Ethiopian Mulu Wongel Amagnoch Church Development Commission

09/09/2026

🌼 እንኳን ለ2019 አዲስ ዓመት በሰላም አደረሳችሁ! 🌻

​የተከበራችሁ ዉድ አጋሮቻችና ወዳጆቻችን ፣ መላው የኮሚሽናችን (EMWACDC) መሪዎችና ሠራተኞች ቦርድ አባላት ፣ የበጎ ፈቃድ አገልጋዮቻችን እና መላው የኢትዮጵያ ሕዝብ፦
​በመጀመሪያ አምላካችን እግዚአብሔር ሁላችንንም በሰላም እና በጤና ጠብቆ ለ2019 ዓመተ ምህረት አዲስ አመት በሰላም ስላደረሰን ስሙ ለዘላለም የተመሰገነ ይሁን !
በድጋሜ ​በኢትዮጵያ ሙሉ ወንጌል አማኞች ቤተ ክርስቲያን ልማት ኮሚሽን (EMWACDC) ስም እንኳን ለ2019 አዲስ ዓመት በሰላም አደረሰን እያልኩ ፤ ከልብ የሆነ ሰላምታዬንና መልካም ምኞቴን ለማስተላለፍ እወዳለሁ ።
​ያሳለፍነው የ2018 ዓመተ ምህረት በርካታ ስኬቶች ፣ ፍሬያማ ሥራዎችና አስደናቂ ዉጤቶች የተከናወኑበት ፤ ከችግሮች ይልቅ መልካም ዕድሎችን በማየት የተጋንበት እና የብዙ ሰዎችን ሕይወት በበጎ መልኩ የለወጥንበት አስደናቂ የአገልግሎት ዓመት ነበር።
​ለዚህ ትልቅ ስኬት፦
​ለአጋሮቻችንና ወዳጆቻችን በሙሉ ፦ ዘላቂ የልማት፣ የሰላም ና የበጎ አድራጎት ሥራዎቻችንን በጋራ እንድናሳካ ላደረጋችሁልን ያልተቆጠበ ድጋፍና አብሮነት የከበረ ምስጋናችንን እናቀርባለን።
​ለቦርዳችን አባላት ፦ በልማት ኮሚሽናችን ስትራቴጂካዊ አመራርና ጥበብ የተሞላበት አቅጣጫ በመስጠት ላበረከታችሁት የላቀ አስተዋጽኦ እጅግ አድርገን እናመሰግናለን።
​ለልማት ኮሚሽኑ ሠራተኞች (ስታፎች) ና የበጎ ፈቃድ አገልጋዮች፦ በታታሪነት፣ በታማኝነትና በፍቅር ሕዝባችንን በማገልገል ላሳያችሁት ቁርጠኝነት፣ መሰጠትና ትጋት ያለኝን አድናቆት ከምስጋና ጋር መግለጽ እወዳለሁ። እናንተ የኮሚሽናችን የጀርባ አጥንት እና የእውነተኛ ለውጥ አምባሳደሮቻችን ናችሁ!።
እንዲሁ ​ይህ የ2019 አዲሱ ዓመት ለልማት ኮሚሽናችን እጅግ ልዩና ታሪካዊ ነው ብለን እናምናለን ምክንያቱም
በዚህ ዓመት በሚቀጥሉት አምስት ዓመታትከ2019 _ 2023 ዓ.ም (ከ2026 - 2030 ) የልማት ኮሚሽናችን ወደ ላቀ የአገልግሎትና የልማት ምዕራፍ የሚሸጋገርበትን የ5 ዓመት ስልታዊ ዕቅድ (Strategic Plan) ሥራ ላይ ማዋል የምንጀምርበት አመት ስለሆነ ነው።
​ይህንን ታላቅና መልካም ተግባር በላቀ ውጤታማነት ለመፈጸም እና የማኅበረሰባችንን ሕይወት ይበልጥ ወደ ተሻለና ከፍ ያለ ደረጃ ለማድረስ እና ለመለወጥ፤ ሁላችንም ከተለመደው የእለት ተእለት ተግባር ባሻገር ፤ በትጋት፣ በኅብረትና በከፍተኛ ቁርጠኝነት እንድንቀሳቀስ የከበረ ጥሪዬን ለማስተላለፍ እፈልጋለሁ ።
​2019 ዓመተ ምህረት ለሀገራችን ኢትዮጵያ የሰላም፣ የፍቅርና የአንድነት የእድገትና የብልፅግና ፤
ለልማት ኮሚሽናችን ደግሞ የታላቅ በረከት፣ የስኬትና የበዛ የፍሬአማ ዓመት ይሁንልን!

​መልካም አዲስ ዓመት!

03/09/2026

የኢትዮጵያ ሙሉ ወንጌል አማኞች ቤተክርስቲያን ልማት ኮሚሽን ዓመታዊ ጠቅላላ ጉባኤ በሁለተኛው ቀን (ማክሰኞ፣ ነሐሴ 26 ቀን 2018 ዓ.ም) የተለያዩ መርሃ ግብሮችን ሲያከናውን ውሏል።
የጠዋት መርሃ ግብር (አምልኮና የቃል ጊዜ)
· የአምልኮና ጸሎት መርሃ ግብር፦ በምክትል ኮሚሽነር ወንድም እምሩ ሙላቱ መሪነት የተካሄደ ሲሆን፣ በተጋባዥ አገልጋይ የዝማሬ አገልግሎት ቀርቧል።
· የእግዚአብሔር ቃል ጊዜ፦ የቤተክርስቲያኗ ዋና ፕሬዚዳንት ፓስተር ላአኮ በዳሶ ኤፌሶን 4፥1-3 እና የሐዋርያት ሥራ 20፥20-28ን መነሻ በማድረግ የእግዚአብሔርን ቃል አካፍለዋል።
የሪፖርት ማቅረብ እና መስፀደቅ፦
· የስራ ክንውን ሪፖርት፦ የኮሚሽኑ የ2018 ዓ.ም የስራ ክንውን ሪፖርት በኮሚሽነር ፓስተር ብርሃኑ ታረቀኝ ለጉባኤው ቀርቧል።
· የኦዲት ሪፖርት፦ የፋይናንስ ኦዲቱን በሰራው ተቋም ኃላፊ በአቶ ሰሎሞን እሸቴ አማካኝነት የቀረበው ዓመታዊ የኦዲት ሪፖርት በጉባኤው ተቀባይነት አግኝቶ በሙሉ ድምፅ ጸድቋል።
የእውቅናና ሽልማት ሥነ-ሥርዓት፦ ላለፉት 4 ዓመታት በምዕራብ ወለጋ፣ ሆሮ ጉድሩ እና ሻምቡ አካባቢዎች ለተከናወነው የሰብአዊ ድጋፍ ስራ የእውቅና ሥነ-ሥርዓት ተካሂዷል። የክልሉ ኃላፊ ፓስተር ተካልኝ ዳባ እና የልማት ቦርድ ሰብሳቢ በተገኙበት፣ የዋንጫ እና የሰርተፊኬት ሽልማቱን የቤተክርስቲያኗ ፕሬዚዳንት ፓስተር ላአኮ በዳሶ ለኮሚሽኑ ኃላፊ ለፓስተር ብርሃኑ ታረቀኝ አበርክተዋል።
የእቅድ ማጽደቅና ማጠቃለያ፦ የልማት ኮሚሽኑ እቅዶች በቤተክርስቲያኗ ም/ፕሬዚዳንት ፓስተር ለወየሁ ስንሻው የመድረክ መሪነት አማካኝነት የተከናወነ ሲሆን
· የ2019 ዓ.ም እቅድና በጀት፦ በኮሚሽነር ፓስተር ብርሃኑ ታረቀኝ የቀረበው የ2019 ዓ.ም አጠቃላይ የሥራና የበጀት ዝርዝር እቅድ በሙሉ ድምፅ ጸድቋል።
· የ5 ዓመት ስልታዊ እቅድ (Strategic Plan)፦ ለቀጣይ አምስት ዓመታት የሚተገበረው ስልታዊ እቅድ በፓስተር ብርሃኑ ታረቀኝ ቀርቦ፣ ውይይት ከተደረገበት በኋላ በሙሉ ድምፅ ጸድቋል።
በመጨረሻም ም/ፕሬዚዳንት ፓስተር ለወየሁ ስንሻው ለጠቅላላ ጉባኤ ተሳታፊ አባለት እና ለልማት ኮሚሽኑ የስራ ሃላፊዎች እንዲሁም ሰራተኞች ምስጋና አቅርበው የእለቱ ስብሰባ በማጠቃለያ ጸሎት ፍጻሜ አግኝቷል።

02/09/2026

የኢትዮጵያ ሙሉ ወንጌል አማኞች ቤተክርስቲያ ልማት ኮሚሽን አመታዊ ጠቅላላ ጉባኤ ከነሐሴ 25-26 /2018 ዓ.ም በካሶፒያ ሆቴል አዲስ አበባ ተካሄደ።

በመጀመሪያው ቀን ሰኞ ጠዋት የፀሎት እና የአምልኮ ፕሮግራም በምክትል ኮምሽነሩ ወንድም እምሩ ሙላቱ መሪነት እና በተጋባዥ ዘማሪ የተካሄደ ሲሆን፤ ለእንግዶች የእንኳን ደህና መጣችሁ ንግግር እና የእለቱን መርሃ ግብር የማስተዋወቅ በልማቱ ዋና ኮምሽነር በፓስተር ብርሃኑ ታረቀኝ የቀረበ ሲሆን፤ የቃል ጊዜ በዶ/ር ምህረቱ ሻንቆ ቀርቧ። ይሄውም ከሐዋሪት ሥራ ምእራፍ 20፥18-38 ባለው ክፍል ሐዋርያው ቅዱስ ጳውሎስ ወደ ኢየሩሳሌም ከመሄዱ በፊት ለ ቤተ ክርስቲያን መሪዎች (ሽማግሌዎች) ያደረገላቸው የቃል ኪዳን እና የስንብት ንግግር ላይ በመመርኮዝ በለአደራ አገልጋይ ባህሪ ምን መምስል እንዳለበት በምሳሌ የተደገፈ ማብራሪያ በማቅረብ ቃል - ስብከት አቅረበዋል።
በመቀጠል ከሻይ እረፍት መልስ በደ/ር ምህረቱ ሻንቆ የቀጠለ
ሁለንተናዊ አመራር (Holistic Leadership) በሚል እርእስ ለተሳታፊዎች ስልጠና ሰጥተዋል። ይሄውም 4ቱን የአመራር ደረጃ ብቃት መለኪያን በመግላፅ፤
1ኛ. ጀማሪ
2ኛ. በማደግ ላይ ያለ
3ኛ. ብቁ አገልጋይ መሪ
4ኛ. አርአያ / ምሳሌ የሚሆን/ ለውጥ አምጭ
የሚሉትን በመጥቀስ ና 10 ዝርዝር ሃሳቦችን በማቅረብ ስልጠናውን አቅርበዋል።

በመቀጠል በልማቱ ዋና ኮምሽነር ፓስተር ብረሃኑ ታረቀኝ በምስረታ ሂደት ላይ የሚገኘውን ቦኤዝ የገንዘብ ቁጠባ ና ብድር የህብረት ሥራ ማህበር ለስብሰባ ተሳታፊዎች የማስተዋወቅ ፕሮግራም ያካሄዱ እና ከአሁን በፊት ስለተከናወኑ ዘርዝር ስራዎች እንዲሁም ወደፊት አዲስ ለሚገቡ አባላት ምን እንደሚጠበቅባቸው ገለፃ አድርገዋል። በመሆኑም በልማት ኮሚሽኑ ሰራተኞች የተጀመረው የህብረት ሥራ ማህበር ፤ በቀጣይ የቤተክርስቲያኒቱን አገልጋዮች እና መእመናን በማካተት ጠንካራ እና ጥሩ የገንዘብ አቅም ያለው ተቋም መመስረት እንደሚቻልና እንዲሁም ሰራውን ከዋና ቢሮ እስከ ቅርንጫፍ በሮዎች በሎም እስከ ፕሮጀክት ድረስ የሚያስተባብሩ የኮሚሽኑ ሰራተኞችን በተጨማሪም በግዜያዊ ኮንትራት የሚሰራ አንድ ባለሙያ ለጉባኤው አስተዋውቀዋል ።

በመቀጠል ወጣቶች የት ናቸው? በሚል እርአስ በፓሰተር ኤርምያስ በጥናታው ፅሁፍ ላይ በመመስረት የስልጠና እና የግንዛቤ ማስጨበጫ ፕሮግራም ተካሄዷል። በመሆኑም ወጣቶች በመንፈሳዊ ፤ በኢኮኖሚ እና በማህበራዊ ህይወት ያለባቸውን ተግዳሮት ቤተክርስቲያን እንዴት ባለ መንገድ ምላሽ እየሰጠች ነው? ከግሎባላይዜሽን ተፅእኖ ባሻገር በወጣቶች ዘንድ ገደብ የለሽ የማህበራዊ ሚዲያ አጠቃቀም ጋር ተያይዞ በሩቅ የምንሰማቸው ጀሮን ጭው የሚያደርጉ የሃጢያት ልምምዶች እንዲሁም ተከትሎ ከሚመጡ ቀውሶች ትውልድን ለመታደግ እንደ ቤተክርስቲያን አገልጋይ የሚኖረን ምላሽ እንዴት ነው ? በሚሉ ዝርዝር ጉዳዮች ገለፃ ቀርቧል። በመጨረሻም የማጠቃለያ ፀሎት ከተደረገ በኋላ የእለቱ ፕሮግራም ተፈፅሟል።

26/05/2026

የኢትዮጵያ ሙሉ ወንጌል አማኞች ቤተ ክርስቲያን የልማት ኮሚሽን አገር አቀፍ የአንድነት ጊዜ አከናወነ
***************************

​የኢትዮጵያ ሙሉ ወንጌል አማኞች ቤተ ክርስቲያን የልማት ኮሚሽን አገር አቀፍ ዓመታዊ የመሪዎችና የሠራተኞች የአንድነት ጊዜ ፕሮግራም በድምቀት ተከናወነ።

​ከግንቦት 13 - 15 ቀን 2018 ዓ.ም በሀዋሳ ከተማ በተደረገው በዚህ ፕሮግራም ላይ የቤተ እምነቱ ፕሬዚዳንት ፓስተር ላኮ በዳሶ፣ የልማት ኮሚሽኑ ኮሚሽነር ፓስተር ብርሃኑ ታረቀኝ፣ የልማት ኮሚሽኑ የቦርድ አባላት፣ የቤተ ክርስቲያን መሪዎች፣ ሠራተኞች እና ጥሪ የተደረገላቸው እንግዶች ተገኝተዋል።

​በፕሮግራሙ ላይ የቀረቡ ዋና ዋና ትምህርቶችና መልዕክቶች
​«የእግዚአብሔር ቃል ገዥ ሥፍራን መያዝ»
​በነብይ የሽጥላ መቺ
​መጽሐፍ ቅዱስን መሠረት በማድረግና መንፈስ ቅዱስን በመደገፍ ገዥ ሥፍራን መቆጣጠር እንደሚቻል ያስተማሩ ሲሆን፣ ለጉባኤውም በሰፊው ጸልየዋል።
​የመንፈስ ቅዱስ ታሪካዊና ወቅታዊ ሥራ
​ ፓስተር ላኮ በዳሶ (የቤተ እምነቱ ፕሬዚዳንት)
​ የሐዋርያት ሥራ ምዕራፍ ሁለትን ከታሪካዊ ዳራው በመነሳት ያብራሩ ሲሆን፣ ዛሬም እንደ ጥንቱ በቤተ ክርስቲያን ውስጥ መንፈስ ቅዱስ በኃይል እንደሚሠራና እንደሚገለጥ አፅንኦት ሰጥተው አስተምረዋል።
​«ሁለንተናዊ አገልግሎት»
​ ፓስተር ብርሃኑ ታረቀኝ (የልማት ኮሚሽኑ ኮሚሽነር)
​ ለተሰበሰበው ጉባኤ የሁለንተናዊ አገልግሎትን አስፈላጊነትና ምንነት በስፋት አስገንዝበዋል።
​የአምልኮና የዝማሬ አገልግሎት
​የአምልኮ አገልግሎት፦ በመርሃ ግብሩ በነበረው የጸሎትና የአምልኮ ጊዜ ላይ ዘማሪ ታማኝ ሙሉነህ በምስጋናና በዝማሬ ጉባኤውን አገልግሏል።

​በተጨማሪም በፕሮግራሙ ላይ የተለያዩ መርሐ ግብሮች የተከናወኑ ሲሆን፣ የኮሚሽኑን ሥራ ይበልጥ ውጤታማ ለማድረግ የሚያግዙ አስተዳደራዊ ጉዳዮች ተነስተው ውይይት ተደርጎባቸዋል። በቀጣይ መከናወን ለሚገባቸው ሥራዎችም አቅጣጫዎችና ማሳሰቢያዎች ተሰጥተው ፕሮግራሙ በስኬትና በሰላም ተጠናቋል።

22/05/2026

የአትዮዽያ ሙሉ ወንጌል አማኞች ቤተ ክርስቲያን ልማት ኮሚሽን የመሪዎች እና የሰራተኞች አመታዊ ስብሰባ | ግንቦት 14 | የከሰዓት ክፍለ ጊዜ | ሐዋሳ

Ethiopian Mulu Wongel Amagnoch Church Development Commission Leaders’ and Staff Annual Meeting | May 22 | Afternoon Session | Hawassa

22/05/2026

የአትዮዽያ ሙሉ ወንጌል አማኞች ቤተ ክርስቲያን ልማት ኮሚሽን የመሪዎች እና የሰራተኞች አመታዊ ስብሰባ | ግንቦት 14 | የጠዋት ክፍለ ጊዜ| ሐዋሳ ከተማ

Ethiopian Mulu Wongel Amagnoch Church Development Commission Leaders’ and Staff Annual Meeting | May 22 | Morning Session | Hawassa City

21/05/2026

የአትዮዽያ ሙሉ ወንጌል አማኞች ቤተ ክርስቲያን ልማት ኮሚሽን የመሪዎች እና የሰራተኞች አመታዊ ስብሰባ | ግንቦት 13

Ethiopian Mulu Wongel Amagnoch Church Development Commission Leaders’ and Staff Annual Meeting | May 21

21/05/2026

የአትዮዽያ ሙሉ ወንጌል አማኞች ቤተ ክርስቲያን ልማት ኮሚሽን የመሪዎች እና የሰራተኞች አመታዊ ስብሰባ በሐዋሳ ከተማ ተጀመረ

Ethiopian Mulu Wongel Amagnoch Church Development Commission Leaders’ and Staff Annual Meeting

31/12/2025

HAPPY NEW YEAR 2026

As we enter the New Year, on behalf of the Ethiopian Mulu Wangel Amagnoch Church Development Commission, I extend my heartfelt New Year greetings to our partners, donors, staff, church communities, and all friends who have stood with us.
We thank God for His faithfulness and for your commitment, cooperation, and support throughout the past year.
As we move forward together, may this New Year bring peace, renewed hope, strength, and greater impact in serving vulnerable communities and transforming lives.
Happy and Blessed New Year to you and your families.

Pastor Berhanu Tarekegn
COMMISSIONER

28/08/2025