Asociación Avante

18/09/2026

Hoxe gozamos dunha nova xornada de vela adaptada ⛵️ da man do programa GAVEA, de Cogami.
Unha experiencia diferente para g***r do mar, compartir momentos e seguir descubrindo novas actividades.🌊

17/09/2026

Dende fai uns meses Avante conta cunha instalación fotovoltaica de autoconsumo, financiada no marco do Plan de Recuperación, Transformación e Resiliencia.

Seguimos avanzando cara un modelo máis sostible e eficiente.

15/09/2026

Avante aposta polo Programa Cooperación.

En Avante levamos anos colaborando co Programa Coopera, unha iniciativa que nospermite seguir sumando experiencias, aprendizaxes e oportunidades ao noso día a día.
Ao longo destes anos, diferentes persoas tiveron a oportunidade de incorporarse ao noso equipo, coñecer de preto o traballo no ámbito da discapacidade e desenvolver as súas capacidades nun contorno profesional.

Se estás a buscar unha oportunidade para iniciar ou impulsar a túa experiencia profesional, esta pode ser a túa oportunidade.
Consulta as bases do Programa Cooperación e descubre como participar nas próximas convocatorias.

02/09/2026

28/07/2026

Onte saímos, xunto con Cristina, a monitora que imparte o Taller de Euros, a poñer en práctica todo o aprendido.

Achegámonos a unha cafetería da vila para pedir as nosas consumicións, pagar e xestionar os nosos cartos de forma autónoma.

Cada saída é unha oportunidade para seguir aprendendo, gañar confianza e desenvolver habilidades para o día a día. Porque a aprendizaxe tamén está fóra da aula. ☕️💵

21/07/2026

💙 Onte recibimos unha visita moi especial no noso centro.

A nosa compañeira Vanesa, integradora social de Avante, achegouse para compartir un anaco con todas as persoas usuarias e co equipo antes de comezar unha nova etapa moi especial na súa vida.

Durante un tempo botarémola de menos, xa que dedicará estes meses a preparar a chegada dun novo membro á familia de Avante. Desexámoslle que desfrute ao máximo desta fermosa etapa e agardamos vela de novo moi pronto.

Moita sorte, Vanesa.

08/07/2026

⛵ Onte, as persoas usuarias da nosa vivenda tutelada participaron nunha actividade nautica, en Portonovo.

Desfrutaron dunha fantástica tarde navegando nun barco de vela, vivindo unha experiencia diferente e creando novos recordos nunha xornada marcada polo bo tempo, a convivencia e a diversión.

Seguimos apostando por actividades que favorecen a participación, a autonomía e o desfrute de novas experiencias. ☀️

25/06/2026

🏊‍♀️☀️ Inauguramos a tempada de piscina!

O pasado martes demos comezo á tempada de piscina 🏊‍♂️nas instalacións do concello.
Este tipo de actividades gústannos especialmente porque nos permiten saír da nosa rutina diaria, compartir experiencias diferentes e g***r de momentos de lecer nun ambiente agradable e divertido. Ademais de pasalo moi ben, favorecemos as relacións sociais, a convivencia e o benestar físico.

Nesta primeira xornada tivemos tamén a oportunidade de participar nunha pequena sesión de acuagym, guiada pola nosa terapeuta ocupacional, Xeila, que nos animou a movernos, facer exercicio e divertirnos dentro da auga.

Foi un día entretido e xa estamos desexando repetir a experiencia nas próximas semanas.

10/06/2026

🎬🍿 Onte desfrutamos dunha fantástica mañá na Festa do Cine!

Tivemos a oportunidade de asistir á proxección de "Michael", mentres que outro viron "The Mandalorian".

Pero, se somos sinceros... 😜 o que máis nos gusta destas saídas é o momento da comida! Desfrutamos dunha deliciosa comida no restaurante Cambalache, compartindo conversas, risas e moi bos momentos arredor da mesa. 🍕🍝🥗

Foi unha xornada chea de diversión, convivencia e experiencias que nos permiten seguir creando recordos xuntos.

22/04/2026

Seguimos formándonos para ofrecer unha atención de maior calidade.
Na xornada de hoxe, o equipo do centro tivo a oportunidade de participar nunha formación especializada en dano cerebral adquirido, impartida por unha psicóloga experta neste ámbito en Santiago de Compostela.
Afondamos no coñecemento do antes, durante e despois de diferentes situacións como o ictus, o traumatismo cranioencefálico, os tumores cerebrais e outras causas que poden dar lugar a dano cerebral adquirido. Esta formación permitiunos comprender mellor os procesos, as necesidades das persoas usuarias e as ferramentas de intervención máis axeitadas en cada fase.
Queremos agradecer a Dano Cerebral Santiago de Compostela por compartir coñecementos e esta experiencia connosco. 🤝