Lunes 09:00 - 21:00 Martes 09:00 - 21:00 Miércoles 09:00 - 21:00 Jueves 09:00 - 21:00 Viernes 09:00 - 21:00 Sábado 09:00 - 13:00

¿Qué es el sitio web?

https://www.facebook.com/1697140043931363/

Biblioteca Rivera Rouco

Casa
España
Puentes de García Rodríguez
Biblioteca Rivera Rouco

Biblioteca Enrique Rivera Rouco
As Pontes de García Rodríguez

18/03/2026

💬 FALARMOS... NÓS!

Hoxe iniciamos nova actividade! Todos os mércores, de 20:00 h. a 21:00 h. reunirémonos na Biblioteca para conversar en galego!

Impulsado pola Área de Lingua da Deputación da Coruña, trátase dun grupo de conversa en galego, para todo aquel que desexe empregar máis a nosa lingua no seu día a día ou mellorar a súa expresión oral nun ambiente acolledor e sen presións. Non require de ningún nivel inicial!

Podedesvos inscribir chamando ao teléfono 981 10 25 62.

Comezaremos o 18 de marzo! Animádevos! 😊

18/03/2026

📣 AVISO: A Biblioteca Municipal permanecerá pechada o xoves 19 de marzo pola festividade de San Xosé. Desculpen as molestias.

18/03/2026

🌿 Hoxe en lembramos a Emily Dickinson, a grande poeta da natureza.

Emily Dickinson (Amherst, Massachusetts, 1830-1886) naceu no seo dunha familia rica e puritana de Nova Inglaterra. Estudou na academia de Amherst e no seminario feminino de Mount Holyoke, preto de Boston, pero a súa delicada saúde e a súa rebeldía relixiosa levárona a abandonar o curso antes de tempo.

Dickinson, que foi unha moza activa e chea de vida, encerrouse aos trinta anos na casa paterna e xa non saíu. Con todo, mantivo o contacto cos seres queridos a través das súas cartas, tan coidadosamente elaboradas como os seus poemas.

Pouco despois do seu peche, reafirmándose na súa vocación poética, escribiu ao xornalista e crítico Thomas Higginson para saber se os seus versos «estaban vivos». Pero o xenio poético de Dickinson estaba moi por encima das capacidades do seu pobre «preceptor», quen lle aconsellou non publicar.

As primeiras seleccións dos seus poemas foron editadas póstumamente. Paradoxalmente, estas correron a cargo do arrepentido Higginson e da escritora Mabel Loomis Todd.
Os seus poemas gozaron dun inmediato recoñecemento popular. A crítica tardaría aínda moitos anos en concederlle o lugar que merece na historia da poesía universal.

18/03/2026

🆕Hoxe é mércores de novidades! Aquí tedes as últimas incorporacións da Biblioteca para o público infantil! Podedes atopalas xa na Sala Infantil! 🌟

18/03/2026

Bo día, lectoras e lectores! 📚🌷🍵
Que teñades un bo mércores! 🙃

17/03/2026

🌷DÍA DA POESÍA

Este sábado, 21 de marzo, celébrase o Día da Poesía. En conmemoración, na Biblioteca faremos un recital poético aberto a todas as persoas ás que lles apeteza recitar un poema en calquera idioma!

Esperámosvos o sábado ás 12:00 h!

17/03/2026

🎙 O RECUNCHO DOS LIBROS.

Un espazo de Radio Eume onde repasamos a actualidade semanal da Biblioteca Pública Municipal Enrique Rivera Rouco, con todas as novidades, actividades e recomendacións que podedes atopar. 🤩

Este programa corresponde á semana do 16 de marzo de 2026.

🎧 Podedes escoitar o programa aquí: https://www.youtube.com/watch?v=H4T3cN3Fg68

17/03/2026

🔖 CLUB DE LECTURA.

A semana que ven teremos a reunión do Club de Lectura na que falaremos sobre o libro "Las despedidas" de Jacobo Bergareche.

Animádevos a participar! ☕🍪📕

📆 26 de marzo de 2026
⏰ 20:00 horas
📍 Biblioteca Municipal

17/03/2026

🏦 O NOSO PATRIMONIO. A fábrica de tabacos da Coruña.

A Fábrica de Tabacos da Coruña, tamén coñecida como a Palloza, creouse seguindo o modelo de Real Fábrica como Real Fábrica de Tabacos da Coruña. A súa arquitectura é de estilo neoclásico.

A sede da fábrica ten a súa orixe nos almacéns dos Mensaxeiros Marítimos instalados en 1764, adaptados como fábrica polo arquitecto Fernando Rodríguez Romay. En 1828 tivo lugar a primeira gran extensión, coa que se creou a nova fábrica, pechada e unida coa antiga en 1860. Despois de varias ampliacións posteriores, entre 1910 e 1925 elimináronse algunhas estruturas internas e reformouse a fachada da Palloza, que se converteu na principal, sendo a antiga como fachada lateral, pero conservando o cartel. En 1911 instalouse o reloxo, construído pola reloxería Ungerer.

En 2014, as obras de remodelación comezaron a converter o edificio nunha sede xudicial. As novas instalacións inauguráronse o 31 de marzo de 2017 e albergan a Audiencia Provincial, a Fiscalía e o Tribunal de Menores, entre outras seccións.

A Fábrica de Tabacos da Coruña foi o escenario de "La Tribuna" da escritora coruñesa Emilia Pardo Bazán.

En 2010 rodouse na fábrica, por entón sen uso, o telefilme "A condesa rebelde", sobre a vida de Emilia Pardo Bazán.

ℹhttps://www.laopinioncoruna.es/coruna/2023/01/08/fabrica-corunesa-historia-80826226.html

📚Recomendámosvos a lectura de "La tribuna", de Emilia Pardo Bazán, que podedes atopar na biblioteca.

17/03/2026

💭 Voltamos cun novo , e nesta ocasión recomendámosvos o cómic infantil "SamSam: ¡Una familia cósmica!", de Serge Bloch.

Aínda non coñeces a SamSam? Pois é o máis pequeno dos grandes heroes! E ten moi bos amigos, especialmente Guisantito, Fanguito e SuperJulia... sen esquecer ao seu fiel compañeiro de aventuras, SamOsito. Aos mandos da súaSamNave, o noso heroe lánzase a explorar o espazo e aterra en planetas descoñecidos. Coidado cos monstros! É verdade que hai algúns simpáticos, pero, se non o son, SamSam non se acovarda e, pum, paf, zas!, sempre pode con eles! NOVO PERSONAXE! FIUM! SamPapá, SamMamá, SamSam e SamOsito enfróntanse xuntos a todos os perigos e protexen o SamPlaneta.Pero tamén son expertos en bicos, mimos e gargalladas!

Podedes atopalo entre as Novidades da Comicteca, na Sala Infantil!

17/03/2026

Bo día, lectoras e lectores! ✨📖✨
Feliz martes! 😄

16/03/2026

🏆🔖 IV CONCURSO DE MARCAPÁXINAS.

Achégase o Día do Libro e para celebralo a Biblioteca Municipal das Pontes convoca unha nova edición do Concurso de Marcapáxinas. Este ano adicado ao mundo dos misterios e dos detectives, lembrando así, á raíña do misterio: Agatha Christie, no 50 aniversario do seu pasamento. 🕵

Pásate pola Biblioteca ou chama ao 981 10 25 62 se queres máis información!
Non deixes de participar! Tes de prazo ata o 15 de abril! 🔍

Consulta as bases aquí 👉 https://vive.aspontes.org/a-biblioteca-municipal-das-pontes-convoca-o-iv-concurso-de-marcapaxi

Dirección

Rúa Alexandre Bóveda, 22
Puentes De García Rodríguez
15320

Horario de Apertura

Lunes	09:00 - 21:00
Martes	09:00 - 21:00
Miércoles	09:00 - 21:00
Jueves	09:00 - 21:00
Viernes	09:00 - 21:00
Sábado	09:00 - 13:00

Página web

facebook.com

Notificaciones

Sé el primero en enterarse y déjanos enviarle un correo electrónico cuando Biblioteca Rivera Rouco publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.