04/11/2025
👇 ከታች ያለው 👇 ፅሁፍ በደንብ ይነበብ አደራ 🙏
የባለአደራው ወዳጆች የከበረ ሰላምታዬ ባላችሁበት ይድረሳችሁ! ከሁሉ አስቀድሜ እኔን ከሁላችሁም ትንሹን ሰው ይህንን ሁሉ ጊዜ እንዳገለግል ዕድሉን ስላገኘው አግዚአብሔርን አመሰግናለሁ!
ሰሞኑን እዮሀ ሚዲያ ላይ አንድ አባታችን በተናገሩት ንግግር እና ባያችሁት ቪዲዮ ግራ እንደታጋባችሁ አውቃለው በዚህም ከሀገር ውስጥም ከሀገር ውጪም ያላችሁ ብዙዎቻችሁ መልስ እንድሰጥበት ስጠይቁኝ ነበር:: ያው ባለፈው እዮሀ ሚዲያ ላይ ቀርቤ በሰጠውት ቃለ መጠይቅ እና ትናንት በተለቀቀው ቪዲዮ እናንተ እራሳችሁ ሙሉውን አይታችሁ እውነቱ ማን ጋር እንዳለ እንደተረዳችሁ ተስፋ አደርጋለው:: በተደጋጋሚ እንደዚህ አይነት የስም ማጥፋት ነገሮች ሲፈጠሩ ማየት በእውነት በጣም ያማል 🥹ተስፋም ያስቆርጣል ልፋትንም መና ያስቀራል እምነትንም ይሸረሽራል ሰው ባልሰራው ወንጀል ተከሶ ሌባ ተብሎ ቤተሰብ ወዳጅ አንገት ሲደፋ ማየት እንዴት ልብን ይሰብራል መሰላችሁ 💔 ከዚህ በታች ያለውን ፅሁፍ እጅግ በጣም በከባድ የተስፋ መቁረጥ ስሜት ውስጥ ሆኜ ነው የምፅፍላችሁ 🥹
ወዳጆቼ ከራሴ ጋር ብዙ አስቤ አውጥቼ እና አውርጄ ይህን ለማድረግ ወስኛለው ስለሆነም በሀገር ውስጥም በውጪም ያሉ ልበቀና መልካም ሰዎች እርዳታ ለሚያስፈልጋቸው ሰዎች አድርስ ብለው ልከውኝ ነገር ግን በስራ መደራረብ እና በግል ጉዳዮች መብዛት ምክንያት እስካሁን ያላደረስኳቸውን በእጄ ያሉ በርካታ አደራዎችን እርዳታ ለሚያስፈልጋቸው ሰዎች አድርሼ እስከምጨርስ ድረስ ብቻ በእርዳታ ስራዎች ላይ የምሳተፍ መሆኑን እየገለፅኩ ከዛሬ 25/02/2018 ቀን ጀምሮ ግን ምንም አይነት አደራ ወይም ለእርዳታ የሚውል ገንዘብ የማልቀበል መሆኑን ለማሳወቅ እወዳለው::
እስካሁን በነበረን የረጅም ጊዜ ቆይታ ሳላውቅ በስህተት አውቄም በድፍረት ካስቀየምኳችሁ ወይም ካስከፋሇችሁ ከልቤ ይቅርታ እጠይቃለው 🙏
በእርዳታው ስራ ላይ ትልቅ ህልም ነበረኝ ያን ህልሜን ማሳካት ባለመቻሌ በራሴ እያዘንኩ ህልሜን ተስፋ አድርጋችሁ በጉጉት ስትጠብቁ ለነበራችሁ ወዳጆቼ ይቅርታ እጠይቃለው 🙏
በመጨረሻም በዚህ ጉዳይ እስከዛሬ ድረስ የእኔን ማንነቴን እና ምንነቴን ሳታውቁ አምናችሁኝ ብቻ ገንዘባችሁን ለተቸገሩ ወገኖች ስትልኩ የነበራችሁ,ከጎኔ ሆናችሁ አይዞህ በርታ ስትሉኝ የነበራችሁ, በኔ እምነት ኖሮዋችሁ እሱ እንደዚህ አያደርግም ብላችሁ ስሜን ከሚያጠለሹ ስዎች ጋር እና ከህዝቡ ጋር የተሟገታችሁ አልፎም ስለእኔ በሚዲያ ወታችሁ የመሰከራችሁ, በስልክ እና በመልዕክት መልካም ምኞታችሁን እና ሀሳባችሁን ያጋራቹኝ ሁላችሁንም እጅግ በጣም ከልብ አመሰግናለው ፈጣሪ ያክብርልኝ 🙏
ባለአደራው
