Cineclube Pontevedra

13/05/2026

Este xoves ás 20 h en Belas Artes! Entrada de balde ata completar a cabida!
Ambienta

04/05/2026

Mi querida señorita (Jaime de Armiñán, 1972) é o filme que escollemos este ano para programar na sección AMBIENTa_Clásico da Mostra Internacional de Cinema LGBTIQA+ de Pontevedra.

A sesión terá lugar no salón de actos da Facultade de Belas Artes, o xoves 14 de maio ás 20 h.

Co gallo da recente estrea do seu remake, propuxemos revisitar nesta edición o clásico de Jaime de Armiñán, estreado en febreiro de 1972 e con Jose Luis López Vázquez no papel de Adela Castro/Juan. Un filme transgresor que abriu un espazo inédito no panorama do cinema español para falar de cuestións como o xénero, o desexo ou a identidade.

Podedes consultar a programación completa en ambienta.gal.

Ambienta

21/03/2026

21/03/2026

❗️ Informámosvos de que queda suspendida a proxección de Robot Dreams que estaba prevista para mañá, domingo 22, no Teatro Principal. Desculpade as molestias.
Salón do Libro Infantil e Xuvenil de Pontevedra
Pazo da Cultura de Pontevedra

20/03/2026

«A frase máis famosa do filme é por suposto, aquela do xornalista: "Isto é o Oeste, señor. Cando a historia se converte en lenda, hai que imprimir a lenda". Ford imprímea —xunta os feitos que se atopan por tras dela— e asina un filme sobre a carga moral dunha vida entregada ao nome dun mito e sobre as implicacións éticas da acción directa» (Tag Gallagher).

Cineclube Pontevedra: O home que matou a Liberty Valance

19/03/2026

«Tratei de crear unha certa distancia, ironía, humor. Quería criticar a miña propia presenza. En certa forma tamén estou tratando de renovar o sentido do autor nos meus filmes. Non é unha voz, é a miña voz. Non é a verdade, é a miña posición. Isto permítelle ao espectador posicionarse con claridade fronte aos meus puntos de vista. Teño opinións moi marcadas, moi pensadas. Mais non me fago ilusións con ter a verdade absoluta. É absurdo. Esa voz precisa expresar algo. De todos xeitos, a idea é algo absurda, non? Un drama de radio pirata? Unha moza perdida? Unha serie de ataques con bombas? Por suposto, é un melodrama, literalmente, con ese uso da música» (Travis Wilkerson).

Luns de Filmoteca: Machine Gun or Typewriter?

17/03/2026

Hoxe ás 20:30 h no Teatro Principal!

Cineclube Pontevedra: Paixón dos fortes

12/03/2026

«Wéstern romántico e crepuscular avant la lettre, triste e fermoso, patético e esperanzador, en que Ford e os seus dous guionistas, Winston Miller e o tamén produtor Samuel G. Engel, se lanzaron a unha tomba aberta para converter a historia en bela lenda, a realidade en lírica ficción» (Q**m Casas).

Cineclube Pontevedra: Paixón dos fortes