25/08/2026
🚗⚠️ REORGANIZACIÓN MOBILIDADE BALAÍDOS: SOLICITAMOS XUNTANZA URXENTE CO CONCELLO!
🏛️🗣️Dende a sección sindical da CUT en Stellantis Vigo vimos de rexistrar formalmente a solicitude dunha reunión de traballo urxente co Departamento de Mobilidade e Urbanismo do Concello de Vigo ante a posta en marcha do novo modelo de reorganización e seguridade para os días de partido na contorna de Balaídos.
🏭 A EMPRESA DEBE ASUMIR A SÚA RESPONSABILIDADE:
Partimos dunha premisa clara e manifesta: debe ser a empresa principal, STELLANTIS, a primeira e máxima responsable de xerar e garantir espazos de estacionamento suficientes e axeitados para absorber o volume real de persoal. Esta obriga non pode limitarse ao cadro directo, senón que ten que engadir a todas as traballadoras e traballadores das empresas auxiliares, provedores, contratas e subcontratas.
📢 Que está a pasar co novo plan de días de partido?
Eliminación de centos de prazas de aparcamento, o dispositivo municipal agrava un colapso que xa é crítico:
🏍️ Reservas masivas de vía pública: tramos de 230 m na Avda. de Citroën para motos e 100 m para prensa, ademais de ocupacións en Fragoso. 🚫 Prohibición estrita de aparcamento perimetral: sen achegar alternativas tralo peche definitivo de espazos de aparcamento. 🚧 Caos para o persoal: estrangulamento dos accesos, risco inxusto de sancións e posibles atrasos totalmente involuntarios.
⚙️ 🌱📋 *CUT Citroën URXE UN PLAN DE MOBILIDADE SOSTIBLE AO TRABALLO (PMST) REAL E COORDINADO*
Ao abeiro da Lei 9/2025 de Mobilidade Sostible, a planificación municipal e a da empresa teñen que coordinarse de xeito obrigatorio: 1️⃣ 🅿️ Aparcamento suficiente e sen exclusións: Responsabilidade empresarial para garantir prazas a todo o cadro (directo e auxiliares) e xestión urxente de parcelas e novas zonas de estacionamento público.
2️⃣ 🚌 Transporte público adaptado: Liñas lanzadeira sincronizadas cos horarios reais de quenda (mañá, tarde, noite e fins de semana), reforzando frecuencias e capacidade.
3️⃣ 🚲 Mobilidade activa e segura: Carrís bici segregados e aparcadoiros seguros/pechados nas porterías con puntos de recarga para bicis e patinetes eléctricos (VMP).
4️⃣ 🔌 Descarbonización e coche compartido: Infraestrutura de recarga para vehículos eléctricos e vantaxes para vehículos compartidos.
✊ A FALTA DE PREVISIÓN NON A PODE PAGAR A CLASE TRABALLADORA!
