ ቆመች።

የፖለቲከኞች ስም።
የንግድ ሰዎች ስም።
የውጭ ሀገር ኩባንያዎች ስም።

ሁሉም በአንድ ሰንሰለት ተያይዘው ነበር።

ከዚያ አንድ የድምፅ ፋይል ተከፈተ።

“…ሁሉንም ቦታ ተቆጣጥረናል. ባንክ፣ መሬት፣ ማዕድን… ሁሉም በእጃችን ነው…”

ሰናይት እጆቿ ተንቀጠቀጡ።

በዚያ ጊዜ…

ከጀርባዋ የእግር ድምፅ ተሰማ።

ቀስ… ቀስ…

ሰናይት በፍርሃት ዞረች።

07/05/2026

ምዕራፍ 1 — ጥላው የጀመረበት ቀን

አዲስ አበባ ሌሊት ላይ ሁልጊዜ ሁለት ፊት አላት።

አንዱ የብርሃን።
ሌላው የጥላ።

በቀን የምትታየው ከተማ በምሽት ሌላ ነገር ትሆናለች።
በረጅም ሕንፃዎች መካከል የሚያልፉ መኪናዎች፣ በየመንገዱ የቆሙ የቡና ቤቶች፣ በጨለማ ውስጥ የሚሸሸጉ ሰዎች… ከተማው ምስጢር ትይዛለች።

በዚያ ሌሊት ዝናብ ከመውረድ በፊት ያለው ቀዝቃዛ ንፋስ ከተማውን ይመታ ነበር።

ሰናይት መኮንን በቦሌ መንገድ ላይ ታክሲ ውስጥ ተቀምጣ ነበር።
ራሷን በመስኮቱ አስደግፋ ወደ ውጭ ትመለከት ነበር።

ዕድሜዋ ሀያ ስምንት ነበር።
ከወላይታ ዞን ወደ አዲስ አበባ መጥታ አምስት ዓመት ሆኗት ነበር።

ሕይወት ቀላል አልነበረችም።

እናቷ በሕመም ትሰቃይ ነበር።
ታናሽ ወንድሟ ዩኒቨርሲቲ ለመግባት ይዘጋጅ ነበር።
የቤት ኪራይ፣ የምግብ ዋጋ፣ የኑሮ ጫና… ሁሉም በእሷ ትከሻ ላይ ነበር።

ግን ሰናይት አትሰበርም ነበር።

“አንድ ቀን ይሻላል” ብላ ራሷን ታጽናና ነበር።

በፌዴራል ተቋም ውስጥ እንደ አስተዳደር ረዳት ትሰራ ነበር።
ብዙ ሰዎች ለመግባት የሚያልሙት ቦታ ነበር።

ግን ከውስጥ ያለው እውነት ሌላ ነበር።

አንዳንዶች በቀላሉ ይሾሙ ነበር።
አንዳንዶች ግን ብዙ ቢሰሩም በታች ይቀሩ ነበር።

ከየአካባቢው የመጡ ሰዎች በአንድ ቢሮ ውስጥ ቢቀመጡም፣ በልባቸው ግን ርቀት ነበር።
አንዳንዶች በስም ይገመገሙ ነበር።
አንዳንዶች በቋንቋቸው።
አንዳንዶች ደግሞ በማን እንደሚያውቁ ይለካሉ።

ሰናይት ይህን ሁሉ ታይ ነበር።
ግን ዝም ትል ነበር።

ምክንያቱም ሥራዋን መጠበቅ አለባት።

ታክሲው በቀይ መብራት ቆመ።

በዚያ ጊዜ ስልኳ ተንቀጠቀጠ።

ዳዊት ነበር።

ሰናይት ስልኩን አነሳች።

“ሄሎ?”

በሌላው ወገን የተደናገጠ ድምፅ ተሰማ።

“ሰናይት… የት ነሽ?”

“በመንገድ ላይ ነኝ። ምን ሆነ?”

ዳዊት ለጥቂት ሰከንዶች ዝም አለ።

“አንቺን እየተከታተሉሽ ነው.”

ሰናይት ልቧ በኃይል መታ።

“ምን ማለትህ ነው?”

“ከቢሮው የወሰድሽውን ፋይል… እነሱ ያውቃሉ.”

ሰናይት ደነገጠች።

“ምን ፋይል? ምን እያልክ ነው?”

“አሁን ማብራራት አልችልም. ግን ስሚኝ… ወደ ቤትሽ አትሂጂ.”

“ዳዊት—”

ነገር ግን ስልኩ ተቋረጠ።

“ሄሎ? ሄሎ?!”

ምንም ድምፅ አልነበረም።

በዚያ ጊዜ ሰናይት በመስኮቱ ውጭ አየችው።

ጥቁር መኪና።

ከታክሲዋ ጀርባ ቆሞ ነበር።

መስኮቱ ጥቁር ነበር።
ውስጡ ማን እንዳለ አይታይም።

ነገር ግን…

እየተመለከቷት እንደሆነ ተሰማት።

ቀይ መብራቱ ወደ አረንጓዴ ተቀየረ።

ታክሲው ተንቀሳቀሰ።

ጥቁሩ መኪናም ተከተለ።

ሰናይት የሆነ ነገር እንደተቀየረ ተረዳች።

ይህ ቀን…
የሕይወቷን አቅጣጫ ሙሉ በሙሉ ሊቀይር ነበር።

Zemach Zewdie Kebede Gaaki Yoodo

24/04/2026

20/04/2026

https://www.facebook.com/share/r/1DPcrZVnr5/

13/04/2026

https://www.facebook.com/share/1GwxRYwtmv/

09/04/2026

https://www.facebook.com/100087353395041/posts/934539192801185/

በጎፋ ዞን የ6 ወር ነብሰ ጡር ሚስቱን በአሰቃቂ ሁኔታ የገደለው ግለሰብ ነዋሪው ፍትህ እንዲጠይቅ አድርጓል

በደቡብ ኢትዮጵያ ክልል ላሃ ከተማ የከተማዋን ነዋሪዎች ያስቆጣ እጅግ ዘግናኝ የግድያ ወንጀል ተፈፅሟል። ይህ ወንጀል የተፈፀመው ራሷን መከላከል በማትችልበት ሁኔታ የ6 ወር ነብሰ ጡር በነበረች ወይዘሮ ዘሃር ይማም ላይ ሲሆን ግድያውም በገዛ የትዳር አጋሯ ነው የተፈፀመው። ይህንንም ተከትሎ የከተማዋ ነዋሪዎችም ፍትህ በመጠየቅ ላይ የሚገኙ ሲሆን የላሃ ኑር መስጂድም መግለጫ አውጥቷል( አስተያየት መስጫው ላይ ተያይዟል)

የመግለጫው ሃሳብ እንደሚከተለው ቀርቧል፦
‎
‎በእህታችን ዘሃራ ይማም ላይ በላሃ ከተማ በቀን 28/7/2018 ዓ/ም እጅግ ዘግናኝና ሰብአዊነት የጎደለው ግድያን በማስመልከት የላሃ፤ የመሎ ኮዛ ወረዳ እስልምና ጉዳይ እና የላሃ ኑር መስጂድ የአቋም መግለጫ።
‎
‎"ጭካኔ ሃይማኖት የለውም- ፍትህ ለተበዳይ እህታችን!"
‎
‎በቀን 28/7/2018 ከምሽቱ አንድ ሰዓት አከባቢ የላሃ ከተማ ነዋሪ የሆነች ነፍሰ ጡር እናት ዘሃራ ይማም ላይ የተፈጸመውና ሰሚን የሚያደነዝዘው አሰቃቂ ግድያ ሁላችንንም የሰው ልጆችን በከፍተኛ ሀዘንና ቁጣ ውስጥ ጥሎናል።

እናትነት በሚከበርበትና ሕይወት በሚጠበቅበት ማህበረሰብ ውስጥ፣ አንዲት ነፍሰ ጡር ሴት ጥበቃ በምትሻበት ጊዜ በአሰቃቂ ሁኔታ መገደሏ ‎የሰይጣን እንጂ የሰው ልጅ ተግባር ሊሆን አይችልም።

‎ይህ ድርጊት በማንኛውም የሞራል ሕግ፣ በሀገራችን ባህልና በተለይም በእስልምና እምነት አስተምህሮ ፈጽሞ ተቀባይነት የሌለውና በጽኑ የተከለከለ "ታላቅ ወንጀል" ነው።

ስለሆነም ድርጊቱን በሚመለከት የወረዳ ኢስልምና ጉዳይ እና የላሃ ኑር መስጂድ የሚከተለውን የአቋም መግለጫ በጋራ አውጥተዋል።
‎
‎1. ይህንን አረመኔያዊ ድርጊት በጽኑ እናወግዛለን፣ እንኮንናለን። ነፍሰ ጡር እናትን ማረድና መግደል የሰው ልጅነት የሞራል ውድቀትና ዝቅታ ማሳያ እንጂ በምንም ዓይነት ምክንያት ሊጸድቅ የማይችል ተግባር ነው።

‎2. የእስልምና እምነት ‹‹አንዲት ንጹህ ነፍስን መግደል መላውን የሰው ልጅ እንደመግደል እንደሚቆጠር›› ያስተምራል። ይህ ወንጀለኛ የፈጸመው ድርጊት ከእምነቱ አስተምህሮ የወጣ፣ የራሱን አረመኔነት ብቻ የሚገልጽና በምንም መልኩ ከእምነት ጋር የማይገናኝ መሆኑን እንገልጻለን። ሃይማኖት ለጭካኔ ሽፋን ሊሆን ፈጽሞ አይችልም!

‎3. መንግስትና የፍትህ አካላት ይህንን አረመኔያዊ ድርጊት የፈጸመውን ግለሰብ በአስቸኳይ ለፍርድ እንዲያቀርቡና ድርጊቱ ካለው አስከፊነት አንጻር የሚመጥን ከፍተኛውን የሕግ ቅጣት እንዲሰጡት እንጠይቃለን። እንዲህ ያሉ ወንጀለኞች ለማህበረሰቡ ትምህርት በሚሆን መልኩ ለቀጣ ይገባል ።
‎
‎4 በሴቶችና በሕፃናት ላይ የሚፈጸሙ ጥቃቶችን በማጋለጥና ለሕግ በማቅረብ ረገድ እንደ ማህበረሰብ ሁላችንም በአንድነት ልንቆም ይገባል። ሕይወቷን ላጣችው እህታችን አላህ የጀነት እንያደርጋትና ለቤተሰቦቿና ለወዳጆቿ መጽናናትን እንድሰጥ አላህን እንጠይቃለን ።

የላሃ ኑር መስጂድ

24/03/2026

https://www.facebook.com/share/v/1DrKXM8Z25/

08/02/2026

Emnet Multi Optional Community's Capacity building Initiative EMOCCI.