Ethiopian Heritage Trust - Ethiopia

16/08/2026

የኢትዮጵያ ኢሚግሬሽንና ዜግነት አገልግሎት (ICS) አመራርና ሠራተኞች ከኢትዮጵያ ቅርስ ባላደራ ማሕበር ጋር በመተባበር በእንጦጦ የተፈጥሮ ፓርክ ውስጥ የሐገር በቀል ችግኝ ተከሉ።

በመርሃ ግብሩ አመራርና ሠራተኞች 3,000 ችግኞችን በመትከል የአገር በቀል የደን ሀብትን ለማስፋፋትና የአካባቢ ጥበቃን ለማጠናከር ያላቸውን ቁርጠኝነት አሳይተዋል።

በዝግጅቱ ላይ የኢሚግሬሽንና ዜግነት አገልግሎት ዋና ዳይሬክተር ወ/ሮ ሰላማዊት ዳዊት እንደገለጹት፣ ተቋሙ ይህንን የአረንጓዴ ልማት ተግባር የጠቅላይ ሚኒስትሩን የአረንጓዴ አሻራ ተነሳሽነት በመደገፍ ከጀመረበት ከስምንት ዓመታት በፊት ጀምሮ በቀጣይነት ሲያከናውን ቆይቷል።

ተቋሙ በቀጣይም የሐገር በቀል ችግኝ ተከላውን በማጠናከር ለሐገሪቱ አረንጓዴ ልማትና ለተፈጥሮ ሀብት ጥበቃ የሚያበረክተውን አስተዋጽኦ እንደሚቀጥል ገልጸዋል።

የችግኝ ተከላውና የተማሪዎች ድጋፍ መርሃ ግብሩ የአካባቢ ጥበቃንና የትውልድ ቀጣይነትን በአንድ ላይ የሚያጎለብት ተግባር ሆኖ ተካሂዷል።

05/08/2026

የአቢሲንያ ባንክ የቦርድ አባላት፣ ከፍተኛ አመራሮችና ሰራተኞች ዛሬ ሐምሌ 28/ቀን 2018ዓ.ም በኢትዮጵያ ቅርስ ባለአደራ ተቋም አስተዳደር ስር በሚገኘው በእንጦጦ ተፈጥሮ ፓርክ በተዘጋጀ የችግኝ ተከላ መርሃ ግብር በንቃት ተሳትፈው 1,500 የሀገር በቀል ችግኞችን ተክለዋል።

የባንኩ ዋና የፋይናንስ ኦፊሰር አቶ አብረሃም ገበየሁ ባደረጉት ንግግር፣ ባንኩ የአካባቢ ጥበቃን እንደ ማኅበራዊ ኃላፊነቱ ዋና አካል እንደሚመለከተው ገልጸው፣ዛሬ የተተከሉት ችግኞች ለመጪው ትውልድ ትልቅ ተስፋና ዘላቂ አረንጓዴ ቅርስ እንደሚሆኑ አስገንዝበዋል።

በተጨማሪም ባንኩ በዲጂታልና ቨርቹዋል የባንክ አገልግሎት ፈር ቀዳጅ እንደሆነ ሁሉ፣ ተፈጥሮን በመመለስና በማገገም ረገድም ግንባር ቀደም ተቋም ለመሆን በተግባር እየሰራ መሆኑን ገልጸዋል።

በኢትዮጵያ ቅርስ ባለአደራ ተቋም በኩል አቶ ሰለሞን ስዩም ባደረጉት ንግግር ባንኩ አካባቢን የመጠበቅ፣ ተፈጥሮን የማገገም እና ዘላቂ ልማትን የማጠናከር ቁርጠኝነቱን በድጋሚ አረጋግጧል ብለዋል። በዕለቱ ከችግኝ ተከላው በኋላ የባንኩ ከፍተኛ አመራሮች ከዚህ ቀደም በባንኩ ባልደረቦች የተተከሉ ችግኞችን የጎበኙ ሲሆን ቀድመው ከተተከሉት ችግኞችም ከ95%በላይ መፅደቃቸውን አረጋግጠዋል።

በዚህ ስኬትም የባንኩ ኃላፊዎች አቢሲኒያ ባንክ ለወደፊትም ከኢትዮጵያ ቅርስ ባለአደራ ተቋም ጋር ያለውን አጋርነት በማጠናከር ተመሳሳይ የአካባቢ ጥበቃ እና የአረንጓዴ ልማት መርሃ ግብሮችን በቀጣይነት እንደሚያከናውን ገልጸዋል።

03/08/2026

የአባይ ባንክ ሠራተኞች በእንጦጦ የተፈጥሮ ፓርክ ዓመታዊ የችግኝ ተከላ አካሄዱ።

የአባይ ባንክ በፓርኩ ባለፈው ዓመት የተከሏቸውን ችግኞች 95 በመቶ ያህሉ በጥሩ ሁኔታ ማደጋቸውን በመጎብኘት የዚህ ዓመት የአገር በቀል ችግኞች ተከላ አከናውነዋል።

በተከላው ወቅት የአባይ ባንክ ዋና ሥራ አስፈጻሚ አቶ የኋላ ገሰሰ ባንኩ ለአካባቢ ጥበቃና ለአረንጓዴ ልማት ያለውን ጽኑ ቁርጠኝነት በድጋሚ በማረጋገጥ፣ ከኢትዮጵያ ቅርስ ባላደራ ማህበር ጋር ያላቸውን አጋርነት በማጠናከር የአካባቢ ጥበቃና የተፈጥሮ ሀብት ጥበቃ ሥራዎችን ወደፊትም በጋራ መስራታቸውን እንደሚቀጥሉ ገልጸዋል።

28/07/2026

የንብ ኢንሹራንስ ኩባንያ በኢትዮጵያ ቅርስ ባላደራ ማህበር የክብር አባል ለመሆን ቃል ገባ።

ንብ ኢንተርናሽናል ባንክ እና ንብ ኢንሹራንስ ኩባንያ ሰኞ - 20/ 2018 ዓም በእንጦጦ ተፈጥሮ ፓርክ የዓመታዊ የችግኝ ተከላ ፕሮግራማቸውን በጋራ አከናውነዋል።

የተቋማቱ አመራሮችን እና ሰራተኞች የአረንጓዴ ልማት የኮርፖሬት ማህበራዊ ኃላፊነት ተወጠተዋል።

በሥነ-ሥርዓቱ ላይ የንብ ኢንተርናሽናል ባንክ ዋና ሥራ አስፈጻሚ አቶ ሄኖክ ከበደ ሁለቱ እህትማማች ተቋማት ለመጀመሪያ ጊዜ በጋራ ዛፍ መትከላቸው እንደ ታሪካዊ ምዕራፍ ጠቅሰዋል።

ዛሬ የተተከሉት ዛፎች ለትውልድ የሚቆይ የተስፋ፣ የእድገት እና የብልጽግና ቃል ኪዳን እንደሚሆኑ እምነታቸውን ገልጸዋል። ወ/ሮ ዙፋን አበበ በበኩላቸው ይህንን ሐሳብ በመደገፍ ዝግጅቱ ሁለቱ ኩባንያዎች ችግኝ ብቻ ሳይሆን ለሀገር እና ለወደፊት ትውልድ ተስፋን በጋራ የተከሉበት ምዕራፍ መሆኑን ገልጸዋል።

የኢትዮጵያ ቅርስ ባላደራ ማህበር (EHT) ዋና ሥራ አስኪያጅ የሆኑትን አቶ መቆያ ማሞን ወክለው ንግግር ያደረጉት አቶ ሰሎሞን ስዩም የተቋማቱን አጋርነትና ለአረንጓዴ አሻራ ያላቸውን የፀና ዕምነት አወድሰው በድጋሚ ከማህበሩ ጋር ያላቸውን ወዳጅነት መታደሱን በደስታ ተቀብለዋል።

18/07/2026

የኢትዮጵያ ቅርስ ባለአደራ ማህበር ዋና አጋር ዳሽን ባንክ ለማህበራችን የአምስት ሚሊዮን ብር ድጋፍ አደረገ።

ዛሬ ሐምሌ 11 ቀን 2018 ዓ.ም በእንጦጦ ተፈጥሮ ፓርክ ውስጥ የባንኩ ከፍተኛ የስራ ሃላፊዎች እና ሰራተኞች ከማህበራችን ጋር በነበራቸው የችግኝ ተከላ ፕሮግራም ላይ ነው ቃል ገብተዋል።

ዳሸን ባንክ ከኢትዮጵያ ቅርስ ባለአደራ ማህበር ጋር በመተባበር ላለፉት አስር አመታት በእንጦጦ ተፈጥሮ ፓርክ ውስጥ በሺዎች የሚቆጠሩ አገር በቀል ችግኞችን በመትከል ለብዝሃ ሕይወት ጥበቃ፣ የተራቆቱ ስነ-ምህዳሮች ወደ ነበሩበት እንዲመለሱ እንዲሁም ለአረንጓዴ አሻራ መርሃግብር የበኩሉን አስተዋጽኦ ሲያበረክት ቆይቷል፡፡

የዳሸን ባንክ ዋና ስራ አስፈፃሚ አቶ አስፋው አለሙ በዚህ ወቅት ባስተላለፉት መልዕክት፣ ባንኩ ለአየር ንብረት ጥበቃና ለህብረተሰቡ ዘላቂ ፋይዳ ላላቸው ስራዎች የሚሰጠውን ትኩረት ገልጸዋል።ይኽንንም ዓላማውን ለሚጋራው ለኢትዮጵያ ቅርስ ባለ አደራ ማህበር ከዚህ ቀደም ከሚያደርገው ድጋፍ ባሻገር የዛሬውን መርኃግብር ምክንያት በማድረግ የአምስት ሚሊዮን ብር ድጋፍ ማድረጉን አስታውቀዋል።

የኢትዮጵያ ቅርስ ባለ አደራ ማህበር የቦርድ ም/ፕሬዚዳንት አሉላ ፓንክረስት (ዶ/ር) በበኩላቸው ዳሸን ባንክና የቅርስ ባለ አደራ ማህበር ለረዥም ዓመት የቆየ ትብብር እንዳላቸው የተናገሩ ሲሆን፣ የባንኩ የስራ ኃላፊዎችና ሰራተኞች ለመጪው ትውልድ ተስፋ የሆኑ ችግኞችን ስለተከሉ ምስጋና አቅርበዋል።

30/06/2026

የዲፕሎማቲክ ማኅበረሰቡ በእንጦጦ የተፈጥሮ ደን ችግኞችን ተከሉ።

የኢትዮጵያ የዱር እንስሳት ጥበቃ ባለሥልጣን ከኢፌዴሪ የውጭ ጉዳይ ሚኒስቴር ጋር በጋራ በመሆን በአዲስ አበባ የሚገኙ ዲፕሎማቶች በእንጦጦ የተፈጥሮ ፓርክ አሻራቸውን እንዲያኖሩ ሆኗል።

በችግኝ ተከላ ፕሮግራሙ የውጭ ጉዳይ ሚኒስቴር ሚኒስትር ዴኤታ አምባሳደር ሐደራ አበራ እና የኢትዮጵያ የዱር እንስሳት ጥበቃ ባለሥልጣን ዋና ዳይሬክተር አቶ ኩመራ ዋቅጅራ ተገኝተው የችግኝ ተከላ ፕሮግራሙን መርተዋል።

ኑ እንጦጦ ሰፊ ነው አሻራችሁን አሳርፉ!

26/06/2026

ኑ ችግኝ እንትከል!

የኢትዮጵያ ቅርስ ባለአደራ ማህበር ከተቋቋመበት ጊዜ ጀምሮ በየአመቱ የክረምት ወቅት በሚያስተዳድረው የእንጦጦ የተፈጥሮ ፓርክ ውስጥ ሀገር በቀል ችግኞችን እያለማ ይገኛል።

ሀገር በቀል ችግኞቹን በችግኝ ጣቢያዎች በማልማት፤ የእንጦጦ ተፈጥሯዊ ፓርክ ታሪካዊነቱን በጠበቀ መልኩ እና ተፈጥሯዊ ይዘቱን ሳይቀይር ቀድሞ የነበረውን የባህር ዛፍ ዝርያ በሀገር በቀል ዝርያዎች እየተተካ ይገኛል።

የዓመቱን ዝግጅት ስላጠናቀቅን ቡድንም ሆነ በተናጠል እየመጣችሁ አሻራችሁን ማሳረፍ ለምትፈልጉ በሙሉ ጥሪያችንን እናቀርባለን!

04/06/2026

World Environment Day
June 5, 2026

"Inspired by Nature. For Climate. For Our Future."

26/05/2026