01/09/2026
✍EMPRENDER TAMÉN É... unha opción.
Falamos moito de atopar traballo, de mellorar condicións laborais ou de medrar profesionalmente, pero ás veces esquecemos que non existe unha única maneira de construír unha carreira.
Traballar por conta allea é unha opción.
Crear un proxecto propio tamén.
Combinar ambas cousas, por que non?
E non telo claro aínda tamén está ben.
Emprender non é “o camiño”. É un dos camiños posibles.
📊 En Galicia, no ano 2023, o 6,1 % das mulleres adultas participaba en iniciativas emprendedoras en etapas iniciais, segundo o Informe GEM Galicia 2023-2024.
E, segundo datos da Rede de Polos de Emprendemento e Apoio ao Emprego, arredor do 57 % das persoas que acoden a estes recursos son mulleres.
Son datos que nos lembran algo importante: o emprendemento forma parte das opcións profesionais que xa están a explorar moitas mulleres en Galicia.
Pero desde REDE profesionaL* non queremos idealizalo nin presentar o autoemprego como unha solución para todas.
Emprender tamén implica incerteza, aprendizaxe, planificación, responsabilidade e asumir riscos.
Por iso, a nosa proposta é outra: coñecer as opcións para poder elixir.
Non queremos convencerte de que emprendas.
Queremos que, se algunha vez o consideras, teñas información, ferramentas, apoio e unha rede coa que compartir o camiño.
Esta é a primeira publicación da nosa campaña “Emprender tamén é...”, coa que queremos achegarnos ao emprendemento dunha maneira realista, crítica e libre de idealizacións.
💬 E ti? Algunha vez pensaches en crear un proxecto propio? Que necesitarías para valorar esa opción con máis seguridade?
Proxecto posible pola financiación da EuroCentralAsian Le***an* Community e a cofinanciación da Unión Europea.
