13/06/2026
Queremos dar as grazas de corazón a todas as persoas que fixeron posible esta xornada tan especial.
Ao Concello de Noia, pola iniciativa da Berberechiña, que permitiu destinar todo o recadado á Cruz Vermella de Noia.
A todos os valentes e valentas que participaron na pedaleada desta tarde, afrontando as altas temperaturas e demostrando unha vez máis o seu espírito solidario.
Aos nosos voluntarios e voluntarias, que co seu compromiso, entrega e dedicación fixeron posible o desenvolvemento desta actividade. Pola mañá fomos 20 voluntarios e pola tarde 17, todos eles traballando con ilusión para que todo saíse ben.
Moitísimas grazas tamén aos establecementos colaboradores polos seus agasallos e polo apoio prestado á pedaleada. A Pavimentos Noia por cedernos o seu remolque para poder trasladar a nosa ambulancia histórica, a coñecida "1500", e facela partícipe desta xornada, e a Noia Historica.
Grazas a todas as persoas que vos achegastes, colaborastes e contribuístes a facer posible este fermoso xesto solidario.
E, como non podía ser doutro xeito, o noso recoñecemento á Policía Local Noia e á Agrupación Voluntarios Protección Civil Noia, que unha vez máis velaron pola seguridade da proba e de todos os participantes.
Grazas de corazón a cada unha das persoas que puxestes o voso gran de area.
Porque o que facedes polas persoas... vale ouro.
