Plataforma veciñal mina Touro O Pino non

Página web Contactar con la organización

Plataforma veciñal mina Touro O Pino non Plataforma veciñal

💧 A SECA AMANAZA OS NOSOS RÍOS E A XUNTA SEGUE COA SÚA POLÍTICA EXPOLIADORA 💧Estamos xa a finais de outubro e a realidad...
20/10/2026

💧 A SECA AMANAZA OS NOSOS RÍOS E A XUNTA SEGUE COA SÚA POLÍTICA EXPOLIADORA 💧
Estamos xa a finais de outubro e a realidade volve ser teimosa: os ríos da comarca de Santiago e de toda Galicia están a sufrir unha caída drástica nos seus caudais. A falta de choivas e os efectos do cambio climático poñen en risco o abastecemento de auga para a poboación e a supervivencia dos nosos ecosistemas. 
Mentre a cidadanía ve con preocupación como diminúe o recurso máis básico e vital, a Xunta de Galicia continúa a promover e apoiar proxectos industriais extractivos e expoliadores que precisan cantidades inxentes de auga para funcionar.
Desde a Plataforma Veciñal Mina Touro-O Pino NON volvemos denunciar a irresponsabilidade que supón pretendere reabrir un megaproxecto mineiro a ceo aberto no noso territorio:
⚠️ Consumo masivo de auga: A actividade mineira require millóns de litros de auga para o procesamento de minerais, competencia directa co consumo humano e agrario nun momento de seca crítica.
⚠️ Risco permanente de contaminación: A drenaxe ácida e a filtración de metais pesados ameazan con contaminar de forma irreversible a cunca do río Ulla e os seus afluentes, comprometendo a auga potable da comarca e o sustento da ría de Arousa.
⚠️ Destrución do patrimonio natural: A degradación dos solos e do manto freático agrava a capacidade do territorio para reter e filtrar auga de forma natural.
A auga é un ben público e un dereito fundamental, non un recurso para que as multinacionais fagan negocio a costa da nosa saúde e do noso futuro.
Non podemos permitir que, mentres os nosos ríos se secan, a Xunta regale a auga de todas e todos aos proxectos mineiros. 
A AUGA É DA XENTE, NON DA MINA!

NON Á COMPRA DE BOINAS NIN Á MANIPULACIÓN SOCIAL DE COBRE SAN RAFAELDende a plataforma veciñal Mina Touro-O Pino NON den...
13/10/2026

NON Á COMPRA DE BOINAS NIN Á MANIPULACIÓN SOCIAL DE COBRE SAN RAFAEL
Dende a plataforma veciñal Mina Touro-O Pino NON denunciamos publicamente e de forma contundente o último movemento antidemocrático e desesperado vinculado ao contorno do proxecto mineiro de Cobre San Rafael no concello do Pino. 
A aparición de anuncios en redes sociais que ofrecen 45 € a cambio de asistir a supostos “grupos de discusión” ou sondaxes de opinión supón un auténtico escándalo e un insulto á dignidade dos veciños e veciñas da nosa comarca. 
¿Por que consideramos este feito dunha gravidade extrema?
Disfrazar propaganda de enquisa científica: Intentar facer pasar por un simple estudo sociolóxico ou sondaxe o que claramente é unha estratexia para orientar e comprar vontades é unha práctica tramposa. 
Compra directa da participación veciñal: O pago en metálico (45 €) busca captar persoas en situación de necesidade ou vulnerabilidade para construír unha falsa sensación de apoio social ao proxecto mineiro ou extraer argumentos para a súa estratexia publicitaria. 
Falta de transparencia: Este tipo de convocatorias non amosan abertamente quen está detrás nin cal é a finalidade real dos datos e opinións recollidos.A nosa dignidade, a nosa auga e a nosa terra non teñen prezo. Nin 45 euros nin ningunha cantidade van cubrir a destrución do noso contorno, a contaminación dos nosos ríos e a ameaza aos nosos medios de vida tradicionais.
Facemos un chamamento a toda a poboación do Pino e de Touro para que non se deixen enganar nin participar nesta clase de tramas. A dignidade dun pobo unido contra un proxecto devastador non se vende por unha esmola.
Seguiremos firmes na defensa do noso territorio, exixindo transparencia, respecto á cidadanía e o peche definitivo a calquera intento de reabrir a mina. 
A MINA NON SE VENDE! MINA TOURO-O PINO NON!

Como ben sinala Che Cancelo, portavoz da plataforma veciñal Mina Touro-O Pino non, as razóns polas que nos opoñemos rotu...
11/10/2026

Como ben sinala Che Cancelo, portavoz da plataforma veciñal Mina Touro-O Pino non, as razóns polas que nos opoñemos rotundamente a este proxecto e á catalogación da Unión Europea son claras e fundamentadas:
Incompatibilidade coa lei europea: Mentres a normativa da UE prioriza o reforzo da cadea de valor das materias primas críticas e a economía circular apostando pola reciclaxe e a minaría urbana, no proxecto de Mina Touro limítanse a extraer o cobre sen transformación en Galicia e xerando un esgotamento insostible dos recursos.
Precedentes e contradicións institucionais: A Xunta de Galicia xa declarara o proxecto cunha DIA negativa en 2020 para logo catalogalo como proxecto industrial estratéxico en 2024, evidenciando contradicións na busca da soberanía de materias primas que non se axustan á realidade de Touro.
Impactos históricos e ambientais inasumibles: A antiga mina pechou en 1986 sen un plan de rexeneración adecuado por parte das administracións ou da empresa, afectando gravemente aos ríos da contorna e incumprindo os estudos de augas e os estándares ecolóxicos.
Insostibilidade socioeconómica: Os supostos beneficios de emprego temporal (16 anos) non compensan o impacto e a destrución de negocios locais prósperos e sostibles no tempo, como a agricultura, a gandería ou as denominacións de orixe e Camiño de Santiago, os cales resultan totalmente incompatibles coa actividade extractiva.
Dende aplataforma temos claro que non imos quedar cos brazos cruzados e manteremos todas as vías de protesta e legais necesarias para frear a apertura desta mina. dende o minuto 14:49

Toda la actualidad de Santiago y comarca para finalizar la mañana: últimas noticias, el resumen de la jornada anterior, el tráfico y el tiempo. | Cadena SER

08/10/2026

🔥 VERGOÑA E ESCÁNDALO NO PARLAMENTO: A CONSELLERÍA DO MAR TRABALLA PARA A MINERA? 🔥
Escoitar a Conselleira do Mar no Parlamento é para botarse as mans á cabeza. Sen pórse colorada, vén de recoñecer ante toda Galicia que na Xunta hai un descontrol absoluto: que calquera funcionario pode asinar e subir o documento que lle dea a gana a través dun porta-sinaturas, sen supervisión, sen trazabilidade, sen garantías e sen que ninguén asuma a máis mínima responsabilidade! É dicir, para a Consellería, os informes oficiais da Xunta valen o mesmo ca un papel mollado se non lles conveñen. 
Pero o máis escandaloso e descarado é ver a quen defende a Conselleira. En lugar de protexer o noso mar, os nosos ríos e aos veciños, a Conselleira do Mar limita a facer de altavoz da propia empresa minera. 
Atent@s á “casualidade”:
💣 A empresa di que o informe técnico é “subxectivo” ➡️ A Conselleira repite que é subxectivo.
💣 A empresa di que quen o fixo “non leu o expediente completo” ➡️ A Conselleira repite exactamente o mesmo.
💣 A empresa ataca a validez do informe ➡️ A Conselleira ataca o traballo dos propios técnicos da administración. 
Quen manda realmente na Consellería do Mar: os técnicos que velan polo interese público ou a empresa que quere lucrarse á costa do noso futuro? Quen redacta os discursos da conselleira, a Xunta ou o gabinete de prensa da minera? 
Nin o seu descontrol administrativo nin a súa submisión aos intereses privados van parar a dignidade dun pobo. Non imos permitir que destrúan a nosa terra nin que vendan as nosas augas. 
📢 A MINA TOURO-O PINO NON SE FAI! A GALICIA NON SE VENDE!

Nin é representativo, nin ten validez ningunha: Unha estratexia de propaganda non decide o noso futuroQueremos deixar mo...
01/10/2026

Nin é representativo, nin ten validez ningunha: Unha estratexia de propaganda non decide o noso futuro
Queremos deixar moi claro á veciñanza de Touro, O Pino e de toda a comarca que este conxunto de “enquisas”, “urnas de consulta” e “grupos de debate” promovidos pola empresa carece do máis mínimo valor legal, científico e social. 
Non nos deixemos enganar por campañas de maquillaxe publicitaria:
1. Un proceso privado e de parte non ten lexitimidade: Unha consulta privada deseñada, xestionada e pagada pola propia empresa promotora non é ningún exercicio de participación cidadá nin de transparencia. É un mero estudo de mercadotecnia ao servizo dos seus propios intereses privados. 
2. “Carrexar” votos non altera a realidade: Que a empresa mobilice aos seus afíns para encher as súas urnas e enquisas online non reflicte a vontade real do pobo. A opinión da comarca xa se expresou de forma masiva, clara e repetida nas rúas e nas institucións: A comarca non quere esta mina. 
3. Cero validez xurídica e técnica: Os impactos ambientais, a contaminación das augas, o risco para a gandería, a agricultura e a saúde pública non se resolven nin se xustifican con “enquisas telefónicas” nin informes de parte. A protección do noso territorio rexese polas leis ambientais e pola loita veciñal, non por un lavado de cara promovido polos mesmos que pretenden destruílo. 
A veciñanza xa falou e segue a falar alto e claro, onde verdadeiramente importa: na defensa do noso monte, dos nosos ríos e do futuro da nosa terra.

Un informe técnico da propia Xunta avala as advertencias veciñais e sinala riscos "irreversibles" pola mina de Touro e O...
30/09/2026

Un informe técnico da propia Xunta avala as advertencias veciñais e sinala riscos "irreversibles" pola mina de Touro e O Pino
O documento da Consellería do Mar, que alerta do impacto dos metais pesados e as escorrentías na conca do Ulla e na Ría de Arousa, sae á luz despois de que a administración defendera que o proxecto contaba con todos os controis favorables. Dende a plataforma Mina Touro O Pino Non exiximos transparencia inmediata ante un ditame técnico que reafirma o que levamos anos denunciando: que a reactivación da explotación a ceo aberto por parte de Cobre San Rafael compromete de xeito irreparable o noso medio natural e a economía local.

A Consellería do Mar alertou de que as escorrentías da explotación en Touro-O Pino chegarían á ría máis produtiva de Galiza, mentres a empresa omitiu o estudo de bioacumulación de metais pesados

🚨 O RÍO ULLA EN ALERTA POR SECA... E QUEREN ABRIR UNHA MINA CONTAMINANTE?Mentres a Xunta declara a seca prolongada nos s...
26/09/2026

🚨 O RÍO ULLA EN ALERTA POR SECA... E QUEREN ABRIR UNHA MINA CONTAMINANTE?
Mentres a Xunta declara a seca prolongada nos sistemas do Ulla e Tambre, a nosa cunca hidrográfica xa está baixo unha presión extrema.
A auga é un ben escaso e vital para a nosa agricultura, a gandería, o marisqueo na ría de Arousa e o consumo de miles de veciños e veciñas. Non nos podemos permitir poñer en risco a calidade e o caudal dos nosos ríos cun proxecto megaminero a ceo aberto que ameaza con contaminar e consumir millóns de litros de auga.
💧 A auga é vida, non negocio.
Plataforma en Defensa da Ría de Arousa - Pedra

...

Dirección

Touro
15822

Notificaciones

Sea el primero en enterarse: le enviaremos un correo electrónico cuando Plataforma veciñal mina Touro O Pino non publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Contactar Con La Organización

Enviar un mensaje a Plataforma veciñal mina Touro O Pino non:

Atajos

Compartir