A historia da moda é unha disciplina pouco estudiada dende o ámbito universitario, sendo precisa unha revisión dos estudios publicados nos anos cincuenta e unha actualización da relación existente entre a arte e a moda, tanto coma polo seu valor histórico intrínseco como para a súa utilidade na análise histórico-artístico das obras figurativas. Nestas xornadas, realizadas baixo o amparo da Unviers
idade de Verán, da USC, aportarase unha visión ampla e xeral da historia da moda, dende a Idade Media, como época na que reaparece o concepto de moda e que será o que marcará a evolución do deseño occidental, ata o mundo Contemporáneo, remarcando a estreita unión existente entre os deseñadores e os creadores de vangarda, que converterán a moda nun obxecto artístico máis, momento en que a vestimenta entra nos museos e figuras como Elsa Schiaparelli ou Yves Saint Laurent son considerados artistas e non só deseñadores. As distintas conferencias abarcaran temas moi variados, dende o mundo funerario ó cinematográfico, dos ballets rusos á creación actual de moda inspirada en patróns tradicionais, etc...
