Ethiopian Muslim Youth Council

Ethiopian Muslim Youth Council Contact information, map and directions, contact form, opening hours, services, ratings, photos, videos and announcements from Ethiopian Muslim Youth Council, Youth Organization, 4 Killo, Addis Ababa.

በእስልምና አስኳል አሰተምህሮ ላይ የተመሠረተ፣ በዒባዳ የታነፀ፣ ማንነትና እሴቱን የሚያከብር፣ ለህዝብ ደኅንነትና ለሀገር ልማት አስተዋፆ የሚያደርግ፣በእምነት፣ እውቀትና በአገልግሎት መሪ የሆነ ወጣት ትውልድ ማፍራትን እንዲሁም ኢትዮጵያውያን ሙስሊም ወጣቶችን በአንድ ጥላ ስር መሰብሰብ ርዕዩ አድርጎ በኢትዮጵያ እስልምና ጉዳዮች ጠቅላይ ምክር ቤት ስር ተቋቋመ ቦርድ መር የወጣት አደረጃጀት ነው።

በደሴ ከተማ በመስጅድ ኔት ፕሮግራም በተለያዩ የዲጂታል ዘርፎች የሰለጠኑ 40 ተማሪዎች ተመረቁ!EMYC | ጥቅምት 1፣ 2019 ዓ.ል | ረቢዑስ ሳኒ 30፣ 1448 ዓ.ሂበአማራ ክልል የደሴ ከ...
11/10/2026

በደሴ ከተማ በመስጅድ ኔት ፕሮግራም በተለያዩ የዲጂታል ዘርፎች የሰለጠኑ 40 ተማሪዎች ተመረቁ!

EMYC | ጥቅምት 1፣ 2019 ዓ.ል | ረቢዑስ ሳኒ 30፣ 1448 ዓ.ሂ

በአማራ ክልል የደሴ ከተማ ሙስሊም ወጣቶች ካውንስል፣ በታላቁ አረብ ገንዳ መስጂድ በሚገኘው የመስጅድ ኔት ማዕከል በተለያዩ የዲጂታል ዘርፎች የሰለጠኑ 40 ተማሪዎችን ዛሬ በድምቀት አስመርቋል።

በምረቃ መርሐ ግብሩ የክልሉ፣ የደቡብ ወሎ ዞን፣ የከሚሴ ማዕከልና የደሴ ከተማ ሙስሊም ወጣቶች ካውንስል አመራሮች፣ የመጅሊስ አመራሮች፣ ወጣቶችና የተጋበዙ እንግዶች ተገኝተዋል።

ሰልጣኞቹ በግራፊክስ ዲዛይን፣ በዲጂታል ማርኬቲንግና በሌሎች ዘመኑን የዋጁ የዲጂታል ዘርፎች ተግባራዊ ሥልጠና ያገኙ ሲሆን፣ ይህም ወጣቶች የዲጂታል ክህሎታቸውን እንዲያዳብሩና የሥራ ዕድላቸውን እንዲያሰፉ ያግዛል።

የኢትዮጵያ ሙስሊም ወጣቶች ካውንስል ወጣቶችን በቴክኖሎጂና በዲጂታል ክህሎት በማብቃት፣ የፈጠራ አቅማቸውን በማጎልበትና ከዘመኑ የሥራ ዓለም ጋር እንዲላመዱ በማድረግ የወጣቶችን ተሳትፎ ለማጠናከር በተለያዩ አካባቢዎች እየሠራ ይገኛል። የመስጅድ ኔት ፕሮግራምም የዚሁ ጥረት አካል ሲሆን፣ ወጣቶች የዲጂታል እውቀታቸውን ወደ ተግባር እንዲቀይሩና ለማኅበረሰቡ የሚጠቅም አስተዋጽኦ እንዲያበረክቱ ዕድል እየፈጠረ ይገኛል።

በባሕር ዳር ሙስሊም ወጣቶች ካውንስል አዘጋጅነት የዳዕዋ መርሐ ግብር ተካሄደ!EMYC | ጥቅምት 1፣ 2019 ዓ.ል| ረቢዑስ ሳኒ 30፣ 1448 ዓ.ሂበአማራ ክልል፣ የባሕር ዳር ሙስሊም ወጣቶ...
11/10/2026

በባሕር ዳር ሙስሊም ወጣቶች ካውንስል አዘጋጅነት የዳዕዋ መርሐ ግብር ተካሄደ!

EMYC | ጥቅምት 1፣ 2019 ዓ.ል| ረቢዑስ ሳኒ 30፣ 1448 ዓ.ሂ

በአማራ ክልል፣ የባሕር ዳር ሙስሊም ወጣቶች ካውንስል አዘጋጅነት ዛሬ፣ ጥቅምት 1 ቀን 2019 ዓ.ል፣ ደማቅ የዳዕዋና የአንድነት መርሐ ግብር አካሂደዋል።

በመርሐ ግብሩ የአማራ ክልል እስልምና ጉዳዮች ከፍተኛ ምክር ቤት ፕሬዝዳንት ሸይኽ ኑረዲን ቃሲም፣ የኢትዮጵያ እስልምና ጉዳዮች ጠቅላይ ምክር ቤት የዑለማ ም/ቤት ዋና ፀሐፊ ዶ/ር ሙሐመድ ከማል፣ የአየር ጤና መስጂድ ኢማም ሸይኽ ኑርሑሴን እንዲሁም ሸይኽ ጁሃር በመገኘት የዳዕዋ ትምህርት አስተላልፈዋል።

መርሐ ግብሩ በወጣቶች መካከል የእስልምና እውቀትን ማስፋፋት፣ የሃይማኖታዊ እሴቶችን ለማጠናከርና የዳዕዋ ተሳትፎን ለማሳደግ ያለውን ጠቀሜታ ተዳሷል።

ከዳዕዋ መርሃግብር በተጨማሪ በዕለቱ የተገኙ እንግዶች የደም ልገሳ በማድረግ ለሰብዓዊነት ያላቸውን አጋርነት አሳይተዋል።

የቴክኖሎጂ ዘርፍ ባለሙያዎችን ማፍራት ለሀገር እድገት ወሳኝ ነው!የስካይ ሊንክ ቴክኖሎጂ ዋና ስራአስፈፃሚ ሙሐመድ ከረም፣ የቴክኖሎጂ ዘርፉ እስካሁን በሰፊው ያልተነካ የሥራ መስክ መሆኑንና ዘ...
11/10/2026

የቴክኖሎጂ ዘርፍ ባለሙያዎችን ማፍራት ለሀገር እድገት ወሳኝ ነው!

የስካይ ሊንክ ቴክኖሎጂ ዋና ስራአስፈፃሚ ሙሐመድ ከረም፣ የቴክኖሎጂ ዘርፉ እስካሁን በሰፊው ያልተነካ የሥራ መስክ መሆኑንና ዘርፉ እያጋጠመው ያለው ዋነኛ ተግዳሮት ብቁ ባለሙያዎች እጥረት መሆኑን ገልጸዋል።

በዚህ ከፍተኛ የባለሙያ ፍላጎት ባለበት ዘርፍ፣ የኢትዮጵያ ሙስሊም ወጣቶች ካውንስል (EMYC) ታዳጊ ተማሪዎችን በቴክኖሎጂ ዘርፍ በማሰልጠን ማስመረቁ እጅግ የሚያስመሰግን ተግባር መሆኑን አስታውቀዋል።

በተጨማሪም፣ ከዛሬዎቹ ተመራቂዎች መካከል ሁለቱን በስካይ ሊንክ ለመቅጠር ዝግጁ መሆናቸውን ገልጸዋል።

#ጭሮየጭሮ ሙስሊም ወጣቶች ካውንስል የወጣቶች እግር ኳስ ውድድር በድምቀት ተጠናቀቀ!EMYC | ጥቅምት 1፣ 2019 ዓ.ል | ረቢዑስ ሳኒ 30፣ 1448 ዓ.ሂበኦሮሚያ ክልል፣ የጭሮ ሙስሊም ...
11/10/2026

#ጭሮ

የጭሮ ሙስሊም ወጣቶች ካውንስል የወጣቶች እግር ኳስ ውድድር በድምቀት ተጠናቀቀ!

EMYC | ጥቅምት 1፣ 2019 ዓ.ል | ረቢዑስ ሳኒ 30፣ 1448 ዓ.ሂ

በኦሮሚያ ክልል፣ የጭሮ ሙስሊም ወጣቶች ካውንስል ወጣቶች ጊዜያቸውን በጠቃሚ ስፖርታዊ እንቅስቃሴ እንዲያሳልፉና የወንድማማችነትና የአንድነት መንፈስን ለማጠናከር ሲያካሂድ የቆየው የእግር ኳስ ውድድር በድምቀት ተጠናቋል።

በፍጻሜው መርሐ ግብር የእስልምና ጉዳዮች ምክር ቤት ተወካዮች፣ የሙስሊም ወጣቶች ካውንስል አመራሮች፣ ዑለማዎች፣ የተለያዩ ተቋማት ተወካዮችና የተጋበዙ እንግዶች ተገኝተዋል። በርካታ የስፖርት ወዳጆችም ውድድሩን ተከታትለዋል።

በፍጻሜው ጨዋታ ቡርቃ ጭሮ አልኸይርን 3 ለ 1 በማሸነፍ የውድድሩን ዋንጫ አንስቷል። ውድድሩ ወጣቶች ጊዜያቸውን በጠቃሚ ስፖርታዊ እንቅስቃሴ እንዲያሳልፉ ከማገዙም በላይ በመካከላቸው ያለውን አንድነት፣ ወንድማማችነትና መተሳሰብ ለማጠናከር አስተዋጽኦ አድርጓል።

ውድድሩ እንዲሳካ ላደረጉ አካላት፣ ደጋፊዎች፣ ተጫዋቾችና መላው የጭሮ ማኅበረሰብ ምስጋና ቀርቧል።

“ችግር ፈቺ ፈጠራ እስከሠራችሁ ድረስ ሁሌም ተፈላጊ ናችሁ” — አቶ ባህሩ ዘይኑEMYC | ጥቅምት 1፣ 2019 ዓ.ል | ረቢዑስ ሳኒ 30፣ 1448 ዓ.ሂየአፍሪኮም ቴክኖሎጂ ኩባንያ ባለቤትና ...
11/10/2026

“ችግር ፈቺ ፈጠራ እስከሠራችሁ ድረስ ሁሌም ተፈላጊ ናችሁ”
— አቶ ባህሩ ዘይኑ

EMYC | ጥቅምት 1፣ 2019 ዓ.ል | ረቢዑስ ሳኒ 30፣ 1448 ዓ.ሂ

የአፍሪኮም ቴክኖሎጂ ኩባንያ ባለቤትና ዋና ሥራ አስፈጻሚ (CEO) አቶ ባህሩ ዘይኑ፣ የኢትዮጵያ ሙስሊም ወጣቶች ካውንስል በሶፍትዌር ልማት (Full Stack Development) ያሰለጠናቸው ተማሪዎች የምረቃ ሥነ-ሥርዓት ላይ በመገኘት፣ ወጣቶች በትምህርትና በቴክኖሎጂ ላይ በማተኮር በሀገር ውስጥም ሆነ በዓለም አቀፍ ደረጃ ስኬታማ እንዲሆኑ አሳስበዋል።

አቶ ባህሩ፣ በሐጅ ጉዞ ምዝገባና አሠራር ማዘመን ላይ የተመዘገቡ ለውጦችን በማስታወስ፣ ቴክኖሎጂ ማኅበረሰቡን ከአላስፈላጊ እንግልት በመታደግ ረገድ ያለውን ሚና አብራርተዋል። ተመራቂዎቹም የማኅበረሰቡን ችግሮች በመለየት ተግባራዊ መፍትሔዎችን እንዲያበጁ አሳስበዋል።

በተጨማሪም፣ ችግር ፈቺ ፈጠራዎችን ለሚያቀርቡ ተመራቂዎች በአፍሪኮም በኩል የሆስቲንግ (Hosting) አገልግሎት ለማመቻቸት ቃል በመግባት፣ ከወጣቶቹ ጋር የሚኖራቸውን ቀጣይ ትብብር አረጋግጠዋል።

በአፋር ክልል የሰመራ–ሎጊያ የሙስሊም ወጣቶች ካውንስል ተመሠረተ!EMYC | ጥቅምት 1፣ 2019 ዓ.ል | ረቢዑስ ሳኒ 30፣ 1448 ዓ.ሂየአፋር ክልል ሙስሊም ወጣቶች ካውንስል አደረጃጀቱን ...
11/10/2026

በአፋር ክልል የሰመራ–ሎጊያ የሙስሊም ወጣቶች ካውንስል ተመሠረተ!

EMYC | ጥቅምት 1፣ 2019 ዓ.ል | ረቢዑስ ሳኒ 30፣ 1448 ዓ.ሂ

የአፋር ክልል ሙስሊም ወጣቶች ካውንስል አደረጃጀቱን የማስፋፋት ሥራውን በማጠናከር የሰመራ–ሎጊያ የሙስሊም ወጣቶች ካውንስልን ዛሬ መሥርቷል።

በምሥረታ መርሐ ግብሩ ላይ የአፋር ክልል መጅሊስና የክልሉ ሙስሊም ወጣቶች ካውንስል አመራሮች፣ መሻኢኾች፣ ኡስታዞች እንዲሁም የሰመራ–ሎጊያ አካባቢ ማኅበረሰብ ተሳትፈዋል።

የካውንስሉ ምሥረታ የሙስሊም ወጣቶችን በአንድነት ለማደራጀት፣ በሃይማኖታዊና ማኅበራዊ ጉዳዮች ላይ ያላቸውን ተሳትፎ ለማጠናከር እንዲሁም በወጣቶችና በማኅበረሰቡ መካከል ያለውን ትብብር ለማሳደግ አስፈላጊ አስተዋጽኦ እንደሚኖረው ይጠበቃል።

የኢትዮጵያ ሙስሊም ወጣቶች ካውንስል በዲጂታል ክህሎት ያሰለጠናቸውን ተማሪዎች እያስመረቀ ይገኛል!EMYC | ጥቅምት 1፣ 2019 ዓ.ል| ረቢዑስ ሳኒ 30፣ 1448 ዓ.ሂ የኢትዮጵያ ሙስሊም ወ...
11/10/2026

የኢትዮጵያ ሙስሊም ወጣቶች ካውንስል በዲጂታል ክህሎት ያሰለጠናቸውን ተማሪዎች እያስመረቀ ይገኛል!

EMYC | ጥቅምት 1፣ 2019 ዓ.ል| ረቢዑስ ሳኒ 30፣ 1448 ዓ.ሂ

የኢትዮጵያ ሙስሊም ወጣቶች ካውንስል መስጂድ ኔት በተሰኘው ፕሮጀክቱ ሙስሊም ወጣቶችን በእውቀት እና ክህሎት የማብቃት ስራውን አጠናክሮ በመቀጠል በዛሬው እለት በአዲስ አበባ ከተማ የሁለተኛ ዙር በሶፍትዌር አልሚነት (full stack sevelopment) ለ አስር ወራት ትምህርታቸውን የተከታተሉ ተማሪዎቹን እያስመረቀ ይገኛል።

የኢትዮጵያ ሙስሊም ወጣቶች ካውንስል የአይቲ ክፍል (IT department) ሀላፊ እና የመስጂድ ኔት ፕሮጀክት ዋና አስተባባሪ አቶ እርዚቅ ደሴ በፕሮግራሙ መክፈቻ ላይ ተማሪዎችን ላሳዩት የላቀ ትጋት አመስግነው፤ ካውንስሉ በቀጣይም ካሉት ስድስት የመስጂድ ኔት ማእከላት ተጨማሪ በመክፈት በመላው ሀገራችን ተማሪዎችን ማስተማር እና ማብቃቱን እንደሚቀጥል አብስረዋል።

በተያያዘ ዜና ካውንስሉ በደሴ ከተማ መስጂድ ኔት ቅርንጫፍ በተመሳሳይ ፕሮግራም ያስተማራቸውን 40 ተማሪዎችን በዛሬው እለት በማስመረቅ ላይ ይገኛል።

የደሴ ከተማ ሙሰሰሊም ወጣቶች ካውንስል የክረምት እግር ኳስ ውድድር ተጠናቀቀ!EMYC | መስከረም 30፣ 2019 ዓ.ል| ረቢዑስ ሳኒ 29፣ 1448 ዓ.ሂበአማራ ክልል፣ የደሴ ከተማ ሙስሊም ወ...
10/10/2026

የደሴ ከተማ ሙሰሰሊም ወጣቶች ካውንስል የክረምት እግር ኳስ ውድድር ተጠናቀቀ!

EMYC | መስከረም 30፣ 2019 ዓ.ል| ረቢዑስ ሳኒ 29፣ 1448 ዓ.ሂ

በአማራ ክልል፣ የደሴ ከተማ ሙስሊም ወጣቶች ካውንስል በክረምት መርሐ ግብሩ አካል ከ30 መስጂዶች የተውጣጡ ቡድኖችን በማሳተፍ ያዘጋጀው የእግር ኳስ ውድድር በዛሬው ዕለት በድምቀት ተጠናቋል።

በመርሃ ግብሩ የክልሉ ሙስሊም ወጣቶች ካውንስል ከፍተኛ አመራሮች፣ የመጅሊስ አመራሮች የደሴ እና ደቡብ ወሎ ዞን ወጣት ካውንስሎች አመራሮችና ወጣቶች ተገኝተዋል።

በፍጻሜው ጨዋታ ቄራ ኑር መስጂድ ከታላቁ አረብ ገንዳ መስጂድ ጋር ተጫውቶ በቄራ ኑር መስጅድ ማሸነፍ የውድድሩን ዋንጫ ማንሳት ችሏል።

ውድድሩ በወጣቶች መካከል ወንድማማችነትን፣ መተዋወቅን፣ መተባበርንና የአንድነት መንፈስን ለማጠናከር፣ እንዲሁም ወጣቶች ጊዜያቸውን በአዎንታዊ ተግባራት እንዲያሳልፉ ያለመ ነው።

የደሴ ከተማ ሙስሊም ወጣቶች ካውንስል ለውድድሩ መሳካት ድጋፍ ላደረጉ አመራሮች፣ መስጂዶች፣ ተጫዋቾች፣ ዳኞችና ሌሎች ተሳታፊዎች ምስጋና አቅርቧል።

የምዕራብ ጎጃም ዞን ሙስሊም ወጣቶች ካውንስል የእግር ኳስ ውድድር ተካሄደ!EMYC | መስከረም 29፣ 2019 ዓ.ል | ረቢዑስ ሳኒ 28፣ 1448 ዓ.ሂበአማራ ክልል፣ የምእራብ ጎጃም ዞን ሙስ...
09/10/2026

የምዕራብ ጎጃም ዞን ሙስሊም ወጣቶች ካውንስል የእግር ኳስ ውድድር ተካሄደ!

EMYC | መስከረም 29፣ 2019 ዓ.ል | ረቢዑስ ሳኒ 28፣ 1448 ዓ.ሂ

በአማራ ክልል፣ የምእራብ ጎጃም ዞን ሙስሊም ወጣቶች ካውንስል ያዘጋጀው የእግር ኳስ ውድድር በኡለማዎች፣ በእስልምና ጉዳይ አመራሮች ፣ በካውንስሉ አመራሮችና በርካታ ወጣቶች በተገኙበት በደማቅ ሁኔታ ተካሂዷል።

በመርሃ ግብሩ ላይ የምዕራብ ጎጃም ዞን ሙስሊም ወጣቶች ካውንስል ዋና ሰብሳቢ ወጣት አራፋት በዛብህ የምእራብ ጎጃም ዞን የእስልምና ጉዳይ ዋና ፀሀፊ ኡስታዝ ሀምዲሁን ጀማል፣ የፍኖተ ሰላም ከተማ የእስልምና ጉዳይ ዋና ፀሀፊ አቶ እያያ ሀብታሙ እና ሌሎች የሃይማኖትና የወጣቶች አመራሮች ተገኝተዋል።

አመራሮቹ በመልዕክታቸው፣ ወጣቶች በስፖርትና በትምህርት ራሳቸውን በማጠናከር፣ ከጎጂ ልማዶች በመራቅ እና በአንድነት በመቆም ጠንካራ ትውልድ ለመገንባት እንዲተጉ ጥሪ አቅርበዋል።

የካውንስሉ ሰብሳቢ በበኩላቸው፣ “አሁን ሙስሊሙ ወጣት ለዲኑ ለሀገሩ እና ለስፖርቱ የበኩሉን የሚወጣበት ሰአት ነው ወጣትነታችንን እንጠቀምበት ሲሉ አሳስበዋል።

ውድድሩ ወጣቶችን በስፖርት ከማሳተፍ ባለፈ፣ አንድነትን፣ ወንድማማችነትን፣ ትብብርንና አዎንታዊ የወጣቶች ተሳትፎን ለማጠናከር ያለመ መሆኑ ተገልጿል።

ውድድሩን ለማሳካት ለተባበሩት የምእራብ ጎጃም ዞን ባህል እና ቱሪዝም ስፖርት ፅ/ቤት፣የፍኖተ ሰላም ባህልእና ቱሪዝም እስፖርት ፅ/ቤት፣ የሙስሊም ወጣቶች ካውንስል አመራርና ኮሚቴዎች፣ የመጅሊስ አመራሮች እና ኡለማዎች ምስጋና ቀርቧል።

በአሰላ ከተማ በመስጂድ ኔት ፕሮግራም የመሠረታዊ ኮምፒውተርና ኮዲንግ ሥልጠና የወሰዱ ተማሪዎች ተመረቁ!EMYC | መስከረም 29፣ 2019 ዓ.ል | ረቢዑስ ሳኒ 28፣ 1448 ዓ.ሂበኦሮሚያ ክ...
09/10/2026

በአሰላ ከተማ በመስጂድ ኔት ፕሮግራም የመሠረታዊ ኮምፒውተርና ኮዲንግ ሥልጠና የወሰዱ ተማሪዎች ተመረቁ!

EMYC | መስከረም 29፣ 2019 ዓ.ል | ረቢዑስ ሳኒ 28፣ 1448 ዓ.ሂ

በኦሮሚያ ክልል የአሰላ ከተማ ሙስሊም ወጣቶች ካውንስል በመስጂድ ኔት ፕሮግራም ያዘጋጀውን የመጀመሪያ ዙር የመሠረታዊ ኮምፒውተርና ኮዲንግ ሥልጠና በስኬት በማጠናቀቅ፣ ተማሪዎቹን ዛሬ አስመርቋል።

በምረቃ መርሐ ግብሩ የአሰላ ከተማ መጅሊስ ሰብሳቢ ሸይኽ አብዱልከሪም ሙሐመድ፣ የአርሲ ዩኒቨርሲቲ ምክትል ፕሬዝዳንት ዶ/ር ሙስጠፋ ባቲ፣ የአሰላ ከተማ ሙስሊም ወጣቶች ካውንስል አመራሮችና ሌሎች እንግዶች ተገኝተዋል።

ሥልጠናው ወጣቶች መሠረታዊ የኮምፒውተር እውቀታቸውን እንዲያዳብሩ፣ የኮድ አጻጻፍ ክህሎት እንዲያገኙና የቴክኖሎጂ ግንዛቤያቸውን እንዲያሳድጉ ያለመ ነው። ይህም በዘርፉ ያላቸውን የትምህርትና የሥራ ዕድሎች ለማስፋት ጠቃሚ መሠረት ይጥላል።

የኢትዮጵያ ሙስሊም ወጣቶች ካውንስል ወጣቶች በእውቀት፣ በእምነትና በቴክኖሎጂ የበቁ እንዲሆኑ የሚያግዙ የአቅም ግንባታ ሥራዎችን በትኩረት እያከናወነ ሲሆን፣ በዚህም ለወጣቶች ሁለንተናዊ እድገት ያለውን አስተዋጽኦ ማጠናከሩን ቀጥሏል።

Address

4 Killo
Addis Ababa

Website

Alerts

Be the first to know and let us send you an email when Ethiopian Muslim Youth Council posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ethiopian Muslim Youth Council:

Shortcuts

Share

Category