Basketo Intellectuals Association-BIA

Basketo Intellectuals Association-BIA Basketo Intellectual's Association is a non governmental civic society which concern all about the Basket community members.

It works on professional commitment and linking the bridge among professional intellectuals and stakeholder.

የማልረሳት ረቡዕአስታውሳለሁ ከንቲባችን ኢንጅነር በሃይሉ ጋር 1999 ዓ.ም ወሩን እና ቀኑን በረሳሁት ዕለት በአንዲት የማልረሳት ረቡዕ ወደ ቤተሰቦቹ ቤት ሄዴን የጓሮ እርሻ ያረስንበት ቀን ...
21/09/2026

የማልረሳት ረቡዕ

አስታውሳለሁ ከንቲባችን ኢንጅነር በሃይሉ ጋር 1999 ዓ.ም ወሩን እና ቀኑን በረሳሁት ዕለት በአንዲት የማልረሳት ረቡዕ ወደ ቤተሰቦቹ ቤት ሄዴን የጓሮ እርሻ ያረስንበት ቀን ከአዕምሮ አትጠፋም። ከበሃይሉ ጋር ያረስነውን የማረሻ ዕቃ (ካሶ) ተጠቅመን ቀኑን ሙሉ አፈሩን ለእርሻ ያዘጋጀንበት ጊዜው ርቆ 19 ዓመት ሞላው።

ባሄ
እርሻን ከልቡ ይወዳል!
🤝💪

ኩሩ የገበሬ ልጅ!
❤

ኢዜማ ለህዝብ ተወካዮች ሲሰጥ የነበረው ስልጠና ተጠናቀቀ።በ7ኛው ዙር ሀገር አቀፍ ምርጫ ከየምርጫ ክልላቸው ለኢፌዴሪ የህዝብ ተወካዮች ምክር ቤት እና ለክልል ምክር ቤቶች በህዝብ የተመረጡ የ...
21/09/2026

ኢዜማ ለህዝብ ተወካዮች ሲሰጥ የነበረው ስልጠና ተጠናቀቀ።

በ7ኛው ዙር ሀገር አቀፍ ምርጫ ከየምርጫ ክልላቸው ለኢፌዴሪ የህዝብ ተወካዮች ምክር ቤት እና ለክልል ምክር ቤቶች በህዝብ የተመረጡ የኢዜማ ፓርቲ አባላት በአዲስ አበባ ሲከታተሉ የነበረው ስልጠና ተጠናቋል።

በስልጠናውም በቀጣይ የውክልና ስራቸው ሀገርና ህዝብን ማገልገል የሚችሉበትን አካሄድ ላይ ሰፊ የቴክኒክና የግንዛቤ ማስጨበጫ ሂደቶችን በተለያዩ ፖለቲከኞችና የፖለቲካ ሳይንስ ባለሙያዎች ስኬታማ ስልጠና ተሰጥቷል።

በሰባተኛዉ ሀገራዊ ምርጫም ይደረጋል ተብሎ የነበረዉ የአካባቢ ምርጫ እንዲካሄድ ግፊት ማድረግ እንደሚያስፈልግ ተነገረ ምርጫ ቦርድ በሰባተኛው ሀገራዊ ምርጫ ለማድረግ አቅዶት የነበረዉ እና ከተ...
17/09/2026

በሰባተኛዉ ሀገራዊ ምርጫም ይደረጋል ተብሎ የነበረዉ የአካባቢ ምርጫ እንዲካሄድ ግፊት ማድረግ እንደሚያስፈልግ ተነገረ

ምርጫ ቦርድ በሰባተኛው ሀገራዊ ምርጫ ለማድረግ አቅዶት የነበረዉ እና ከተካሄደ 14ተኛ አመቱን ያስቆጠረዉ የአካባቢ ምርጫ ማካሄድ እንደሚያስፈልግ የኢትዮጵያ ሰብአዊ መብቶች ድርጅቶች ህብረት ገልፆል።

ህብረቱ ይህን የገለፀዉ በሰባተኛው ሀገራዊ ምርጫ በህብረቱ ምልከታ የተገኙ ዉጤቶች እና ግምገማዎች ዙሪያ በዛሬው እለት ባካሄደዉ የዉይይት መድረክ ላይ ነዉ።

የህብረቱ ዋና ዳይሬክተር አቶ መስዑድ ገበየሁ እንደገለፁት ትክክለኛ ዲሞክራሲን ማየት እና ማረጋገጥ የሚቻለዉ የአካባቢ ምርጫዉን ማካሄድ ሲቻል መሆኑን ገልፀዋል።

ብዙዎቹ ተፎካካሪ ፓርቲዎች ትግላቸዉ ፓርላማ ላይ እንጂ በአካባቢ ምርጫ ላይ የሉም የሚሉት አቶ መስዑድ በወረዳ ምክር ቤት ላይ እንብዛም ተሳትፎ እንደሌላቸዉ አስረድተዋል።

የአካባቢ ምርጫ ከፍተኛ ወጪ እና ዝግጅት የሚጠይቅ መሆኑ ቢታመንም በሰባተኛው ሀገራዊ ምርጫ በቀጣይ የምንጠብቀዉ ይህ የአካባቢ ምርጫ እንዲደረግ ነዉ ሲሉ ዳይሬክተሩ ተናግረዋል።

የምርጫ ቦርድ እና ሌሎች ባለድርሻ አካላት ለዚህ ከወዲሁ አስፈላጊውን ቅንጅት እና ዉይይት ማድረግ እንደሚገባቸው ህብረቱ አንስቷል።

ምርጫ ቦርድ ከዚህ ቀደም ለመገናኛ ብዙሃን ሰጥቶት በነበረዉ መግለጫ እንደገለፀዉ ምርጫዉ ማድረግ አስፈላጊ እንደሆነ ገልፆ በእቅዱ መሠረት ምርጫዉን ለማካሄድ ግን የበጀት እና ሌሎች ችግሮች እንዳሉበት ገልፆ ነበር።

ይህ የአካባቢ ምርጫ ለመጨረሻ ጊዜ የተደረገዉ በ 2005 አ.ም ሲሆን ምርጫዉ ሳይደረግ መቆየቱ ለበርካታ የመልካም አስተዳደር ችግሮች መፈጠር ምክንያት ሆኗል የሚል ቅሬታ ይነሳል።

ቁምነገር አየለ

መስከረም 7/2019 ዓ.ም

📚 ትምህርት እና የማህበራዊ ሚዲያውድ ተማሪዎች፦ዛሬ ማህበራዊ ሚዲያ ላይ ጥቂት ሰከንዶች የሚፈጅ ቪዲዮ በአንድ ሌሊት በብዙ ሰዎች ዘንድ ታዋቂ ሊያደርግ ይችላል። ይህም ብዙ ወጣቶች "ትምህርት...
15/09/2026

📚 ትምህርት እና የማህበራዊ ሚዲያ

ውድ ተማሪዎች፦

ዛሬ ማህበራዊ ሚዲያ ላይ ጥቂት ሰከንዶች የሚፈጅ ቪዲዮ በአንድ ሌሊት በብዙ ሰዎች ዘንድ ታዋቂ ሊያደርግ ይችላል። ይህም ብዙ ወጣቶች "ትምህርት ተምሬ ምን አገኛለሁ?" እንዲሉ እያደረገ ነው።

አንዳንድ * ታዋቂ * ነን የሚሉ ሰዎች ህይወት፣ ስኬት ያለው እዛ ማህበራዊ ሚዲያ ላይ ብቻ እንደሆነ በማሳየት የልጆችን አእምሮ፣ የወደፊት ተስፋና ህልም እየገደሉ ነው።

" TikTok " ሆነ ሌላ የማህበራዊ ሚዲያ መጠቀም ወይም ይዘት መፍጠር በራሱ ችግር አይደለም፤ ችግሩ ግን የትምህርት፣ የንባብና የራስን እድገት ጊዜ ሲተካ ነው።

አስተውሉ 👉 ዝና ሊያልፍ ይችላል፤ እውቀትና ችሎታ ግን ማንም ሊነጥቃችሁ የማይችለው ሀብታችሁ ነው።

🎓 ትምህርት ምን ይሰጣል ?

ትምህርት መማር ፈተና ለማለፍ ብቻ አይደለም። ማሰብን ፣ መጠየቅን ፣ ችግር መፍታትን ፣ ትክክለኛውንና ስህተቱን መለየትን ፣ ሚዛናዊ መሆንን፣ ራስን መግዛትን ያስተምራል። የራስ እምነትን ያዳብራል፣ የሥራ እድልን ያሰፋል፣ አንድ ሰው የሚፈልገውን ህይወት ለመገንባት የሚያስፈልገውን እውቀትና ክህሎት ይሰጣል።

ዛሬ የምታሳልፉት ጊዜ ነገ የምትሆኑትን ሰው ይወስናል።

ሰዓታትን በስልክ ወይም በሌላ ስክሪን ላይ ብዙ ሰዓት ማሳለፍ ጊዜያዊ መዝናኛ ቢሰጣችሁም፣ በዚያ የምታጡት የጥናት ጊዜ ግን መልሳችሁ ልታገኙት አትችሉም።

📱 ተማሪዎች ማህበራዊ ሚዲያን ተጠንቀቁ ፤ ተጠቀሙበት እንጂ እሱ እንዳይጠቀምባችሁ!

TikTok ፣ Facebook ፣ Telegram፣ YouTube፣ Instagram፣ X እና ሌሎች የማህበራዊ ሚዲያ መድረኮች ለመማር ፣ አዳዲስ እውቀቶችን ለማግኘትና ጠቃሚ ክህሎቶችን ለመማር ትልቅ እድል ይሰጣሉ። ነገር ግን ያለገደብ መጠቀም የጥናት ጊዜን ሊወስድ፣ ትኩረትን ሊበትንና የትምህርት ውጤትን ሊጎዳ ይችላል።

⏰ ስለዚህ ለማህበራዊ ሚዲያ የምታጠፉትን ጊዜ ወስኑ። በተለይ የጥናት ሰዓትን ለስልክ አትስጡ። ሌሊት ረጅም ሰዓት ስልክ መጠቀምም እንቅልፍን ስለሚያሳንስ በሚቀጥለው ቀን ትኩረታችሁን ሊጎዳ ይችላል።

🔐 የግል መረጃችሁን ጠብቁ።

የቤት አድራሻ፣ የስልክ ቁጥር፣ የትምህርት ቤት መረጃ፣ የቀጣይ መርሃ ግብር ወይም ሌሎች የግል መረጃዎችን ለማታውቋቸው ሰዎች አትስጡ። በኢንተርኔት ላይ የምትለቁት መረጃ በቀላሉ ሊሰራጭ እንደሚችል አትዘንጉ።

👩‍👩‍👦‍👦 ወላጆች፣ የልጆቻችሁን የዲጂታል ህይወት ተከታተሉ።

ልጆች ስልክ እንዳይጠቀሙ ብቻ መከልከል ሳይሆን፣ ለምን ገደብ እንደሚያስፈልግ ከእነሱ ጋር ተወያዩ። እናተም አርአያ ሁናችሁ አሳዩዋቸው። ጊዜ ስጧቸው። ረጅም ሰዓት ቲክቶክ ወይም ሌላ ማህበራዊ ሚዲያ ላይ ባለማሳለፍ የምትመክሯቸውን እውነትም ኑራችሁ አሳዩዋቸው።

- የጥናት፣
- የእንቅልፍ፣
- የቤተሰብ ጊዜ
- የመዝናኛ ጊዜን በአግባቡ እንዲያመጣጥኑ እርዷቸው።

የጥናት ልምድ እንዲያዳብሩ፣ ጊዜያቸውን እንዲያቅዱ እና ለሚፈልጉት ሙያ ቀድመው እንዲዘጋጁ አበረታቷቸው።

የልጆቻችሁን የትምህርት ጉዞ በመከታተል ብቻ ሳይሆን፣ በመምራትና በመደገፍ አብራችሁ ተጓዙ።

ተማሪዎች በማህበራዊ ሚዲያ ላይ የሚያጠፉትን ሰዓት ወደ መጽሐፍ ንባብ፣ ትምህርት ነክ ይዘቶች፣ አዳዲስ ክህሎቶች፣ ስፖርትና ከቤተሰብ ጋር ወደ የሚያሳልፉት ጊዜ ማዞር ይችላሉ።

👍 ውድ ተማሪዎች ፦ በአንድ ትንሽ ስህተት ፤ አልያም ከጊዜና ወቅት ጋር አብሮ የሚያልፈውን የማህበራዊ ሚዲያ ዝናን ሳይሆን ከእናንተ ጋር እስከመጨረሻው የሚቀረውን እውቀት ምረጡ ፤ እውቀት ያኮራል፤ ያስከብራል !

🎉 የ2019 ዓ.ም. የትምህርት ዘመን ለተማሪዎች የእውቀትና የስኬት፣ ለወላጆች ደግሞ የደስታና የኩራት ዓመት እንዲሆን እንመኛለን።

መልካም የትምህርት ዘመን!

ቲክቫህ ኢትዮጵያ
መስከረም 5 ቀን 2019 ዓ/ም

❤️

በመካሄድ ላይ ስላለው የBRICS+ 18ኛው ጠቅላላ ጉባኤና ጉባኤው በቀጥታ ለኢትዮጵያ ያደረጋቸውን ድጋፎች እንደሚከተለው ተከትቧል።አፍሪካ ቴልስ በዓለምአቀፍ ትንታኔው ላይ አውጥቶታል።Ethio...
13/09/2026

በመካሄድ ላይ ስላለው የBRICS+ 18ኛው ጠቅላላ ጉባኤና ጉባኤው በቀጥታ ለኢትዮጵያ ያደረጋቸውን ድጋፎች እንደሚከተለው ተከትቧል።

አፍሪካ ቴልስ በዓለምአቀፍ ትንታኔው ላይ አውጥቶታል።

Ethiopia's BRICS moment; three openings, one test, can Addis Ababa Deliver?

Read more:

https://africatells.com/diplomatic-corner/ethiopias-brics-moment-three-openings-one-test-can-addis-ababa-deliver/

የኢህአደግ ከፍተኛ አመራርና የጠቅላይ ሚኒስትር መለስ ዜናዊ ጽ/ቤት ሃላፊ ብርሃኑ አዲሎ ዛሬ ለተለያዩ የፖለቲከኛ እስረኞች ምህረትና ይቅርታ እንዲደረግ በማድረግ ከ300 በላይ የፌዴራል ፍርድ...
10/09/2026

የኢህአደግ ከፍተኛ አመራርና የጠቅላይ ሚኒስትር መለስ ዜናዊ ጽ/ቤት ሃላፊ ብርሃኑ አዲሎ ዛሬ ለተለያዩ የፖለቲከኛ እስረኞች ምህረትና ይቅርታ እንዲደረግ በማድረግ ከ300 በላይ የፌዴራል ፍርድ ቤቶች ተከሳሽ የሆኑ የገዢው መንግስት የግዞት እስረኞችኝ በምህረት አስለቅቀዋል።

እኛም ከትናንት ስህተታችን ተምረን ዛሬን በምህረትና በይቅርታ እንድንሻገር እግዚአብሔር ይርዳን!

በአቶ ካልፎ ካንሶ ድንገተኛ ህልፈተ ህይወት ጥልቅ ሀዘን ተሰምቶናል። 💔😭ወንድማችን ፈጣሪ ነፍሱን በአፀደ ገነት ያሳርፋት 🙏😭
09/09/2026

በአቶ ካልፎ ካንሶ ድንገተኛ ህልፈተ ህይወት ጥልቅ ሀዘን ተሰምቶናል።
💔
😭
ወንድማችን ፈጣሪ ነፍሱን በአፀደ ገነት ያሳርፋት 🙏
😭

የኢትዮጵያ እግር ኳስ ፌዴሬሽን የባስኬት ቡና የፊት መስመር ተጫዋች የሆነውን አብዲ አየለ በከፍተኛ የሊጉ ጎል አግቢነት ዕውቅና እናየወርቅ ጫማ ሽልማት ሰጠው። ከአብዲ አየለ ጋር ክብሩን የተ...
09/09/2026

የኢትዮጵያ እግር ኳስ ፌዴሬሽን የባስኬት ቡና የፊት መስመር ተጫዋች የሆነውን አብዲ አየለ በከፍተኛ የሊጉ ጎል አግቢነት ዕውቅና እናየወርቅ ጫማ ሽልማት ሰጠው። ከአብዲ አየለ ጋር ክብሩን የተጋራው በአዲስ አበባ የቦሌ ክፍለከተማ የፊት መስመር ተጨዋች መስፍን አየለ መሆኑ ተረጋግጧል።

ለመላው የባስኬት ቡና የእግር ኳስ ቤተሰቦች እንኳን ደስ አላችሁ!

የአርጀንቲና እና የኢትዮጵያ ወዳጅነት የህዝብ ለህዝብ ግንኙነትን በማጠናከር ወደ ላቀ ደረጃ ለማድረስ ንግግር ተደርጓል።የተከበሩ ዶ/ር ካሣሁን ደለነ አዲስ አበባ በሚገኘው የአርጀንቲና ኤምባሲ...
08/09/2026

የአርጀንቲና እና የኢትዮጵያ ወዳጅነት የህዝብ ለህዝብ ግንኙነትን በማጠናከር ወደ ላቀ ደረጃ ለማድረስ ንግግር ተደርጓል።

የተከበሩ ዶ/ር ካሣሁን ደለነ አዲስ አበባ በሚገኘው የአርጀንቲና ኤምባሲ በመገኘት ከኤምባሲው ባለሙሉስልጣን አምባሳደር ዮዋን ኢግናሲዮ ጋር በተለያዩ ርዕሰ ጉዳዮች ላይ ተመካክረዋል።

አርጀንቲና የኢትዮጵያ የረጅም ጊዜ ወዳጅ እንደመሆኗ ይህንን ወዳጅነት ወደሚጨበጥ ደረጃ ለማሸጋገር በአርጀንቲና ኤምባሲ የተገናኙት አካላት በተለያዩ ርዕሰ ጉዳዮች ላይ አብረው ለመስራት ከስምምነት ደርሰዋል።

በንግግራቸውም የሁለቱን ሀገራት ግንኙነት ለማጠናከር በተለያዩ ጉዳዮች ላይ በመነጋገር በቀጣይም የኤምባሲው ቡድን ወደ ህዝቡ ይበልጥ የሚቀርብባቸውን ስራ ለመጀመር ተስማምተዋል።

የሊዮኔል አንድሬስ ሜሲ ሀገር በግብርናው: በኢንቨስትመንት እና በስፖርቱ ዘርፍ ለመስራት ፍላጎት እንዳላት አምባሳደር ዩዋን አረጋግጠዋል።

ከተለያዩ አካላት ጋር ያለንን አዎንታዊ ወዳጅነት ለማጠናከር አብረው እንደሚሰሩ ቃል ገብተዋል። በቀጣይም አምባሳደሩ ወደ ባስኬቶ መጥተው ከህዝቡ ጋር እንዲተዋወቁና ወዳጅነታቸውን እንዲያጠናክሩ የቀረበውን ጥሪ ተቀብለዋል።

ህዝባችን ለከፈለው መስዋዕትነትና ለሰጠን የለውጥ ድምፅ ተገቢውን ካሳ ለመስጠት ሙሉ ዝግጅታችንን አጠናቀናል። በቀጣይም በሚከተሉት አቅጣጫዎች እንሰራለን:1, የህዝባችን የልማት: የመንገድ: የ...
07/09/2026

ህዝባችን ለከፈለው መስዋዕትነትና ለሰጠን የለውጥ ድምፅ ተገቢውን ካሳ ለመስጠት ሙሉ ዝግጅታችንን አጠናቀናል።

በቀጣይም በሚከተሉት አቅጣጫዎች እንሰራለን:

1, የህዝባችን የልማት: የመንገድ: የጤና: የትምህርትና የንፁህ መጠጥ ውሃ ጥያቄዎችን በሳይንሳዊና በተቀናጀ መንገድ ለመንግስትና ለሚመለከታቸው አካላት እናቀርባለን።

2, በዞናችን ያለውን የልማት ውስንነት ለመፍታት ከመንግስት ጋር በቁርጠኝነት በመሞገትና በመነጋገር የዞኑን ልማት እናረጋግጣለን።

ኢንጂነር ጎዳና ማናዬ
የኢዜማ ላስካ መደበኛ ሰብሳቢ

Address

Basketo Laska
Addis Ababa

Website

Alerts

Be the first to know and let us send you an email when Basketo Intellectuals Association-BIA posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Basketo Intellectuals Association-BIA:

Shortcuts

Share

Category