24/08/2026
CERQUEIRA TEN FUTURO. E AGORA, EMPEZA UNHA NOVA ETAPA. 💙
Hai unhas semanas pediámosvos apoio, sinaturas, ideas e propostas para demostrar que Cerqueira representa unha oportunidade que Ribeira non pode deixar escapar.
A resposta foi enorme.
Veciños, asociacións, colectivos, comercios e persoas de toda Ribeira achegastes apoio, ideas e, sobre todo, a ilusión por volver ver Cerqueira chea de vida.
Todo ese traballo chegou ao Concello.
Na reunión puidemos trasladar a proposta construída entre todos: usos culturais, sociais, deportivos, formativos, mariñeiros, mercados, exposicións, encontros… e tamén unha visión máis ampla, pensando non só no edificio, senón en Cerqueira e toda a súa contorna como unha oportunidade para dinamizar a zona.
Queremos agradecer ao Concello de Ribeira a boa acollida, o diálogo e a oportunidade de seguir participando e achegando no desenvolvemento do proxecto.
E hai algo especialmente importante: Cerqueira conseguiu unirnos. Existe apoio veciñal, do tecido asociativo e tamén unha vontade compartida entre as diferentes formacións políticas municipais de buscarlle un futuro a este espazo.
Pero queremos deixalo claro:
ISTO NON REMATOU. ISTO ACABA DE EMPEZAR.
Quedan estudos, decisións, proxecto, financiamento e moito traballo. E aí queremos estar:
participando, achegando, escoitando e sumando.
Para que Cerqueira sexa un espazo con vida, polivalente, útil e aberto a todos; ao servizo do Concello, das asociacións, da cidadanía e tamén como motor para Bandourrio e a súa contorna.
Sempre o dixemos: se Cerqueira ten futuro, o futuro do barrio e Ribeira tamén é máis esperanzador.
Grazas a quen asinou, colaborou, compartiu, achegou unha idea ou confiou no proxecto.
Todo o conseguido ata aquí tamén é voso.
Agora toca seguir traballando xuntos.
Recuperar o noso patrimonio.
Conservar a nosa identidade.
Crear un espazo para a xente.
CERQUEIRA TEN FUTURO. 💙
