Fademga Plena inclusión Galicia

25/06/2026

Neste 2026 cúmprense 20 anos dende que a ONU adoptou a Convención Internacional sobre os Dereitos das Persoas con Discapacidade.

Co obxectivo de facer balance desta viaxe, as entidades do Cermi Galicia iniciamos hoxe unha campaña conxunta para compartir con vós onde estamos e a onde imos.

Acompáñanos nas vindeiras publicacións onde falaremos de cada un destes desafíos.

22/06/2026

FADEMGA leva ao Parlamento a realidade das persoas con discapacidade intelectual ante os efectos da Lei 8/2021

En unas jornadas organizadas por los notarios debatieron sobre la figura de la guarda de hecho o la falta de previsión respecto a la realidad heterogénea del colectivo

22/06/2026

Cando unha situación se volve complexa, contar cunha rede de apoio profesional pode marcar a diferenza.

A Rede de Asesoramento en Conduta de FADEMGA Plena inclusión Galicia é unha iniciativa pensada para asesorar, fortalecer e colaborar con institucións, organizacións e familias ante condutas de difícil manexo en persoas con discapacidade intelectual ou do desenvolvemento.

Dende unha mirada construtiva, esta iniciativa lembra algo esencial: as condutas complexas non se poden abordar dende a improvisación nin dende o illamento profesional. Precisan análise, coordinación, tempo e apoio especializado.

Por iso, animamos ás e aos profesionais a interesarse por esta rede, coñecer o seu funcionamento e vela como unha oportunidade para fortalecer a intervención e acompañar mellor.

Se queres máis información ou solicitar apoio, podes facelo a través do correo [email protected] ou do teléfono 698 182 179.
Na web tamén están dispoñibles a ficha de solicitude e a ficha de autorización: https://www.fademga.org/gl/grupos/rede-de-asesoramento-en-conduta

Difunde esta iniciativa entre equipos profesionais, entidades e persoas de apoio. Crear mellores contornas tamén é un traballo compartido!

21/06/2026

Sabías que hai un selo que celebra un avance histórico nos dereitos das persoas con discapacidade? 💌

Correos lanzou un novo selo dedicado á reforma do artigo 49 da Constitución. Un cambio importante, porque substitúe unha linguaxe obsoleta por outra que recoñece ás persoas con discapacidade con máis dignidade, respecto e enfoque de dereitos. Ademais, o selo leva o número 49 en braille. ✨

Pode parecer un detalle pequeno, pero non o é.
Os símbolos importan. As palabras importan. E tamén importa que estes avances saian do papel e cheguen á vida real: a máis accesibilidade, máis oportunidades e máis igualdade. Porque cambiar a Constitución foi importante, pero o verdadeiro cambio será que ninguén quede atrás. 🌍💙

19/06/2026

🍀Seguimos traballando para que a información importante sexa tamén información comprensible. 💙

Estes días estivemos adaptando a lectura fácil a tradución do Código Ético de Plena inclusión, unha ferramenta que recolle os valores que orientan o noso movemento asociativo e que nos axuda a tomar decisións no día a día dende o respecto, a xustiza, a vida plena, o diálogo e a integridade.

🧐Porque a ética ten que entenderse.
👫Ten que compartirse.
⭐E ten que servir para mellorar a vida das persoas.

Con este traballo queremos achegar o Código Ético ás persoas con discapacidade intelectual e do desenvolvemento, ás familias, ás entidades e ás persoas profesionais, reforzando o dereito a comprender, participar e decidir.

Informarémosvos nas redes cando estea dispoñible para descarga.

A accesibilidade cognitiva tamén é transformación social!
Co financiamento de Fundación ONCE e do Ministerio de Derechos Sociales Consumo y Agenda 2030

18/06/2026

O vindeiro luns, 22 de xuño, FADEMGA estará en CoideCee, un ciclo de charlas sobre saúde das mulleres con temas que importan, e moito.

Nós chegamos coa charla: ✨ “Lilith: falamos do que non se ve” ✨

Porque hai realidades que seguen demasiado escondidas: mulleres con discapacidade, saúde, dereitos, tabús, coidados, liberdade… e todo iso que ás veces non aparece no feed, pero está na vida real.

📅 22 de xuño
🕔 17:00 h
📍 Casa da Cultura de Cee, 3º andar

Vémonos alí para falar claro, escoitar forte e poñer o foco nas realidades máis esondidas.

18/06/2026

Esta semana levamos unha das nosas charlas xurídicas ao CAPD Souto de Leixa, en Ferrol, onde tivemos unha acollida estupenda. 💙

Dende o Servizo Xurídico de FADEMGA Plena inclusión Galicia seguimos achegando información clara, útil e próxima sobre cuestións que preocupan ás persoas con discapacidade intelectual e ás súas familias: patrimonio protexido, herdanzas, apoios no exercicio da capacidade xurídica e outros temas clave para tomar decisións con máis seguridade.

Se estás interesado/a en solicitar unha destas charlas, podes atopar información sobre como facelo na nosa web: https://www.fademga.org/gl/proxectos/asesoria-xuridica

17/06/2026

🏃‍♀️‍➡️Vivimos correndo, entre pantallas, avisos e preocupacións que ás veces non nos deixan nin respirar con calma. 🏃‍♀️

🌳Por iso nace “Pausa en verde”, unha actividade pensada para baixar o ritmo, reconectar co presente e coidar a saúde mental dende a natureza.

Está dirixida a persoas con discapacidade intelectual ou do desenvolvemento, con prioridade para quen estea a vivir situacións de ansiedade ou estrés.

🌱Ás veces pensamos no benestar como algo complicado, cando tamén pode empezar con algo tan sinxelo como camiñar amodo, escoitar o que nos rodea e regalarnos un intre sen présas.

Se cres que esta proposta pode facerlle ben a alguén, compártea, difúndea e axúdanos a que chegue a máis persoas. Podes consultar o programa e inscrición na nosa web: https://www.fademga.org/gl/novas/pausa-en-verde-unha-actividade-para-parar-respirar-e-conectar-coa-natureza.html

17/06/2026

O pasado 2 de xuño estivemos no CEIP Rodolfo Núñez Rodríguez, en Vilardevós, compartindo unha xornada de sensibilización cos 31 alumnos e alumnas do centro.

A través da lectura de El cazo de Lorenzo e de varias dinámicas adaptadas por idades, falamos sobre a discapacidade intelectual, as dificultades que poden atopar algunhas persoas no seu día a día e a importancia do apoio, o respecto e o bo trato.

Desnde FADEMGA seguimos apostando por levar estas charlas tamén aos centros educativos do rural, onde sempre nos reciben coa mellor disposición.

Porque educar en inclusión dende a infancia é dar pasos cara a unha sociedade máis xusta e máis humana.

13/06/2026

O pasado xoves 4 e venres 5 de xuño mantivemos reunións cos grupos de persoas autoxestoras de Galicia para comezar a organizar o 24 Encontro Autonómico. E aquí ven o anuncio que moitas e moitos esperávades: xa temos nova data para volver atoparnos! Verémonos o próximo 30 de outubro no Restaurante Los Robles. Ide gardando a data na vosa axenda 🗓️

Dende a Federación, poñémonos a traballar arreo para preparar un programa que dea resposta ás inquedanzas e intereses de todas as persoas autoxestoras. 😍

As voces das persoas autoxestoras marcan o camiño 💙