Asociación Cultural Campaneiros de Galicia

23/01/2026

Mentres estamos a sufrir os estragos do paso da borrasca Ingrid é bo lembrar o papel que xogaban as campás nestas ocasións. Tanto néboas coma treboadas podían ser orixe de moitos contratempos, sobre todo en territorios rurais. A climatoloxía podía afectar tanto coma para perder colleitas, provocar inundacións ou mesmo incendios, polo que ante a falta doutro método de predición ou control xurdiron en todo o territorio nacional toques que tentaban invocar axuda para frenar estes episodios meteorolóxicos. Así o "tentetrono" coma o "tentenublo" son exemplos de usos civís que podían desempeñar campás parroquiais. Nestas imaxe podemos ver ao noso compañeiro tocando o "tentenublo" dende a .

20/01/2026

Sendo a parroquia do Sagrado Corazón da Estación, en Monforte,o campanario só podían ser antigas vías do tren. A parroquia reformouse nos anos 60 e ante a necesidade dunha ubicación para as vellas campás improvisosouse unha estructura para empregalas. Como vedes ten o seu mérito ser capaz de sacarlles son nesas condicions, pero Sergio Vila foi quen pola festa do Carme de recuperar o toque ao rematar a procesión.

19/01/2026

Hoxe querémosvos falar dos sons "diexéticos" dunha película. Non, non toleamos de vez, pero é así como se denominan dentro da banda sonora os sons que reproducen o que está a pasar na acción, coma por exemplo o son dunha badalada. E de entre todos os exemplos dos que podíamos falar o recente filme .filme é perfecto para explicar todo isto. Dirixido por Miguel Angel Delgado, foi rodado entre a illa de San Simón e Celanova e precisamente nesta última localización, foi gravada gran parte da música orixinal no órgano do Mosteiro de San Salvador así coma as campás que se escoitan na película. O campaneiro foi un dos nosos socios, , que recreou un "toque a viático" para engadir máis veracidade a narración. A banda sonora estivo a cargo de , músico dunha extensa traxectoria e para o nosa fortuna compañeiro na coma organista.

07/01/2026

Hoxe queremos felicitar a , polo recente conseguido pola súa nova obra "La ciudad de las luces muertas". Seguro que case todos coñecedes a súa faceta de escritor pero David desenvólvese tamen con soltura coma músico, de feito esta foi a faceta que o trouxo a Santiago durante varios veráns. O seu compromiso coa cultura e o patrimonio levou a querer formar parte da asociación e no apostolo do 2024 chegou a tocar Santiago a Maior durante o repique francés. Mentras agardamos por el no campanario so nos queda desexarlle moitos máis logros literarios.

06/01/2026

Hoxe celébrase a Epifanía do Señor e en moitas parroquias oficiase misa pola festividade. Nestes datas as chamadas á misa adoitan ser repiques máis alegres e longos dos habituais. Neste caso o toque é do noso asociado na parroquia de Santa María de Burela, na antiga igrexa parroquial no barrio de Vila do Medio.

31/12/2025

FELIZ ANINOVO!!! Dende a asociación desexámosvos un feliz 2026.

31/12/2025

Remata o ano e tamén moitas etapas dentro da asociación. Hoxe queremos homenaxear o noso vicepresidente que logo dunha vida como campaneiro da catedral de Mondoñedo xubílase este decembro. Para entender a importancia da figura de Valentín Insua debemos ter en conta que de todas as catedrais de España, Mondoñedo foi a única que nunca chegou a estar electrificada, isto quere dicir, que dende a fundición das campás fai varios séculos, soamentes o mans dos campaneiros foron os encargados de facelas cantar. Valentín retírase deixando atrás décadas de labor na que dende a Paula, campá maior encargada de marcar o ritmo propio da cidade. A hora de comezo e remate da labor, a chamada aos oficios, as festividades, defuncións, todo estivo dirixido por el dende a torre e aínda que agora se retira oficialmente non nos cabe dúbida de que seguirá a traballar pola cultura e patrimonio da súa terra. Un pracer e unha honra poder contar con el na nosa asociación.

25/12/2025

Nestas datas de Nadal queremos lembrar a todos os campaneiros que están axudando coas celebracións desta época. De xeito voluntario, na súa grande maioría, sacrifican horas de descanso ou familiares para conservar a tradición e implicar a toda a comunidade nos oficios e festas da súa contorna. Sen dúbida os máis comprometidos son os responsables de pequenas parroquias, que coma todo o ano, manteñen viva a musicalidade do rural e comunicada a súa xente. Para todos eles moitas gracias. E aos demáis dende a asociación so nos queda desexarvos unhas felices festas.

02/11/2025

Algún dos toques levados a cabo onte na Catedral de Santigo de Compostela. Día de Todos os Santos.

02/09/2025

Esta semana estase a celebrar a Romaría da Senhora das Neves no , ubicado na vila portuguesa de Arcos de Valdevez. Este santuario, un dos máis importantes do norte de Portugal, é unha preciosa construción do século XVIII que orixinariamente contaba cunha única torre na fachada ate que na súa derradeira intervención foi añadido un segundo campanario. Este detalle, a maiores de compensar a fúa fachada orixinal, condicionou a súa pegada sonora dotando de un total de 6 campás, ou sinos, que ao bandeo chaman polos fieis ao Santuario.
Electrificadas dende os anos 70, non será ate este ano no que se toquen de xeito manual, xa que a asociación tivo a honra de ser convidada para tocar no día adicado aos galegos dentro da romaría, o 5 de setembro. Esta celebración estará oficiada nas dúas linguas, e contará coa presencia dos Bispo de Viana e de Ourense.
Dende a asociación non podemos máis que dar as gracias por ser invitados a participar e polo esforzo por parte dos responsables do santuario, de recuperar o toque manual dos seus sinos despois de máis de 50 anos.

29/08/2025

27/08/2025

🔔 Obradoiro de toque manual de campás 🔔

Enmarcado nas festas en honra á Virxe da Rocha, a parroquia de San Martiño de Caldelas de Tui promove un taller de toque manual de campás para nenos e adultos, organizado pola asociación cultural «Campaneiros de Galicia».

Ademais deste taller, a asociación acompañará co repenique de campás a baixada da imaxe da virxe desde a igrexa parroquial ata a capela.

🗓 Sábado 30 de agosto
🕧 17:30 horas
📍 San Martín de Caldelas de Tui

Máis info en ➾➾ https://www.diocesetuivigo.org/gl/a-parroquia-de-caldelas-de-tui-promove-un-taller-de-toque-de-campas/