Raizames

Casa
España
Taboada
Raizames

II Encontro da Cultura do Viño da Ribeira Sacra que se celebra en Taboada (Lugo)

30/05/2025

INSTALACIÓN FOTOGRÁFICA RETRÁTATE

De espazo RETRÁTE, da segunda edición de RaizameS, no que se intalou un estudo fotográfico ambulante entre a Casa Cuartel e a Casa da Cultura, capitaneado polo fotógrafo Abel Valdenebro; nace esta instalación efímera, que acompañou a celebración do actual RaizameS.

Presidiron a Praza de Riazón, as imaxes das xentes do mundo do viño, as miradas dos ribeiraos, as mans de traballadoras e traballadores e tamén, as fotos de toda a veciñanza e visitantes que, daquela volta, quixeron retratarse con Abel.

IMPORTANTE! ⚠️⚠️⚠️

As persoas fotografadas, poden achegarse á oficina da ACIMTA, en horario de 10h a 14h, de luns a venres; a recoller as súas fotografías.

Grazas a todas elas, por facer comunidade RaizameS!

30/05/2025

PROMOCIÓN DE PRODUTOS DE CALIDADE DIFERENCIADA

RaizameS configúrase como un grande escaparate, non só dos mellores viños da Ribeira Sacra; senon tamén, dos mellores produtos alimentarios.

Así, cada CATA ou degustación de VIÑOS incluída dentro da programación de RaizameS, acompañouse de petiscos/degustación de cortesía, cos mellores produtos locais:

Embutidos de Claudio Vilosa (chourizo e salchichón)
Empanadas de Panadería Darío.
Pan e empanadas de Panadería Novoa Neira S.L (panadería Carlos)
Galletas Sacrapastas. Artesanía Alimentaria.
Queixos Arzúa - Ulloa, Tres Viajeros e queixo crema da marca AIRA.
Galletas Xianas. Artesanais, sen aditivos.
Mel Covas 21 (Mel de Galicia. Indicación Xeográfica protexida)
Embutidos Carnicería Montes (cabeza e lacón prensados)
Pan galego

No ESPAZO GASTRONÓMICO habilitado para dar servizo á praza, xa por conta propia, tamén, elexindo calidade:

Tres fuciños: a mellor materia prima, da man desta cooperativa de pequenos produtores de porco celta.

Xeou! Xeados artesáns, fabricados a diario con produtos naturais e co leite da súa propia explotación.

Polbo á feira. Das nosas rías.

Os mellores alimentos, para os mellores viños.

xianas

30/05/2025

RaizameS_ OS APOIOS E FINANCIAMENTO

RaizameS é posible grazas á implicación das Administracións Públicas e de entidades privadas que ou ben economicamente, ou ben en colaboracións en cesión de espazos, ou materias primas, colaboran e sosteñen.

A todas elas, GRAZAS por apoiar un evento novo e de carácter diferenciador. Sabemos que o seu sostén é fundamental para consolidar esta cita, especialmente nestes primeiros momentos de arranque.

Xunta de Galicia
AGACAL
Deputación de Lugo. Turismo
Deputación de Lugo. Vicepresidencia
Concello de Taboada
Caixa Rural Galega
Consello Regulador da D.O Ribeira Sacra
Consorcio de Turismo Ribeira Sacra
Fundación Condado de Taboada
Aira SCG
Casa Grande de Covas

29/05/2025

RAIZAMES_ PAISAXE HUMANA

Se a Ribeira Sacra e moito máis ca paisaxe, un ENCONTRO como RaizameS é moito máis ca un evento do mundo do viño.

RaizameS é a vontade de abordar o mundo do viño da Ribeira Sacra, a súa cultura, e o seu latexo; dende unha mirada de dentro a fóra, con sensibilidade e respecto máximo.

RaizameS é a suma de mans, a alianza de esforzos e vontades; para conxugar nunha fin de semana, o encontro real de experiencias, proxectos e profesionais de máximo interese.

Organiza personificada no seu presidente Miguel Pavón, co apoio de Iván.

Idea e produce, a equipa de Noa López Producións. Con David Pinancho, Lorena Grandío, Benxa Vázquez, Yas Luaces e Dani.

Deseñan os contidos vitivinícolas, .es na persoa de Bruno Lobelle e Suso Costela e coordinan o Espazo Atmosfera Viño, co sorriso e bon facer de Marco e Manuel, alumnos do ciclo formativo de servizos da Fundación Belarmino Fernández.

Apoia e facilita, Héctor Ferreiro Abelairas.

Gratitude para elas e para todas as mans, que, de xeito menos visible, axudan tamén, colaboran e contribúen para facer que RaizameS exista.

io

28/05/2025

RAIZAMES NO MARCO DO TERRITORIO

Durante a celebración de RaizameS, o Consorcio de Turismo Ribeira Sacra, acompañou e arroupou, cun posto informativo, ubicado na propia Praza de Riazón.

RaizameS fala do territorio, e procura o desenvolvemento turístico sensible e sostible, da Ribeira. A presenza de Cristina, persoal técnico do Consorcio, fala do traballo en rede; da creación de alianzas entre todos os axentes implicados, en acadar un uso turístico da zona, baseado na calidade e na transmisión en primeira persoa.

Así mesmo, a alianza para dito desenvolvemento e o traballo en rede, dende RaizameS tamén llo debemos ao Consello Regulador D.O Ribeira Sacra; a todos os produtores implicados e a cada unha das entidades e administracións que apoiou, financiou ou deu sostén ao evento.

28/05/2025

CRÓNICA. Domingo 25

A sorpresiva e impactante actuación do Coro da Rá, baixo o seu formato de "concerto comando", a pé de rúa e público, colocou o broche de ouro á terceira edición de RaizameS.

Conseguiron captar miradas, ouvidos e atención; repasando un repertorio de referencias variadas; dende Andrés do Barro ata os máis destacados temas do pop, soul, rock, bossa e gospel. Músicas populares interpretadas con virtuosismo e delicadeza, polo coro compostelán, baixo a dirección de Ramón Bermejo.

Unha proposta artística máis, de máxima calidade, que se suma ao cartel xeral de RaizameS.

28/05/2025

CRÓNICA. Domingo 25

ATMOSFERA VIÑO con DAVID PASCUAL

O deseño da sesión do domingo, a última desta edición de RaizameS, debémoslla a David Pascual, que elexíu os bloques temáticos VIÑOS BRANCOS DE GARDA e RIBEIRA SACRA, PAISAXES SENLLEIROS.

Dende as 12h ata as 16h, dúas barras a pleno rendemento, ofertando viños especiais e escollidos con delicadeza e mimo, por David.

Ademais de contar os viños de ti a ti, a quen se interesou; realizouse a cata guiada e descoberta dos seis protagonitas da sesión.

Agora, a facer boca, ata a IV edición de RaizameS
espascval

28/05/2025

CRÓNICA. Domingo 25. O VIÑO, EMBAIXADOR DO TERRITORIO.
Rebeca Vázquez, directora do CPR Belarmino F. Iglesias, guiou o espazo de diálogo sobre o papel fundamental do viño como expresión viva da paisaxe, a identidade, a cultura e a forma de vida desta terra.

As adegas participantes (Alouviño, Lareu-Sabatelius e Alma das Donas) compartiron os seus proxectos desde unha mirada íntima e comprometida co territorio. Cada intervención reflectiu a estreita relación entre a viticultura heroica da Ribeira e a contorna natural e humana que a fai posible.

Ana B. López, técnica do Consello Regulador da D.O., ofreceu unha panorámica do camiño percorrido pola Denominación, subliñando os logros alcanzados e os retos que aínda quedan por afrontar para asegurar a súa continuidade e proxección de futuro.

Entre os principais desafíos, destacouse a urxencia de incentivar o relevo xeracional no rural, animando á mocidade a implicarse no sector vitivinícola. Para iso, insistiuse na importancia de que as administracións públicas impulsen novas iniciativas emprendedoras e garantan a igualdade de oportunidades no rural fronte ao ámbito urbano, facilitando o acceso a internet, tecnoloxías, vivenda e infraestruturas.

Reclamouse unha maior implicación institucional que axilice os trámites burocráticos e todos os participantes coincidiron na profesionalización do sector e na importancia da formación.

Outro eixo: o papel do turismo como oportunidade de desenvolvemento, non só en termos comerciais, senón como vía para convertir aos visitantes en verdadeiros embaixadores do territorio, a nosa cultura e a nosa paisaxe.

Defendeuse un modelo de turismo de calidade, que respecte e valore a contorna, fronte a propostas masificadas.

Resaltouse a necesidade de fomentar a colaboración entre todos os axentes implicados no territorio e de avanzar cara a un modelo de viticultura sostible, que asegure a preservación da paisaxe e a cultura para as xeracións futuras.

No remate, a degustación dos viños das adegas presentes e un petisco de produtos de Taboada.
lopezpardo

xianas

28/05/2025

CRÓNICA. Sábado 24.

QUEIMA DA FACHA.
Como anticipio ao mes de Setembro, para ir quentando motores para unha das convocatorias máis importantes do Concello de Taboada, queimouse unha facha.

O lume, a xeito de feche da nutrida xornada.

Para quen quedase con ganas de máis, o 7 de Setembro, en Castelo.

Asociación as Fachas de Castelo

28/05/2025

CRÓNICA. Sábado 24.

CONCERTO DE ANDHREA AND THE BLACK CATS

A banda chegou a Taboada, con toda a forza e o ímpetú, facendo un dinámico percorrido polos clásicos do blues "viejuno" como eles mesmos gustan chamar.

E RaizameS, bailou ao ritmo de cada un dos temas.
E os presentes, tamén!

28/05/2025

CRÓNICA. Sábado 24. ATMOSFERA VIÑO.

Na segunda sesión de ATMOSFERA VIÑO, de 19.00h a 23.00h, a selección de viños, foi de Fani Rodríguez Alves: o REXURDIR DAS CASTES ANCESTRAIS, BRANCAS E TINTAS.

Fani percorreu as mesas contando os viños de ti a ti, animou a experimentar, propuxo comparativas, incentivou o xogo; para rematar cunha dinámica descoberta dos viños elexidos, nunha cata guiada.

En RaizameS, as mellores conta-viños.
es

27/05/2025

CRÓNICA. Sábado 24.

A VITICULTURA A TRAVÉS DOS SENTIDOS

A través do xogo, do lúdico e do creativo; un achegamento das máis pequenas da casa á cultura do viño. E tamén das familias, que non perderon a oportunidade de voltarse cativos por un anaco.

Obradoiro olfativo dos aromas principais que adoitan conter os viños da Ribeira Sacra, para se cadra, espertar ansias de futuras enólogas, sumilleres, viticultores ou adegueiras!

Pintar con viño e estampar con selos feitos das rollas , con follas de viña.

E xogar... moito!

Con Monste, do equipo de Espiral Xestión Cultural, encargadas das actividades de divulgación e educativas do Museo do Viño de Galicia.

Dirección

Avenida De Lugo 59
Taboada
27550

Página web

https://raizames.com/

Notificaciones

Sé el primero en enterarse y déjanos enviarle un correo electrónico cuando Raizames publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.