MicoCultores

05/12/2025

Queres aprender a cultivar cogomelos na casa?

Únete aos nosos obradoiros e comeza a cultivar os teus propios cogomelos gourmet e medicinais na casa!

as clases son unha por cada nivel, cunha duración de entre 1 e 2 horas.

Básico - Preparación de substratos para varios cogomelos e inoculación con sementes de gran. Inclúe un kit de cogomelo rosa que poderás levar para casa.

Intermedio - Preparación e elaboración de sementes de gran e cultivos líquidos. Inclúe un frasco de gran e un cultivo líquido de Melena de león para levar para casa.

Avanzado - Preparación de placas de agar que se usan para clonar cogomelos e tamén xerminar esporas. Inclúe 5 placas de agar inoculados con o cogomelo de chopo que podes levar para casa para traballar con elas

19/07/2024

Xa temos data para a 3ª edición do noso curso CULTIVAR COGOMELOS COMESTÍBEIS E MEDICINAIS NA CASA!
🍄🍄
O 21 de setembro, estaremos unha vez máis na , disfrutando dunha boa xornada falando sobre fungos e traballando con eles.
Máis info aqui:
https://escolaunitaria.com/2024/07/16/cultivar-cogomelos-comestibeis-e-medicinais-na-casa-cloned/
🔥🔥
Ata breve!!

13/05/2024

Digo moitas veces a Ellis que estamos protexidos polos anxos e que “nacemos co cu virado para a lúa”, que ven sendo o mesmo que dicir en bo portugués que temos moita sorte.
Isto sentímolo tamén ao final de cada obradoiro que impartimos. Non sei se son eses mesmos anxos ou se son os cogomelos, pero sexa como for, tráennos sempre boa xente para a nosa beira e así se vai formando a nosa rede micelial.
Desta vez non esquecemos facer fotos. Cortesía de Fer, da Unitaria 😉
Estade atentos(as) que, despois do verán, iremos repetir este obradoiro e teremos máis un par de novos proxectos para compartir convosco!

09/05/2024

Sábado, día 17, imos estar en Vigo, en .talleresyeventos , co noso obradoiro de introdución ao cultivo de cogomelos na casa.
🍄🍄
Imos aprender as nocións básicas sobre como é a vida dos cogomelos e o seu cultivo na casa.
🍄🍄
Se aínda non estás apaixonado(a) polos cogomelos, seguro que vas quedar despois deste obradoiro. E, no final, levarás contigo un balde cun cultivo biolóxico de Pleurotus djamor (cogomelo-ostra-rosa) OU Pleurotus citrinopileatus (cogomelo-ostra-dourado) para que os vexas crecer pasiño a pasiño na túa casa... e comer, claro!
Levaremos kombuchas para xuntar á merenda de Almu (se as botellas non explotaren polo camiño😅)!

02/05/2024