23/04/2026
ተመልሰናል! አዲስ ምዕራፍ ለእንፑርሻ
ውድ የኢንፑርሻ ቤተሰቦች
እንደምን ሰነበታችሁ! አዳዲስ መረጃዎችን ለእናንተ ካደረስን ረጅም ጊዜ ተቆጥሯል፤ የእንፑርሻን ቤተሰብ በእጅጉ ናፍቀን ነበር።
ኢንፑርሻ ከተመሰረተበት ጊዜ ጀምሮ ለዕድገትና ለለውጥ በትጋት ሲሰራ ቆይቷል። ተማሪዎችን፣ መምህራንን፣ ወጣቶችን፣ የመንግስት ሰራተኞችንና ባለስልጣናትን ጨምሮ ከ2,000 በላይ ሰዎችን በማሰልጠናችን ኩራት ይሰማናል። ከስልጠናዎቹም ባሻገር፣ የቴሌግራም ቻናላችን አርአያ ሊሆኑ የሚችሉ ሰዎችን የቀጥታ ምስክርነቶች የሚጋሩበት ጠንካራ መድረክ መሆኑ ይታወቃል በዚህም በሀገር ውስጥ ይሁን ከሀገር ውጭ እንግዶችን ጋብዘን ተሞክሯቸውን እንዲያካፍሉ ማድረግ ችለናል።
ባጋጠሙን አንዳንድ ሁኔታዎች በተለይም ደግሞ በየሳምነቱ የምናደርገው የቀጥታ ፕሮግራሞቻችንን ለተወሰነ ጊዜ ለማቋረጥ ተገደን ነበር። ሆኖም ግን፣ ያ የነበረን መነሳሳትና ራዕይ ከእኛ አልጠፋም። አሁን የተሻለ አቅም፣ የታደሰ ጉልበትና እናንተን ለማገልገል የሚያስችል ጠንካራ ራዕይ ይዘን በይፋ ተመልሰናል።
በቅርብ ቀን ቀጥታ የቴሌግራመ ፕሮግራሞቻችንን በድጋሚ እንጀምራለን። እስከዚያው ድረስ፣ የቴሌግራም ቻናላችንን መቀላቀላችሁን እርግጠኛ ሁኑ! እናመሰግናለን። የቴሌግራም ቻናላችን ሊንክ https://t.me/xonsopursha
