CCOO da USC

16/03/2026

📣📣📣Rosa Crujeiras, elixida nova reitora da Universidade de Santiago de Compostela 📣📣📣

‼‼‼ A comunidade universitaria da Universidade de Santiago de Compostela vén de elixir a Rosa Crujeiras como nova reitora da institución, nun proceso electoral que marca un fito histórico: será a primeira muller en ocupar a reitoría da USC en máis de cinco séculos de historia ‼‼‼

Desde CCOO Ensino queremos trasladarlle os nosos parabéns pola súa elección e desexarlle o maior dos acertos nunha responsabilidade institucional de grande relevancia para o futuro da universidade pública galega.

Toda a información 👇🏻

A comunidade universitaria da Universidade de Santiago de Compostela vén de elixir a Rosa Crujeiras como nova reitora da institución, nun proceso electoral que marca un fito histórico: será a primeira muller en ocupar a reitoría da USC en máis de cinco séculos de historia.

11/03/2026

📣📣📣 Acta da comisión de seguimento da carreira horizontal 📣📣📣

‼‼‼ Unha vez asinada, compartimos por aquí a Acta da reunión da Comisión de seguimento do Acordo da carreira do persoal laboral e funcionario de Capítulo I, na que se aprobou o pago do 2º tramo da Carreira previsto para 2025 e que acadará así o 50% do total das retribucións por este concepto, ao engadirse un 10% adicional neste segundo tramo ‼‼‼

Como sabedes, dende decembro xa se cobra, como mínimo, o 40% do importe total de todos os graos que cada persoa teña recoñecidos.

Con este 2º tramo, na nómina de abril ese mínimo pasará a ser do 50%, percibíndose os atrasos correspondentes tamén dende xaneiro de 2025.

A contía a percibir en concepto de carreira, será pois o 50% do resultado de multiplicar o importe que corresponda, para cada grupo profesional, polo número de graos recoñecidos...

Toda a información 👇🏻

Unha vez asinada, compartimos por aquí a Acta da reunión da Comisión de seguimento do Acordo da carreira do persoal laboral e funcionario de Capítulo I, na que se aprobou o pago do 2º tramo da Carreira previsto para 2025 e que acadará así o 50% do total das retribucións por este concepto, ao...

09/03/2026

📣📣📣 Eleccións a Reitora da USC – 2026 📣📣📣

‼‼‼ Consulta a entrevista coas dúas candidatas nas eleccións a Reitora da USC (2026) ‼‼‼

En CCOO da USC falamos coas dúas candidatas e isto é o que nos contaron..... 👇🏻

https://ccooensino.gal/eleccions-a-reitora-da-usc-2026/

03/03/2026

Rexeitamos o ataque contra Irán: a escalada militar só agrava o sufrimento na rexión!!!

27/02/2026

🟥 Aclaracións sobre a nómina de febreiro e paga retroactiva:

📄 Estes días recibimos o ingreso da nómina mensual de febreiro actualizada e da paga retroactiva correspondente ao 50% da suba do 2,5% dende xaneiro de 2025, derivadas do Acordo Marco 2025-2028.

📌 Os puntos clave para que non teñas dúbidas coa nómina:

✅ Hai dúas nóminas, unha ordinaria denominada Paga Mensual e outra Paga Retroactiva
✅ Na paga mensual actualízanse todos os conceptos salariais incrementados no 2,5% de 2025 ao que se lle engade o 1,5% da suba de 2026
✅ Na nómina da Paga Retroactiva figura como Retencion abono atrasos o importe do 50% dos atrasos do 2,5% de 2025 que se nos pagará (devolverá) na paga de abril tal e como se anunciara previamente
✊ Na sección sindical de CCOO na USC estamos á túa disposición para calquera consulta.

21/01/2026

📣📣📣 COA NÓMINA DE XANEIRO O PERSOAL INVESTIGADOR E DE APOIO EMPEZARÁ A PERCIBIR TAMÉN O PAGAMENTO POR CARREIRA HORIZONTAL 📣📣📣

‼‼‼ O desenvolvemento da carreira horizontal, tamén para o persoal investigador e de apoio á investigación, xunto coa estabilización como persoal fixo dos contratos máis antigos e o desenvolvemento da contratación indefinida foron, nestes últimos anos, algúns do principais obxectivos da sección sindical de CC.OO na USC ‼‼‼

➡ Agora, unha vez que xa se superaron todos os trámites e notificacións individualizadas, podemos confirmar que o Persoal Investigador e de Apoio á Investigación da USC comezará a percibir xa coa nómina deste mes de xaneiro as retribucións derivadas do acordo sobre o proceso extraordinario de encadramento e acceso aos graos da carreira profesional horizontal.

➡ O acordo non foi fácil e as resistencias foron moitas. Na negociación coa USC, levada a cabo principalmente por CC.OO e a xerencia da USC, houbo que recorrer un longo proceso dende que se aprobara no claustro a emenda presentada polos membros do claustro agrupados na candidatura CUPAS aos orzamentos da USC. Nese proceso os delegados e delegadas de CC.OO que forman parte do persoal investigador e de apoio á investigación realizaron un gran esforzo, case sempre en solitario, na achega e discusión coa xerencia da USC de propostas e alternativas que o fixeran viable...

Toda a información 👇🏻

O desenvolvemento da carreira horizontal, tamén para o persoal investigador e de apoio á investigación, xunto coa estabilización como persoal fixo dos contratos máis antigos e o desenvolvemento da contratación indefinida foron, nestes últimos anos, algúns do principais obxectivos da sección...

20/01/2026

📣📣📣 A COMISIÓN DE SEGUIMENTO APROBA O PAGO DUN NOVO TRAMO DA CARREIRA HORIZONTAL, TAMÉN CON EFECTOS DE 2025 📣📣📣

‼‼‼ A carreira horizontal xunto co desenvolvemento e posta en marcha da promoción interna independente e a redución da temporalidade, favorecendo o acceso a persoal funcionario/a de carreira ou persoal laboral fixo, foi nestes anos un dos principais obxectivos da sección sindical de CC.OO na USC. En todos estes temas téñense producido avances importantes para o persoal da USC, todos eles froito do esforzo, da negociación e do traballo sindical ‼‼‼

➡ Neste sentido, o último avance é o acordo da comisión de seguimento, tomado na mañá deste venres 16 de xaneiro, de darlle o visto e prace ao pagamento do 2º tramo do Acordo para o recoñecemento da totalidade dos graos da carreira, asinado en decembro de 2024. Este 2º tramo acordado agora vén a supoñer un novo aumento adicional, do 10% na contía global da carreira a retribuír ao persoal da USC, que chegará desta maneira ao 50% do total.

➡ Como xa indicamos no mes de novembro, cando anunciamos a solicitude á xerencia da reunión da comisión de seguimento, o pagamento deste 2º tramo estaba pendente de “cuantificar” dende finais de setembro. Pois, segundo se establece no acordo, esa cuantificación debía facerse “xunto coa primeira previsión de peche orzamentario” e “tendo en conta os obxectivos en materia de carreira horizontal de PTXAS recollidos no Acordo do Claustro polo que se aprobaron as liñas xerais do orzamento da USC para 2025“...

Toda a información 👇🏻

A carreira horizontal xunto co desenvolvemento e posta en marcha da promoción interna independente e a redución da temporalidade, favorecendo o acceso a persoal funcionario/a de carreira ou persoal laboral fixo, foi nestes anos un dos principais obxectivos da sección sindical de CC.OO na USC. En ...

09/01/2026

📣📣📣 Publicado o Calendario Laboral da USC para 2026 📣📣📣

‼‼‼ Coma todos os anos, a sección sindical de CCOO da USC publicamos o novo calendario laboral para este ano 2026 ‼‼‼

➡ No calendario contémplanse os días festivos estatais, da comunidade autónoma, os locais de Santiago e Lugo e os festivos propios da USC.

Calendario laboral baseado na instrución de xerencia relativa ao calendario de festas, vacacións, permisos e horario do PAS para o ano 2026.

Calendario laboral da USC 2026👇🏻
https://ccooensino.gal/wp-content/uploads/2026/01/calendario-laboral-USC2026.pdf

19/12/2025

🎄🎄🎄 Un ano máis dende a Sección Sindical de CCOO da USC queremos compartir os nosos mellores desexos e mandarvos unha mensaxe de esperanza e ilusión.
Bo Nadal e próspero 2026 para vós e as vosas familias 🎄🎄🎄

04/12/2025

📣📣📣 CCOO SUSCRIBE O ACORDO DE MELLORA DE CONDICIÓNS NO EMPREGO PÚBLICO 📣📣📣

‼‼‼ O Consello Confederal de Comisións Obreiras, reunido este martes, acordou definitivamente dar o seu respaldo ao Acordo Marco pola Mellora do Emprego Público e o Servizo á Cidadanía, quedando pendente agora de realizar o acto formal de firma xunto ao Ministerio para a Transformación Dixital e da Función Pública ‼‼‼

➡ O Consello Confederal do sindicato destacou o papel relevante xogado por CCOO na negociación deste novo acordo, para facer avanzar as condicións de traballo e salariais do colectivo, xunto ás garantías de prestación dos servizos públicos esenciais, e comprometeuse a traballar para o cumprimento efectivo dos compromisos en materias pendentes do anterior acordo marco firmado en 2022 e dos contidos que aínda non se cumpriron no momento desta negociación

➡ O Consello Confederal, máximo órgano de goberno do sindicato entre congresos, agradeceu o esforzo negociador e o papel xogado polos representantes de CCOO para que este novo acordo recolla medidas necesarias, positivas, e os seus compromisos de cumprimento, así como recoñece e aplaude a participación do persoal de todas administracións públicas nas mobilizacións convocadas por CC.OO e outros sindicatos ata conseguir a presentación dunha proposta viable por parte do Goberno

➡ O acordo debe ser o camiño para avanzar en novos dereitos e garantías, e CC.OO estará vixiante para o cumprimento dos compromisos adquiridos polo Goberno a través do Ministerio para a Transformación Dixital e da Función Pública...

Toda a información 👇🏻
https://ccooensino.gal/ccoo-suscribe-o-acordo-de-mellora-de-condicions-no-emprego-publico/

26/11/2025

📣📣📣 MAIS DE 730 PERSOAS DO PAS LABORAL E FUNCIONARIO DA USC RECIBIRÁN 400 EUROS NO SEU PLAN DE PENSIÓNS ESTE MES DE DECEMBRO 📣📣📣

‼‼‼ A xerencia da USC confirmou esta semana que no mes de decembro realizará as achegas ao Plan de pensións do PTXAS laboral e funcionario. Segundo se indica no informe remitido pola xerencia, as aportacións correspondentes a ese ano 2025 acadarán un importe de 400,76 € para cada un dos partícipes, que se ingresarán o próximo mes de decembro ‼‼‼

➡ A achega destas cantidades prodúcese en aplicación do Acordo acadado o pasado mes de maio por CC.OO, sobre as axudas de matrícula e as demais medidas de acción social para ao persoal da USC, que permitiu atender tanto a gratuidade nas matrículas como asegurar as achegas ao Plan de pensións e manter o seguro de vida

➡ Por este motivo, este ano 2025 non será necesario acudir ao xulgado na procura de que o Tribunal Superior de Xustiza de Galicia (TSXG) obrigue a USC a facer efectivas as achegas do plan de pensións.

➡ Hai que recordar que nos últimos catro anos, as demandas promovidas por CC.OO xa supuxeron outro total individual de 1.505,48 € para cada un dos partícipes, ao que se sumarán agora estas novas aportacións de 400,76 € que se ingresarán en decembro no plan de pensións...

Toda a información 👇🏻

A xerencia da USC confirmou esta semana que no mes de decembro realizará as achegas ao Plan de pensións do PTXAS laboral e funcionario. Segundo se indica no informe remitido pola xerencia, as aportacións correspondentes a ese ano 2025 acadarán un importe de 400,76 € para cada un dos partícipe...

21/11/2025

📣📣📣 25N: UN PASO ADIANTE POR ESPAZOS LABORAIS LIBRES DE VIOLENCIAS MACHISTAS 📣📣📣

‼‼‼ Fronte ás violencias contra as mulleres e ante un novo 25N, dende CCOO reiteramos, tamén na USC, o noso compromiso coa erradicación de calquera forma de violencia contra as mulleres e facemos un chamamento ás traballadoras e os traballadores e ao conxunto da cidadanía para combatelas ata a súa total eliminación, tanto dos centros de traballo como do conxunto da sociedade ‼‼‼

➡ Chamamos a combatela desde todos os ámbitos, atallando as súas causas e aumentando os recursos e instrumentos públicos para a súa prevención e erradicación

➡ Chamamos ao rexeitamento frontal e á condena aos discursos negacionistas da violencia de xénero e antifeministas que poñen en perigo os avances, cuestionan as políticas públicas contra as violencias machistas e a educación en igualdade e revitimizan as mulleres superviventes

➡ Chamamos tamén ás traballadoras e traballadores e ao conxunto da cidadanía a participar, xunto co movemento feminista, nos actos reivindicativos do , para sumarnos ao berro global contra as violencias machistas...

Toda a información 👇🏻
https://ccooensino.gal/25n-un-paso-adiante-por-espazos-laborais-libres-de-violencias-machistas-2/