28/03/2023
🔷🔹A COCIÑA QUE PRESIDÍA A VIVENDA. MOBILIARIO DE ANTES.🔹🔷
Hoxe imos darlle unha volta aos nomes que se foron perdendo dalgúns utensilios e mobles das cociñas de vello.
A cociña era o lugar de reunión da familia, iso pouco cambiou. 😉
E como era unha cociña???
Pois, sacando os días da festa, era onde se cociñaba e se comía pero tamén era onde se gardaban algunhas provisións e, por suposto, o lugar de reunión para charlas animadas entre veciñ@s ao calor do lume 🔥.
Dependendo da economía de cada familia, o mobiliario era sinxelo con materiais como a madeira e o ferro como protagonistas.
👉🏻Estaban os ASENTOS, que se distribuían darredor do lar e estaban presididos polo ESCANO (e non falamos dos do Parlamento).
O banco, xeralmente, estaba reservado para as persoas máis maiores.
👉🏻As CADEIRAS e os TALLOS (asentos sen respaldo) completaban as opcións que había para sentarse.
👉🏻A ARTESA era un dos mobles máis importantes, xa que algunhas veces facía as veces de mesa, servía para amasar e gardar o pan.
👉🏻Pero tamén había casas que preferían a MESA DE LEVANTE OU DE ALZAR, unha táboa rectangular que se abatía se non se estaba a utilizar.
👉🏻Estaba o ALZADEIRO que eran estantes onde se colocaba a louza, vasos, botellas...
👉🏻O CHINEIRO, a NOSA PALABRA PREFERIDA, que era un moble para gardar cubertos, pratos e bandexas.
Ata que chegaron ás casas dos nosos vellos as vaixelas de barro, oa pratos eran de madeira.
👉🏻Na cociña tampouco faltaban os POTES pequenos e un grande coa súa cadea, CAMBALLEIRA ou GRAMALLEIRA para colgalo sobre o lume.
👉🏻As CESTAS🧺 e PAXES ou CANASTROS para conservar as patacas, os SAQUIÑOS para as fabas...
👉🏻O VERTEDEIRO ou FREGADEIRO de pedra empotrado na parede para lavar a louza e os alimentos.
👉🏻O SALGADOIRO ou BAÑO para salgar a carne de porco ou un pouco pescado.
👉🏻Algunhas casas contaban tamén co FORNO para cocer o pan.
👉🏻A LAREIRA onde se prendía o lume.
Para que o fume se canalizase cara a cheminea estaba a CAMBOTA, na que ademáis se curaban as ristras de chourizos (tamén se afumaban aquí cando se acababan de encher), o unto e onde se conservaban os escasos xamóns.
👉🏻A TREPIA para poñer as potas ao lume.
👉🏻O RODO ou TRULLO co que se limpaba a borralla do lar.
👉🏻Nas noites de inverno, colocábanse os tallos e demáis asentadeiros darredor do lume sobre o ANLLAR onde se almacenaba a leña para ir queimando (LEÑEIRA), mentres os vellos contaban historias e raparig@s quedaban durmid@s á caloriña.
📌Que máis utensilios engadiríades aquí???
📌Coñecíades todas estas palabras???
📌Escoitácheselas de cativ@s???
📌Chamádeslle doutro xeito nalgúns casos???
Aquí adxuntamos as portas dun chineiriño que ten os seus aniños e unha mesa que está recén feita por unha persoa moi mañosa que quixo darlle o seu sitio a un recordo que tiña de cando era pequeno.
Dende a Aa VV San Xoán de Grixoa dicirvos que somos moi fans desta xentiña que segue a loitar por manter vivas as tradicións trasladándollas ás novas xeracións.
Escoitarlles falar delas énchenos de orgullo‼️
💙Grazas mil por facernos partícipes!!!💙
Sempre lemos os vosos comentarios ‼️‼️
💙💙💙💙💙
