29/01/2025
Naannoo Harariitti borurraa eegalee dhaabbilee mootummaa madaalliin raawwii hojii karoora ji'a jahaa ni gaggeeffama
************
Gaazexaa Bariisaa
Komishiniin Karooraafi Misooma Dhaabbiilee Mootummaa Naannichaa madaalliin raawwii hojii karoora ji'a jahaa akka geggeeffamu beeksiseera.
Komishinarri komishinichaa Obbo Mahammad Ahmad madaallii raawwii hojii karoora walakkaa waggaa godhamu ilaalchisuun ibsa kannaniiru.
Akka ibsa komishinarichatti madaalliin raawwii hojii dhaabbilee mootummaarratti geggeeffamu bu'aarratti bu'urfate yoo tahu ifaafi karaa haqaqabeessa ta’een naannichatti kan raawwatuudha.
Sirni madaallii bu'aarratti xiyyeeffate kun sirna madaalliifi hordoffii ifaafi ittigaafatamummaa qabu mirkaneessu jiraachuu ibsaniiru.
Sirni madaallii raawwii karoora mootummaa, kun qophii karooraa, hordoffiifi gamaaggamaa kan walsimatu hojmaata ammayyaa, bu'aarratti xiyyeeffate akkasumas qajeeltoo karoora tokko bu'aa tokko kan horfofeedha jedhan.
Gabaasni dhaabbiilee mootummaa kamuu qulqullinaafi sirrii ta’uu isaa kan mirkanaa'u tahuu ibsan.
Hojmaata karoora tokko gabaasa tokko hordofuufi adeemsa galma tarsiimoo, hojiiwwan ijoofi agarsiiftuu raawwii karooraa adda baasuufi madaallii bu'a qabeessa gochuuf akka tahe dubbataniiru.
Sirna madaallii raawwii karoora hojii kanaan dhaabbiileen mootummaa raawwii hojii gamaaggamuun bu'aa argamerratti hundaa'uun sadarkaan akka kannamu ibsaniiru.
Sirni madaallii hojii kun Ifaafi haqa qabeessa akka ta'uuf kan hojjetan tahuu dubbataniiru.
Keessattuu ji'oota jahan dabran keessatti hojii idilee hojjataman xiyyeeffannoon akka ilaalaman ibsaniiru.
Sirni madaallii hojii kanaan cimina jiru itti fufsiisuufi Qaawa jiru sirreessuuf kan gargaaru tahuu eeraniiru.
Sirni madaallii hojii dursa xiyyeeffannoo bu’aarratti waan kennuuf iddoo guddaa akka qabu eeraniiru jechuun Waajjirri Kominikeeshinii Naannoo Hararii odeeffannoo Bariisaaf ergeera.
Amajjii 21 bara 2017
