Coalition of Ethiopian Civil Society Organizations for Election - CECOE

10/09/2026

እንኳን ለ 2019 አዲስ ዓመት በሰላም አደረሳችሁ!

ለሃገራችን ኢትዮጵያ እና ለህዝቦቿ አዲሱ ዓመት የሰላም፣ የፍቅር እና የስኬት ይሆን ዘንድ የኢትዮጵያ ሲቪል ማህበራት ድርጅቶች ኅብረት ለምርጫ (CECOE) መልካም ምኞቱን ያስተላልፋል።

መልካም አዲስ አመት!

08/09/2026

የኢትዮጵያ የሲቪል ማህበራት ድርጅቶች ህብረት ለምርጫ (CECOE) የ7ኛውን ሀገራዊ ምርጫ የተመለከተ አጠቃላይ የትዝብት ሪፖርቱን ይፋ አደረገ።

ህብረታችን በምርጫ ሂደቱ ወቅት 522 የረጅም ጊዜ ታዛቢዎችን እንዲሁም በምርጫው ዕለት 3,477 የአጭር ጊዜ ታዛቢዎችን በመመደብ በሀገሪቱ በሚገኙ 7,723 የምርጫ ጣቢያዎች ላይ አጠቃላይ ሂደቱን በገለልተኝነት ሲታዘብ ቆይቷል።

ይህ ዝርዝር የትዝብት ሪፖርት የምርጫውን የህግና የተቋማዊ ማዕቀፍ፣ የመራጮች ምዝገባን፣ የሲቪክ ምህዳሩን፣ የምርጫ ዕለት ውሎን፣ እንዲሁም የአቤቱታ አፈታት ሂደቶችን በጥልቀት ይዳስሳል።

🔗 ሙሉውን ሪፖርት ለማንበብና ለማውረድ የሚከተለውን ሊንክ ይከተሉ፦ https://cecoe.org/download/cecoe-observation-report-on-ethiopias-7th-general-election/

National Election Board of Ethiopia NEBE የኢትዮጵያ ብሔራዊ ምርጫ ቦርድ #ምርጫ #7ኛውሀገራዊምርጫ #ኢትዮጵያ

CECOE Observation Report on Ethiopia’s 7th General Election 1 file FINAL OBSERVATION REPORT- CECOE- 7th_General_Election.pdf3.7 mbDownload Download

02/09/2026

ኅብረት ለምርጫ በክልሎች መካከል ያለ የሰላም ግንባታ ኢኒሼቲቭ (IRPI) አውደ ጥናት በስኬት አጠናቀቀ።

የኢትዮጵያ የሲቪል ማህበራት ድርጅቶች ህብረት ለምርጫ (CECOE) በፈረንሳይ ልማት ኤጀንሲ (AFD - Agence Française de Développement) የገንዘብ ድጋፍ በሲቪል ማህበረሰብ ፈጠራ ፈንድ ፕሮግራም ያዘጋጀውን IRPI ፕሮጀክት አጠናቋል።

ይህ ላለፉት ሁለት ቀናት ሲካሄድ የነበረው አውደ ጥናት፣ የሚከተሉትን ዋና ዋና ስኬቶች አስመዝግቧል፦

📌 የውይይት መድረኮችን ማመቻቸት፦ ውጤታማ የውይይት ስልቶችን፣ በንቃት ማዳመጥ እና ሁሉንም ያካተተ አሳታፊ አካሄድን በተግባር ማዋል፤

📌 በክልሎች መካከል ያለ ትብብር፦ በክልሎች መካከል ያሉ የጋራ የትኩረት ነጥቦችንና የግጭት መንስኤዎችን በጋራና በጥልቀት መተንተን፤

📌 የተግባር እቅድ እና የ90 ቀናት መርሃ ግብር፦ ዘላቂ መፍትሔዎችን ለማስገኘት የሚያስችሉ የ90 ቀናት የጋራ የሰላም እቅዶችን ማዘጋጀት እና ጠንካራ የተጠያቂነት ስርዓቶችን መዘርጋት።

ይህ አውደ ጥናት በክልሎች መካከል ያሉ ልዩ ልዩ የህብረተሰብ ክፍሎችን እና አጋር ድርጅቶችን በማስተባበር፣ ለአገራችን ዘላቂ ሰላም በጋራ ለመስራት የሚያስችል ጠንካራ መሰረት የጣለ ሆኗል!

#ኅብረትለምርጫ #ኢትዮጵያ

31/08/2026

ቀን ፩ ፡ የሰላም ግንባታ ኢኒሼቲቭ (IRPI) በይፋ ተጀምሯል!

የኢትዮጵያ የሲቪል ማህበራት ድርጅቶች ህብረት ለምርጫ (CECOE) በፈረንሳይ ልማት ኤጀንሲ (AFD - Agence Française de Développement) የገንዘብ ድጋፍ በሲቪል ማህበረሰብ ፈጠራ ፈንድ ፕሮግራም ያዘጋጀውን IRPI ፕሮጀክት ዛሬ በአዲስ አበባ አያ ሆቴል በይፋ አስጀምሯል። ከይፋዊ ማስጀመሪያው ጎን ለጎን የአቅም ግንባታ ሥልጠናም ተሰጥቷል።

ለሁለት ቀናት (ነሐሴ 25 እና 26 ቀን 2018 ዓ.ም) በሚቆየው በዚህ አውደ ጥናት ላይ ከብቁ ዜጋ ማዕከላት (Bqu Zega Hubs)፣ ከአጋር የሲቪል ማህበራት ድርጅቶች (ከአማራ፣ አፋር፣ ኦሮሚያ፣ ደቡብ ኢትዮጵያ እና ቤኒሻንጉል ጉሙዝ ክልሎች) የተወጣጡ 25 ተሳታፊዎች ተገኝተዋል።

በመጀመሪያው ቀን የነበሩ ዋና ዋና የመወያያ ነጥቦች፦

📌የሰላም ግንባታ መሰረታዊ እውቀቶች፦ ሰላምን በዘላቂነት ለመገንባት እና አለመግባባቶችን ወደ እድል ለመቀየር የሚረዱ መንገዶችን መለየት።

📌የግጭት ባህሪን መረዳት፦ ግጭቶች እንዴት እንደሚፈጠሩ፣ እንደሚባባሱ እና በውይይት እንዴት መፍታት እንደሚቻል መረዳት።፤

📌ችግሮችን በዝርዝር መተንተን (Practical Conflict Analysis)፦ የግብጭቶች መነሻ ምክንያት፣ ዋና ዋና ተሳታፊዎች እና የስልጣን ተፅዕኖዎችን በትክክል የመለየት ልምምድ፤

📌ጥንቃቄ የተሞላበት የሰላም ግንባታ (Conflict Sensitivity & "Do No Harm")፦ የሰላም ስራዎችን በሚሰራበት ወቅት ተጨማሪ ቅሬታ ወይም ጉዳት እንዳይፈጠር ጥንቃቄ ማድረግ እና ሰዎችን የሚያቀራርቡ እሴቶችን ማጎልበት።

IRPI በአምስት ክልሎች የሚገኙ የሲቪል ማህበረሰብ ድርጅቶችንና የብቁ ዜጋ ማዕከላትን በአንድ መድረክ የሚያገናኝ የሰላም ግንባታ መርሐ ግብር ነው። ዓላማውም የአካባቢ አጋሮች ግጭትን የመተንተንና ግጭትን ያገናዘበ ሥራ የመሥራት አቅማቸውን ማጎልበት፣ የክልል፣ የብሔርና የማህበረሰብ ድንበሮችን የሚያሻግሩ የውይይት መስመሮችን መክፈት፣ እንዲሁም በአካባቢው ማህበረሰብ የሚመራና ባለቤትነቱ የተረጋገጠ ዘላቂ ሰላም መገንባት ነው።

#ኢትዮጵያ

28/08/2026

ኅበረት ለምርጫ የፕሮጀክት ማጠናቀቂያና የተሞክሮ ትምህርቶች አውደ ጥናት አካሄደ።

የኢትዮጵያ ሲቪል ማህበራት ድርጅቶች ኅብረት ለምርጫ (CECOE) በ7ኛው ጠቅላላ ምርጫ ያከናወነውን የዜጎች የምርጫ ታዛቢነት ተሞክሮ በመገምገምና ከሂደቱ የተገኙ ትምህርቶችን በማሰባሰብ ላይ ያተኮረ የፕሮጀክት ማጠናቀቂያና የልምድ ልውውጥ አውደ ጥናት ከነሐሴ 21 እስከ 22 ቀን 2018 ዓ.ም. በቢሾፍቱ ከተማ አካሂዷል።

ከአየርላንድ ኤምባሲ Embassy of Ireland in Ethiopia በተገኘ ድጋፍ በተካሄደው በዚህ አውደ ጥናት ላይ የአየርላንድ ኤምባሲ ተወካይ፣ የኅብረት ለምርጫ ዋና ዳይሬክተር እንዲሁም የድርጅቱ ሠራተኞችን ጨምሮ 30 ተሳታፊዎች ተገኝተዋል።

በተለያዩ የሥራ ዘርፎች ላይ በተዘጋጁ 7 ዋና ዋና ጭብጦች (Thematic Sessions) ዙሪያ በሰፊው የተካሄደው ውይይት፣ በሚከተሉት ነጥቦች ላይ ትኩረት አድርጓል፦

🔹 የምርጫ ትዝብት ዘዴና አተገባበር
🔹 የትዝብት መዋቅርና የታዛቢዎች ምልመላ
🔹 የምርጫ ትዝብት ሽፋን
🔹 የትዝብት ቅጽ የመስክ ቁሳቁስ ዝግጅት
🔹 የመረጃ አሰባሰብ፣ የሪፖርት አዘገጃጀትና ጋዜጣዊ መግለጫ
🔹 የታዛቢዎች ሥልጠናና ክፍያ
🔹 የምርጫ ወቅት የሚዲያ ክትትል ተሞክሮ

የአውደ ጥናቱ ዋና ዓላማ በ7ኛው አጠቃላይ ምርጫ ወቅት የተገኙ ትምህርቶችን በሥርዓት ማሰባሰብ፣ ማረጋገጥና በማስረጃ ላይ ተመስርቶ ማስቀመጥ እንዲሁም ለወደፊት የዜጎች የምርጫ ትዝብት ተልዕኮዎች ተግባራዊ ምክረ ሀሳቦችን ማዘጋጀት ነው።

የተገኙት ትምህርቶች በኅብረት ለምርጫ የተሞክሮ ትምህርቶች ሪፖርት ውስጥ ተጠናቅረው ለወደፊት የምርጫ ትዝብት ሥራዎች መመሪያ እንዲሆኑ ይደረጋል።

#ኢትዮጵያ #ምርጫ #የምርጫትዝብት

22/08/2026

ኅብረት ለምርጫ (CECOE) በ"ብቁ ዜጋ" የሲቪክ ማዕከላት አማካኝነት በሀገር አቀፍ ደረጃ ህዝባዊ ተሳትፎን እያሰፋ ይገኛል።

የኢትዮጵያ ሲቪል ማህበራት ድርጅቶች ኅብረት ለምርጫ በአዳማ፣ በባህር ዳር፣ በአዋሽ 7፣ በወላይታ ሶዶ እና በአሶሳ ከተሞች የሚገኙ የ'ብቁ ዜጋ' የሲቪክ ተሳትፎ ማዕከላትን በይፋ መርቋል። የምረቃ ስነ-ስርዓቶቹ የመንግስት ተወካዮችን፣ የሲቪል ማህበራት ድርጅቶችን፣ አለም አቀፍ መንግስታዊ ያልሆኑ ድርጅቶችን፣ የወጣቶች ማህበራትን እና ዋና ዋና ባለድርሻ አካላትን ያሳተፉ ነበሩ።

🌱 በሁሉም ቦታዎች የችግኝ ተከላ መርሃ ግብሮች የተካሄዱ ሲሆን፣ ይህም የሲቪክ ተሳስፎን ከአካባቢ ጥበቃ እና ከህብረተሰብ ኃላፊነት ጋር አያይዞታል።

ይህ ስራ ከአካባቢው አጋሮች ጋር በመተባበር የተከናወነ ሲሆን፣ በአዳማ ከዳላሳሌ ማህበረሰብ ልማት ድርጅት (Dalassale Community Development Organization)፣ እንዲሁም በወላይታ ሶዶ ከትምራን (Timran) እና ከወላይታ ሶዶ የወጣቶች ክርስቲያናዊ ማህበር (YMCA) በጋራ ለመስራት ተችሏል።። በአዋሽ 7 CECOE ከከተማው ከንቲባ አቶ አብዶ አሊ ጋር የተገናኘ ሲሆን፣ ከንቲባውም ስራውን በመቀበል ከሲቪክ ማዕከሉ ጋር ለመስራት ያላቸውን ድጋፍ ገልጸዋል።

በእነዚህ አምስት ቦታዎች የሚገኙ የ"ብቁ ዜጋ" የሲቪክ ተሳትፎ ማዕከላት ዜጎች፣ ወጣቶች፣ የሲቪል ማህበራት፣ መገናኛ ብዙሃን፣ የማህበረሰብ መሪዎች እና የመንግስት ተቋማት በአንድ ላይ በመሰብሰብ ሃሳብ የሚለዋወጡበት፣ አቅም የሚገነቡበት፣ የማህበረሰብ ፈተናዎችን የሚፈቱበት እና ዲሞክራሲያዊ ተሳትፎን የሚያጠናክሩበት መድረኮች ሆነው ተመስርተዋል።

የተጠናከረ እና የተሳሰረ የሲቪክ ምህዳር ለመፍጠር በተካሄደው መርሃ-ግብር ላይ ተሳታፊ ለሆናችሁ እና አስተዋፅኦ ላበረከታችሁ ሁሉ ምስጋናችንን እናቀርባለን።

🌱 ሁሉን አቀፍ እና በአካባቢው ህብረተሰብ በሚመራ የሲቪክ ተሳስፎ ጠንካራ ማህበረሰብን በጋራ እንገንባ!

20/08/2026

የአካል ጉዳተኛ ሴቶች በሰላም ግንባታ ውስጥ ያላቸው ሚና ለምን ትኩረት ያስፈልገዋል?

የኢትዮጵያ ሲቪል ማህበራት ድርጅቶች (CECOE) የሚያዘጋጀው "የእሷ ድምፅ" የተሰኘው ሳምንታዊ ፕሮግራም በየሳምንቱ ረቡዕ በሬዲዮ እና በዩቲዩብ ቻናላችን ይቀርብሎታል።

በዛሬው ዝግጅታችን የሰላም ባለቤቶች የሆኑት አካል ጉዳተኛ ሴቶች በሰላም ግንባታ ሂደቶች ውስጥ የሚያበረክቱትን የጎላ አስተዋፅኦ፣ የሚያስፈልጓቸውን ልዩ የጥበቃ ማዕቀፎች እንዲሁም ጥንካሬያቸውን የሚያሳዩ አነቃቂ አርአያነት ያላቸው ታሪኮችን በስፋት እንዳስሳለን።

ፕሮግራሙን ዘወትር ረቡዕ ከቀኑ 11:30 በኢትዮጵያ ሬዲዮ መከታተል የሚችሉ ሲሆን፣ ሙሉ ክፍሎቹን ደግሞ በ CECOE የዩቲዩብ (YouTube) ቻናል ላይ ማግኘት ይችላሉ።

👇 ሙሉ ፕሮግራሙን በዩቲዩብ ቻናላችን ይከታተሉ፡ https://youtu.be/fi4VQezrH_s



#የእሷድምፅ #የሰላምግንባታ #ኢትዮጵያ

Enjoy the videos and music you love, upload original content, and share it all with friends, family, and the world on YouTube.

15/08/2026

ኅብረት ለምርጫ በዛምቢያ በተካሄደ የምርጫ የመማማሪያ ተልዕኮ ላይ ተሳተፈ።

የኢትዮጵያ ሲቪል ማኅበረሰብ ድርጅቶች ኅብረት ለምርጫ ከነሐሴ 4 እስከ 8 ቀን 2018 በዛምቢያ በተካሄደው የምርጫ የመማማሪያ ፕሮግራም ላይ ተሳትፏል፤ ተልዕኮው በናሽናል ዲሞክራቲክ ኢንስቲትዩት (NDI) የተዘጋጀ ነው።

በዚህ ፕሮግራው የዛምቢያ የዜጎች ምርጫ ታዛቢ ከሆነው የክርስቲያን አብያተ ክርስቲያናት ትዝብት ቡድን (CCMG) ጋር ተዋውቀናል፤ ዜጎችን መሠረት ያደረገ የምርጫ ትዝብት እንዴት እንደሚያደራጁ፣ ታዛቢዎችን እንዴት እንደሚያሰማሩና ሪፖርት እንደሚያደርጉም በቅርበት ተመልክተናል።

እንዲሁም በአርሜኒያ፣ በፔሩ እና በአንጎላ ምርጫዎችን ከታዘቡ ባልደረቦቻችን ቀጥተኛ ተሞክሮዎችን አዳምጠናል። ቡድኑ የተለያዩ አገራትንና ልምዶችን ያቀፈ በመሆኑ ውይይቶቻችን የበለጠ ዳብረዋል።

በምርጫው ዕለትም በምርጫ ጣቢያዎች በአካል በመገኘት ከጣቢያ መከፈት አንስቶ እስከ ድምፅ አሰጣጥና ቆጠራ ድረስ ያለውን ሂደት ታዝበናል።

ኅብረት ለምርጫ ከዚህ ተሞክሮ ያገኘውን ተግባራዊ ትምህርት በኢትዮጵያ ዜጎችን መሠረት ያደረገ የምርጫ ትዝብት ሥራን ለማጠናከር ይጠቀምበታል።

CECOE Joins Election Study Mission in Zambia

From August 10–14, the Coalition of Ethiopian Civil Society Organizations for Elections (CECOE) took part in an international election study mission in Zambia, organized by the National Democratic Institute (NDI).

The mission introduced us to Zambia's citizen election observation partner, the Christian Churches Monitoring Group (CCMG), and gave us a close look at how they organize, deploy, and report as citizen observers.

We also heard first-hand experiences from colleagues who have observed elections in Armenia, Peru and Angola. It was a very diverse group, and that diversity made every conversation richer.

On election day, we observed polling stations directly, following the process from opening through voting and counting.

CECOE returns with practical lessons to strengthen citizen-led election observation in Ethiopia.

14/08/2026

🎙️ «የሷ ድምፅ» በድጋሚ ተመልሷል!

የሲቪል ማህበረሰብ ድርጅቶች የኢትዮጵያ ምርጫ (CECOE) የሚያዘጋጀው «የሷ ድምፅ» የተሰኘው ሳምንታዊ የሬዲዮ ፕሮግራማችን፣ አዳዲስ ክፍሎችን ይዞ ለ5ኛ ምዕራፍ መሰራጨት ጀምሯል!

በዚህ አዲስ ምዕራፍ በኢትዮጵያ የፖለቲካ እንቅስቃሴ እና በሰላም ግንባታ ሂደቶች ውስጥ የሴቶችን እድሎች፣ ተሳትፎዎች እንዲሁም የሚያጋጥሟቸውን ተግዳሮቶች በጥልቀት የሚዳስሱ አዳዲስ ሀሳቦችንና ውይይቶችን ይዘንላችሁ ቀርበናል።

መቼ እንከታተል?

ፕሮግራሙን ዘወትር ረቡዕ ከቀኑ 11:30 በኢትዮጵያ ሬዲዮ መከታተል የሚችሉ ሲሆን፣ ሙሉ ክፍሎቹን ደግሞ በ CECOE የዩቲዩብ (YouTube) ቻናል ላይ ማግኘት ይችላሉ።

👉 የሳምንቱን አዲስ ክፍል ለማዳመጥ ሊንኩን ይጫኑ፡

https://youtu.be/kj3WFiMqr74?si=rwFvtlfzHy3cwsZE

#የሷድምፅ

Enjoy the videos and music you love, upload original content, and share it all with friends, family, and the world on YouTube.