Saharautz Elkartasun Taldea

28/02/2026

Gaur Mendebaldeko Sahararen aldeko kontzertu bikaina Bilboko Euskalduna jauregian. Larunbat iluntze euritsu honetarako, ba al duzu plan hoberik Sahararren independentzia-aldarrikapenaren 50.
urteurrenean haiei elkartasuna adierazi eta kontzertu eder hau entzutea baino. Zatoz!

https:/www.euskalduna.eus
es/detalle/
SAHARA26@Janto_KB/PAEU1

10/02/2026

Saharautz Elkartasun Taldeak asteburuan egin du Sahararako Elkartasun Karabanarako janari-bilketa. Aurrez egin genuen Zarauzko eta Getariako ikastetxeetan.

Orotara 5.100 kg janari eta konpresa bildu ditugu.

Saharautzeko kideok oso pozik gaude herritarrek emandako erantzunarekin. Bereziki azpimarratu nahi dugu ikastetxeetako zuzendari, irakasle, guraso eta ikasleen inplikazioa. Herriko saltokiek emandako erraztasunak ere eskertu nahi ditugu. Zarauzko Udala ere biziki eskertu nahi dugu emaniko diru-laguntzagatik: 9.000 euroko ekarpena egin dio karabanari.

Bestalde, janari-bilketan lagundu duten boluntarioen kopuruak gora egin du, eta oso pozgarria da hori guretzat.

Datozen asteetan bideratuko da bildutako guztia Tindufeko kanpalekuetara.

Eskerrik asko guztioi!

03/02/2026

24/01/2026

Uda honetan saharar haur baten harrera familia izan nahi baduzu, jarri gurekin harremanetan eta eskatu informazioa.

17/07/2025

Gaur iritsi dira Euskal Herrira Rachida, Asma, Manman eta Hamza, uda Zarautzen, Getarian eta Orion pasatuko duten haur sahararrak. Ongi etorri! Eta eskerrik asko bihotzez lau harrera-familioi. Biba zuek!

Eskerrik asko egitasmo honetan laguntzen diguten Zarauzko, Orioko eta Getariako udalei ere.