Boa Vida - Tenda Solidaria

16/10/2026

🚨 Ceuta, moito máis que unha crise humanitaria.

As fronteiras matan. A acollida salva.

Dende Boa Vida, xunto a Traperos de Emaús, organizamos unha Venta Solidaria para apoiar ás entidades sociais que traballan en Ceuta acompañando e acollendo a menores e a persoas migrantes en situación de vulnerabilidade.

A situación que atravesa Ceuta reflicte unha realidade moito máis ampla: desigualdade, conflitos, falta de oportunidades e políticas migratorias que poñen en risco a vida de milleiros de persoas.

Por iso apostamos pola solidariedade, a acollida e a construción dun mundo máis xusto, onde todas as persoas poidan desenvolverse con dignidade. 💙

📅 Sábado, 17 de outubro de 2026
📍 Pontevedra:
🛍️ Tenda Solidaria Boa Vida — Rúa Santa Clara, 35
🛍️ Tenda Solidaria Boa Vida — Rúa da Seca, 3

Todo o recadado destinarase a entidades sociais que traballan en Ceuta na acollida de menores e persoas migrantes vulnerables, como a Asociación Elín.

Agardámoste. O teu apoio tamén acolle.

16/10/2026

15/10/2026

✊ A pobreza non é inevitable.

Este sábado 17 de outubro, Día Internacional para a Erradicación da Pobreza, saímos á rúa. Xunto a Amnistía Internacional e Manos Unidas, facemos un chamamento colectivo: a pobreza non é unha fatalidade, é o resultado de decisións políticas e económicas que podemos cambiar.

📍 Rúa Benito Corbal (á altura de Mango), Pontevedra
🕥 De 10:30h a 13:00h

Estaremos alí para visibilizar, denunciar e esixir. Porque mentres hai persoas sen fogar, sen ingresos, sen dereitos, non podemos falar de xustiza.

💪 Achégate. Súmate. Corre a voz.

17/09/2026

⚖️🤝 Así foi o noso obradoiro "Asesórate"!

Onte enchemos a nosa Oficina de Dereitos e Deberes Sociais (ODDS) para falar dun tema fundamental: os dereitos básicos laborais en relación á residencia.

Durante a sesión, compartimos información clara e práctica para:
✅ Coñecer os primeiros pasos para a obtención da residencia e os seus dereitos.
✅ Resolver dúbidas sobre a situación laboral de cada persoa.
✅ Gañar seguridade e ferramentas útiles para o día a día.

Grazas ás persoas que vos achegastes e fixestes desta xornada un espazo de confianza e aprendizaxe compartida. 💛

Se non puideches vir ou tes calquera dúbida, lembra que estamos aquí para axudarche. E atento ás próximas datas! 👀

📍 ODDS de Boa Vida | Rúa Echegaray, 10, 2º esquerda.
📲 698 124 762

Asesórate. Coñece os teus dereitos. Infórmate. Decide.

15/09/2026

🎪✨ Un fito histórico: por primeira vez, Boa Vida estivo na Feira Franca!

Este 5 de setembro quedará na nosa memoria. Despois de todos estes anos traballando en Pontevedra, este 2026 foi o primeiro no que Boa Vida montou o seu propio posto na Feira Franca. E que ilusión tan grande! 🧡

Compartimos convosco estas imaxes da xornada, onde a artesanía foi a protagonista. Puideron atopar dende saquiños medievais ou bolsiñas aromáticas feitas con moito agarimo, ata artigos de barro e tecidos decorados. Todo elaborado coidando cada detalle para transportarnos á Idade Media.

Detrás desta mesa hai un equipo enorme que traballou para que isto fose posible. Grazas a todas as persoas que vos achegastes, que comprastes ou simplemente vos parastes a charlar con nós. Sen vós, este logro non tería sentido. 💪

Seguimos sumando pasos e facendo comunidade!

11/09/2026

Na procura de material para o cole? Ven ás nosas tendas solidarias.