Asociación Forestal de Galicia - AFG

24/10/2026

🤝 Para rematar esta semana repleta de acontecementos e visitas, recibimos a unha delegación de profesionais do sector forestal francés, agrupados en FIBois.

🌲 O grupo, composto por representantes de toda a cadea do sector forestal francés, visitou entre o 20 e o 23 de outubro varios montes e empresas relacionados coa silvicultura do piñeiro do país.

✈️ A recente chegada do nematodo do piñeiro aos piñeirais franceses decidiunos a visitar Portugal e Galicia para coñecer de primeira man como se estaba xestionando este tema aquí, nunha xira organizada por Interco Nouvelle Aquitaine.

🗣️ A AFG acompañounos nunha visita a un monte afectado pola doenza. Ademais, en Galicia, visitaron o serradoiro de Hermanos Castro en Ponteareas, o Centro de Investigación Forestal de Lourizán, mantiveron un encontro en Pontevedra coa Fundación Arume, FINSA e a Consellería de Medio Rural e participaron o día 21 no seminario técnico sobre sanidade e mellora dos montes de 'Pinus pinaster' que tivo lugar en Ponteareas dentro das actividades do Grupo Operativo PLANFORLAB.

-france .nouvelleaquitaine

23/10/2026

🤝 O 21 e 22 de outubro tivemos o pracer de recibir a visita dos nosos colegas da Forestis – Associação Florestal de Portugal.

🌳 Con eles visitamos os montes demostrativos de Mouriscados (Mondariz), Castelo (Culleredo) e Pico Sacro (Boqueixón), despois de que a pasada primavera eles nos acolleran para unha visita semellante no Norte de Portugal.

🫂 Foron dúas xornadas moi enriquecedoras que serviron para estreitar os lazos que nos unen desde hai moitos anos.

22/10/2026

🍂 Máis de 90 persoas participaron onte no Seminario técnico Sanidade e mellora dos montes de 'Pinus pinaster' que tivo lugar no Centro Cultural Xinzo en Ponteareas dentro das actividades do Grupo Operativo PLANFORLAB.

🗣️ Un nutrido grupo de persoas expertas na temática, analizou a situación actual da sanidade do piñeiro do país, e tamén do radiata, e expuxeron as liñas de investigación que se están levando a cabo para paliar os efectos das principais doenzas que os afectan.

🌿 Representantes da industria do serrado do piñeiro e da propiedade forestal debullaron os retos da silvicultura e a demanda de madeira.

✂️ O seminario foi inaugurado pola directora xeral de Ordenación e Planificación Forestal e polo presidente da Asociación Forestal de Galicia.


ℹ️ O proxecto PLANFORLAB enmárcase no Plan Estratéxico da Política Agrícola Común (PEPAC) 2023-2027, financiado nun 80 % polo Fondo Europeo Agrícola de Desenvolvemento Rural (FEADER) da Unión Europea e nun 20 % polo Ministerio de Agricultura, Pesca e Alimentación (MAPA). A Dirección General de Desarrollo Rural, Innovación e Formación Agroalimentaria (DGDRIFA) é a autoridade responsable da aplicación das citadas axudas. Orzamento total do proxecto: 599 134,22 €. Subvención total: 599 134,22 €.

20/10/2026

➡️ Hoxe asistimos en Santiago a Piñeiros 2026 o encontro internacional especializado nas coníferas.

✅ Ademais da asistencia dunha nutrida representación persoal e persoas propietarias forestais da Asociación Forestal de Galicia, o director económico da AFG, Daniel Rodríguez participa como relator na mesa redonda “Mover os marcos, novos modelos para a xestión da propiedade forestal”.

16/10/2026

A AFG asistiu e participou hoxe no I Encontro Forestal do Noroeste, celebrado en Ribadeo.

Falouse, e moito, da propiedade forestal e da necesidade de apoiala, incentivala e camiñar de maneira conxunta como sector cara a xestión activa do monte.

14/10/2026

📢 Dentro do Grupo Operativo PLANFORLAB no que participa a Asociación Forestal de Galicia, o mércores 21 de outubro celebrarase o seminario técnico Sanidade e mellora dos montes de 'Pinus pinaster' no Centro Cultural Xinzo en Ponteareas.

🌲 Neste seminario abordarase a situación actual dos piñeirais, a mellora xenética, os retos da silvicultura e a demanda de madeira.

🕔 A sesión será inaugurada pola directora xeral de Planificación e Ordenación Forestal, María Luisa Piñeiro e o presidente da AFG, Antonio Rigueiro, e nel participarán investigadores, representantes das persoas propietarias forestais de Galicia e Portugal e empresarios relacionados coa industria do piñeiro.

📑 O programa do seminario pódese consultar neste enlace:http://www.asociacionforestal.gal/datos/programas/Programa_PLANFORLAB_outubro2026.pdf

📝 As inscricións deben facerse a través deste formulario: https://forms.cloud.microsoft/Pages/ResponsePage.aspx?id=4gx-Ad_6PUezkXmwKcMA_ft676hMi_1GuNL9mqbZC4dUOTE4NlM2TVA1WE5KMTg3TlFHNVlVU1QyUi4u

ℹ️ O proxecto PLANFORLAB enmárcase no Plan Estratéxico da Política Agrícola Común (PEPAC) 2023-2027, financiado nun 80 % polo Fondo Europeo Agrícola de Desenvolvemento Rural (FEADER) da Unión Europea e nun 20 % polo Ministerio de Agricultura, Pesca e Alimentación (MAPA). A Dirección General de Desarrollo Rural, Innovación e Formación Agroalimentaria (DGDRIFA) é a autoridade responsable da aplicación das citadas axudas. Orzamento total do proxecto: 599 134,22 €. Subvención total: 599 134,22 €.

A ASOCIACIÓN FORESTAL DE GALICIA é unha asociación privada sen ánimo de lucro, creada en Santiago de Compostela en 1986. Agrupa a propietarios forestais particulares e comunidades de montes veciñais de Galicia.

09/10/2026

⚒️ A Asociación Forestal de Galicia está traballando xuntamente co resto das organizacións da cadea forestal galega na análise do Anteproxecto de Lei de loita contra os incendios forestais de Galicia.

🎯 O obxectivo é conseguir unha nova lei de incendios eficaz desde o punto de vista preventivo e viable para as persoas propietarias, comunidades de montes, xestores e empresas forestais.

🍂 O sector forestal considera que o proceso de elaboración da nova Lei constitúe unha oportunidade para avanzar cara un modelo de prevención cada vez máis ligado á xestión do territorio, buscando que as medidas que finalmente se adopten poidan manterse de forma eficaz e sostible a longo prazo.

👷 “A mellor garantía para manter un territorio coidado é que exista interese en xestionalo. Prevención e xestión forestal activa deben avanzar xuntas.”

ℹ️ https://asociacionforestal.gal/as-asociacions-da-cadea-forestal-traballan-xuntas-para-conseguir-unha-nova-lei-de-incendios-efectiva-e-de-consenso/

30/09/2026

🌲 O Grupo Operativo Piña chega ao seu final despois de tres anos de intenso traballo.

📽️ O resumo do traballo conxunto dos centros de investigación, viveiros e persoas propietarias forestais, faise nun vídeo que agora presentamos onde se resume a grandes trazos os obxectivos e a metodoloxía da investigación.

🌱 GO Piña conseguiu poñer en marcha unha posibilidade máis rápida e eficiente de multiplicar e poñer planta no mercado de boa calidade xenética.

👷 Remata GO Piña, pero os resultados que se acadaron quedan a disposición das persoas máis interesadas en que o proxecto tivera éxito, os silvicultores e silvicultoras dos piñeirais galegos do futuro.

https://gopiña.gal/video/

O Grupo Operativo Piña estivo financiado pola Axencia Galega da Calidade Alimentaria (AGACAL), coa achega económica de Fondos Feader (UE), e contou coas seguintes entidades socias: Fundación Arume, Viveiro Costa de Lóngaras SLU, Hifas Foresta, Asociación Forestal de Galicia, Asociación Sectorial Forestal Galega, Dirección Xeral de Ordenación e Planificación Forestal, Centro de Investigación Forestal de Lourizán, Grupo Tragsa e Cooperativa de Mejoramiento Genético Forestal de Chile.

22/09/2026

🗣️ Hoxe tocou defender os intereses da propiedade forestal na reunión do Consello Forestal de Galicia na que se presentou o Anteproxecto de Lei de loita contra os incendios forestais de Galicia.

👷 Nos días vindeiros está previsto traballar xuntamente co resto das organizacións sectoriais na análise detallada do anteproxecto.

📃 A envergadura deste texto normativo require dun gran esforzo conxunto para acadar unha norma efectiva e duradeira, que teña unha incidencia máis alá do papel e da descarga da responsabilidade da prevención na propiedade forestal e nos concellos.

18/09/2026

➡️ Hoxe o director económico da Asociación Forestal de Galicia, Daniel Rodríguez, participa en Madrid nun grupo de traballo de persoas expertas en fiscalidade forestal.

❓ FORESTAX, promovido polo Instituto de Estudios Fiscales, analiza o papel que desempeña actualmente a fiscalidade na xestión forestal en España e estudia en que medida o marco tributario pode favorecer ou dificultar a xestión activa, o investimento e a mobilización de recursos forestais.

📊 Daniel Rodríguez expón neste grupo a necesidade de que a propiedade forestal conte cunha fiscalidade axeitada para favorecer a xestión forestal sostible. Os seus máis de 20 anos de experiencia no tema traballando na Asociación Forestal de Galicia, avalan a consistencia das súas propostas.