Terra e Tempo

18/09/2026

O vindeiro xoves 24 de setembro ás 20:00 no Espazo enocultural Vide, Vide! en Compostela decorrerá a presentación de 'A batalla pola nación. Historia da creación e consolidación da Unión do Povo Galego. Volume I (1950-1966)'.

Na presentación estarán presentes o autor, Ramón Ermida; María Antonia Pérez, presidenta da Asociación Cultural O Galo e Rubén Cela, economista..

Ao finalizar o acto poderase adquirir o libro, peza inaugural dunha investigación sobre a UPG que terá continuidade con outros dous volumes, que se achegarán ao período 1966-1972 e a etapa 1973-1982.

14/09/2026

Moaña acolle este xoves, 17 de setembro, a presentación do libro ‘50 aniversario do asasinato de Moncho Reboiras [1975-2025]’. Será ás 20h no salón de plenos do Concello e intervirán Coral Ríos, concelleira de Cultura; Lois Ríos, membro do Comité de Honra organizador dos actos do 50 aniversario do asasinato de Reboiras; e Bieito Lobeira en representación da Fundación Terra e Tempo de Estudos Nacionalistas.

06/09/2026

Actos en lembranza de Bautista Álvarez. O sábado 12 de setembro a UPG realizará no cemiterio de San Cibrao das Lás, no concello de San Amaro, unha ofrenda floral a Bautista Álvarez, na que haberá unha intervención de Bieito Lobeira, membro do secretariado político da UPG. E ás 18.30, no local social de San Cibrao das Lás, a Fundación Terra e Tempo de Estudos Nacionalisras presenta o libro 'A batalla pola nación. Historia da creación e consolidación da Unión do Povo Galego. Volume I (1950-1966)'. Estarán presentes o autor, Ramón Ermida, e o presidente da Fundación Terra e Tempo, Francisco Rodríguez.

04/08/2026

25/07/2026

Presentación no Día da Patria Galega: Este 25 de Xullo, ás 18.45 horas, na Galería das Letras e das Ideas do FESTIGAL (Campus Vida, Compostela) decorrerá a presentación do libro 'A batalla pola nación. Historia da creación e consolidación da Unión do Povo Galego. Volume I (1950-1966)'. É o primeiro tomo dunha investigación sobre a UPG, que terá continuidade nos anos seguintes con outros dous volumes, que se achegarán ao período 1966-1972 e a etapa 1973-1982. Na presentación estarán presentes o autor, Ramón Ermida, o presidente da Fundación Terra e Tempo de Estudos Nacionalistas, Francisco Rodríguez, tamén prologuista do libro, e a xornalista María Obelleiro.

17/07/2026

Este sábado, 18 de xullo, proxectarase en Arzúa o filme ‘Reboiras. Acción e corazón’ nun acto organizado polo BNG e Galiza Nova de homenaxe a Moncho Reboiras. A seguir, haberá un coloquio, petiscos e foliada.

13/07/2026

Este mércores, 15 de xullo, proxectarase en Vigo o filme ‘Reboiras. Acción e corazón’ nun acto con motivo da Semana da Patria Galega, organizado polo BNG e que contará cun coloquio coa participación do director do documentario, Alberte Mera. Ás 19hs en RioLagares.

09/07/2026

Este domingo, 12 de xullo, Vilaboa acolle esta homenaxe a Moncho Reboiras.
O acto, organizado polo BNG na Casa da Cultura de Riomaior, contará coa proxección do filme ‘Reboiras. Acción e corazón’ e a continuación haberá un coloquio coa participación do director do documentario, Alberte Mera .

27/06/2026

https://www.facebook.com/share/1GaBWmCmzm/

O espazo sociocultural Moncho Reboiras abriu este sábado 28 de xuño as súas portas. É a sede da Fundación Terra e Tempo de Estudos Nacionalistas e está desti...