17/06/2026
የብዙአየሁ ታደለ እና ቤተሰቡ ፋውንዴሽን (BTFF) እና የተባበሩት መንግስታት ሥነ-ሕዝብ ፈንድ(UNFPA) የትብብር ስምምነት ተፈራረሙ
የብዙአየሁ ታደለ እና ቤተሰቡ ፋውንዴሽን (BTFF) ከተባበሩት መንግስታት የሥነ-ሕዝብ ፈንድ (UNFPA) ጋር በጋራ ለመሥራት የሚያስችለውን የመግባቢያ ስምምነት (MoU) የካቲት 9 ቀን 2018 ዓ.ም በይፋ ተፈራርሟል።
ይህ ስምምነት ፋውንዴሽናችን ከተባበሩት መንግስታት ድርጅት አካል ጋር በይፋ በመተባበር በሀገራችን በግንባር ቀደምትነት የሚሰለፍበት ታሪካዊ ምዕራፍ ሲሆን፣ በኢትዮጵያ ከUNFP ጋር አጋርነት የፈጠረ የመጀመሪያው የቤተሰብ ፋውንዴሽን እንደሆነ በስምምነቱ ወቅት ተብራርቷል።
ይህ የአጋርነት ስምምነት የማህበረሰቡን ሕይወት በዘላቂነት በሚያሻሽሉ እና ተጨባጭ ተፅዕኖ በሚፈጥሩ በሚከተሉት ዋና ዋና ዘርፎች ላይ ያተኩራል፦
1. በሥነ-ተዋልዶ ጤና አገልግሎቶች ላይ ግንዛቤን ማሳደግ እና ተደራሽነትን ማስፋፋት።
2. የወጣቶችን ጤና መጠበቅ እና የሕይወት ክህሎት ትምህርቶችን መደገፍ።
3. የአዕምሮ ጤና እና የስነ-ልቦና ማህበራዊ ድጋፍ አገልግሎቶችን ማጠናከር።
4. በማህበረሰብ አቀፍ ሥራዎች አማካኝነት በጾታ ላይ ለተመሰረቱ ጥቃቶች የሚሰጡ ምላሾችን ማሻሻል።
የብዙአየሁ ታደለ እና ቤተሰቡ ፋውንዴሽን የኢስት አፍሪካን ሆልዲንግ አክሲዮን ማኅበር ማኅበራዊ ኃላፊነትን (CSR) የሚያስፈፅም አካል እንደመሆኑ መጠን ልማት ይበልጥ ትርጉም የሚኖረው ከኢንዱስትሪው አልፎ ለምናገለግላቸው ማህበረሰቦች በተግባር በአጋርነት ሲደርስ ነው ብለን እናምናለን።
ፋውንዴሽናችን ዘላቂና ተሻጋሪ የሆኑ ተግባራትን በማከናወን የትውልዱን መፃዔ ዕድል የተሻለ ለማድረግ ማህበረሰቡን በቅንነት ለመደገፍ በቁርጠኝነት ይሠራል።
ይህ አጋርነት የተወለደው ፋውንዴሽናችን ባለው ጥልቅ የማኅበረሰብ ውግንና እና ተጨባጭ ውጤት የማስመዝገብ ልምድ ላይ ተመስርቶ ነው። ጤናማና ደህንነቱ የተጠበቀ ማህበረሰብን ለመገንባት የምናደርገውን ጥረት የበለጠ አጠናክረን ለመቀጠል ከተባበሩት መንግስታት የሥነ-ሕዝብ ፈንድ ድርጅትጋር ተጨባጭ ውጤቶችን እናስመስገናለን።
ለዘላቂ ለውጥ ዘወትር በትጋት እንሠራለን!
