Plataforma veciñal mina Touro O Pino non

02/04/2026

02/04/2026

Non, non somos alle@s a isto.

Somos quen vive aquí, quen pisa esta terra cada día e quen non está disposto a calar.
Porque isto non vai de intereses alleos, vai do noso fogar.

Este vídeo é a nosa voz.
A voz dun pobo que se organiza, que se informa e que defende o seu.

Porque cando o futuro está en xogo, non mirar cara outro lado tamén é unha decisión.

28/03/2026

✍️ *INICIAMOS UNHA CAMPAÑA DE RECOLLIDA DE SINATURAS PARA EXIXIR QUE SE DENEGUEN DEFINITIVAMENTE OS PROXECTOS DE ALTRI E A MINA DE TOURO.*

Reclamamos a Alfonso Rueda que a Xunta exerza as súas competencias e denegue e, posteriormente, arquive de vez os proxectos da macrocelulosa en Palas de Rei e a mina en Touro-O Pino. Non podemos permitir que sigan adiante proxectos que ameazan o río Ulla, a ría de Arousa e as nosas vidas.

Os procedementos administrativos que se están a desenvolver pola Xunta a respecto do proxecto de celulosa de Altri non se axustan a dereito. Polo tanto, o que corresponde a estas alturas é que por parte da Xunta se resolva expresamente sobre o fondo da solicitude, desestimándoa dunha vez por todas.

🔗 Descarga o formulario no enlace e entregao no rexistro eletrónico da Xunta ou en calquera rexistro físico (Concello, Xunta, Subdelegación do Goberno): https://i.gal/resolucion-altri-mina

ℹ️ Neste mesmo enlace atoparás tamén instrucións de como presentalo no rexistro electrónico.

🔴 Tamén poderedes asinar nas mesas que durante os próximos meses poñeremos ó longo do país.

*RE-MATEMOS NÓS A CELULOSA DE ALTRI E A MINA DE TOURO*‼️

25/03/2026

Desde a plataforma veciñal Mina de Touro-O Pino NON damos un paso máis na defensa do noso territorio 💚

Hoxe presentamos unha campaña de recollida de sinaturas para esixir o arquivo definitivo dos proxectos de Altri e da mina de Touro. Non abonda con paralizacións temporais: queremos unha decisión clara e irreversible.

Seguiremos loitando pola nosa terra, pola auga e pola saúde das persoas.

21/03/2026

💔 O Ulla que foi… e o que está a ser.

Neste vídeo, Rosario lévanos de volta á súa infancia: un río Ulla vivo, limpo, cheo de vida. Un lugar onde as crianzas xogaban sen medo, onde había troitas, salmóns e natureza en estado puro.

Hoxe, o relato cambia. O río que antes era fonte de vida sofre as consecuencias da contaminación. E, como se non fose suficiente, enfróntase a unha nova ameaza: a reapertura dunha mina que xa no pasado deixou unha fonda pegada de destrución e danos ambientais.

📢 A memoria de Rosario non é só lembranza: é advertencia.
Non podemos permitir que a historia se repita.

💧 Coidar o río é coidar a vida.
💚 Defendamos o Ulla.

20/03/2026

A mina de Touro non é só pasado: décadas despois, a súa pegada segue no Ulla, con contaminación persistente e un salmón que nunca se recuperou de todo.

Unha reflexión necesaria sobre o impacto real da minería e as decisións que marcan o futuro do noso territorio.

Hai feridas ambientais que non desaparecen cando se pecha unha explotación mineira. Permanecen na paisaxe, nos solos e nas augas, ás veces durante décadas. A vella mina de cobre de Touro-O Pino é u…

16/03/2026

🚨 Os residuos mineiros tamén son unha ameaza en Galicia

Un recente artigo de El Correo Gallego pon o foco sobre varias instalacións de residuos mineiros consideradas potencialmente perigosas en Galicia, entre elas as de Monte Neme e Touro. Falamos de balsas e escombreiras procedentes de antigas explotacións mineiras que, se non están correctamente restauradas e controladas, poden supoñer un risco para o medio ambiente, os ríos e as persoas.

Desde a Plataforma Veciñal Mina Touro – O Pino NON levamos anos advertindo desta realidade: as minas deixan atrás pasivos ambientais que poden durar décadas. O sucedido recentemente en Monte Neme é unha mostra de que estes riscos non son teorías, senón problemas reais.

📢 Non podemos permitir que se repitan erros do pasado nin que se ignore o impacto que estas explotacións teñen sobre o territorio.

Defender a nosa terra, a nosa auga e o noso futuro é unha responsabilidade colectiva.

Ecoloxistas en Acción advierte de que estas instalaciones tienen 'muchos componentes contaminantes' y pueden derivar en filtraciones

14/03/2026

🌧️📢 Hoxe estamos na Praza da Quintana, en Santiago, participando no acto pola nosa lingua e aproveitando tamén para espallar información sobre a nosa loita.

Como plataforma veciñal Mina Touro Pino NON, estamos aquí falando coa xente e explicando os motivos polos que non queremos a mina no noso territorio. A defensa da lingua, da terra e da vida das nosas aldeas tamén vai da man.

Está chovendo e o tempo non acompaña moito, pero nin a choiva nin o mal tempo nos paran. Nós sempre estamos, na rúa, informando e defendendo o que é noso. 💪

Seguimos!

08/03/2026

📢 Cando vemos noticias así deberiamos parar e reflexionar. Moito.

Máis de 300 persoas mortas nun derrubamento nunha zona mineira na República Democrática do Congo, e máis de 700 vítimas en menos de dous meses. Non é unha historia afastada que non teña nada que ver con nós. É un recordatorio brutal do que pode ocorrer cando se pon a minería por riba das persoas, da seguridade e do territorio.

Aquí, en Touro e O Pino, preténdese abrir unha mina de cobre a ceo aberto xigantesca, nun lugar como Galicia onde chove intensamente durante boa parte do ano, onde os solos están saturados de auga e onde os ríos e regatos conectan todo o territorio. Nun contexto así, falar de balsas de residuos mineiros, montañas de estériles e movementos masivos de terra non é unha cuestión menor.

Que pasará cando cheguen as chuvias torrenciais?
Que pasará cos lodos tóxicos, cos metais pesados, cos ríos que abastecen ás nosas aldeas e explotacións agrícolas?
Quen asumirá as consecuencias se algo falla?

A historia da minería está chea de derrubamentos, roturas de balsas e desastres ambientais. Pensar que aquí sería diferente, nun territorio húmido como Galicia, é simplemente pechar os ollos á realidade.

Non falamos só de paisaxe.
Falamos de auga, saúde, agricultura, gandería e futuro para os nosos fillos e fillas.

Non queremos converter os nosos concellos nun experimento mineiro.

✊ Galicia non é un territorio de sacrificio.
✊ A nosa terra, a nosa auga e a nosa vida valen máis ca calquera mina.

Al menos 300 personas han mu**to en un nuevo derrumbe ocurrido en la zona minera de Rubaya, en el noreste de la República Democrática del Congo (RDC), informa este domingo a Efe...