ኢትዮጵያ ወጣቶች ህብረት

Call Directions Website

ኢትዮጵያ ወጣቶች ህብረት ህብረት ከወጣትነት!

የብልጽግና ፓርቲ ወጣቶች ክንፍ እና የዚምባባዌ ገዢ ፓርቲ (ZANU-PF )ወጣቶች ሊግ አመራር አባላት በሀራሬ ታሪካዊ የአረንጓዴ አሻራ መርሃ ግብር በጋራ አካሄዱ!የኢትዮጵያ አረንጓዴ አሻራ...
05/09/2026

የብልጽግና ፓርቲ ወጣቶች ክንፍ እና የዚምባባዌ ገዢ ፓርቲ (ZANU-PF )ወጣቶች ሊግ አመራር አባላት በሀራሬ ታሪካዊ የአረንጓዴ አሻራ መርሃ ግብር በጋራ አካሄዱ!

የኢትዮጵያ አረንጓዴ አሻራ መርሐ ግብር አካል የሆነውና የሁለተኛው ዙር (Plant Africa Fraternity) መርሃ ግብር ዛሬ ነሐሴ 29 ቀን 2018 ዓ.ም. በዚምባባዌ ሀራሬ ከተማ በድምቀት ተካሂዷል።

በዚሁ መርሃ ግብር ላይ 6 አባላት ያሉት የብልጽግና ፓርቲ ወጣቶች ክንፍ አመራር ልዑክ ከዚምባባዌ ገዢ ፓርቲ (ZaNU-PF)አቻቸው ጋር በመሆን ከኢትዮጵያ የመጡ ሀገር በቀል ችግኞችን በሀራሬ በሚገኝ African Heritage ፓርክ ውስጥ በጋራ ተክለዋል።

በመርሃ ግብሩ የዚምባባዊ ገዥ ፓርቲ የሆነው ZANU-PF የወጣቶችና የፈጠራ ሚኒስቴር ሚኒስተር ለኢትዮጵያውያን ወጣቶች የእንኳን ደህና መጣችሁ መልዕክት አስተላላፈው፤ በክቡር ጠቅላይ ሚኒስትር ዶ/ር ዐቢይ አሕመድ የተጀመረው የአረንጓዴ አሻራ መርሃ ግብር አህጉራዊ ፋይዳ ያለውና በመላው አፍሪካ ደረጃ ሊተገበር የሚገባው አርአያነት ያለው ተግባር መሆኑን ገልጸዋል።

የብልጽግና ፓርቲ ወጣች ክንፍ ልዑክ መሪ አቶ ሰንበቱ አበባ ለተደረገላቸው ሞቅ ያለ አቀባበል ምስጋና አቅርበው፣ ላለፉት ስምንት የለውጥ ዓመታት በአረንጓዴ አሻራ የተመዘገቡትን አበይት ስኬቶችና ለአህጉሩ ያላቸውን ፋይዳ አብራርተዋል።

የCOP32 እና የፓን-አፍሪካኒዝም ትስስር፣ ኢትዮጵያ በ2027 የምታስተናግደውን የዓለም አቀፍ የአየር ንብረት ለውጥ ጉባኤ (COP32) አስመልክቶ የተከናወነው ይህ የችግኝ ተከላ፣ አፍሪካውያን ወጣቶች የአየር ንብረት ለውጥን በጋራ ለመቋቋም ያላቸውን ቁርጠኝነትና የፓን-አፍሪካኒዝም አንድነት ያረጋገጠ እንደሆነ ተገልጻል።

ይህ የጋራ ተግባር የሁለቱን ሀገራት ስትራቴጂካዊና ታሪካዊ ግንኙነት ይበልጥ የሚያጠናክርና የኢትዮጵያን አረንጓዴ አሻራ ራዕይ ወደ አህጉራዊ ደረጃ የሚያሸጋግር ወሳኝ እርምጃ ነው::
ይህንን ፕሮግራም በማዘጋጀትና በማስተባበር የኢትዮጰያ ኢምባሲና በኢትዮጰያ ማህበረሰብ ተወካይ ከፊት በመምራትና በማስተባበር ውጤታማ ስራ አበርክተዋል፡፡

በፕሮግራሙ ላይም የኢትዮጰያ አምባሳደር በዚምባባዌ፣የኢትዮጰያ ማህበረሰብ ተወካዮች
፣የወጣቶች ሊግ ዋና ፀሐፊ ቴንዲ ቺዌቱ ፣የአከባቢ ጥበቃና የዱር እንስሳት ጥበቃ ሚኒስቴር ሚኒስትር፣የወጣቶች ማህበር ፕሬዝዳንት,፣የወጣቶች ም/ቤት ፕሬዝዳንት ,፣የሀራሬ ከተማ ወጣቶችና የተለያዩ ሀገራት አምባሳደሮች በፕሮግራ ላይ ተገኝተው መልዕክት አስተላልፈው አጋርነታቸውን ገልፀዋል፡፡

ከንቲባ አዳነች አቤቤ “የሜክሰድ ማርሻል አርት እና የንኪኪ ስፖርት በአንድ መድረክ የሚይዘው ዓድዋ ፋይት ናይት" ውድድር ላይ በመገኘት ወጣቶችን አበረታቱየአዲስ አበባ ከተማ አስተዳደር ከንቲ...
27/08/2026

ከንቲባ አዳነች አቤቤ “የሜክሰድ ማርሻል አርት እና የንኪኪ ስፖርት በአንድ መድረክ የሚይዘው ዓድዋ ፋይት ናይት" ውድድር ላይ በመገኘት ወጣቶችን አበረታቱ

የአዲስ አበባ ከተማ አስተዳደር ከንቲባ አዳነች አቤቤ በከተማዋ በመካሄድ ላይ ያለውን “የሜክሰድ ማርሻል አርት እና የንኪኪ ስፖርት በአንድ መድረክ የሚይዘው ዓድዋ ፋይት ናይት" ውድድር፣ በታሪካዊው የዓድዋ ድል መታሰቢያ በመገኘት ወጣቶችን አበረታተዋል።

ከንቲባ በመልዕክታቸው፣ ውድድሩ በአደጉና በበለፀጉ ሀገራት እጅግ ተወዳጅ ስፓርት ሲሆን፤ ደረጃቸውን የጠበቁ የስፓር መሰረተ ልመቶችን የሚፈልግ በመሆኑ እስከአሁን በአገራችን ሲካሄድ አይስተዋልም፥ ዛሬ ግን በከተማችን በተሰሩ ዘርፈ ብዙ ምቹ የስፓርት መሰረተ-ልማቶች እውን በመሆናቸዉ አዳዲስ የፓርት አይነቶች እየተካሄዱ ነዉ ሲሉ ገልፀዋል።

በመቀጠልም፥ ውድድሩ ወጣቶች ልዩ ተሰጥኦና ችሎታቸዉን የሚዳብሩበት ፣ለስፖርት ቱሪዝም፥ ኢኮኖሚያዊ እና ማህበራዊ መስተጋብር የሚጠናከርበት፣ የከተማችንን ገፅታ የሚቀይር እና ተወዳዳሪነታችን የሚጨምር ነው ብለዋል።

በመጨረሻም እንዲህ አይነት ውድድሮች፥ ወጣቱን ታሳቢ ያደረጉ መሠረተ-ልማቶችን ይበልጥ አጠናክረን እንድንሰራ ያደርገናል፤ ወጣቱም አለማቀፍ የተወዳዳሪነት መንፈስ እንዲያሳድግ ዕድል ይሰጣል ሲሉ ገልፀዋል።

ክብርት ከንቲባ በመልእክታቸው አዘጋጆችን “በርቱ” ያሉ ሲሆን፤ ለተወዳዳሪዎችም መልካም ምኞታቸውን ገልፀዋል።

የማዕከላዊ ኢትዮጵያ ክልል የወጣቶች ማህበር የ2018 በጀት ዓመት አፈጻጸም ገመገመ፤ የ2019 በጀት ዓመት አመታዊ ዕቅድ በማጽደቅ የውል ስምምነት ተፈራረመ!ሆሳዕና - ሀምሌ 20/2018 ዓ....
27/07/2026

የማዕከላዊ ኢትዮጵያ ክልል የወጣቶች ማህበር የ2018 በጀት ዓመት አፈጻጸም ገመገመ፤ የ2019 በጀት ዓመት አመታዊ ዕቅድ በማጽደቅ የውል ስምምነት ተፈራረመ!

ሆሳዕና - ሀምሌ 20/2018 ዓ.ም

የማዕከላዊ ኢትዮጵያ ክልል የወጣቶች ማህበር በሆሳዕና ከተማ ባካሄደው የግምገማና የዕቅድ መድረክ፣ የ2018 በጀት ዓመት የ12 ወራት አበይት ተግባራት አፈጻጸም ሪፖርት የገመገመ ሲሆን፣ በቀጣዩ የ2019 በጀት ዓመት አመታዊ ዕቅድ ዙሪያ ሰፊ ውይይት በማድረግ የቀጣይ አቅጣጫዎችን አስቀምጧል። በተጨማሪም በዕቅዱ አፈጻጸም ውጤታማነት ላይ ከዞንና ከልዩ ወረዳ አመራሮች ጋር የውል ስምምነት ሰነድ ተፈራርሟል።

በመድረኩ ላይ የማዕከላዊ ኢትዮጵያ ክልል የወጣቶች ማህበር ፕሬዚዳንት አቶ ደገፉ ደበሮ እንደገለጹት፤ ማህበሩ በጽኑ መሰረት ላይ ቆሞ የወጣቶችን ፖለቲካዊ፣ ኢኮኖሚያዊ እና ማህበራዊ ተሳትፎና ተጠቃሚነት ለማረጋገጥ፣ ከዞን መንግስታትና ከባለድርሻ አካላት ጋር ብርቱ ትስስር ፈጥሮ ሲሰራ ቆይቷል።

በ2018 በጀት ዓመት 35 ሺ አዳዲስ አባላትን በማፍራት ጠቅላላ የአባላቱን ቁጥር ወደ 555 ሺ ከፍ ማድረግ መቻሉን አስታውቀዋል።

የአባላትን መረጃ በኮዲንግና በዳታቤዝ የማደራጀት ስራ በተለይም በስልጤ፣ ሀዲያ፣ ጉራጌ፣ ምስራቅ ጉራጌ፣ ሀላባ ዞኖች እና በቀቤና ልዩ ወረዳ በተሻለ ሁኔታ ተከናውኗል ብለዋል።

ከባለድርሻ አካላት ጋር በመቀናጀት ለ650,532 ወጣቶች (525,150 ወንዶች እና 125,382 ሴቶች) በቋሚነት የሥራ ዕድል መፈጠሩንም አስታውቀዋል።

አያይዘውም 98 አዳዲስ ቤቶች ተገንብተዋል፤ 250 የአቅመ-ደካሞች ቤቶች ተጠግነዋል፤ 2,800 ዩኒት ደም ተለግሷል፤ 25 የዜብራ ማቋረጫዎች ቀለም የተቀቡ ሲሆን፣ ለ28,950 ወጣቶች ህገ-ወጥ የሰዎች ዝውውርን የመከላከል ግንዛቤ ተፈጥሯል ሲሉ ተናግረዋል።

በቀጣይ በጀት አመትም በጠንካራ መሰረት ላይ የተመሰረተ ማህበር በመፍጠር የአመራሩን ብቃት ማሳደግና ተቋማዊ አደረጃጀቱን ከክልል እስከ ቀበሌ ለማጠናከር ግብተጥሎ እየተሰራ ስለመሆኑ አስታውቀዋል።

በከተማና በገጠር በእንተርፕራይዝ ልማት፣ በግብርናና በተለያዩ ዘርፎች መንግስት የፈጠራቸውን ምቹ አጋጣሚዎች ወጣቱ አማጦ እንዲጠቀም ማድረግና የቁጠባ ባህልን ማዳበር ላይ እንደሚሰራም ጠቁመዋል።

የክረምትና የበጋ የበጎ ፈቃድ ስራዎችን ከህዝብ ለህዝብ መተሳሰርና አንድነት ጋር አስተሳስሮ አጠናክሮ ለማስቀጠል ግብ መያዙንም አስታውቀዋል።

የአባላትንና የስራ አጥ ወጣቶችን መረጃ በጥራት የመያዝ፣ የመተንተንና የመጠቀም ችግሮችን በዘላቂነት መፍታት በትኩረት እንደሚሰራም አስታውቀዋል።

በመጨረሻም ላፈየማዕከላዊ ኢትዮጵያ ክልል ወጣቶች ማህበር ከዞንና ከልዩ ወረዳ የማህበር አመራሮች ጋር የ2019 ዓ.ም አመታዊ ዕቅድ የውል ስምምነት ሰነድ በይፋ ተፈራርመዋል።

በድህረ-ምርጫ የወጣቶች ሚና ላይ ያተኮረ ውይይት ተካሄደ።የብልፅግና ፓርቲ ወጣቶች ክንፍ ዋና ጽሕፈት ቤት “በድህረ-ምርጫ የወጣቶች ሚና” በሚል መሪ ሃሳብ ባዘጋጀው መድረክ፣ “በትውልድ ግንባ...
17/06/2026

በድህረ-ምርጫ የወጣቶች ሚና ላይ ያተኮረ ውይይት ተካሄደ።

የብልፅግና ፓርቲ ወጣቶች ክንፍ ዋና ጽሕፈት ቤት “በድህረ-ምርጫ የወጣቶች ሚና” በሚል መሪ ሃሳብ ባዘጋጀው መድረክ፣ “በትውልድ ግንባታ እና በገዥ ትርክት ግንባታ” ላይ ያተኮረ ጥናታዊ ሰነድ ቀርቦ ውይይት ተካሂዷል።

የመወያያ ሰነዱን ያቀረቡት አቶ ገዛኸኝ ታድዮስ
በብልፅግና ፓርቲ ዋና ጽ/ቤት የጥናትና ምርምር ዋና ዳይሬክተርም ፤ሀገርን ወደ ተሻለ ከፍታ ለማሸጋገር የሚችል ትውልድ ለመፍጠር በዕውቀት፣ በስነ-ምግባር እና በሀገራዊ እሴቶች የተገነባ አመለካከት ማስፈን ወሳኝ መሆኑን ገልፀዋል።

በውይይቱ ላይ እንደተመለከተውም ፣ወጣቶች የሀገሪቱን የጋራ እሴቶች የሚያከብሩ ፣ ልዩነቶችን በአንድነት የሚያስተናግዱ እና የጋራ ብልፅግናን የሚያረጋግጡ አዎንታዊ ብሔራዊ ትርክት ሊገነቡ እንደሚገባም ተጠቁሟል።

የውይይቱ ተሳታፊ ወጣቶችም ሀገርን ወደፊት የሚያስጉዙ፣ ተስፋን የሚያጎለብቱ እና የጋራ ራዕይን የሚያጠናክሩ ትርክቶችን በወጣቶች አእምሮ ውስጥ መቅረጽ የወቅቱ ቀዳሚ ተግባር እንደሆነም አንስተዋል።

በመድረኩ የወጣቶች ክንፍ እያከናወነ ያለው የትውልድ ግንባታ፣ የአቅም ማጎልበት፣ የአመራር ብቃት ግንባታ እና የሀገራዊ እሴቶች መጎልበት ሥራዎች የበለጠ ሊጠናከሩ እንደሚገባም ተገልጿል።

ይህም ወጣቱን በትክክለኛ እሴቶች ለማነጽ፣ የሀገር ፍቅርን ለማጠናከር፣ የጋራ ራዕይን ለማስረጽ እና ለሀገራዊ ጉዳዮች ንቁ ተሳትፎ ያለው ዜጋ ለመፍጠር ያግዛል ብለዋል።

ወጣቱ ትውልድ የለውጥ መሐንዲስ፣ የሀገር ምሰሶ እና ኢትዮጵያን ወደ ከፍታ የሚያሻግር እውነተኛ ኃይል መሆኑ በውይይቱ ወቅት የተነሳ ሲሆን ፣በአዎንታዊ ትርክት ግንባታ፣ በትውልድ ማነጽ እና ሀገራዊ አንድነትን በማጠናከር ሂደት የሚጠበቅበትን ኃላፊነት በብቃት እንዲወጣም ጥሪ ቀርቧል።

ደስ ከሚለኝ "የኢትዮጵያ ወጣቶች" መቃወምም መደገፍም ያውቃሉ።
24/05/2026

ደስ ከሚለኝ "የኢትዮጵያ ወጣቶች" መቃወምም መደገፍም ያውቃሉ።

አዲስ አበባ፣ ግንቦት 13፣ 2018 19 ነጥብ 3 ሚሊየን የቲክቶክ ገጽ ተከታይ ያለው ተፅዕኖ ፈጣሪው ዲላን ፔጅ አዲስ አበባ ይገኛል፡፡ዲላን ፔጅ ቲክቶክን ጨምሮ በተለያዩ ማህበራዊ ትስስር...
21/05/2026

አዲስ አበባ፣ ግንቦት 13፣ 2018 19 ነጥብ 3 ሚሊየን የቲክቶክ ገጽ ተከታይ ያለው ተፅዕኖ ፈጣሪው ዲላን ፔጅ አዲስ አበባ ይገኛል፡፡

ዲላን ፔጅ ቲክቶክን ጨምሮ በተለያዩ ማህበራዊ ትስስር ገጾች በፈጣን ዜና አቀራረብ እና የተለያዩ መረጃዎችን በማጋራት ይታወቃል፡፡

ዲላን ለመጀመሪያ ጊዜ ወደ ኢትዮጵያ በመምጣቱ ደስተኛ መሆኑን እና የአዲስ አበባ ከተማ ውበት እንዳስደመመው በቲክቶክ ገጹ ባጋራው መልዕክት ገልጿል።

ትንታኔዎችንና የመረጃ ይዘቶችን በማቅረብ የሚታወቀው ዲላን በተለይም በታላቁ የኢትዮጵያ ሕዳሴ ግድብ ምረቃ ሥነ ሥርዓት ወቅት በኢትዮጵያውያን ዘንድ የነበረውን ታላቅ ሕዝባዊ ደስታና የአንድነት ስሜት በተመለከተ መረጃዎችን ማጋራቱ ይታወሳል፡፡

“በሚሊየን የሚቆጠሩ ሰዎችን ሕይወት የሚቀይረው የአፍሪካ የብርሃን ተስፋ” በሚል ባጋራው ተንቀሳቃሽ ምስል የታላቁ ኢትዮጵያ ሕዳሴ ግድብን ኢኮኖሚያዊ አስተዋፅኦ ለዓለም በማስተዋወቅ ረገድ ከፍተኛ ሚና ተጫውቷል።

የዲላን ወደ ኢትዮጵያ መምጣት የቱሪዝም ዘርፉን በማስተዋወቅ እንዲሁም ለዲጂታል ዲፕሎማሲው ስኬት እና የኢትዮጵያን እውነታ ለዓለም አቀፉ ማሕበረሰብ ከማሳየት ረገድ ትልቅ ፋይዳ እንዳለው ተመላክቷል፡፡

ዲላን ፔጅ በቆይታው በአዲስ አበባ እና በሌሎች አካባቢዎች የሚገኙ የቱሪዝም ሥፍራዎችን በመጎብኝት ለዓለም ያጋራል ተብሎ ይጠበቃል፡፡

ቀደም ሲል በተለያዩ አፍሪካ ሀገራት የሚገኙ የማህበራዊ ሚዲያ ተፅዕኖ ፈጣሪዎች አዲስ አበባ በመገኘት የከተማዋን ውበት እና የኢትዮጵያን የእድገት ጉዞ ለዓለም ማጋራታቸው ይታወሳል፡፡

በሚኪያስ አየለ

የሀዲያ ዞን ወጣቶች ማህበር ጽ/ቤት "በወጣቶች ሁለንተናዊ ተሳትፎ የተሳካ ምርጫ" በሚል መሪ ሀሳብ ከሆሳዕና ከተማ ወጣቶች ጋር የውይይት መድረክ አካሄደ።ሆሳዕና፣ሚያዚያ 16/2018 ዓ/ም ...
24/04/2026

የሀዲያ ዞን ወጣቶች ማህበር ጽ/ቤት "በወጣቶች ሁለንተናዊ ተሳትፎ የተሳካ ምርጫ" በሚል መሪ ሀሳብ ከሆሳዕና ከተማ ወጣቶች ጋር የውይይት መድረክ አካሄደ።

ሆሳዕና፣ሚያዚያ 16/2018 ዓ/ም የሀዲያ ዞን ወጣቶች ማህበር ጽ/ቤት "በወጣቶች ሁለንተናዊ ተሳትፎ የተሳካ ምርጫ" በሚል መሪ ሀሳብ ከሆሳዕና ከተማ ወጣቶች ጋር የውይይት መድረክ ያካሄደ ሲሆን በመድረኩ የሀዲያ ዞን ብልጽግና ፓርቲ ዲሞክራሲና አቅም ግንባታ ዘርፍ ኃላፊ አቶ ስዩም ደጉ፣የዞኑ ወጣቶች ማህበር ጽ/ቤት ፕሬዝዳንት አቶ ስንታየሁ አለማየሁ፣ የሆሳዕና ከተማ ወጣቶችና ስፖርት ጽ/ቤት ኃላፊ አቶ ኪበሞ ሰለሞንን ጨምሮ የዞን እና የሆሳዕና ከተማ ወጣት አደረጃጀቶች ተገኝተዋል።

የሀዲያ ዞን ብልጽግና ፓርቲ ዲሞክራሲና አቅም ግንባታ ዘርፍ ኃላፊ አቶ ስዩም ደጉ እንደገለፁት ወጣቶች ለ7ኛው ሀገራዊ ምርጫ ቅድመ ዝግጅት እንቅስቃሴ ላይ እያደረጉት ላለው ብርቱ ጥረት ምስጋናቸውን አቅርበዋል።

አያይዘውም የዛሬው መድረክ ከዚህ በፊት በወጣቶች ለተሰሩ ስራዎች እውቅና የሚሰጥበት እና ቀጣይ ለምንሰራቸው ሥራዎች አቅጣጫ የምንይዝበት ነው በማለት ተናግረዋል።

ወጣቶችን የብልጽግና መንግስት ይፈልጋቸዋል ያሉት አቶ ስዩም ደጉ አፍራሽ ሀይሎችም ወጣቱን ለእኩይ አላማቸው መጠቀም ስለሚፈልጉ የዞናችን ወጣቶች የተለመደውን በጎ ስብዕና በማስቀጠል 7ኛው ሀገራዊ ምርጫ ሰላማዊ እንዲሆን ከወዲሁ መስራት ይጠበቅባችኋል ብለዋል።

የሀዲያ ዞን ወጣቶች ማህበር ጽ/ቤት ፕሬዝዳንት አቶ ስንታየሁ አለማየሁ በበኩላቸው የሆሳዕና ከተማ ወጣቶች ህዝቡ የምርጫ ካርዲ እንዲያወጣ ከመቀስቀስ እና ግንዛቤ ከመፍጠር ጀምሮ ላበረከቱት ጉልህ ሚና ምስጋናቸውን አቅርበዋል።

7ኛው ሀገራዊ ምርጫ የተሳካ እንዲሆን የወጣቶች ሁለንተናዊ ተሳትፎ የላቀ መሆኑን የገለፁት አቶ ስንታየሁ የምርጫው ቀን እስኪደርስ ለመራጩ ማህበረሰብ ግንዛቤ መፍጠርና በምርጫው ቀን ሁሉም በነቂስ ወጥቶ እንዲመርጥ ማድረግ ከወጣቱ ይጠበቃል ሲሉ መልዕክት አስተላልፈዋል።

የሆሳዕና ከተማ ወጣቶችና ስፖርት ጽ/ቤት ኃላፊ አቶ ኪበሞ ሰለሞን አክለው በሆሳዕና ከተማ በሁሉም ቀበሌዎች ህዝቡ የምርጫ ካርድ እንዲወስድ የተደረገው ብርቱ ጥረት በሁሉም መስክ ተጠናክሮ ሊቀጥል ይገባል በማለት ጠቁመዋል።

የሆሳዕና ከተማ የወጣቶች ስብዕና ማዕከል ለወጣቱ ክፍት ሆኖ አገልግሎት እየሰጠ መሆኑን ጠቅሰው ወጣቱ ትርፍ ጊዜውን አልባሌ ቦታ ከመዋል ወደ ወጣቶች ስብዕና ማዕከል በመሄድ እንዲዝናናም ጥሪ አቅርበዋል።

የኢትዮጵያ መንግስት በትግርኛ ቋንቋ የህመምተኞች ፖለቲካ ብሎ የተናገሩት እነማንን ነው? በእርግጥ ተሜናል ። ነገር ግን ህመማችን ስለ ኢትዮጵያ ሰላም ፣አንድነት እና ብልፅግና እንጂ ስለ ካጆ...
05/03/2026

የኢትዮጵያ መንግስት በትግርኛ ቋንቋ የህመምተኞች ፖለቲካ ብሎ የተናገሩት እነማንን ነው? በእርግጥ ተሜናል ። ነገር ግን ህመማችን ስለ ኢትዮጵያ ሰላም ፣አንድነት እና ብልፅግና እንጂ ስለ ካጆች ፣አስመሳዮች ብሎም ስለ የገዛ እናታቸው ጡት ነካሾች አይዴለም። በእርግጥ ይህ ሀሳብ ጥሩ ነው ብለው ለመቀበል እራሱ በመጋራጃቸው ውስጥ ከልሆነ በስተቀር በአደባባይ ብሎም በግልጽ ጥሩ አስተሳሰብ ነው ብሎ ለመቀበል ሽንፈታቸው አድርገው ይወስዳሉ። መታመም ማንም ይተመማል። ነገር ግን ጠባሳ ሆኖበት ይቀራል እንጂ ታሞ የማይድን በሽተኛ ዬለም።

ሚንልክ በአደዋ ድል ከቀኝ ግዛት ነፃ አወጣን። ደርግ ከከበርቴ እና ከበለመሬት ጭኮና ነፃ አወጣን። ኢህአዴግ ከመለኮታዊና ከአሃዳዊ እምነት አስተሳሰብ ነፃ አወጣን። ነገር ግን ይህ ሁሉ ስርዓ...
02/03/2026

ሚንልክ በአደዋ ድል ከቀኝ ግዛት ነፃ አወጣን። ደርግ ከከበርቴ እና ከበለመሬት ጭኮና ነፃ አወጣን። ኢህአዴግ ከመለኮታዊና ከአሃዳዊ እምነት አስተሳሰብ ነፃ አወጣን። ነገር ግን ይህ ሁሉ ስርዓት /መንግስታት እስከአሁን ድረስ እኛን ነፃ ማውጣት የተሳናቸው ነገር አለ። ይህም የአስተሳሰብ ጫና ወይም ባሪነት ነው። ይህ ጫና ከፖለቲካ ፣ ከዘረኝነት፣ ከሰፈርተኝነት ፣ አልፎ አልፎም ከእምነት እና ከአክራሪነት ጋር ተዋህዶ ያለውና ከቀኝ ግዛት፣ ከከበርቴ እንዲሁም ከመለኮታዊ ባሪነት በላይ የአትዮጵያውያንን እንዲሁም የአፍርካውያንን አእምሮ ተቆጣጥሮ ያለው ባሪነት ነው። ይህ ባሪነት ለምን አሰባችሁ ባይልም እንኳ ስለምተነሰው ሀሳብ ወይም ችግር ቀጥተኛ መፍትሔ ብሎም እውቅና አይሰጥም። ይልቁንም አስተዳደራዊ በደል እና ከላይ ያዘረዘርኳቸው አካል ጉዳተኛ አመለካከቶች በተዘዋዋሪ አንቴ/ች ላይ እንድ ፀኑ ያደርጋል። ለምሳሌ፦ በኢህአዴግ ዘመን በተለያዩ ግዜ ፅፌሃል፣ ተናግሬሃል በማላት ወህን ቤት አስገብቶኝ የአእምሮ ጉዳት አድርሰውብኛል። ነገር ግን የዛሬው አስተዳደር እስከአሁን ድረስ በየሰስረኝም እንኳ ዛሬም እንደ ትላንትናው "ለምን ተናገረ? ፣ አፉን ዘግተው አይቀመጥም? ፣ እሱን ምን አገባው? ፣ እኛ የሚንናገር ጠፍቶን ነው? " በማላት ይዘምቱብኛል። ሌለው ቀርተው የብልፅግና አባል ሆነህ ለምን በብልፅግና ስም ትታገለዋለህ? በማላት ተከስሼ አውቃለሁ። ይሁን እንጂ ከዚህ ከአስተሳሰብ ባሪነት መቼና በማን ነፃ እንደሚን ወጣ የእኔ ጥያቄ ብቻ ሳይሆን "ለምን ትናገራለህ?" ብለው ለሚከሱኝም ጭምር ነው።

Address

Wonze
Addis Ababa

Telephone

+251920010174

Website

Alerts

Be the first to know and let us send you an email when ኢትዮጵያ ወጣቶች ህብረት posts news and promotions. Your email address will not be used for any other purpose, and you can unsubscribe at any time.

Shortcuts

Share

Category