A Asociación Universitaria de Ciencias da Educación AUCE presentou un proxecto dentro do "Programa de Mobilidade Transnacional Xuvenil Galeuropa 2017” que, de ser aprobado, suporá a xestión dun total de 12 mobilidades, 8 a Lisboa (Portugal) e 4 a Brescia (Italia). A través deste proxecto, as persoas seleccionadas poderían realizar prácticas formativas acordes ao seu perfil e intereses durante tre
s meses. A xestión de AUCE, xunto coas entidades parceiras, suporía a:
•SELECCIÓN de participantes, PRIORIZANDO persoas con perfil e FORMACIÓN na área SOCIAL e/ou EDUCATIVA.
•Procura de entidades de PRÁCTICAS acordes ao PERFIL e INTERESES das persoas.
•COBERTURA da ESTADÍA (procura e pagamento do aloxamento, gastos das viaxes de ida e volta, cartos “de peto” para manutención, seguros, etc.).
•Realización dun curso gratuíto de FORMACIÓN LINGÜÍSTICA.
•Celebración de tres SEMINARIOS no país de acollida, nos que traballar o DESENVOLVEMENTO PROFESIONAL E PERSOAL, ademais de potenciar a experiencia de mobilidade.
•ORIENTACIÓN e APOIO CONTINUO por parte das mentoras galegas e as dos países de acollida. Para poder optar a este Programa é preciso ser beneficiario/a do Sistema de Garantía Xuvenil. O "Programa de Mobilidade Transnacional Xuvenil Galeuropa”, con cargo ao Programa Operativo de Emprego Xuvenil, cofinanciado pola Iniciativa de Emprego Xuvenil e o Fondo Social Europeo, consiste nunha liña de axudas para a realización de prácticas formativas non remuneradas na Unión Europea (tanto en empresas coma entidades, públicas ou privadas).
