Ateneo Xalleiro

17/05/2026

Hai unha semana estreábase o Museo xeolóxico urbano de Santa Comba. Foi o sábado 9 de maio como colofón das actividades do Geolodía 2026 que albergou Santa Comba.💜

Compartimos un fragmento da guía que o xeólogo Fran Canosa preparou para dita xornada, na que explica a confección e organización desta mostra ao aire libre en diferentes zonas verdes do núcleo urbano. Son 15 exemplares repartidos en 3 áreas temáticas:

🪨«O interior da Terra aos teus pés» a carón do edificio Multiusos Terra de Xallas.
🛘«Cando a Terra recicla rochas» nos xardíns da Casa do Pozo.
🏫«Os tesouros minerais de Santa Comba» nos exteriores do IES Terra de Xallas.

25/04/2026

As prazas para o Xeolodía26 esgótanse en menos de 3 minutos! Habilítase unha listaxe de reserva

25/04/2026

Hoxe é o día para inscribirse no Geolodía 2026 que acolle Santa Comba. A partir das 20:00h no enlace que compartimos.
O número de prazas é limitado para participar na actividade que terá lugar o sábado 9 de maio.

- Inicio: ás 10:00 no Edificio Multiusos.

- Xantar (de campo) ou en restaurante (menú): ás 14h

- Remate (aprox.): ás 18:00h en Sta. Comba

- Dificultade da actividade: Baixa.

- Desprazamento: Autobús

- Distancia total a pé: 3 km

- A comida e bebida será por conta dos participantes.

DÍA 9 DE MAIO DE 2026 >>> A INSCRICIÓN REALIZARASE A PARTIR DO DÍA 25 DE ABRIL ÁS 20:00

20/04/2026

«Geolodía» é unha iniciativa de divulgación organizada pola Sociedad Geológica de España (SGE) na que se realizan excursións xeolóxicas de campo guiadas por xeólog@s, gratuitas e abertas a todos os públicos.

Cada ano celébrase un Geolodía por cada provincia no mes de maio. Os Geolodías teñen lugar en entornos de grande interese xeológico e ofrecen información accesible pero rigurosa. Permiten visitar estes lugares dende un punto de vista xeolóxico e entender como funciona a Terra sobre a que vivimos e de cuxos recursos naturais dependemos. Quenes participan comprenden tamén o valor do noso patrimonio xeolóxico e a necesidade de protexelo.

Santa Comba foi escollida para acoller o Geolodia 2026 da provincia da Coruña baixo o lema «o maior museo de rochas de Galicia» ❤️

Geolodía é unha actividade organizada pola Sociedad Geológica de España coa colaboración da Fundación Española para la Ciencia y la Tecnología – Ministerio de Ciencia, Innovación y Universidades, a Asociación Española para la Enseñanza de las Ciencias de la Tierra (AEPECT) e co patrocinio de numerosas entidades públicas e privadas.

Cartel Geolodía 26 A Coruña

12/02/2026

A Real Academia Galega expresa o seu fondo pesar polo pasamento de don Xesús Alonso Montero, mestre de mestres e grande exemplo de compromiso coa defensa e o estudo da lingua e da cultura galegas. Membro de número da Real Academia Galega, foi o seu presidente entre 2013 e 2017.
Que a terra lle sexe leve.

✒️ "Xesús Alonso Montero, mestre da palabra", por Henrique Monteagudo

📌"Adeus a don Xesús Alonso Montero"
https://academia.gal/-/adeus-a-don-xesus-alonso-montero

11/01/2026

Unha exposición urbana instala diferentes exemplares de rochas representativas da comarca xalleira

18/12/2025

https://www.lavozdegalicia.es/video/sociedad/2025/12/15/angel-carracedo-0-100-aos-estudantes-sempre-lles-digo-deben-seguir-sua-ilusion-sua-vocacion/0031_202512QxFTYhiX.htm

Catedrático de Medicina Legal da Universidade de Santiago e director da Fundación Pública Galega de Medicina Xenómica, o currículo dun dos xenetistas máis importantes do mundo é case infinito. Ángel Carracedo compartiu unha xornada cos estudantes de segundo de bacharelato do IES Terra de Xal...

10/07/2025

«Quem quer festa, sua-lhe a testa», como di o proverbio portugués… e o certo é que o Ateneo xa ten a cabeza na seguinte cita, afrontando a fase final do fermoso proxecto dos cabezudos. Tal e como estaba previsto, agora toca facer o derradeiro personaxe que acompañará a Comba, Cataliño, Kukas e Baura, para completar definitivamente a comparsa.

O Ateneo Xalleiro é unha asociación cultural sen ánimo de lucro e cada aportación conta moito. Se queres colaborar, podes facelo cunha transferencia ao número de conta:

ES20 0073 0100 5405 0641 7505

poñendo no concepto “doazón cabezudos”. Moitas grazas!

29/06/2025

Para ledicia de todas e de todos, pero especialmente dos nenos 💃🏻

29/06/2025

Saen os Cabezudos Papamoscas nas Festas de San Pedro 2025 de Santa Comba💜