08/04/2026
é unha das bandas máis singulares da escena independente estatal dos últimos anos 🎸🙉
Nados en Madrid📍 arredor de 2017, o grupo constrúe unha proposta difícil de etiquetar na que conviven o rock alternativo, a electrónica e o spoken word, cun estilo marcado polas letras irónicas e incisivas de , que funcionan case como pequenas crónicas da vida contemporánea 🗣️
O proxecto gañou notoriedade coa publicación do seu primeiro disco, Talego Quini (2019), no que temas como Lance Armstrong se converteron rapidamente en pezas virais pola súa mestura de narración falada, sarcasmo e intensidade musical. A banda consolidou o seu estilo con Si no Fuera por Estos Momentos Seria por Otros (2022) e posteriormente con Si Molesto os Vais (2024), reafirmando unha identidade artística que combina rock, electrónica e narrativa urbana cunha forte carga irónica e xeracional 👶🏼👧🏻👨🏻🦳
Nos últimos anos o grupo tamén publicou novos sinxelos como Los managers e El palco (2025), e prepara o lanzamento do seu novo disco, Mitos y leyendas, que verá a luz a finais de abril de 2026, abrindo unha nova etapa creativa no seu percorrido. En directo, Parquesvr destaca pola intensidade escénica e pola personalidade de Ferrera, cuxo estilo entre o recitado e o canto converte cada concerto nunha experiencia directa, irreverente e chea de humor ácido 🍋
