30/05/2026
📢 COMUNICADO OFICIAL DA AVV SANTA ANA DO PINO
Ante as declaracións en redes do alcalde de Ourense, a Xunta Directiva quere aclarar á veciñanza e á opinión pública a realidade dos feitos con DATOS e DOCUMENTOS REXISTRADOS:
✅ NON HAI MANIPULACIÓN, HAI DEMOCRACIA:
Rexeitamos tallantemente as acusacións do alcalde. Esta asociación limítase a trasladar o que o barrio decide en asemblea. Os veciños sabemos perfectamente que o túnel da N-120 é do Estado (e leva 3 meses abandonado sen obras), pero o transporte urbano é competencia única do Concello.
✅ AVISAMOS POR ESCRITO ANTES DE EMPEZAR:
O 16 de maio (dous días antes de que comezara o bus) presentamos un escrito oficial avisando de que a liña curta en bucle que deseñou o Concello iba ir baleira porque non era útil para o día a día do barrio. Os datos de baixa ocupación danlle a razón aos veciños, non ao alcalde.
✅ A NOSA PROPOSTA REAL CONSTA EN PAPEL:
Pedimos estender o percorrido ata o Parque de San Lázaro con paradas reais en zonas de alta demanda (As Caldas, 12 de Outubro, Curros Enríquez) e dar servizo polas tardes e fins de semana para estudantes e traballadores.
✅ DATOS REAIS FRONTE A VÍDEOS: O alcalde fala de distancias que non se corresponden coa realidade.
Dende as Torres do Pino ata a parada á altura do centro cívico hai exactamente unha distancia de 520 metros, un treito excesivo para moitas persoas maiores.
✅ Os datos coñecidos ata o momento confirman as nosas preocupacións.
Sinalar posibles deficiencias dun servizo público non é confrontación política. É unha obriga cando se pretende que os recursos públicos sexan útiles para os veciños.
Lamentamos as acusacións de manipulación realizadas contra esta asociación, que sempre actuou de forma transparente, democrática e documentada.
Seguiremos defendendo os intereses do barrio e solicitando diálogo co Concello para buscar unha solución útil e eficaz para todos.
📄 (Tedes o comunicado completo enviado aos medios de comunicación nas imaxes de abaixo)
