Terra de Outes

Casa
España
Outes
Terra de Outes

Dende o colectivo de menbros da Asociación Terra de Outes dámoslle a benvida ó noso portal e agradecemoslle o seu interese na nosa actividade.

Na mente dos impulsores da Asociación Terra de Outes estaba o desexo de dar continuidade á Plataforma Nunca Máis de Outes, que durante un par de anos protagonizara unha gran movilización social neste concello para esixir, xunto unha multitude de organizacións de toda Galicia, responsabilidades pola catástrofe do Prestige. A intención, expresada por un dos promotores, Xoán Mariño, era a de manter u

nha estructura estable de cidadáns dispostos a raccionar diante de calquera alarma medioambiental ou na demanda de dereitos e libertades sociais e, mentres non se producise tal circunstancia, actuar na dinamización da vida cultural de Outes ou a protección do patrimonio histórico e etnográfico. Foto 1: Fundadores da Asociación. De arriba abaixo: José M. Orodea, Vicente Fernández, Xan García, Manolo Martínez, Carlos García, Pepa Alborés, Xosé M. Vázquez, Lola Pena, Xoán X. Mariño e Ramón Blanco

A tal fin comenzaron os primeiros encontros entre os activistas da hibernada Plataforma Nunca Máis de Outes que cristalizaron na acta fundacional da Asociación Cívico-Cultural Terra de Outes que asinaron os seus primeiros socios en outubro do 2005 (ver foto 1). Sen embargo, a súa actividade comenzou moito antes, desde o mes de febreiro dese mesmo ano con diversas reunión preparatorias nas que se escolleu, ademais do nome, unha Xunta promotora que se encargou de elaborar uns estatutos e un regulamento que, unha vez aceptados en asemblea polos socios no verán do 2005, deberon ser sometidos ao trámite administrativo da súa aprobación pola Consellería de Presidencia da Xunta de Galicia, que inscribíu a Terra de Outes no Rexistro de asociación con data do 14 de febreiro de 2006

16/05/2026

Ola a todos/as: Xa está a venta o nº 74 da revista de Terra de Outes, nas librarías e quioscos do concello de Outes polo módico prezo de 1 euro.

17/04/2026

Por fin!!! Mañá, sábado 18 de abril, estreamos a nova obra do grupo de teatro da asociación Terra de Outes, Pipións: A praia do demo!!!
Esperámoste ás 20:00 na Casa da Cultura de Outes!!

10/04/2026

Este domingo, 12 de abril, ás 19:00 na Casa da Cultura de Outes, nova representación teatral da II Mostra de teatro amador de Outes. Nesta ocasión visítanos a compañía Conxoconarte coa obra "Un alto no camiño".
Esperámoste!!

05/03/2026

Xa está en marcha a II Mostra "Nicolasa Añón" de teatro amador de Outes organizada por Terra de Outes en colaboración co Concello de Outes.
Comeza o domingo 15 de marzo e remata o 18 de abril coa estrea da nova obra do grupo de teatro da nosa asociación Pipións teatro: "A Praia do demo".
Esperámosvos!!!!

27/02/2026

Este domingo, 1 de marzo, ás 19:00 representamos "O doente imaxinario... daquela maneira", na Casa de Cultura de Outes. A función forma parte da presentación da II Mostra de Teatro Amador de Outes que organizamos en colaboración co Concello de Outes.

10/02/2026

Ola a todos/as: Xa está á venda nos quioscos e librarías do concello de Outes a revista nº 73 de Terra de Outes polo prezo de 1 euro.

08/01/2026

Este sábado, 3 de decembro, a asociación presentou o quinto libro da serie sobre os Hórreos de Outes de Xoán Mariño. O acto celebrouse na Casa Peto do Cruceiro de Roo e participaron Francisco Calo, Alcalde de Outes, Antonio Rodríguez, divulgador patrimonial, e o propio autor da obra.
O libro xa está dispoñible nas librarías de Outes e nos puntos habituais de venda.

27/12/2025

Ola, xa tendes o cartace para a presentación do libro de Xoán Mariño "Os hórreos de San Xoán de Róo".

14/12/2025

Onte no certame Mares da Fin do Mundo que se celebra en Rianxo, o noso proxecto de recuperación dun sancosmeiro tivo unha especial presenza da man de Ramón Collazo, presidente de Agalcari. O medio casco do sancosmeiro que está a construír presidiu a mesa arredor da que se celebraron dúas mesas redondas.
Na primeira, falouse sobre o pasado, o presente e o futuro da carpintería de ribeira con Lino Lema, Ramón Collazo e Chisco Fernández Naval como poñentes. Ramón Collazo comentou as principais dificultades do sector: a falta de traballador@s cualificad@s por non haber ensinanzas profesionais regradas sobre carpintería de ribeira e o abandono da construción de embarcacións en madeira para uso profesional debido a que as axudas das administracións priorizan a construcción en fibra ou aceiro.
Na segunda, que versou arredor da navegación tradicional, os poñentes foron Pepe Sacau, presidente de Culturmar, Teresa Couto e Alberto Martínez, compañeir@s de Terra de Outes que gustosamente compartimos coa Asociación Joaquín Vieta á que representaban nesta ocasión e Olalla Figueira, Concelleira do Mar de Rianxo. Neste coloquio, falouse dos puntos fortes e febles da navegación tradicional en Galicia, das dificultades específicas das embarcacións de gran envergadura, en especial do financiamento, xa que requiren dun investimento importante do que as asociacións que as xestionan carecen e da necesidade de implicar aos mariñeiros e á xente nova nas asociacións entre outros moitos temas. Ademais anunciouse o nacemento dunha nova asociación de embarcacións tradicionais en Rianxo: "Setefoghas", á que a representante do concello se comprometeu a apoiar.
Desde aquí desexámoslle moita sorte a Setefoghas e ofrecémonos a axudar naquilo que poidamos.

13/12/2025

Hoxe na presentación da exposición fotográfica-poética de Gabriela Garza-Laínez, na Casa da Cultura de Outes.
Facede un oquiño para vela, paga a pena!!

Dirección

Local Social Lugar De Outes
Outes
15239

Página web

http://www.terradeoutes.com/

Notificaciones

Sé el primero en enterarse y déjanos enviarle un correo electrónico cuando Terra de Outes publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.