Entoto Qusquam Charity Association የእንጦጦ ቁስቋም በጎ አድራጎት ማህበር

08/01/2026

ማህበራችን የጌታችንና መድኃኒታችን የኢየሱስ ክርስቶስን የልደት በዓል ምክንያት በማድረግ በእንጦጦ አካባቢ ነዋሪ ለሆኑ 60 ቤተሰቦች ለእያንዳንዳቸው የ3000 ብር የገንዘብ ድጋፍ አድርጓል:: በዚህ በጎ አድራጎት ስራ ላይ የተሳተፋችሁን የማህበራችን አባላት በተረጂ ቤተሰቦች ስም እናመሰግናለን፡፡

02/01/2026

የሄርናን ሳንድዊች
--------
በኮሎምቢያ በሜደልሊን ማንሪኬ በሚባል ሰፈር ሁልጊዜ ማታ ልክ 3 ሰዓት ላይ በፕላስቲክ ከረጢት የተጠቀለሉ ሳንድዊቾች ዛፍ ላይ ይቀመጣሉ።

ሳንድዊቹን ማን እንደሚያስቀምጥ ወይም እንደሚተዋቸው ማንም አያውቅም ።

በአካባቢው ያሉ በጎዳና ላይ የሚኖሩ ምንዱባን ሳንድዊቾቹን በጉጉት ይጠብቃሉ። 3፡15 ላይ ምንም ሳይቀር ተወስደው ያልቃሉ።

ለስድስት ተከታታይ ዓመታት ለአንዲት ቀን እንኳን ሳንድዊቾቹ በዛፉ ላይ መቀመጣቸው ቀርተው አያውቁም ።

ከስድስት አመት በኋላ አንድ ቀን በድንገት ሳንድዊቾቹ በዛፉ ላይ መቀመጥ አቆሙ።

"ሳንድዊች ሰው ምን ሆነ?" ብለው ድሃዎቹ የጎዳና ሰዎች ጠየቁ።

የሳንድዊቹ ሰውን በጎዳና የሚኖሩ ሰዎች በፍለጋ ማን እንደሆነ አወቁት ።
--------------
ሄርናን ይባላል።

አዛውንቱ ሄርናን ዕድሜው 19 ዓመት የነበረ ልጁን አጥቷል፤ ልጁ ከሱስ ጋር በጎዳና ላይ ነበር የሚኖረው ። ሄርናን ልጁን ለብዙ ዓመታት ፈልጎት ነበር። ነገር ግን ሊያገኘውና ሊያድነው አልቻለም። በመጨረሻም እንደሞተ ሰማ ፣በጣምም አዘነ!

ሄርናን "ልጄን አንድ ሰው ምግብ ቢሰጠው ኖሮ… ምናልባት ዛሬም በሕይወት ይኖር ነበር"።ይላል። በዚህ ምክንያት ልጁን በቀበረ ማግስት ጎዳና ላይ ለሚኖሩ ሰዎች ሳንድዊች ማታ ማታ በዛፍ ላይ ማስቀመጥ ጀመረ።

ችግረኞቹን ካወቃቸው ለማን እንደሚሰጥ እመርጣለሁ በማለት ሳንድዊቹን ተደብቆ ነበር በዛፍ ላይ የሚያስቀምጠው።

በግንበኛ ሙያ የሚተዳደረው ሄርናን ለስድስት ዓመታት 17,520 ሳንድዊቾችን እራሱ አዘጋጅቶ በዛፉ ላይ አስቀምጦ ነበር። ሄርናን በድንገት ከሞተ በኋላ ሳንድዊቾቹ ከዛፉ ላይ ሲጠፉ "የሳንድዊች ሰው ምን ሆነ?" ተባለ።

ሄርናን ከሞተ ከአመታት በኋላ በዚያ አካባቢ በጎዳና ላይ ይኖሩ የነበሩ ሰዎች አስተያየት ሲሰጡ አንዲህ ብለው ነበር :-

"እነዚያን ሳንድዊቾች ለአራት ዓመታት በልቼ ነበር ህይወቴን አዳኑኝ!"

"አንዳንድ ቀናት የምበላው የእሱን አንድ ሳንድዊች ብቻ ነበር።"

"ዛሬ ቤት እና ስራ አለኝ ፣ ትዳር እና ልጆች አሉኝ ። እነዚያ ሳንድዊቾች ባይኖሩ ይህ አይሆንም ነበር!"

"እነዚያ ጣፋጭ ሳንድዊቾች በህይወት አቆዩኝ.......።"
-----------
©️አዳነ ካሳሁን

ውድ የማህበራችን አባላት ሆይ: ዛሬ በምታዋጡት መዋጮ እናንተ በቅርበት የማታውቋቸው በርካታ ታዳጊዎች ይደገፋሉ። በስውር የምትሰጡትንም እግዚአብሔር ያያል: በግልፅም ይከፍላችኋል። በጤና ቆይታችሁ የድሆች አምባ/ተስፋ ለመሆን ያብቃችሁ🙏🏽መልካም የልደት በአል 🙏🏽

30/12/2025

Entoto Qusquam Charity Association extends warm wishes to all its supporters and beneficiaries for a happy 2026.

15/12/2025

😭 የሐዘን መግለጫ😭

በደቡብ አፍሪካ ለረዥም ዓመታት የኖረው ወንድማችን እና የማህበራችን አባል አቶ ዘውዱ ደበበ ባደረበት ሕመም ምክንያት በደቡብ አፍሪካ የተለያዩ ሆስፒታሎች ህክምና ሲከታተል ቆይቶ በቅርቡም ወደ ኢትዮጵያ ተመልሶ በፀበል እንዲሁም በህክምና ተቋማት ክትትል ሲያደርግ ቆይቶ በመጨረሻም በ05-04-2018 ዓ/ም ከዚህ ዓለም ድካም አርፏል። አቶ ዘውዱ ደበበ ባለትዳር እና የሁለት ልጆች አባት ነበረ።

የአቶ ዘውዱ አበበ የቀብር ስነ ስርዐት በዛሬው ቀን (ታህሳስ 06 - 2018 ዓ/ም) በእንጦጦ መንበረ ንግስት ቁስቋም ማርያም ቤተ ክርስቲያን ከቀኑ 8:30 ላይ ይፈፀሚል።

ማህበራችን ለቤተሰቡ፣ ለወዳጆቹ እና ጓደኞቹ ፈጣሪ መጽናናትን እንዲሰጥልን ይመኛል ።

እግዚአብሔር አምላክ ነፍሱን ከቅዱሳኑ ጋር በቀኙ ያሳርፍልን🙏 ነፍስ ይማር።

13/08/2025

የቁሰቋም ትውስታ

EBS TV-Watch on Roku(PC/Mac & iPhone/iPad & Android Devices) : https://iptv.ebstv.tv/ያለዎትን ጥያቄና አስተያየት በ አጭር ቸመልዕክት 7696 ላይ ይላኩልንFollow us on: https://linktr...