CS A Nubeira

Casa
España
Vigo
CS A Nubeira

⚡Centro Social Autoxestionado
🌩️ Rúa Pizarro 6. Vigo

25/08/2026

AULAS REGULARES | Capoeira de Angola co mestre Diego Sanromán 🪘

✨️ Mércores de 19h a 20:30h ✨️

Multinivel, para todas aquelas persoas con interese en iniciarse nesta práctica e cultura ou para aquelas que xa teñen algún tipo de noción.

Nestas aulas combínase movemento, ritmo, músicas e cantos afro-brasileiros, así como a toma de contacto con instrumentos tradicionais.

É preciso ser socia do Centro Social para participar 👥️👥️

Comezamos a partir do mércores 2 de setembro ‼️

📝 Formulario de inscrición: https://docs.google.com/forms/d/e/1FAIpQLSffjm9Gb4INitpxagjGZ51NTmWJh55GbIkXkT1xCvvD1XpUPw/viewform?usp=send_form

01/07/2026

🎹 Aquí tedes un anaquiño do marabilloso concerto que ofreceu Santiago Meijide na Nubeira

O músico vigués interpretou ao piano no noso espazo diversas obras de Bach, Beethoven, Chopin e Schumann 🎶

Moitísimas grazas, Santi, polo concerto, e a todas as persoas que viñestes por asistir 💙

25/06/2026

Mañá, venres 26, celebraremos unha nova Petiscada Bailada 🎶

Ven g***r da foliada e da nosa cantina e atrévete a botar uns puntos!

Lembra traer o teu instrumento sempre que non sexa moi ruidoso (con toda a dor do noso corazón, non podemos aceptar gaitas por temas de volume 😢).

Esperámosvos na Nubeira a partir das 20:30 🌩

12/06/2026

📢 É hora de construír !
Máis de 30 asociacións unímonos fronte a un modelo que goberna de costas á veciñanza. Reclamamos participación, defensa do territorio, vivenda accesible e un Vigo verde, integrador e con memoria!

🧺 VENTE AO NOSO PÍCNIC POPULAR!
Trae o teu xantar, goza da música e da actuación e participa na actividade de deseño da nosa cidade.

📅 Sábado 13 de xuño a partir das 13:00 h.
📍 Palco Pequeno de Castrelos.
🎙 Inclúe a lectura do manifesto
🎭 Actuación de Cándido Pazó e música en directo.

🤝 CHAMAMENTO A COLECTIVOS:
Plataformas e asociacións: unídevos á coordinadora para reconquistar o noso futuro en comunidade!

🔗 Toda a info e o manifesto completo na nosa bio (https://ovigoqqueremos.wordpress.com/).

04/06/2026

🏳️‍⚧️ AXENDA DE XUÑO NA NUBEIRA 🏳️‍🌈

🌞 É o mes do orgullo, en nada xa chega o verán, e nós seguimos tendo un feixe de actividades.

A mediados de xuño rematarán as aulas de guitarra, e tamén teremos debuxo, ioga, pilates, capoeira e adestramento de forza 🤸 Aproveitade, que estamos a final de curso e varias actividades rematarán a partir deste mes!

Tamén haberá faladoiros, concertos, filmes, libros, deporte... e, moi importante, xornadas de traballo para seguir mellorando o espazo 🛠️

Vémonos, como sempre en rúa Pizarro, 6 🌩️

03/06/2026

🌩 Boas, compas! 🌩

Na Nubeira poñemos en marcha un novo espazo para as crianzas, ofrecendo actividades alternativas que conecten a súa expresión co xogo e co desenvolvemento de habilidades manuais, tanto a nivel individual como de grupo, cun enfoque colaborativo e minimizando o rol competitivo.

Un lugar para experimentar, compartir e aprender en grupo!

Imparte: Gabriela Ladrero Martín 🌼

Gabriela é artesá e educadora con ampla experiencia no traballo manual e creativo. Especializada en fibras téxtiles e materiais diversos, leva anos acompañando a crianzas e persoas adultas en procesos de expresión, aprendizaxe e desenvolvemento a través das mans.

O seu enfoque baséase na experimentación, a imaxinación e o respecto polos ritmos individuais, promovendo un espazo creativo, colaborativo e conectado coa contorna.

🧒 Dirixido a crianzas de 5 a 11 anos.
(organizaranse dous grupos por idades)

Inscrición: https://docs.google.com/forms/d/1NQOW6NFHIuaj4lI49KBu0v5m4xrfCH3HcnETwUup_vo/

📍 CS A Nubeira
📅 A partir do 23 de xuño
🕔 Martes de 10:00 a 12:00

02/06/2026

Aproveitando a véspera do Día Mundial do Medio Ambiente, traemos unha charla impartida por médiques especializades en medicina de familia e comunitaria sobre a influencia bidireccional entre a nosa saúde e o medio ambiente.

Como inflúen as características ambientais no noso modo de enfermar?

Cal é a pegada do sistema sanitario no medio que nos rodea?

Que podemos facer nós para coidar da contorna na que vivimos e coidar así do noso estado de saúde?

Achégate e responde con nós a estas cuestións!

📍 CS A Nubeira
📆 Xoves 4 de xuño
🕖 19:00

27/05/2026

Aproveita que saíu o sol para poñer a punto os teus patíns!

🛼 Nunha data por definir (vota na enquisa da ligazón para decidila), quedaremos para facer mantemento de patíns xuntes. Limpa as rodas, axusta torcas, e aprende en comunidade sobre as partes do patín e como mantelas en bo estado.

https://docs.google.com/forms/d/1Baxni3dcU9hmziBGIjJZfu9g2k8kzuLmbCHqaRc8flU/

👉 Trae os teus patíns (xa estean novos ou nas últimas) e o teu bo rollo. Se tes ferramentas que queiras usar ou aprender a usar para isto, tráeas tamén.

Falaremos tamén de ir patinar xuntes algún día este verán :)

26/05/2026

🔴Vémonos na rúa este sábado 30 de maio, ás 12h, no cruce de Vía Norte. Por unha cidade libre de militares.

Dirección

Rúa Pizarro 6
Vigo

Página web

http://anubeira.gal/, https://t.me/+B8pKgUBC7G02YTBk

Notificaciones

Sé el primero en enterarse y déjanos enviarle un correo electrónico cuando CS A Nubeira publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.