Casa das Insuas

14/09/2026

O sábado 26 de setembro a AGCT convidámosvos na Casa das Insuas, en Rábade, a xornada "Falando de Covas". Unha oportunidade para achegarnos ao mundo subterráneo da montaña da man de quen o explora. Non faltes!

19:00 – Maqueta da Buraca das Choias
Fernando Debesa presentaranos a súa maqueta desta cova do Courel. Diante dela, relatará como foi a exploración desta cavidade, inundada en boa parte do seu percorrido.

20:00 – O Camiño de Cova Eirós
Xosé González preséntanos o seu filme, unha viaxe sensorial dunha hora polo mundo da arqueoloxía. Esta cova de Triacastela garda restos de fauna prehistórica e mesmo pinturas rupestres, e o filme achéganos a ese pasado agochado baixo terra. Proxección patrocinada por Cafés Candelas.

Anímate a participar nesta esta xornada dedicada ao mundo das covas!

05/08/2026

🌠 Este venres 7 ás 20:30 comeza o ciclo de charlas "Mirar o ceo desde Rábade" coa primeira sesión:

🪨 Asteroides e meteoritos: o evento de Traspena

Da man de Manuel Andrade Baliño, descubriremos a historia dos asteroides e meteoritos e afondaremos no fascinante evento de Traspena, un dos episodios xeolóxicos máis singulares da nosa contorna.

📅 Venres 7 de agosto
🕣 20:30 h
📍 Casa das Insuas (Rábade)

Unha oportunidade para achegarnos ao universo e prepararnos para a histórica eclipse total de Sol do 12 de agosto.

Organizamos esta actividade coa A. C. Fillos do Chaira, en colaboración co Concello de Rábade

25/07/2026

O sábado 1 de agosto, de 10:30 a 14:00, teremos unha actividade de observación das libélulas existente na Reserva da Biosfera de Terras do Miño, visitando algúns dos lugares máis interesantes da zona.
Prazas limitadas. Inscricións en www.custodiadoterritorio.org/actividades. Máis información en [email protected] ou no 630-94.8293.
Esta actividade inclúese dentro do acordo de custodia do territorio asinado entre a AGCT e a Deputación de Lugo para a conservación, investigación e divulgación da natureza nas Insuas do Miño e Ollos de Begonte e na Reserva da Biosfera de Terras do Miño.

20/07/2026

A Insuaescola de Verán do 2026 está aquí!! En pleno paraíso natural xeraremos un espazo de coñecemento e formación sobre a natureza que nos rodea, realizando moitas actividades medioambientais e ó aire libre. Do 27 ó 31 de xullo, de 10:00 a 14:00.

A temática deste verán será continuar coa horta, coidando os nosos tomates de pragas e recolleitando todo o que se poida. Tamén teremos xogos e moita natureza!! Actividade para nen@s de 6 a 13 anos. Prazas limitadas.

Animádevos a compartir con nós esta experiencia pensada para todos os públicos.

Inscricións na ligazón: https://forms.gle/EdSWZDSaaVGeBsGr5

Máis información en: [email protected]

Esta actividade é posible grazas ao acordo de custodia do territorio que a Deputación de Lugo mantén coa AGCT para a conservación, investigación e divulgación da natureza nas Insuas do Miño e Ollos de Begonte, contornas da institución provincial que forman parte da Reserva da Biosfera de Terras do Miño.

24/06/2026

Temos o pracer de convidarvos ao IV Bioblitz de Piornedo, que se celebrará os días 4 e 5 de xullo na aldea de Piornedo (Cervantes, Lugo), en pleno corazón dos Ancares.
Trátase dunha actividade participativa de ciencia cidadá que ten como obxectivo inventariar a biodiversidade local, contando coa colaboración de persoas expertas e afeccionadas de distintos ámbitos (botánica, micoloxía, fauna, insectos, etc.). Ao longo da fin de semana realizaremos saídas de campo, obradoiros e actividades para todos os públicos, nun espazo de alto valor natural e cultural.

Sábado, 4 de xullo
11:30 h. - Recepción dos participantes en Piornedo
11:45 h. - Presentación do bioblitz
12:00 h. - Itinerarios de descuberta de biodiversidade (I).
15:00 h. - Degustación de produtos da Reserva
17:00 h. - Itinerarios de descuberta de biodiversidade (II).
20:00 h. - Posta en común dos resultados da primeira xornada
21: 00 h. - Cea
22: 00 h. - Mostraxes nocturnas de morcegos e avelaíñas

Domingo, 5 de xullo
10:00 h. - Itinerarios de descuberta de biodiversidade (III)
14:30 h. - Posta en común dos resultados da segunda xornada
15:00 h. - Degustación de produtos da Reserva
17:00 h. - Visita guiada por Piornedo
18:30 h. - Peche do Bioblitz

É necesario confirmar asistencia no formulario: https://forms.gle/M8VVDgSjHWHpWU4m9

Esta actividade enmárcase dentro das axudas da Deputación de Lugo para o desenvolvemento de actividades de posta en valor do patrimonio natural, cultural e paisaxístico na Reserva da Biosfera dos Ancares Lucenses.

10/06/2026

Nova actividade da Casa das Insuas!

Anunciamos a próxima actividade 𝖤𝖱𝖱𝖠𝖣𝖨𝖢𝖠 𝖲𝖤𝖭𝖲-𝖨𝖭𝖥𝖮! Esta xornada informativa terá lugar na Casa das Insuas de Rábade, centro de conservación e estudo da natureza xestionado pola Asociación Galega de Custodia do Territorio. Esperámoste!

Esta actividade forma parte do Programa Erradicadescantia financiado pola Xunta de Galicia

14/05/2026

O vindeiro luns 18, colaboramos con Beealia nunha Xornada de Traballo sobre a protección do gando fronte o lobo. Unha xornada para poñer a punto unha estratexia de protección adaptada ás necesidades das granxas participantes. Falarase dos pros e dos contras de cada medida preventiva e, sobretodo, analizarase caso por caso, nunha sesión de traballo, para atopar as mellores ferramentas para evitar ataques nas ganderías. É unha xornada deseñada para traballar con ganderías pero aberta a calquera persoa interesada.​

Horario: de 10:00 a 13:00
Lugar: Casa das Insuas

07/05/2026

Vémonos mañá as 20:30!

Vémonos mañá, ás 20:30h, na Casa das Insuas

03/05/2026

O sábado 9 de maio, de 10:00 a 14:00 disfrutaremos do Bioblitz das Insuas do Miño, en colaboración coa Sociedade Micolóxica Lucus. Un BioBlitz (BioLóstrego) consiste nunha xornada de campo multidisciplinar co obxectivo de descubrir a maior cantidade de especies de organismos de todo tipo que habitan nun determinado lugar.

Comezaremos a xornada na Casa das Insuas, onde recibiremos a tódolos participantes para posteriormente achegarnos ata as Insuas do Miño en vehículos propios para facer diferentes paseos pola zona e observando as diferentes especies de flora, fauna e micobiota das Insuas. Para este evento, usaremos a plataforma iNaturalist para rexistrar tódalas especies observadas e contribuír á difusión do coñecemento científico.

Podes reservar a túa praza a través deste formulario: https://forms.gle/CpbzJLXUDiAQtdH6A

Esta actividade inclúese dentro do acordo de custodia do territorio asinado entre a AGCT e a Deputación de Lugo para a conservación, investigación e divulgación da natureza nas Insuas do Miño e Ollos de Begonte e na Reserva da Biosfera de Terras do Miño.

Animádevos a participar!

30/04/2026

Boas!

Convidámosvos a participar nesta actividade que terá lugar o vindeiro domingo 10 de maio, de 10:30 a 18:00, na Casa das Insuas.

Aprenderemos a revocar as paredes dun local con barro, un material barato, ecolóxico e capaz de regular a humidade de xeito natural.
Non fai falta experiencia previa. Importante traer roupa que se poda manchar. Opcional o uso de luvas de goma (lavalouzas).

Confirma a túa asistencia neste formulario: https://forms.gle/SrdJkGuYsJTrhuQy5

Esta actividade inclúese dentro do acordo de custodia do territorio asinado entre a AGCT e a Deputación de Lugo para a conservación, investigación e divulgación da natureza nas Insuas do Miño e Ollos de Begonte e na Reserva da Biosfera de Terras do Miño.